Սերգեյ Բագրատյան

Վիքիպեդիայում կան հոդվածներ Բագրատյան ազգանունով այլ մարդկանց մասին։

Սերգեյ Բագրատյան
Ծնվել է	հունվարի 3, 1963(1963-01-03) (62 տարեկան)
Ծննդավայր	Արտաբույնք, Հայաստան
Կրթություն	Երևանի պետական համալսարան և ՊԿԱ
Գիտական աստիճան	տնտեսագիտական գիտությունների թեկնածու
Մասնագիտություն	գործարար և քաղաքական գործիչ
Զբաղեցրած պաշտոններ	Հայաստանի Ազգային ժողովի պատգամավոր, Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
Կուսակցություն	Քաղաքացիական պայմանագիր
Sergey Bagratyan Վիքիպահեստում

Սերգեյ Բագրատյան (հունվարի 3, 1963(1963-01-03), Արտաբույնք, Հայաստան), Հայաստանի պետական գործիչ, Հայաստանի Վայոց ձորի նախկին մարզպետ։ Ազգային ժողովի տարածքային կառավարման, տեղական ինքնակառավարման, գյուղատնտեսության և բնապահպանության հարցերի մշտական հանձնաժողովի փոխնախագահ։

Կրթություն

• 1970-1980 թթ. - սովորել և ավարտել է Վայքի թիվ 1 միջնակարգ դպրոցը։
• 1981-1986 թթ. - սովորել և ավարտել է Երևանի պետական համալսարանի երկրաբանական ֆակուլտետը։
• 1992-1996 թթ. - սովորել և ավարտել է Երևանի տնտեսաիրավագիտական համալսարանը։
• 2002-2004 թթ. - սովորել և ավարտել է ՀՀ պետական կառավարման ակադեմիան։ Տնտեսագիտության թեկնածու, դոցենտ։

Աշխատանքային գործունեություն

• 1980-1981 թթ. - աշխատել է Վայքի թիվ 17 շարժական մեքենայացաված տրեստում որպես բետոնագործ։
• 1986 թ. - աշխատել է Վայքի շինարարական իրերի կոմբինատում որպես հանքի պետ։
• 1987 թ. - աշխատել է «Սապֆիր» արտադրական միավորումում որպես ավագ տնտեսագետ։
• 1988-1993 թթ. - Երևանի կերամիկական կոմբինատի արտադրամասի պետ։
• 1993-1994 թթ. - «Հայշինտեխկենտրոն» տրեստի տնօրեն
• 1996-1997 թթ. - Երևանի տնտեսաիրավագիտական համալսարանի դասախոս։
• 1998-2010 թթ. - եղել է «Սերգեյ գրուպ» ՍՊԸ խորհրդի նախագահ։
• 2002-2004 թթ. – եղել է «Քիմռեակտիվ» ԲԲԸ կառավարիչ։
• 2010 թ. հուլիսի 8-ին Հայաստանի Կառավարության որոշմամբ նշանակվել է Հայաստանի Վայոց ձորի մարզպետ։
• 2012 թ. հունիսի 7-ին Հայաստանի կառավարության որոշմամբ ազատվել է Հայաստանի Վայոց ձորի մարզպետի պաշտոնից՝ իր դիմումի համաձայն։
• 2017 թ. պատգամավոր է ընտրվել Ծառուկյան դաշինքից։
• 2018 թ. դեկտեմբերի 9-ին պատգամավոր է ընտրվել ԲՀԿ ցուցակով
• 2020 թ. հուլիսի 23-ին դուրս է եկել «Բարգավաճ Հայաստան» կուսակցությունից։
• 2021 թ. հունիսի 20-ին պատգամավոր է ընտրվել ՔՊ ցուցակով։

Պարգևներ

• Արցախի Մայրության երախտագիտության մեդալ։
• «Զորավար Անդրանիկ» մեդալ։
• «Լեռնահայաստանի արծիվ» մեդալ։
• ԵԿՄ պատվոգիր։
• Պահեստազորի լեյտենանտ։

Ամուսնացած է, ունի երկու որդի։

Նախորդող Վարդգես Մաթևոսյան

ՀՀ Վայոց ձորի մարզպետ Սերգեյ Բագրատյան 8 հուլիսի 2010 - 2012

Հաջորդող Էդգար Ղազարյան