Գևորգ Գորգիսյան

	Գևորգ Գորգիսյան
Կուսակցություն՝	Լուսավոր Հայաստան
Մասնագիտություն՝	ծրագրավորող և քաղաքական գործիչ
Ծննդյան օր	հունվարի 23, 1986 (40 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան

Գևորգ Սամվելի Գորգիսյան (հունվարի 23, 1986(1986-01-23), Երևան, Հայկական ԽՍՀ, ԽՍՀՄ), հայ ծրագրավորող, քաղաքական գործիչ, ՀՀ ԱԺ 6-րդ և 7-րդ գումարման պատգամավոր («Լուսավոր Հայաստան» կուսակցություն,)^[1]։ ՀՀ ԱԺ «Լուսավոր Հայաստան» խմբակցության քարտուղար։

Կենսագրություն

Ծնվել է 1986 թվականի հունվարի 23-ին Երևանում, Հայկական ԽՍՀ։ 2007-2009 թվականներին ծառայել է ՀՀ Զինված ուժերում^[1]։

2013-2014 թվականներին եղել է Դ!ԵՄ ԵՄ նախաձեռնության համակարգող խմբի անդամ, 2015 թվականին եղել է Լուսավոր Հայաստան նախաձեռնության համակարգող խմբի անդամ, 2015 թվականին ընտրվել է Լուսավոր Հայաստան կուսակցության խորհրդի անդամ^[1]։

Կրթություն

2003 թվականին ընդունվել է Հայաստանի պետական ճարտարագիտական համալսարանի կոմպյուտերային համակարգերի և ինֆորմատիկայի ֆակուլտետ, իսկ 2005 թվականին տեղափոխվել է Սինոփսիս Արմենիա ընկերության ուսումնական դեպարտամենտ, որն էլ ավարտել է 2007 թվականին^[1]։

2011 թվականին ավարտել է Սինոփսիս Արմենիա ընկերության ուսումնական դեպարտամենտի մագիստրատուրան՝ էլեկտրոնային նախագծման ավտոմատացում մասնագիտությամբ^[1]։

Աշխատանքային գործունեություն

2007 փետրվարի 12 —2007 հունիսի 15, աշխատել է Հայնախագիծ ԲԲԸ-ում որպես կրտսեր ծրագրավորող։
2009 հուլիսի 1-2009 սեպտեմբերի 30, աշխատել է Հայնախագիծ ԲԲԸ-ում որպես ծրագրավորող։
2009 հոկտեմբերի 1-2010 մայիսի 31, աշխատել է ՍթրիմՏեք ՍՊԸ-ում որպես կայքի ադմինիստրատոր։
2010 հունիսի 1-2010 օգոստոսի 30, փորձաշրջան է անցել ՆաիրիՍոֆթ ընկերությունում։
2010 դեկտեմբերի 1-2014 դեկտեմբերի 30, աշխատել է Ալտակոդ ընկերության վեբ ծրագրավորող։
2015 հունվարի 31-2017 հունվարի 31, աշխատել է IAM Cloud անգլիական ընկերության վեբ դեպարտամենտի ղեկավար։
2017 թվականի ապրիլի 2-ին Հայաստանի Հանրապետության խորհրդարանական ընտրությունների արդյունքում ընտրվել է Հայաստանի Հանրապետության Ազգային Ժողովի 6-րդ գումարման պատգամավոր՝ «Ելք» կուսակցությունների դաշինքի թիվ 2 ընտրատարածքի տարածքային ընտրական ցուցակով^[1]։ ՀՀ ԱԺ Եվրոպական ինտեգրման հարցերի մշտական հանձնաժողովի անդամ է, Ելք» խմբակցության քարտուղարն է^[1]։
2018 թվականի դեկտեմբերի 9-ին տեղի ունեցած արտահերթ խորհրդարանական ընտրությունների ժամանակ Լուսավոր Հայաստան կուսակցության համապետական ցուցակով ընտրվել է ԱԺ պատգամավոր^[2]^[3]։

Ընտանիք

Ամուսնացած է, ունի երեք զավակ^[1]։

Ծանոթագրություններ

1 2 3 4 5 6 7 8 Գևորգ Գորգիսյանի կենսագրությունը ՀՀ ԱԺ պաշտոնական կայքում
↑ «National Assembly of Armenia | Official Web Site | parliament.am». parliament.am. Վերցված է 2019 թ․ հունվարի 25-ին.
↑ «Gevorg Gorgisyan | www.brightarmenia.am». Bright Armenia Party. Վերցված է 2019 թ․ հունվարի 25-ին.

[ՀՀԱԺպաշտկայք-1] 1 2 3 4 5 6 7 8 Գևորգ Գորգիսյանի կենսագրությունը ՀՀ ԱԺ պաշտոնական կայքում

[2] «National Assembly of Armenia | Official Web Site | parliament.am». parliament.am. Վերցված է 2019 թ․ հունվարի 25-ին.

[3] «Gevorg Gorgisyan | www.brightarmenia.am». Bright Armenia Party. Վերցված է 2019 թ․ հունվարի 25-ին.

[1]

[2]

[3]