Նազելի Բաղդասարյան
| Նազելի Հրաչի Բաղդասարյան | |
|---|---|
 | |
| Ծնվել է | 1983, օգոստոսի 8 |
| Ծննդավայր | Շիրակի մարզ, Գյումրի |
| Քաղաքացիություն | Հայաստան |
| Ազգություն | հայ |
| Մայրենի լեզու | Հայերեն |
| Կրթություն | Մոսկվայի միջազգային ձեռներցության ակադեմիա, Կիև-Մոգիլայի ակադեմիա ազգային համալսարան |
| Մասնագիտություն | Իրավաբան |
| Աշխատավայր | |
| Զբաղեցրած պաշտոններ | Հայաստանի Ազգային ժողովի պատգամավոր և Հայաստանի Ազգային ժողովի պատգամավոր |
| Կուսակցություն | «Քաղաքացիական պայմանագիր» |
| Երեխաներ | մեկ զավակ |
Նազելի Բաղդասարյան (օգոստոսի 8, 1983[1], Լենինական, Հայկական ԽՍՀ, ԽՍՀՄ[1]) ՀՀ Շիրակի մարզպետ, Հայաստանի Ազգային Ժողովի «Քաղաքացիական պայմանագիր» խմբակցության քարտուղար, Մարդու իրավունքների պաշտպանության և հանրային հարցերի մշտական հանձնաժողովի անդամ[2]։
Կենսագրություն[խմբագրել | խմբագրել կոդը]
Նազելի Բաղդասարյանը ծնվել է 1983 թվականի օգոստոսի 8-ին Շիրակի մարզի Գյումրի քաղաքում[3]։
Կրթություն[խմբագրել | խմբագրել կոդը]
2005 թվականին ավարտել է Մոսկվայի ձեռներեցության միջազգային ակադեմիայի իրավագիտության ֆակուլտետը՝ իրավագիտության մագիստրոս[3]։
2008 թվականին մասնակցել է Ուկրաինայում Ամերիկայի Միացյալ Նահանգների Միջազգային զարգացման գործակալության «Ռադիոցանցերի կառավարում» ռադիոմենեջերների վեցամսյա դասընթացին։
2017 թվականին ստացել է Կիևի ժողովրդավարության և իրավունքի գերակայության ինստիտուտի մեդիաիրավագետի որակավորում[3]։
Աշխատանքային գործունեություն[խմբագրել | խմբագրել կոդը]
1999-2006 թվականներին աշխատել է «Ցայգ» ՀԸ հաղորդավար։
2003-2005 թվականներին եղել է Հայաստանի Հանրապետության Ազգային Ժողովի պետական-իրավական հարցերի մշտական հանձնաժողովի նախագահի տեղակալի օգնական։
2005-2006 թվականներին՝ դասախոս Մոսկվայի «Ժամանակակից հումանիտար ակադեմիայի» երևանյան մասնաճյուղում։
2005-2018 թվականներին եղել է «Ռադիո Հայ Գյումրի» ռադիոկայանի ղեկավար։
2006-2018 թվականներին՝ մասնավոր ոլորտում՝ իրավաբան։
2011 թվականից՝ «Լրագրողների միջազգային դաշնության» (IFJ) լիիրավ անդամ։
2012 թվականից՝ «Ցայգ» ՀԸ «Իրականում» հեռուստահաղորդաշարի հեղինակ և վարող։
2012 թվականից՝ քաղաքական և կոմերցիոն արշավների մեդիափորձագետ։
2014-2019 թվականներին եղել է «Սթայլ Մեդիա» ՍՊԸ հիմնադիր-սեփականատեր։
2015 թվականից՝ հանրային ելույթների և հրապարակախոսության դասընթացավար։
Հասարակական և քաղաքական գործունեություն[խմբագրել | խմբագրել կոդը]
2017-2019 թվականներին՝ «Գյումրին առանց տնակների» հիմնադրամի հոգաբարձուների խորհրդի անդամ։
2018 թվականից՝ Գյումրու «Երիտասարդական նախաձեռնությունների կենտրոն»-ի խորհրդատվական խորհրդի անդամ[3]։
21.08.2018-14.01.2019 թթ.՝ Շիրակի մարզպետի խորհրդական[3]։
2019-2021 թվականներին՝ ԱԺ պատգամավոր («Իմ քայլը» կուսակցությունների դաշինք, թիվ 11 ընտրատարածքի տարածքային ընտրական ցուցակ)։ ԱԺ պետական-իրավական հարցերի մշտական հանձնաժողովի անդամ։
2020-2021 թվականներին՝ ԱՊՀ ՄԽՎ պետականաշինության փորձի ուսումնասիրման և տեղական ինքնակառավարման հարցերի մշտական հանձնաժողովի անդամ[3]։ «Իմ քայլը» խմբակցության անդամ 2021թ․ հունիսի 20 - նոյեմբերի 5 ԱԺ պատգամավոր։
2021 թվականի հունիսի 20-ին ԱԺ պատգամավոր է ընտրվել «Քաղաքացիական պայմանագիր» կուսակցության համապետական ընտրական ցուցակով։
2021թ․ սեպտեմբեր՝ ԵԽԽՎ հայաստանյան պատվիրակության մշտական անդամ։
08.11․ 2021թ․ ՀՀ Շիրակի մարզպետ։
Գիտական գործունեություն[խմբագրել | խմբագրել կոդը]
2005 թվականին հեղինակել է «Մարդու և քաղաքացու իրավունքներն ու ազատությունները» գիտական աշխատությունը[3]։
Հեղինակել է շուրջ 250 հեռուստահաղորդումներ։
Ընտանիք[խմբագրել | խմբագրել կոդը]
Ամուսնացած է, ունի մեկ զավակ[3]։
