Վահե Ղալումյան
| Վահե Ղալումյան | |||
.png)
| |||
| |||
|---|---|---|---|
| 2019 հունվարի 10-ից | |||
| |||
| 2018 հունիսի 1 - 2019 հունվարի 10 | |||
| |||
| Կուսակցություն՝ | Քաղաքացիական պայմանագիր | ||
| Կրթություն՝ | Երևանի պետական համալսարան | ||
| Մասնագիտություն՝ | տնտեսագետ և քաղաքական գործիչ | ||
| Ազգություն | հայ | ||
| Ծննդյան օր | հուլիսի 21, 1975 (46 տարեկան) | ||
| Ծննդավայր | Իջևան | ||
| Քաղաքացիություն |  Հայաստան
| ||
Վահե Ղալումյան (հուլիսի 21, 1975, Իջևան), կուսակցական, քաղաքական գործիչ, Քաղաքացիական պայմանագիր կուսակցության անդամ է, Տավուշի մարզի նախկին մարզպետ, Հայաստանի Ազգային ժողովի 7-րդ գումարման պատգամավոր «Իմ քայլը» խմբակցությունից[1], Հայաստանի Ազգային ժողովի 8-րդ գումարման պատգամավոր Քաղաքացիական պայմանագիր կուսակցությունից[2]։
Պատգամավորական գործունեության ընթացքում իր հնչեցրած հայտարարությունների և Ազգային ժողովի դահլիճում իր դրսևորած վարքի համար լայնորեն քննարկվել ու քննադատվել է[3][4][5][6][7]։
Կենսագրական տեղեկություններ[խմբագրել | խմբագրել կոդը]
Վահե Ղալումյանը ծնվել է 1975 թվականի հուլիսի 21-ին Խորհրդային Հայաստանի Իջևան քաղաքում[8]։ 1994 թվականին զորակոչվել է պարտադիր զինվորական ծառայության Հայաստանի զինված ուժերում[8]։
Կրթություն[խմբագրել | խմբագրել կոդը]
Վահե Ղալումյանը 1998 թվականին ավարտել է Երևանի պետական համալսարանի Իջևանի մասնաճյուղը և ստացել տնտեսագետի որակավորում[8]։
Աշխատանքային գործունեություն[խմբագրել | խմբագրել կոդը]
Վահե Ղալումյանը 2001-2002 թվականներին աշխատել է շինարարական կազմակերպությունում որպես աշխատանքների ղեկավարի օգնական, 2002-2003 թվականներին աշխատել է Իջևանի ճանապարհաշինարարական վարչությունում որպես գլխավոր տնօրենի օգնական, 2003-2006 թվականներին՝ Իջևանի ճանապարհաշինարարական վարչությունում որպես գործադիր տնօրենի տեղակալ, 2006-2015 թվականներին՝ Իջևանի ճանապարհաշինարարական վարչությունում որպես գործադիր տնօրենի առաջին տեղակալ[2]։
2005-2018 թվականներին եղել է Իջևան քաղաքի ավագանու անդամ[2]։
Քաղաքական գործունեություն[խմբագրել | խմբագրել կոդը]
Տավուշի մարզպետ[խմբագրել | խմբագրել կոդը]
2018 թվականին Հայաստանում տեղի ունեցած իշխանափոխությունից հետո՝ նույն թվականի հունիսի 1-ին Հայաստանի կառավարության որոշմամբ նշանակվել է Տավուշի մարզի մարզպետ[8]։
Ազգային ժողովի պատգամավոր[խմբագրել | խմբագրել կոդը]
Հայաստանի Ազգային ժողով (2018-2021)[խմբագրել | խմբագրել կոդը]
2018 թվականի դեկտեմբերի 9-ին Վահե Ղալումյանը «Իմ քայլը» դաշինքի ցուցակով ընտրվել է Հայաստանի Ազգային ժողովի պատգամավոր։
