Մխիթար Հայրապետյան

Վիքիպեդիայից՝ ազատ հանրագիտարանից
Jump to navigation Jump to search
Մխիթար Հայրապետյան
Մխիթար Հայրապետյան.jpg
Դրոշ
«Իմ Քայլը» բարեգործական հիմնադրամի գործադիր տնօրեն[1]
Դրոշ
 2021 հոկտեմբերի 1
Դրոշ
Երևանի շախմատի ֆեդերացիայի նախագահ
Դրոշ
 2019 հոկտմբերի 17
Դրոշ
ՀՀ սփյուռքի նախարար
Դրոշ
 2018 մայիսի 11-2019 հունվարի 14
Դրոշ
ՀՀ ԱԺ 7-րդ գումարման պատգամավոր
Դրոշ
 2019 հունվարի 14
ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ
 2019 հունվարի 18
 
Կուսակցություն՝ Քաղաքացիական պայմանագիր և քաղաքական գործիչ
Կրթություն՝ ԵՊՀ, արևելագիտության ֆակուլտետի թյուրքագիտության բաժին
Մասնագիտություն՝ թուրքագետ
Ազգություն հայ
Ծննդյան օր մայիսի 15, 1990(1990-05-15) (31 տարեկան)
Ծննդավայր Երևան, Հայկական ԽՍՀ, ԽՍՀՄ
Քաղաքացիություն Flag of the Soviet Union.svg ԽՍՀՄ և Flag of Armenia.svg Հայաստան

Մխիթար Հայրապետյան (ծնված՝ մայիսի 15, 1990(1990-05-15), Երևան, Հայկական ԽՍՀ, ԽՍՀՄ), արևելագետ, քաղաքական, հասարակական գործիչ, «Իմ քայլը» բարեգործական հիմնադրամի գործադիր տնօրեն[2], «Քաղաքացիական պայմանագիր» կուսակցության հիմնադիր անդամ, կուսակցության ղեկավար մարմնի՝ վարչության անդամ, «Ժողովրդավարական Հայաստան երիտասարդական կուսակցության» համահիմնադիր[3][4], Հայաստանի Ազգային ժողովի 7-րդ գումարման պատգամավոր «Իմ քայլը» դաշինքից, Հայաստանի Սփյուռքի նախկին նախարար,Երևանի շախմատի ֆեդերացիայի նախագահ։

Կրթություն[խմբագրել | խմբագրել կոդը]

2007 թվականին ավարտել է Երևանի N127 դպրոցը և ընդունվել Երևանի պետական համալսարանի արևելագիտության ֆակուլտետի թյուրքագիտության բաժինը։ 2013 թվականին ավարտել է նույն ֆակուլտետի մագիստրատուրան։ 2012-2013 թվականներին եղել է ԵՊՀ արևելագիտության ֆակուլտետի Ուսանողական Գիտական Ընկերության և Ուսանողական խորհրդի անդամ։ Գիտական հոդվածի հեղինակ է։

Աշխատանքային գործունեություն[խմբագրել | խմբագրել կոդը]

  • 2010-2017 թվականին հասարակական-քաղաքական գործունեությանը զուգահեռ աշխատել է մի քանի տեղական թերթերում` որպես Մերձավոր Արևելքի և, մասնավորապես, Թուրքիայի հարցերով փորձագետ։
  • 2011թ. հիմնադրել է «Երիտասարդ քաղաքական գործիչների ասոցացիա» կազմակերպությունը և մինչև 2015թ. ապրիլն իրականացրել կազմակերպության փոխնախագահի լիազորությունները:
  • 2016 թվականի հունվարից հանդիսանում է «Քաղաքացիական կրթության և երիտասարդության զարգացման կենտրոնի» հիմնադիր նախագահը։

Կուսակցական գործունեություն[խմբագրել | խմբագրել կոդը]

Ժողովրդավարական Հայաստան երիտասարդական կուսակցություն[խմբագրել | խմբագրել կոդը]

