Արգիշտի Մեխակյան
| Արգիշտի Մեխակի Մեխակյան | |
|---|---|
.png) | |
| Ծնվել է | 1986 թվականի օգոստոսի 22 |
| Ծննդավայր | Արմավիրի մարզի Արագած գյուղում |
| Քաղաքացիություն | Հայաստան |
| Ազգություն | հայ |
| Կրթություն | Երևանի պետական համալսարան |
| Մասնագիտություն | տնտեսագետ |
| Աշխատանք | ֆինանսիստ, տնտեսագետ |
| Աշխատատու | Վաղարշապատի համայնքապետարան |
| Ամուսին | ամուսնացած չէ |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Քաղաքացիական պայմանագիր |
| Պարգևներ և մրցանակներ | «Քաջարի մարտիկ» (2008 թվական, Պաշտպանության նախարարություն) |
Արգիշտի Մեխակյան (օգոստոսի 22, 1986[1], Արագած, Էջմիածնի շրջան, Հայկական ԽՍՀ, ԽՍՀՄ[1]), հայ տնտեսագետ, Էջմիածնի փոխքաղաքապետ (2018 թ.) Հայաստանի Ազգային ժողովի 7-րդ գումարման պատգամավոր[2] (2018-2020)։ Հայաստանի Արմավիրի մարզպետի տեղակալ (2020-2021)։ Արմավիրի մարզի Խոյ համայնքի ղեկավար (2021-2024)։ Հայաստանի Արմավիրի մարզպետ (2024 դեկտեմբեր-2025 հուլիս)։ Հայաստանի Արմավիրի մարզի Վաղարշապատ համայնքի ղեկավար՝ 2025 թվականի նոյեմբերի 16-ից։
Կենսագրություն
[խմբագրել | խմբագրել կոդը]Ծնվել է 1986 թվականի օգոստոսի 22-ին Արմավիրի մարզի Արագած գյուղում։
2007-2008 թվականներին ծառայել է Հայաստանի զինված ուժերում։
Միչև 2003 թվականը սովորել է Էջմիածնի Ներսիսյան վարժարանում, իսկ 2007 թվականին ավարտել է Երևանի պետական համալսարանի տնտեսագիտության ֆակուլտետը։
2007 թվականին (փետրվար-հունիս) աշխատել է Էջմիածնի քաղաքապետարանում որպես վերահսկողության բաժնի երկրորդ կարգի մասնագետ, 2008-2010 թվականներին՝ Էջմիածնի քաղաքապետարանի ֆինանսական բաժնի առաջին կարգի մասնագետ, 2010-2014 թվականներին՝ Հայաստանի կառավարությանն առընթեր անշարժ գույքի կադաստրի պետական կոմիտեի նախագահի օգնական։ 2014-2016 թվականներին աշխատել է որպես Հայաստանի էներգետիկայի և բնական պաշարների նախարարի օգնական, 2017-2018 թվականներին՝ «Մոբայլ Սենթր Արթ» ՍՊԸ մենեջեր։
2018 թվականի օգոստոսից միչև 2019 թվականի հունվար եղել է Էջմիածին համայնքի ղեկավարի տեղակալ։
2006-2007 թվականներին աշխատել է Արմավիրի մարզի Արագած գյուղում որպես USAID-ի հիմնադրված «Արագածի երիտասարդական գործողությունների ակումբի» նախագահ։
2013 թվականին դարձել է Գյումրու «Երիտասարդական նախաձեռնությունների կենտրոն» հասարակական կազմակերպության պատվավոր անդամ։
Մասնակից է եղել «T.A.L.K» միջազգային երիտասարդական փոխանակման ծրագրին (2013 թվական, Շվեդիա), երիտասարդական ոլորտի քաղաքականությամբ զբաղվող կազմակերպությունների ուսումնական այցին (2016 թվական, Իռլանդիա)։
Քաղաքական գործունեություն
[խմբագրել | խմբագրել կոդը]2018 թվականի դեկտեմբերի 9-ին ընտրվել է Ազգային ժողովի պատգամավոր «Իմ քայլը» կուսակցությունների դաշինքի թիվ 6 ընտրատարածքի տարածքային ընտրական ցուցակով։
2020 թվականի դեկտեմբերի 3-ին վայր է դրել պատգամավորական մանդատը։
2020 թվականի դեկտեմբերի 15-ին նշանակվել է Հայաստանի Արմավիրի մարզպետի տեղակալ։ 2021 թվականի դեկտեմբերի 5-ին ազատվել է պաշտոնից։
2021 թվականի դեկտեմբերի 5-ին կայացած ՏԻՄ ընտրություններում գլխավորել է «Քաղաքացիական պայմանագիր» կուսակցության համամասնական ցուցակը Խոյ համայնքում և ընտրվել Խոյի համայնքապետ։
2024 թվականի դեկտեմբերի 5-ի Հայաստանի կառավարության որոշմամբ նշանակվել է Հայաստանի Արմավիրի մարզպետ։
2025 թվականի հուլիսի 15-ին Հայաստանի վարչապետի որոշմամբ նշանակվել է Արմավիրի մարզի Վաղարշապատ համայնքի ղեկավարի պաշտոնակատար։
2025 թվականի նոյեմբերի 16-ին կայացած Վաղարշապատ համայնքի ՏԻՄ ընտրություններում գլխավորել է «Քաղաքացիական պայմանագիր» կուսակցության համամասնական ցուցակը և ընտրվել Վաղարշապատ համայնքի ղեկավար։
Ընտանիք
[խմբագրել | խմբագրել կոդը]Ամուսնացած է, ունի երկու որդի։
