Սարիկ Մինասյան
- Վիքիպեդիայում կան հոդվածներ Մինասյան ազգանունով այլ մարդկանց մասին։
| Սարիկ Մինասյան | |||
| |||
|---|---|---|---|
| 2019 հունվարի 14 - 2021 օգոստոսի 2 | |||
| |||
| 2024 դեկտեմբերի 13-ից | |||
| Կուսակցություն՝ | Քաղաքացիական պայմանագիր | ||
| Մասնագիտություն՝ | քաղաքական գործիչ | ||
| Ծննդյան օր | օգոստոսի 16, 1980 (44 տարեկան) | ||
| Ծննդավայր | Լենինական, Հայկական ԽՍՀ, ԽՍՀՄ | ||
Սարիկ Սամվելի Մինասյան՝ (օգոստոսի 16, 1980, Լենինական, Հայկական ԽՍՀ, ԽՍՀՄ), հայ քաղաքական գործիչ, ՀՀ ԱԺ 7-րդ գումարման պատգամավոր [1]: «Լուսավոր Հայաստան» խմբակցության անդամ (2019-2021)։ ՀՀ միասնական սոցիալական ծառայության Գյումրու տարածքային կենտրոնի տնօրեն (2022-2024)։ ՀՀ Շիրակի մարզի Գյումրի համայնքի ղեկավարի ժամանակավոր պաշտոնակատար։
Կենսագրություն
[խմբագրել | խմբագրել կոդը]Սարիկ Մինասյանը ծնվել է 1980 թվականի օգոստոսի 16-ին, Գյումրիում[2]։ 2004-2006 թվականներին ծառայել է ՀՀ ազգային բանակում, ստացել է «ավագ» զինվորական կոչում։
Կրթություն
[խմբագրել | խմբագրել կոդը]2004 թվականին ավարտել է Հայ-ռուսական (սլավոնական) համալսարանը՝ ստանալով քաղաքագիտության մագիստրոսի կոչում։
Աշխատանք
[խմբագրել | խմբագրել կոդը]2006-2009 թվականներին Ռուսաստանի Դաշնության զինված ուժերի զորամասերից մեկում աշխատել է որպես հրամանատարի օգնական[3]։ 2010-2011 թվականներին աշխատել է «ԱրմենՏել» ընկերությունում վաճառքի բաժնում՝ որպես տարածքային մասնագետ։ 2011 թվականին աշխատել է «Գոռ-Ավետ» ՍՊԸ-ում՝ որպես փոխտնօրեն։ 2013-2017 թվականներին եղել է Գյումրու քաղաքապետարանի բյուջեի եկամուտների հաշվառման և հավաքագրման բաժնի պետ։ 2018 թվականի մարտից մինչև 2019 թվականի հունվարը եղել է ՀՀ ԱՍՀՆ սոցիալական ապահովության պետական ծառայության Գյումրու տարածքային բաժնի պետ։
2018 թվականին ընտրվել է ՀՀ ԱԺ պատգամավոր Լուսավոր Հայաստան կուսակցության թիվ 11 ընտրատարածքի տարածքային ընտրական ցուցակով[4]։
2022 թվականի հուլիսի 8-ից մինչև 2024 թվականի դեկտեմբեր 13-ը զբաղեցրել է ՀՀ միասնական սոցիալական ծառայության Գյումրու տարածքային կենտրոնի տնօրենի պաշտոնը։
2024 թվականի դեկտեմբերի 8,9,10-ին մասնակցել է «Քաղաքացիական պայմանագիր» կուսակցության կողմից Գյումրիում կազմակերպած փրայմերիզին, և ընտրվել Գյումրու քաղաքապետի ժամանակավոր պաշտոնակատար։
2024 թվականի դեկտեմբերի 13-ին ՀՀ վարչապետի որոշմամբ նշանակվել է Գյումրի համայնքի ղեկավարի ժամանակավոր պաշտոնակատար։
Ընտանեկան կարգավիճակ
[խմբագրել | խմբագրել կոդը]Ամուսնացած է, ունի երկու դուստր և մեկ որդի։
Այլ տեղեկություններ
[խմբագրել | խմբագրել կոդը]Քաղաքացիական պայմանագիր կուսակցության անդամ։
Ծանոթագրություններ
[խմբագրել | խմբագրել կոդը]- ↑ «ԿԸՀ-ն հաստատեց ԱԺ պատգամավորների անվանացանկը․ ովքեր են լինելու «Լուսավոր Հայաստան» խմբակցության պատգամավորները».
- ↑ ԱԺ պատգամավար Սարիկ Մինասյան
- ↑ «Սարիկ Մինասյան». ԳՅՈՒՄՐՈՒ ՀԱՄԱՅՆՔԱՊԵՏԱՐԱՆԻ ՊԱՇՏՈՆԱԿԱՆ ԿԱՅՔ. Արխիվացված է օրիգինալից 2019-09-14-ին. Վերցված է 08/03/2019-ին.
- ↑ «Սարիկ Մինասյան». Լուսավոր Հայաստան Կուսակցության պաշտոնական էջ. Վերցված է 03/08/2019-ին.