Լենա Նազարյան

	Լենա Նազարյան
Դրոշ	ՀՀ ԱԺ 6-րդ գումարման պատգամավոր
2017 ապրիլի 2 - 2019 հունվարի 14
	ՀՀ ԱԺ Ելք խմբակցության ղեկավար
	ՀՀ ԱԺ Ելք խմբակցության ղեկավար
2018 սեպտեմբերի 12 - 2019 հունվարի 14
Նախորդող	Նիկոլ Փաշինյան
	7-րդ գումարման ՀՀ ԱԺ նախագահի տեղակալ
	7-րդ գումարման ՀՀ ԱԺ նախագահի տեղակալ
2019 հունվարի 15 - 2021 օգոստոսի 2
	ՀՀ ԱԺ 8-րդ գումարման պատգամավոր
	ՀՀ ԱԺ 8-րդ գումարման պատգամավոր
2021 օգոստոսի 2-ից
Կուսակցություն՝	«Քաղաքացիական պայմանագիր» կուսակցություն
Կրթություն՝	ԵՊՀ ժուռնալիստիկայի ֆակուլտետ
Մասնագիտություն՝	լրագրող և քաղաքական գործիչ
Ծննդյան օր	մարտի 9, 1983 (42 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Հայր	Ռաֆայել Նազարյան
Lena Nazaryan

Վիքիպեդիայում կան հոդվածներ Նազարյան ազգանունով այլ մարդկանց մասին։

Լենա Ռաֆայելի Նազարյան (մարտի 9, 1983(1983-03-09), Երևան, Հայկական ԽՍՀ, ԽՍՀՄ), հայ լրագրող, քաղաքական գործիչ, ՀՀ Ազգային ժողովի 7-րդ գումարման խորհրդարանի փոխխոսնակ^[1], «Իմ քայլը» խմբակցության անդամ (2019-2021)։ՀՀ ԱԺ 6-րդ գումարման պատգամավոր^[2], «Ելք» խմբակցության ղեկավար (2018-2019)։ ՀՀ ԱԺ 8-րդ գումարման պատգամավոր, «Քաղաքացիական պայմանագիր» խմբակցության անդամ, արտաքին հարաբերությունների մշտական հանձնաժողովի անդամ։

Կենսագրություն

Ծնվել է 1983 թվականի մարտի 9-ին Երևանում, Հայկական ԽՍՀ^[2]։

Կրթություն

2007 թվականին ավարտել է ԵՊՀ ժուռնալիստիկայի ֆակուլտետը, միաժամանակ՝ Ժուռնալիստիկայի հայկական դպրոցի մեկամյա դասընթացը։ 2014 թվականին ավարտել է Ժամանակակից արվեստի ինստիտուտը^[2]։

Աշխատանքային գործունեություն

2005-2009 թվականներին աշխատել է «Հետք» շաբաթաթերթում որպես լրագրող։
2008-2009 թվականներին աշխատել է «Ռեգիոն» հետազոտական կենտրոնում որպես լրագրող։
2008-2009 թվականներին «Եվրոպական կամավորական ծառայության» շրջանակում եղել է կամավոր Ռումինիայում։
2009-2015 թվականներին աշխատել է «Թրանսփարենսի Ինթերնեշնլ հակակոռուպցիոն կենտրոն» ՀԿ-ում որպես ընտրական ծրագրերի համակարգող։
2015-2016 թվականներին աշխատել է Հայաստանի ամերիկյան համալսարանի «Պատասխանատու հանքարդյունաբերության կենտրոնի» շրջակա միջավայրի մոնիտորինգի ծրագրի համակարգող^[2]։

2013-2015 թվականներին եղել է «Քաղաքացիական պայմանագիր» հանրային-քաղաքական միավորման կառավարման խորհրդի անդամ։ 2015 թվականին ընտրվել է «Քաղաքացիական պայմանագիր» կուսակցության վարչության փոխնախագահ։ 2016 թվականին ընտրվել է «Քաղաքացիական պայմանագիր» կուսակցության վարչության անդամ^[2]։

2017 թվականի ապրիլի 2-ին Հայաստանի Հանրապետության խորհրդարանական ընտրությունների արդյունքում ընտրվել է Հայաստանի Հանրապետության Ազգային Ժողովի 6-րդ գումարման պատգամավոր՝ «Ելք» կուսակցությունների դաշինքի համապետական ընտրական ցուցակով^[2]։ ՀՀ ԱԺ 6-րդ գումարման Տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի և ՀՀ ԱԺ 6-րդ գումարման հաշվիչ հանձնախմբի անդամ է^[2]։ 2018 թվականի սեպտեմբերի 12-ից մինչև` 2019 թվականի հունվարի 14-ը «Ելք» խմբակցության ղեկավար։
2018 թվականի դեկտեմբերի 9-ին Հայաստանի Հանրապետության արտահերթ խորհրդարանական ընտրությունների արդյունքում ընտրվել է Հայաստանի Հանրապետության Ազգային Ժողովի 7-րդ գումարման պատգամավոր՝ «Իմ քայլը» կուսակցությունների դաշինքի համապետական ընտրական ցուցակով։
2019-2021 թվականներին` ՀՀ ԱԺ նախագահի տեղակալ, «Իմ քայլը» խմբակցության անդամ։ ԱԺ մարդու իրավունքների պաշտպանության և հանրային հարցերի մշտական հանձնաժողովի անդամ։
2021 թվականի հունիսի 20-ին կայացած արտահերթ խորհրդարանական ընտրություններում Քաղաքացիական պայմանագիր կուսակցության համապետական ցուցակով ընտրվել է ՀՀ ԱԺ 8-րդ գումարման պատգամավոր։ ԱԺ աշխատանքի և սոցիալական հարցերի մշտական հանձնաժողովի անդամ (2021-2022), արտաքին հարաբերությունների մշտական հանձնաժողովի անդամ։

Պարգևներ

2013 թվականին «Ասպարեզ» լրագրողների ակումբի կողմից արժանացել է «Խոսքի ազատություն» մրցանակին^[2]։

Ընտանիք

Ամուսնացած է Պետգույքի վարչության պետ Նարեկ Բաբայանի հետ^[2]։

Ծանոթագրություններ

↑ «ԱԺ փոխխոսնակները հայտնի են. Վահէ Էնֆիաջյանը՝ ընդդիմադիր փոխնախագահ». PanARMENIAN.Net. Վերցված է 2019 թ․ հունվարի 15-ին.
↑ ^2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Լենա Նազարյանի կենսագրությունը ՀՀ ԱԺ պաշտոնական կայքում

[1] «ԱԺ փոխխոսնակները հայտնի են. Վահէ Էնֆիաջյանը՝ ընդդիմադիր փոխնախագահ». PanARMENIAN.Net. Վերցված է 2019 թ․ հունվարի 15-ին.

[ՀՀԱԺպաշտկայք-2] 2,0 ^2,1 ^2,2 ^2,3 ^2,4 ^2,5 ^2,6 ^2,7 ^2,8 Լենա Նազարյանի կենսագրությունը ՀՀ ԱԺ պաշտոնական կայքում

[1]

[2]