Լուսինե Բադալյան

Լուսինե Բադալյան
Ծնվել է	փետրվարի 2, 1980(1980-02-02) (42 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան
Կրթություն	Երևանի պետական համալսարան
Մասնագիտություն	հաղորդավար, քաղաքական գործիչ և հեռուստահաղորդավարուհի
Զբաղեցրած պաշտոններ	Հայաստանի Ազգային ժողովի պատգամավոր և Հայաստանի Ազգային ժողովի պատգամավոր

Լուսինե Բադալյան (մականունը՝ Լուլու, փետրվարի 2, 1980(1980-02-02), Երևան, Հայկական ԽՍՀ, ԽՍՀՄ), հայ հաղորդավար, հասարակական գործիչ, արվեստաբան, ՀՀ ԱԺ 7-րդ գումարման պատգամավոր։

Կրթություն

1996 թվականին ավարտել է Երևանի թիվ 102 հիմնական դպրոցը։ 1997 - 2003 թվականներին սովորել է Երևանի պետական համալսարանի պատմության ֆակուլտետի արվեստաբանության բաժնում՝ ստանալով հայ արվեստի պատմության տեսության մագիստրոսի որակավորում։

Աշխատանքային գործունեություն

1998 թվականից որպես լրագրող աշխատում է հայկական ռադիոյում, հեռուստատեսություն և ինտերնետ լրատվականներում։ Որպես պատմության և հասարակագիտության ուսուցիչ աշխատել է նաև 61 միջնակարգ դպրոցում։

Քաղաքական գործունեություն

2018 թվականի սեպտեմբերի 23-ին կայացած Երևանի ավագանու արտահերթ ընտրությունների արդյունքում «Իմ քայլը» դաշինքի համամասնական ցուցակով ընտրվել է Երևան քաղաքի ավագանու անդամ։

2018 թվականի դեկտեմբերի 9-ին կայացած Ազգային Ժողովի ընտրություններում պատգամավոր է ընտրվել «Իմ քայլը» դաշինքի համապետական ցուցակով։

Ամուսնացած է, ունի երկու զավակ։

2022 թ. միջադեպը

Այն բանից հետո, երբ մամուլում հայտնվեց տեսահոլովակ, թե ինչպես է Բադալյանը 2022 թ․ հունվարի 28-ին Եռաբլուր պանթեոնում ծիծաղում, նա քննադատության ենթարկվեց զոհված զինծառայողների հարազատների կողմից, Ազգային ժողովի շենքի դիմաց տեղի ունեցավ բողոքի ակցիա։ Մի քանի օր անց Բադալյանը ներողություն խնդրեց Եռաբլուրում «լայն ժպտալու» համար և մեղադրեց լրատվամիջոցներին գաղտնի տեսանկարահանման համար։