2012 թվականի դեկտեմբերի 14-ին Մխիթար Հայրապետյանն ու իր ընկերները հայտարարել են նոր կուսակցություն ստեղծելու մասին, որը կոչվում է Ժողովրդավարական Հայաստան երիտասարդական կուսակցության։ Նորաստեղծ կուսակցության փոխնախագահ է ընտրվել Մխիթար Հայրապետյանը, իսկ նախագահ՝ ներկայում Քաղաքացիական պայմանագիր կուսակցությունից Հայաստանի ազգային ժողովի պատգամավոր Վաղարշակ Հակոբյանը[3][4]։ Ըստ մամուլի հրապարակումների՝ կուսակցության քաղաքական գործունեության վերաբերյալ փոխնախագահ Մխիթար Հայրապետյանը հայտարարել էր, որ Ժողովրդավարական Հայաստան երիտասարդական կուսակցությունը Հայաստանի նախագահական ընտրություններին հնարավոր է աջակցի Հայաստանի հանրապետական կուսակցության թեկնածու Սերժ Սարգսյանին[4][5]>։ Ըստ մամուլի հրապարակումների՝ 2020 թվականին Մխիթար Հայրապետյանը հերքել է, որ երբևէ Հայաստանում չի գրանցվել «Ժողովրդավարական Հայաստան երիտասարդական կուսակցություն» անունով կուսակցություն և որ 21 տարեկան երիտասարդներն ընդամենը ցանկացել են ստեղծել կուսակցություն[6][4]։

Քաղաքացիական պայմանագիր կուսակցություն[խմբագրել | խմբագրել կոդը]

«Քաղաքացիական պայմանագիր» կուսակցության հիմնադիր անդամներից է։

2016 թվականի դեկտեմբերին ընտրվել է ՔՊ Նոր Նորքի տարածքային կազմակերպության նախագահ` միաժամանակ ընդգրկվելով կուսակցության քաղաքական խորհրդում։

2016-2018 թվականներին եղել է ՔՊ Սփյուռքի հարցերով համակարգող։

2019 թվականի հունիսի 16-ին տեղի ունեցած «Քաղաքացիական պայմանագիր» կուսակցության 5-րդ համագումարի ժամանակ ընտրվել է ՔՊ վարչության անդամ[7][8][9][10][11][12]:

Թավշյա հեղափոխություն[խմբագրել | խմբագրել կոդը]

Մխիթար Հայրապետյանը ակտիվ մասնակցություն է ունեցել 2018 թվականին Հայաստանում Նիկոլ Փաշինյանի առաջնորդած իշխանափոխությանը։ Նա Նիկոլ Փաշինյանի հետ 2018 թվականի մարտի 31-ից Գյումրի քաղաքից քայլերթով հասել է Երևան, որտեղ ակտիվորեն մասնակցել հակաիշխանական բողոքի գործողություններին։ Իշխանափոխությունից հետո նորընտիր վարչապետ Նիկոլ Փաշինյանի կողմից նշանակվել է Սփյուռքի նախարար[13]։

2018 թվականին Հայաստանում հակաիշխանական բողոքի գործողությունների մեկնարկը Գյումրիից քայլերթով սկսելու գաղափարը պատկանում է Մխիթար Հայրապետյանին։ Ըստ նրա՝ ինքն այդ գաղափարի առաջացման ժամանակ ոգեշնչվել է երկու օրինակով՝ Հնդկաստանում և Թուրքիայում ընդդիմադիր գործիչների բողոքի գործողություններից։ Մխիթար Հայրապետյանը նշել է, որ ինքն օգտվել է 1930 թվականին Հնդկաստանում «Աղի երթի» ընթացքում կիրառված տեխնոլոգիաներից, մասնավորապես, երբ Մահաթմա Գանդին սոցիալական հարցեր բարձրացնելու նպատակով 387 կմ քայլեց։ Նա երթը սկսեց 8 հոգով և ավարտեց 80 հազար հոգով։ Երկրորդ օրինակը Մխիթար Հայրապետյանը վերցրել է Թուրքիայի ընդդիմադիր առաջնորդ Քեմալ Քըլըջդարօղլուի 2017 թվականի քայլերթից, երբ նա քաղբանտարկյալների խնդիրը բարձրացնելու համար Անկարայից քայլեց Ստամբուլ։ Նա իր երթը սկսեց միայնակ և Անկարա մտավ շուրջ 300 հազար կողմնակիցներով[13]։

Սփյուռքի նախարար[խմբագրել | խմբագրել կոդը]

2018 թվականի մայիսի 11-ին նշանակել է սփյուռքի նախարար[14]։

2018 թվականի մայիսի 30-ին ՀՀ սփյուռքի նախարար Մխիթար Հայրապետյանը վարչապետ Նիկոլ Փաշինյանի գլխավորած կառավարական պատվիրակության կազմում երկօրյա այցով գտնվել է Վրաստանի Հանրապետությունում և մասնակցել պաշտոնական պատվիրակությունների ընդլայնված կազմով բանակցություններին, այցի շրջանակներում եղել է Փոկա, Գանձա, Սաթխա գյուղերում, Նինոծմինդա և Ախալքալաք քաղաքներում և հանդիպումներ է ունեցել տեղի հայկական համայնքի ներկայացուցիչների հետ[15]։

