Վլադիմիր Վարդանյան (քաղաքական գործիչ)

	Վլադիմիր Վարդանյան
	ՀՀ ԱԺ 7-րդ գումարման պատգամավոր
	ՀՀ ԱԺ 7-րդ գումարման պատգամավոր
2019 - 2021
	ՀՀ ԱԺ 8-րդ գումարման պատգամավոր
	ՀՀ ԱԺ 8-րդ գումարման պատգամավոր
2021 թվականի օգոստոսի 2-ից
	ՀՀ ԱԺ Պետա-իրավական հարցերի մշտական հանձնաժողովի նախագահ
	ՀՀ ԱԺ Պետա-իրավական հարցերի մշտական հանձնաժողովի նախագահ
2019-2021 2021-ից
Կուսակցություն՝	Քաղաքացիական պայմանագիր
Կրթություն՝	Երևանի պետական համալսարան
Գիտական աստիճան՝	իրավաբանական գիտությունների թեկնածու
Մասնագիտություն՝	իրավագետ և քաղաքական գործիչ
Ծննդյան օր	օգոստոսի 26, 1979 (45 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան

Վիքիպեդիայում կան հոդվածներ Վարդանյան ազգանունով այլ մարդկանց մասին։

Վլադիմիր Դավիթի Վարդանյան (օգոստոսի 26, 1979(1979-08-26), Երևան, Հայկական ԽՍՀ, ԽՍՀՄ), ՀՀ ԱԺ 7-րդ («Իմ քայլը» խմբակցության) և 8-րդ («Քաղաքացիական պայմանագիր» խմբակցության) գումարումների պատգամավոր։ 2019 թվականի փետրվարի 2-ից ԱԺ Պետական-իրավական հարցերի մշտական հանձնաժողովի նախագահ^[1]։

Կենսագրություն

Վլադիմիր Վարդանյանը ծնվել է Երևանում՝ 1979 թվականի օգոստոսի 26-ին։

Միչև 2000 թվականը սովորել է Երևանի պետական համալսարանի իրավագիտության ֆակուլտետում, իսկ 2002 թվականին ավարտել է նույն ֆակուլտետի մագիստրատուրան։ Իրավագիտության մագիստրոս է։ 2002 թվականին ընդունվել է ՀՀ Գիտությունների ազգային ակադեմիայի Հայոց ցեղասպանության թանգարան-ինստիտուտի ասպիրանտուրան, 2004 թվականին՝ տեղափոխվել ԵՊՀ ասպիրանտուրան։ Իրավաբանական գիտությունների թեկնածու է^[2]։

2003-2006 թվականներին աշխատել է որպես ՀՀ սահմանադրական դատարանի աշխատակազմի իրավախորհրդատվական ծառայության գլխավոր մասնագետ, 2006-2013 թվականներին՝ նույն ծառայության միջազգային պայմանագրերի բաժնի վարիչ, 2013-2016 թվականներին եղել է նույն ծառայության պետ։ 2016-2018 թվականներին աշխատել է ՀՀ սահմանադրական դատարանի խորհրդական։ 2005 թվականից դասախոսում է ԵՊՀ-ում։ 2007-2015 թվականներին դասախոսել է նաև Հայ-ռուսական (սլավոնական) համալսարանում։ 2014-2015 թվականներին՝ Հայ-ռուսական (սլավոնական) համալսարանի միջազգային և եվրոպական իրավունքի ամբիոնի վարիչ։ 2016 թվականից մինչև 2019 թվականի հունվար՝ «Սահմանադրական մշակույթ» միջազգային վերլուծական կենտրոնի գործադիր տնօրեն։ 2018 թվականի ապրիլից մինչև 2019 թվականի հունվար ղեկավարել է ՀՀ սահմանադրական դատարանի աշխատակազմը։

2015 թվականից համակարգել է Իրավաբանների համահայկական խորհրդաժողովի խորհրդին առընթեր «Հայոց ցեղասպանության իրավական հարցերի» գիտավերլուծական կենտրոնը։ 2018 թվականից Հայոց ցեղասպանության թանգարան ինստիտուտի հոգաբարձուների խորհրդի անդամ է։

Քաղաքական գործունեություն

2018 թվականի դեկտեմբերի 9-ին ընտրվել է Ազգային Ժողովի պատգամավոր «Իմ քայլը» կուսակցությունների դաշինքի համապետական ընտրական ցուցակով։

2019 թվականի հունվարի 18-ից ՀՀ ԱԺ պետական-իրավական հարցերի մշտական հանձնաժողովի նախագահ է։

Գիտական գործունեություն

Հեղինակել է մեկ մենագրություն և 30-ից ավել գիտական հոդվածներ։

Ընտանիք

Վլադիմիր Վարդանյանը ունի երկու զավակ։

Ծանոթագրություններ

↑ «Վլադիմիր Վարդանյանը Ազգային Ժողովի պաշտոնական կայքում».
↑ «Վլադիմիր Դավիթի Վարդանյան». ysu.am. Վերցված է 2019 թ․ հուլիսի 19-ին.

[ԱԺ-1] «Վլադիմիր Վարդանյանը Ազգային Ժողովի պաշտոնական կայքում».

[2] «Վլադիմիր Դավիթի Վարդանյան». ysu.am. Վերցված է 2019 թ․ հուլիսի 19-ին.

[1]

[2]