Ծովինար Վարդանյան

Վիքիպեդիայից՝ ազատ հանրագիտարանից
Jump to navigation Jump to search
Ծովինար Վարդանյան
ՀՀ ԱԺ 7-րդ գումարման պատգամավոր
 
Քաղաքացիություն՝ Flag of Armenia.svg Հայաստան
Կրթություն՝ Երևանի պետական համալսարան
Մասնագիտություն՝ տնտեսագետ և քաղաքական գործիչ
Ազգություն հայ
Ծննդյան օր սեպտեմբերի 9, 1980(1980-09-09) (38 տարեկան)
Ծննդավայր Երևան, Հայկական ԽՍՀ, ԽՍՀՄ

Ծովինար Գեւորգի Վարդանյան (սեպտեմբերի 9, 1980(1980-09-09), Երևան, Հայկական ԽՍՀ, ԽՍՀՄ), Հայաստանի Հանրապետության Ազգային Ժողովի 7-րդ գումարման պատգամավոր, տնտեսագետ[1]։

Կենսագրություն[խմբագրել | խմբագրել կոդը]

Ծնվել է 1980 թվականի սեպտեմբերի 8-ին Երևանում։

2001 թվականին ավարտել է Երևանի պետական համալսարանի տնտեսագիտության ֆակուլտետը: 2003 թվականին ավարտել է նույն ֆակուլտետի մագիստրատուրան: Ունի մագիստրոսի կոչում կառավարման ոլորտում։

2002-2003 թվականներին աշխատել է ՀՀ կենտրոնական բանկի դրամավարկային քաղաքականության և բանկային վերահսկողության վարչություններում։

2006-2007 թվականներին եղել է «Յունիբանկ» ՓԲԸ քարտային վարկավորման վարչության վարկային մասնագետ։ 2007-2008 թվականներին եղել նույն բանկի Թամանյան մասնաճյուղի կառավարչի տեղակալ (վարկավորման բաժնի ղեկավար)։ 2008-2012 թվականներին աշխատել է որպես սպառողական և քարտային վարկերի դեպարտամենտի տնօրեն։ 2012-2014 թվականներին եղել է նույն բանկի մասնաճյուղերի զարգացման դեպարտամենտի տնօրենը։

2014-2015 թվականներին եղել է «ԲԻ ԲԻ Գրուպ» ՓԲԸ-ի գլխավոր տնօրենը։ 2015-2017 թվականներին եղել է «Ֆոր Սեյլս» ՍՊԸ-ի հիմնադիր տնօրենը։ 2015-2016 թվականներին աշխատել է «Էյչ Էմ Թայլս» ՓԲԸ-ում՝ որպես վաճառքի տնօրեն։

Քաղաքական գործունեություն[խմբագրել | խմբագրել կոդը]

2018 թվականի դեկտեմբերի 9-ին կայացած արտահերթ խորհրդարանական ընտրություններում Երևան քաղաքի թիվ 9 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ընտրվել է Ազգային ժողովի պատգամավոր[2][3]:

Ընտանիք[խմբագրել | խմբագրել կոդը]

Ամուսնացած է, ունի մեկ զավակ։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]

Ծովինար Վարդանյանի էջը ՀՀ Ազգային Ժողովի պաշտոնական կայքում