Արամ Խաչատրյան (քաղաքական գործիչ)

Վիքիպեդիայից՝ ազատ հանրագիտարանից
Արամ Խաչատրյան
Դրոշ
Դրոշ
ՀՀ ԱԺ 7-րդ գումարման պատգամավոր
Դրոշ
Դրոշ
2019 հունվարի 14 - 2020 դեկտեմբերի 17
Դրոշ
Դրոշ
ՀՀ Լոռու մարզպետ
Դրոշ
Դրոշ
2020 դեկտեմբերի 17 - 2024, հունվարի 3
 
Կուսակցություն՝ Քաղաքացիական պայմանագիր
Կրթություն՝ Վազգեն Սարգսյանի անվան ռազմական համալսարան
Մասնագիտություն՝ քաղաքական և ռազմական գործիչ
Ծննդյան օր հուլիսի 6, 1978 (45 տարեկան)
Ծննդավայր Հայաստան, Լոռու մարզ, Վանաձոր
Քաղաքացիություն  ԽՍՀՄ և  Հայաստան

Արամ Մայիսի Խաչատրյան, հայ ռազմական, պետական և քաղաքական գործիչ[1], ՀՀ ԱԺ 7-րդ գումարման պատգամավոր, «Իմ քայլը» խմբակցության անդամ (2019-2020)։ ՀՀ Լոռու նախկին մարզպետ (2020-2024)[2]։

Կենսագրություն[խմբագրել | խմբագրել կոդը]

Ծնվել է 1978 թվականի հուլիսի 6-ին Կիրովականում և մեծացել մանկավարժի ընտանիքում[3]։

1985–1995 թվականներին սովորել է Վանաձորի թիվ 11 միջնակարգ դպրոցում։

Միչև 1999 թվականը սովորել է Հայաստանի Հանրապետության պաշտպանության նախարարության Վազգեն Սարգսյանի անվան ռազմական համալսարանում։

1999-2004 թվականներին ծառայել է ՀՀՊԾ N զորամասում։

1999-2001 թվականներին աշխատել է դասակի հրամանատար, իսկ 2001-2004 թվականներին՝ վաշտի հրամանատար, 2004-2009 թվականներին՝ գումարտակի շտաբի պետ, մայոր։

Քաղաքական գործունեություն[խմբագրել | խմբագրել կոդը]

2010-2018 թվականներին եղել է Լոռու մարզի Վահագնաձոր համայնքի հիմնական դպրոցի Նախնական զինվորական պատրաստության ուսուցիչ, իսկ 2012-2016 թվականներին՝ Վանաձորի ավագանի։ 2018 թվականին աշխատել է որպես Լոռու մարզպետի պաշտոնակատար։

2016 թ․ սեպտեմբերին Վանաձորի ավագանու և քաղաքապետի ընտրություններում գլխավորել է «Քաղաքացիական պայմանագիր» կուսակցության նախընտրական ցուցակը։

2018 թվականի դեկտեմբերի 9-ին կայացած արտահերթ խորհրդարանական ընտրություններում Լոռու մարզն ընդգրկող թիվ 9 ընտրատարածքում լինելով «Իմ քայլը» դաշինքի ռեյտինգային թեկնածուներից մեկը՝ ստացել է 15 083 ձայն[4][5]։

2019-2020 թվականներին հանդիսացել է ՀՀ ԱԺ 7-րդ գումարման պատգամավոր, «Իմ քայլը» խմբակցության անդամ, ԱԺ պաշտպանության և անվտանգության հարցերի մշտական հանձնաժողովի անդամ (2019 հունվար-հունիս), ԱԺ տարածաշրջանային և Եվրասիական ինտեգրման հարցերի մշտական հանձնաժողովի անդամ։

2020 թվականի դեկտեմբերի 17-ին կառավարության որոշմամբ նշանակվել է ՀՀ Լոռու մարզպետ, ազատվել է պաշտոնից 2024 թվականի հունվարի 3-ին[2]։

Ընտանիք[խմբագրել | խմբագրել կոդը]

Ամուսնացած է, ունի երկու զավակ։

Ծանոթագրություններ[խմբագրել | խմբագրել կոդը]

  1. «Արամ Խաչատրյանը Ազգային Ժողովի պաշտոնական կայքում».
  2. 2,0 2,1 «Քաղաքաշինության կոմիտեի նախագահն ու Լոռու մարզպետն ազատվել են պաշտոններից».
  3. Ֆուտբոլիստից մինչև լրագրող․ ովքե՞ր են մարզպետերի ժամանակավոր պաշտոնակատարները(չաշխատող հղում)
  4. «Իմ քայլը» դաշինքի 10 ամենից շատ ձայն հավաքած թեկնածուները
  5. Ով որքան ձայն է ստացել Լոռու մարզում. առաջատարը փոխմարզպետն է: