Աննա Կոստանյան

Աննա Կոստանյան
Դրոշ ՀՀ ԱԺ 7-րդ գումարման պատգամավոր
2019 հունվարի 14-ից
Կուսակցություն՝	Լուսավոր Հայաստան
Մասնագիտություն՝	քաղաքական գործիչ
Ծննդյան օր	հունվարի 17, 1987(1987-01-17) (39 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	Հայաստան

Աննա Մայիսի Կոստանյան՝ (հունվարի 17, 1987(1987-01-17), Երևան, Հայկական ԽՍՀ, ԽՍՀՄ), հայ լեզվաբան, քաղաքական գործիչ, ՀՀ ԱԺ 7-րդ գումարման պատգամավոր։ «Լուսավոր Հայաստան» խմբակցության անդամ։

Կենսագրություն

Աննա Մայիսի Կոստանյանը ծնվել է 1987 թվականի հունվարի 17-ին, Երևանում։

Կրթություն

2008 թվականին ավարտել է Երևանի Վ. Բրյուսովի անվան պետական լեզվահասարակագիտական համալսարանը։ 2017 թ. ավարտել է ԵԽ քաղաքական դասընթացների Երևանյան դպրոցը։

Աշխատանք

2008-2012 թթ. եղել է «Իմեգա Սերվիս» ՍՊԸ տուր-օպերատոր, թարգմանիչ։ 2013-2016 թթ.` «Ջի դիզայն» ՍՊԸ նախագծերի ղեկավար։ 2017- 2018 թթ.` «Apricot Project» ՍՊԸ մարկետինգի բաժնի կոորդինատոր, մարդկային ռեսուրսի կառավարման եւ արտաքին կապերի պատասխանատու։ 2018 թ. մայիս հունիս՝ «MBG Hospitality» ՍՊԸ մարկետինգի կոորդինատոր, հասարակայնության հետ կապերի պատասխանատու։

2018 թվականին ընտրվել է ՀՀ ԱԺ պատգամավոր Լուսավոր Հայաստան կուսակցության համապետական ընտրական ցուցակով։

Քաղաքական գործունեություն

2015 թվականից Լուսավոր Հայաստան կուսակցության հիմնադիր անդամ է։ 2017 թվականին եղել է ՀՀ ԱԺ պատգամավորի թեկնածու ԵԼՔ դաշինքից։

Ընտանեկան կարգավիճակ

Ամուսնացած է, ունի երկու զավակ։