Սփյուռքի նախարար Մխիթար Հայրապետյանը, 23․07․2018թ․

Հուլիսի 24-27-ը ՀՀ սփյուռքի նախարարի գլխավորած պատվիրակությունը եղել է Կիպրոսում[16]։ Պաշտոնական այցի շրջանակում նա հանդիպել է Կիպրոսի Հանրապետության նախագահ Նիկոս Անաստասիադիսի և Կիպրոսի Հանրապետության նախագահի արտերկրյա և հումանիտար հարցերով հանձնակատար Ֆոտիու ֆոտիսի հետ[17]։

Հուլիսի 27-ից օգոստոսի 7-ը Մխիթար Հայրապետյանը աշխատանքային այցով եղել է ԱՄՆ-ում, այցելել Լոս Անջելես, Նյու Յորք և Բոստոն քաղաքներ։ Հանդիպումներ է ունեցել մի շարք քաղաքական գործիչների ու հայկական համայնքի հետ[18]։

Սեպտեմբերի 14-ին Մխիթար Հայրապետյանը վարչապետ Նիկոլ Փաշինյանի գլխավորած պատվիրակության կազմում գտնվել է Ֆրանսիայում:Այցի շրջանակներում վարչապետ Փաշինյանի հետ միասին հանդիպել է ֆրանսահայ համայնքի ներկայացուցիչների հետ։ Նախարարը հանդիպում է ունեցել համայնքի ակտիվ երիտասարդ գործիչների հետ[19]։

Սեպտեմբերի 20-27-ը աշխատանքային այցով եղել է Սիրիայում, Լիբանանում, Եգիպտոսում:

2011 թվականից ի վեր, երբ սկսվեց սիրիական պատերազմը, Մխիթար Հայրապետյանը Հայաստանը ներկայացնող առաջին պաշտոնյան է, ով մեկնել է Հալեպ:

Նախարարը աշխատանքային այցով եղել է Լիբանանում: Բեյրութում հանդիպումներ է ունեցել Մեծի Տանն Կիլիկիո Կաթողիկոս Արամ Ա Վեհափառ Հայրապետի և հայկական համայնքի հետ[20][21]։

Այցելել է Եգիպտոս, որտեղ հանդիպել է Եգիպտոսի վարչապետ Մուստաֆա Մադբուլիի հետ[22]:

Մեկ օրյա այցով եղել է Թեհրանում և հանդիպում է ունեցել բարձրաստիճան նախարարների հետ:

ՀՀ ԱԺ Հայաստան-Հունաստան բարեկամության խմբի ղեկավարն է եղել:

2018 թվականին մի շարք սփյուռքագետների հետ խորհրդակցությամբ պատրաստվել է սփյուռքի քաղաքականության ռազմավարության մի փաստաթուղթ, որը սփյուռքի հետ հարաբերություններում հիմնովին նոր մոտեցումներ է առաջարկել[փա՞ստ]:2018 թվականին սփյուռքի նախարարությունն իրականացրել է մի քանի ծրագիր.

1. «Քայլ դեպի տուն»՝ 24 երկրից 400 մասնակից:

2. «Արի տուն» ծրագրի անցումային փուլեր՝ 16 երկրից 156 մասնակից:

3. Համահայկաական մշակութային փառատոն՝ 11 երկրից 405 մասնակից:

Պատգամավորական գործունեություն[խմբագրել | խմբագրել կոդը]

2018 թվականի դեկտեմբերի 9-ին Մխիթար Հայրապետյանը «Իմ քայլը» կուսակցությունների դաշինքից թիվ 1 ընտրատարածքի տարածքային ընտրական ցուցակով ընտրվել է Հայաստանի Ազգային ժողովի պատգամավոր:

Ընտանիք[խմբագրել | խմբագրել կոդը]

Մխիթար Հայրապետյանը ունի եղբայր, ով հայտնի է Հայկ Ստվեր ստեղծագործական անվամբ և հանդիսանում է «Քաղաքացու երգը» ստեղծագործության հեղինակը[23]։

Հետաքրքիր փաստեր[խմբագրել | խմբագրել կոդը]

  • Հանդիսանում է ԵՊՀ հոգաբարձուների խորհրդի, Հայաստանում ֆուտբոլի գործկոմի և մի շարք այլ կառույցների հոգաբարձու անդամ:

