Վաղարշակ Հակոբյան

	Վաղարշակ Հակոբյան
Դրոշ	ՀՀ ԱԺ 7-րդ գումարման պատգամավոր
2019 հունվարի 14-ից
Դրոշ	ՀՀ սփյուռքի նախարարի օգնական
2018 մայիսի 11 - 2019 հունվարի 13
Կուսակցություն՝	Քաղաքացիական պայմանագիր
Կրթություն՝	ԵՊՀ արևելագիտության ֆակուլտետ (2011) և Հայաստանի ԳԱԱ արևելագիտության ինստիտուտ (2016)
Գիտական աստիճան՝	պատմական գիտությունների թեկնածու
Մասնագիտություն՝	պատմաբան, քաղաքական գործիչ և թուրքագետ
Ծննդյան օր	հունվարի 1, 1991 (33 տարեկան)
Ծննդավայր	Ծաղկաձոր, Հրազդանի շրջան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Vagharshak Hakobyan

Վիքիպեդիայում կան հոդվածներ Հակոբյան ազգանունով այլ մարդկանց մասին։

Վաղարշակ Սոսեի Հակոբյան (հունվարի 1, 1991(1991-01-01), Ծաղկաձոր, Հրազդանի շրջան, Հայկական ԽՍՀ, ԽՍՀՄ), հայ քաղաքական գործիչ, թուրքագետ, պատմաբան, ՀՀ ԱԺ 7-րդ գումարման պատգամավոր։ Պատմական գիտությունների թեկնածու^[1]։

Կենսագրություն

Ծնվել է 1991 թվականի հունվարի 1-ին Ծաղկաձորում^[1]։

2007 թվականին ավարտել է Ծաղկաձորի միջնակարգ դպրոցը։
2011 թվականին ավարտել է ԵՊՀ արևելագիտության ֆակուլտետի բակալավրիատը։
2013 թվականին ավարտել է ՀՀ ԳԱԱ գիտակրթական միջազգային կենտրոնի մագիստրատուրայի թուրքագիտության բաժինը, ստացել է մագիստրոսի աստիճան։
2016 թվականին ավարտել է ՀՀ ԳԱԱ արևելագիտության ինստիտուտի ասպիրանտուրան։ Նույն թվականին պաշտպանել է թեկնածուական ատենախոսությունը՝ ստանալով պատմական գիտությունների թեկնածուի գիտական կոչում։ Դասավանդել է Եվրոպական կրթական տարածաշրջանային ակադեմիայում և Հայաստանում ֆրանսիական քոլեջում^[1]։

2011 թվականին հիմնադրել է Երիտասարդ քաղաքական գործիչների ասոցիացիան^[1]։
2018 թվականի դեկտեմբերի 9-ին կայացած Ազգային Ժողովի արտահերթ ընտրություններում պատգամավոր է ընտրվել «Իմ քայլը» դաշինքի ցուցակով^[2]։

Շուրջ մեկ տասնյակ գիտական հոդվածների հեղինակ է։