Որպես Ազգային ժողովի պատգամավոր՝ 2019 թվականի փետրվարի 6-ից մինչև 2020 թվականի դեկտեմբերի 10-ը եղել է Հայաստանի ազգային ժողովի «Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերի մշտական հանձնաժողովի» անդամ, այնուհետև դարձել հանձնաժողովի նախագահ։ 2019 թվականի դեկտեմբերի 26-ից եղել է Հայաստանի Ազգային ժողովի «Հայաստանի Հանրապետության ցամաքային ուղևորափոխադրումների կազմակերպման գործընթացը և 2016-2019թթ. ոլորտը սպասարկող, համակարգող և վերահսկող լիազոր մարմինների գործունեությունն ուսումնասիրող քննիչ հանձնաժողովի» անդամ[1]։
Հայաստանի Ազգային ժողով (2021-)[խմբագրել | խմբագրել կոդը]
2021 թվականին Հայաստանում տեղի ունեցած խորհրդարանական ընտրությունների ժամանակ Վահե Ղալումյանը Քաղաքացիական պայմանագիր կուսակցությունից ընտրվել է Հայաստանի Ազգային ժողովի պատգամավոր[9][2]։
Որպես Ազգային ժողովի պատգամավոր՝ Վահե Ղալումյանը 2021 թվականի օգոստոսի 12-ից դարձել է Հայաստանի Ազգային ժողովի «Տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի» անդամ[2]։
Քննադատություն և մեկնաբանություններ[խմբագրել | խմբագրել կոդը]
Վահե Ղալումյանը, որպես Հայաստանի իշխող քաղաքական կուսակցության ներկայացուցիչ, իր քաղաքական գործունեության ընթացքում հանդես է եկել մի շարք հայտարարություններով, որոնք քննադատության են արժանացել։
Ադրբեջանամետ հայտարարություններ[խմբագրել | խմբագրել կոդը]
Ըստ որոշ տեղեկությունների՝ Վահե Ղալումյանը հայտնի է իր ադրբեջանամետ հայտարարություններով, ինչը քննադատությունների է արժանացել[3][4][5]։
2021 թվականի հունիսին իշխանական «Իմ քայլ» խմբակցությունից Հայաստանի ազգային ժողովի պատգամավոր Վահե Ղալումյանը հայտարարել էր, որ պետք է ստեղծվի Հայաստանի և Ադրբեջանի սահմանային հարցերը կարգավորող հանձնաժողով։ Անդրադառնալով լրագրողի հարցին՝ նա ասել էր, որ «Տավուշի մարզում և՛ ադրբեջանական հողեր կան, որ գտնվում են մեր վերահսկողության տակ, և՛ կան հայկական տարածքներ»[3]։ Մասնավորեցնելով թե որոնք են ադրբեջանական հողեր, նա նշել է՝ «Անկլավները։ Գյուղերի անուններն են՝ Բարխուդարլու, Խեյրիմլի, Սոֆուլու, Ոսկեպար»[3]։
2021 թվականի սեպտեմբերին լրագրողի հետ հարցազրույցում իշխող Քաղաքացիական պայմանագիր կուսակցությունից Հայաստանի ազգային ժողովի պատգամավոր Վահե Ղալումյանը, պատասխանելով այն հարցին, թե ինչու է Հայաստանի Ազգային անվտանգության ծառայությունը իր հայտարարության մեջ Մ 2 միջպետական ճանապարհի Գորիս-Կապան հատվածի մի մասը համարում Ադրբեջանի տարածք, պատասխանել է, որ հիմքեր ունի այդպիսի հայտարարություն անելու համար` փաստացի այն ճանաչելով Ադրբեջան[4][5]։
Մեջքից հարվածելու միջադեպեր[խմբագրել | խմբագրել կոդը]