Ծանոթագրություններ[խմբագրել | խմբագրել կոդը]

  1. «Մխիթար Հայրապետյանն ընտրվել է «Իմ քայլը» հիմնադրամի նոր գործադիր տնօրեն»։ www.1lurer.am (հայերեն)։ Վերցված է 2021-11-04 
  2. «Մխիթար Հայրապետյանն ընտրվել է «Իմ քայլը» հիմնադրամի գործադիր տնօրեն» հոդված aysor.am լրատվական կայքում, (արխիվացված 03․11․2021թ․
  3. 3,0 3,1 «Նորաստեղծ կուսակցությունը պատրաստ է համագործակցել բոլորի հետ» հոդված aravot.am լրատվական կայքում, (արխիվացված 03․11․2021թ․
  4. 4,0 4,1 4,2 4,3 «Ինչու՞ է իշխանական պատգամավորը թաքցնում իր անցյալը», հոդված politik.am լրատվական կայքում, (արխիվացված 03․11․2021թ․
  5. «Իշխանական «դյուրագրգիռ» պատգամավորների սկանդալային անցյալը» հոդված lurer.com լրատվական կայքից։
  6. «Սփյուռքի նախարարը՝ իր կենսագրության որոշ դրվագները «թաքցնելու» մասին» հոդված 168.am լրատվական կայքում, (արխիվացված 03․11․2021թ․
  7. ««Քաղաքացիական պայմանագիր» կուսակցության 3-րդ վարչության կազմը․»։ Արխիվացված է օրիգինալից 2019-06-17-ին։ Վերցված է 2019-06-17 
  8. Ովքե՞ր են ՔՊ-ի վարչության նոր կազմի անդամները. նրանք նիստ են հրավիրել, վարչության նախագահ են ընտրում
  9. «Քաղաքացիական պայմանագիր» կուսակցության վարչության նոր կազմը՝ նախնական տեղեկություններով
  10. ՔՊ վարչության նոր կազմը հայտնի է. անուններ
  11. Ընտրության արդյունքները.ՔՊ վարչության նորընտիր անդամներն են․
  12. ՔՊ վարչության նախագահ ընտրվեց Սուրեն Պապիկյանը
  13. 13,0 13,1 «Մխիթար Հայրապետյան` քայլարշավի հեղինակ եւ Սփյուռքի նախարար», հոդված mediamax.am կայքում, (արխիվացված 03․11․2021թ․
  14. «Հանրապետության նախագահի հրամանագրերը - Փաստաթղթեր - Հայաստանի Հանրապետության Նախագահ»։ www.president.am (հայերեն)։ Վերցված է 2020-06-06 
  15. «Վարչապետ Նիկոլ Փաշինյանի պաշտոնական այցը Վրաստան»։ www.primeminister.am (հայերեն)։ Վերցված է 2020-06-06 
  16. «Սփյուռքի նախարարը Կիպրոս է մեկնում. մասնակցելու է «Կիպրացիների համաշխարհային համաժողովին»»։ news.am (հայերեն)։ Վերցված է 2020-06-06 
  17. «Սփյուռքի նախարարը հանդիպել է Կիպրոսի նախագահի արտերկրյա և հումանիտար հարցերով հանձնակատարի հետ»։ armenpress.am (հայերեն)։ Վերցված է 2020-06-06 
  18. «Սփյուռքի նախարարը կայցելի Միացյալ Նահանգներ»։ «Ազատ Եվրոպա/Ազատություն» ռադիոկայան (հայերեն)։ Վերցված է 2020-06-06 
  19. «Սփյուռքի նախարար Մխիթար Հայրապետյանը վարչապետի հետ միասին կմեկնի Ֆրանսիա»։ Armtimes.com (հայերեն)։ Վերցված է 2020-06-06 
  20. «ՀՀ սփյուռքի նախարարը Լիբանանում է» 
  21. «Սփյուռքի նախարարը հանդիպել է Մեծի Տանն Կիլիկիո Կաթողիկոս Ն.Ս.Օ.Տ.Տ. Արամ Ա. Վեհափառին» 
  22. «ՀՀ սփյուռքի նախարարը հանդիպել է Եգիպտոսի վարչապետի հետ»։ Armtimes.com (հայերեն)։ Վերցված է 2020-06-06 
  23. «Քաղաքացու երգի» հեղինակ․ Մնացել է Հանրապետականի շտաբում լսեմ, (արխիվացված 18․11․2021թ․):

Արտաքին հղումներ[խմբագրել | խմբագրել կոդը]