Արգիշտի Մեխակյան

Վիքիպեդիայից՝ ազատ հանրագիտարանից
Jump to navigation Jump to search
Արգիշտի Մեխակի Մեխակյան
Ծնվել է1986 թվականի օգոստոսի 22
ԾննդավայրԱրմավիրի մարզի Արագած գյուղում
ՔաղաքացիությունՀայաստանի Հանրապետություն
Ազգությունհայ
ԿրթությունԵրևանի պետական համալսարան
Մասնագիտությունտնտեսագետ
Աշխատանքֆինանսիստ, պատգամավոր
ԱշխատավայրԱզգային ժողով (Բաղրամյան 19 փողոց)
Ամուսինամուսնացած չէ
Պարգևներ և
մրցանակներ
«Քաջարի մարտիկ» (2008 թվական, Պաշտպանության նախարարություն)

Արգիշտի Մեխակյան, Հայաստանի Հանրապետության Ազգային Ժողովի 7-րդ գումարման պատգամավոր, տնտեսագետ:[1]

Կենսագրություն[խմբագրել | խմբագրել կոդը]

Ծնվել է 1986 թվականի օգոստոսի 22-ին Արմավիրի մարզի Արագած գյուղում:

2007-2008 թվականներին ծառայել է Հայաստանի Հանրապետության զինված ուժերում:

Միչև 2003 թվականը սովորել է Էջմիածնի Ներսիսյան վարժարանում, իսկ 2007 թվականին ավարտել է Երևանի պետական համալսարանի տնտեսագիտության ֆակուլտետը:

2007 թվականին (փետրվար-հունիս) աշխատել է Էջմիածնի քաղաքապետարանում որպես վերահսկողության բաժնի երկրորդ կարգի մասնագետ, 2008-2010 թվականներին՝ Էջմիածնի քաղաքապետարանի ֆինանսական բաժնի առաջին կարգի մասնագետ, 2010-2014 թվականներին՝ Հայաստանի Հանրապետության կառավարությանն առընթեր անշարժ գույքի կադաստրի պետական կոմիտեի նախագահի օգնական: 2014-2016 թվականներին աշխատել է որպես Հայաստանի Հանրապետության էներգետիկայի և բնական պաշարների նախարարի օգնական, 2017-2018 թվականներին՝ «Մոբայլ Սենթր Արթ» ՍՊԸ մենեջեր:

2018 թվականի օգոստոսից միչև 2019 թվականի հունվար եղել է Էջմիածին համայնքի ղեկավարի տեղակալ:

2006-2007 թվականներին աշխատել է Արմավիրի մարզի Արագած գյուղում որպես USAID-ի հիմնադրված «Արագածի երիտասարդական գործողությունների ակումբի» նախագահ:

2013 թվականին դարձել է Գյումրու «Երիտասարդական նախաձեռնությունների կենտրոն» հասարակական կազմակերպության պատվավոր անդամ:

Մասնակից է եղել «T.A.L.K» միջազգային երիտասարդական փոխանակման ծրագրին (2013 թվական, Շվեդիա), երիտասարդական ոլորտի քաղաքականությամբ զբաղվող կազմակերպությունների ուսումնական այցին (2016 թվական, Իռլանդիա):

Քաղաքական գործունեություն[խմբագրել | խմբագրել կոդը]

2018 թվականի դեկտեմբերի 9-ին ընտրվել է Ազգային ժողովի պատգամավոր «Իմ քայլը» կուսակցությունների դաշինքի թիվ 6 ընտրատարածքի տարածքային ընտրական ցուցակով:

Ընտանիք[խմբագրել | խմբագրել կոդը]

Ամուսնացած չէ:

Ծանոթագրություններ[խմբագրել | խմբագրել կոդը]