Հռիփսիմե Գրիգորյան
- Վիքիպեդիայում կան հոդվածներ Գրիգորյան ազգանունով այլ մարդկանց մասին։
| Հռիփսիմե Աշոտի Գրիգորյան | |
|---|---|
| Ծնվել է | 1988 թվականի սեպտեմբերի 18 |
| Ծննդավայր | Երևան |
| Քաղաքացիություն | Հայաստան |
| Ազգություն | հայ |
| Կրթություն | Երևանի պետական համալսարան |
| Մասնագիտություն | միջազգայնագետ, քաղաքագետ |
| Աշխատանք | պատգամավոր |
| Աշխատավայր | Ազգային ժողով (Բաղրամյան 19 փողոց) |
| Ամուսին | ամուսնացած է |
| Զբաղեցրած պաշտոններ | Հայաստանի Ազգային ժողովի պատգամավոր և Հայաստանի Ազգային ժողովի պատգամավոր |
Հռիփսիմե Գրիգորյան սեպտեմբերի 18, 1988[1], Երևան, Հայկական ԽՍՀ, ԽՍՀՄ[1], ՀՀ Ազգային Ժողովի 7-րդ գումարման պատգամավոր, միջազգայնագետ, քաղաքագետ։ ՀՀ ԱԺ տնտեսական հարցերի մշտական հանձնաժողովի անդամ[2]։
Կենսագրություն[խմբագրել | խմբագրել կոդը]
Հռիփսիմե Գրիգորյանը ծնվել է 1988 թվականի սեպտեմբերի 18-ին՝ Երևանում։
Մինչև 2009 թվականը սովորել է Երևանի պետական համալսարանի միջազգային հարաբերությունների ֆակուլտետու, ստացել միջազգայնագետի որակավորում։ 2011 թվականին Բուդապեշտում խորացրել է գիտելիքները՝ ավարտելով Կենտրոնական Եվրոպական համալսարանի քաղաքագիտության ֆակուլտետը և ստանալով քաղաքագիտության մագիստրոսի որակավորում։
«Ֆեդերալիզմ, ապակենտրոնացում և հակամարտության կարգավորում» (2010 թվական, Ֆրիբուրգի համալսարան, Շվեյցարիա) և «Ժողովրդավարացման մարտահրավերներ» (2012 թվական, Երիտասարդ լիբերալների միջազգային ֆեդերացիա, Շվեդիա) դասընթացների մասնակից է։
2009 թվականին Հայաստանում ԱՄՆ-ի դեսպանատնում աշխատել է որպես հանրային կապերի բաժնի օգնական։ 2012 թվականին՝ Քեմբրիջի համալսարանի քաղաքագիտության ֆակուլտետի հետազոտողի օգնական։ 2012-2017 թվականներին՝ Գոտենբուրգի համալսարանի «Ժողովրդավարության տեսակներ» ծրագրի հետազոտող։ 2013 թվականին աշխատել է «Հայկական կարմիր խաչի ընկերություն» հասարակական կազմակերպությունում՝ որպես կրթության մասնագետ։ 2013, 2015 և 2017 թվականներին ԵԱՀԿ ժողովրդավարական հաստատությունների և մարդու իրավունքների գրասենյակում եղել է լրատվության մասնագետի ավագ օգնական։ 2014 թվականին գործարար զարգացման կառավարիչ է եղել «STDev ցանցի և հավելվածների զարգացման կազմակերպությունում»։ 2016 թվականին հիմնադրել է «Գրիգ թրեվլ» ՍՊԸ-ն և այն տնօրինել մինչև 2015 թվականը։ 2016-2018 թվականներին համակարգել է ՀՀ տնտեսական զարգացման և ներդրումների նախարարության զբոսաշրջության պետական կոմիտեի դոնորների հետ կապերը, եղել է նաև մարկետինգի և խթանման վարչության խորհրդական։ 2018 թվականի հունիսի 11-ից մինչև 2019 թվականի հունվարի 14-ը նախագահել է ՀՀ տնտեսական զարգացման և ներդրումների կոմիտեն։
2008 թվականին անդամակցել է «Հիմա» երիտասարդական նախաձեռնությանը, 2011 թվականից՝ «Հիմա» հ/կ-ին։
Քաղաքական գործունեություն[խմբագրել | խմբագրել կոդը]
2018 թվականի դեկտեմբերի 9-ին «Իմ քայլը» կուսակցությունների դաշինքի թիվ 3 ընտրատարածքի տարածքային ընտրական ցուցակով ընտրվել է ՀՀ ԱԺ 7-րդ գումարման պատգամավոր։
Ընտանիք[խմբագրել | խմբագրել կոդը]
Ամուսնացած է։
