Ծառուկյան դաշինք
Ծառուկյան դաշինք, գործող քաղաքական դաշինք Հայաստանում։ Ստեղծվել է 2017 թվականի հունվարի 18-ին՝ Գագիկ Ծառուկյանի, «Բարգավաճ Հայաստան» կուսակցության տարածքային պատասխանատուների և ԲՀԿ պատգամավորների հանդիպման արդյունքում[1]։ Դաշինքի առաջին նիստը կայացել է հունվարի 19-ին։
«Ծառուկյան դաշինք»-ը բաղկացած է «Բարգավաճ Հայաստան», «Ալյանս» և «Առաքելություն» կուսակցություններից[2]
Մասնակցությունը ՀՀ խորհրդարանական ընտրություններին[խմբագրել | խմբագրել կոդը]
2017[խմբագրել | խմբագրել կոդը]
Դաշինքի ստեղծման նպատակը Հայաստանի 2017 թ-ի խորհրդարանական ընտրություններին մասնակցելն է։ Դաշինքն ընտրություններին մասնակցությունը գրանցելու համար ՀՀ Կենտրոնական ընտրական հանձնաժողովին փաստաթղթերը հանձնել է փետրվարի 16-ին[3][4]։ Նույն օրը դաշինքը հրապարակեց համամասնական ցուցակը, որտեղ ընդգրկված է 187 անձ։ Ցուցակը գլխավորում է Գագիկ Ծառուկյանը, երկրորդը ՀՀ վերահսկիչ պալատի նախագահ Իշխան Զաքարյանն է, որը նաև դաշինքի նախընտրական շտաբի պետն է[5]։ Ցուցակի երրորդ տեղում Նաիրա Զոհրաբյանն է[6][7]։ Դաշինքի կարգախոսն է «Փոփոխությունների և կառուցելու ժամանակն է»։ Դաշինքի նախընտրական ծրագրի հիմքում դրված է 15 առաջնահերթ քայլ[8]։
Հայտարարություններ[խմբագրել | խմբագրել կոդը]
Դաշինքի ղեկավար Գագիկ Ծառուկյանը մարտի 22-ին հայտարարեց, որ պատրաստ է ցանկացած ուժի հետ կոալիցիա կազմել, եթե կատարվեն իր առաջարկած 15 կետերը[9][10]։
Ծանոթագրություններ[խմբագրել | խմբագրել կոդը]
- ↑ Իշխան Զաքարյանը՝ Ծառուկյանի գլխավորած դաշինքի նախընտրական շտաբի պետ
- ↑ «Ծառուկյան դաշինք»-ի կազմը
- ↑ ԿԸՀ փաստաթղթերը ներկայացրեց «Ծառուկյան» դաշինքը
- ↑ «Ծառուկյան» դաշինքը եւս ԿԸՀ ներկայացրեց իր փաստաթղթերը (Ֆոտո)
- ↑ Իշխան Զաքարյանը՝ «Ծառուկյան դաշինք»-ի նախընտրական շտաբի պետ
- ↑ «Ծառուկյան դաշինք»-ը հրապարակեց իր ցուցակի առաջին տասնյակը
- ↑ «Ծառուկյան» դաշինքի համամասնական ցուցակն ամբողջությամբ
- ↑ Որոնք են «Ծառուկյան դաշինքի» 15 առաջնահերթ քայլերը
- ↑ «Կոալիցիա կկազմեմ, եթե կհամաձայնվեն, որ իմ 15 կետերը կատարվեն». Գագիկ Ծառուկյան
- ↑ Որ դեպքում «Ծառուկյան» դաշինքը կոալիցիա կկազմի. մեկնաբանում է Գագիկ Ծառուկյանը