Քննարկման առարկա է դարձել նաև այն հանգամանքը, որ Վահե Ղալումյանը, լինելով Հայաստանի ազգային ժողովի պատգամավոր, բռունցքներով հետևից հարվածել է մի շարք պատգամավորների։ Այդ միջադեպերից հետո Վահե Ղալումյանին երբեմն անվանում են «մեջքից հարվածող»[6][7]։
2020 թվականի մայիսի 8-ին Հայաստանի ազգային ժողովի դահլիճում «Լուսավոր Հայաստան» խմբակցությունից պատգամավոր Էդմոն Մարուքյանի և Քաղաքացիական պայմանագիր կուսակցությունից պատգամավոր Սասուն Միքայելյանի միջև տեղի ունեցած վիճանբանության ժամանակ պատգամավոր Վահե Ղալումյանը մոտենում է Էդմոն Մարուքյանին և հետևից հարվածում նրա գլխին[6]։ Անդրադառնալով միջադեպին՝ Վահե Ղալումյանը հայտնել է, որ ինքը չի հարվածել Էդմոն Մարուքյանին, այլ գլխից քաշել է[10]։
2021 թվականի օգոստոսի 25-ին Վահե Ղալումյանը Հայաստանի ազգային ժողովի դահլիճում մոտեցել է ընդդիմադիր «Հայաստան» խմբակցության պատգամավոր Վահե Հակոբյանին և հետևից հարվածել նրան[7][11]։
Ընտանիք[խմբագրել | խմբագրել կոդը]
Վահե Ղալումյանն ամուսնացած է և ունի երեք զավակ` երկու տղա և մեկ աղջիկ[8]։
Հանդիսանում է 2019-2021 թվականներին Իջևան համայնքի ղեկավարի պաշտոնակատար և 2021 թվականից Տավուշի մարզպետ Հայկ Ղալումյանի եղբայրը[12][13]։
Ծանոթագրություններ[խմբագրել | խմբագրել կոդը]
- ↑ 1,0 1,1 Վահե Ղալումյանի մասին տեղեկություններ Հայաստանի Ազգային ժողովի կայքում։
- ↑ 2,0 2,1 2,2 2,3 2,4 Վահե Ղալումյանի մասին տեղեկություններ Հայաստանի Ազգային ժողովի կայքում։
- ↑ 3,0 3,1 3,2 3,3 «Տավուշի մարզում ադրբեջանական հողեր կան… Բարխուդարլու, Խեյրիմլի, Սոֆուլու, Ոսկեպար…». Իմքայլական Վահե Ղալումյանը՝ Ադրբեջանի հետ խաղաղության մասին, (արխիվացված 23․06․2021թ․)։
- ↑ 4,0 4,1 4,2 «Ուրեմն ԱԱԾ-ն հիմքեր ունի, որ դա ադրբեջանական տարածք է համարում։
- ↑ 5,0 5,1 5,2 Ուրեմն ԱԱԾ-ն հիմքեր ունի, որ դա ադրբեջանական տարածք է համարում․ Վահե Ղալումյան։
- ↑ 6,0 6,1 6,2 Մեջքից հարվածելու «մեծ վարպետը». վարչապետի ընտանիքի քավոր Վահե Ղալումյանը:
- ↑ 7,0 7,1 7,2 Վահագն Ալեքսանյանը ոտքով խփեց Վահե Հակոբյանին. հարվածեցին նաեւ Հայկ Սարգսյանն ու Վահե Ղալումյանը:
- ↑ 8,0 8,1 8,2 8,3 8,4 Վահե Ղալուման
- ↑ ԿԸՀ-ն գրանցեց ընտրված 107 պատգամավորների անունները։
- ↑ «Չեմ հարվածել, գլխից քաշել եմ»․ Վահե Ղալումյան։
- ↑ Վահե Ղալումյանը երեկ հետևից բռունցքներով հարվածում էր «Հայաստան» դաշինքի պատգամավորներին, այսօր երեսին ասեցի՝ ամենազազրելի բանը հետևից խփող տղամարդն է, պատասխանեց՝ ես կարամ դիմացից էլ խփեմ. Գալստյան:
- ↑ Տավուշի մարզպետ կնշանակվի Հայկ Ղալումյանը։
- ↑ Հայկ Ղալումյանի մասին տեղեկություններ Տավուշի մարզպետարանի կայքում։
| ||||||||||