Միքայել Մելքումյան

Միքայել Մելքումյան;
Ծնվել է	ապրիլի 1, 1962 (64 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Հայաստանի պետական տնտեսագիտական համալսարան (1983)
Գիտական աստիճան	տնտեսական գիտությունների դոկտոր
Մասնագիտություն	քաղաքական գործիչ և տնտեսագետ
Ծնողներ	հայր՝ Սերգեյ Մելքումյան
Զբաղեցրած պաշտոններ	Եվրոպայի խորհրդի խորհրդարանական վեհաժողովի փոխարինող, Հայաստանի Ազգային ժողովի պատգամավոր և Հայաստանի Ազգային ժողովի պատգամավոր
Կուսակցություն	Բարգավաճ Հայաստան

Միքայել Սերգեյի Մելքումյան (ապրիլի 1, 1962(1962-04-01), Երևան, Հայկական ԽՍՀ, ԽՍՀՄ), հայ կուսակցական-քաղաքական գործիչ, տնտեսագետ, Բարգավաճ Հայաստան կուսակցության անդամ, 5-րդ, 6-րդ և 7-րդ գումարման Ազգային ժողովների պատգամավոր, ԲՀԿ խորհրդարանական խմբակցության անդամ^[1]։ 6-րդ գումարման Ազգային ժողովի փոխնախագահ^[2]։ ՀՀ ԱԺ տարածաշրջանային և եվրասիական ինտեգրման հարցերի մշտական հանձնաժողով նախագահն է։

Կենսագրություն

Ծնվել է 1962 թվականի ապրիլի 1-ին՝ Երևանում։ Ծառայել է խորհրդային բանակում։

Կրթություն

1983 թվականին ավարտել է Երևանի ժողովրդական տնտեսության ինստիտուտը՝ ստանալով տնտեսագետի որակավորում։ 1987 թվականին նույն համալսարանում ստացել է ասպիրանտի որակավորում։ Տնտեսագիտության դոկտոր, պրոֆեսոր է։

Աշխատանքային գործունեություն

1987-1990 թվականներին որպես դասախոս աշխատել է Հայաստանի պետական տնտեսագիտական համալսարանի արդյունաբերության էկոնոմիկայի ամբիոնում։ 1999-2000 թվականներին զբաղեցրել է ՀՀ սոցիալական ապահովության նախարարության աշխատակազմի ղեկավարի պաշտոնը։ 2000 թվականից ՀՊՏՀ-ի միկրոէկոնոմիկայի եւ ձեռնարկատիրական գործունեության կազմակերպման ամբիոնի պրոֆեսոր է։ 2000-2003 թվականներին եղել է ՀՀ պետական գույքի կառավարման նախարարի տեղակալ։

Քաղաքական գործունեություն

2012 թվականի մայիսի 6-ին համամասնական ընտրակարգով «Բարգավաճ Հայաստան» կուսակցությունից ընտրվել է 5-րդ գումարման, 2017 թվականի ապրիլի 2-ին՝ «Ծառուկյան» դաշինքից 6-րդ գումարման, 2018 թվականի դեկտեմբերի 9-ին՝ «Բարգավաճ Հայաստան» կուսակցությունից 7-րդ գումարման ԱԺ պատգամավոր։

Անձնական կյանք

Ամուսնացած է, ունի երեք որդի։

Երկեր

Երկրորդային հումքային ռեսուրսների օգտագործման պրոբլեմը ՀՀ-ում, Երևան, 1991։
Ձեռնարկատիրություն և ներդրումներ, Երևան, 1998։
Պետական գույքի կառավարումը և բիզնեսը, Երևան, 2001։
Ձեռնարկատիրություն և բիզնես, Երևան, 2006։

Ծանոթագրություններ

↑ «National Assembly of Armenia». {{cite web}}: Text "Official Web Site" ignored (օգնություն); Text "parliament.am" ignored (օգնություն)
↑ «Միքայել Մելքումյանը՝ ԱԺ փոխնախագահ». 17.05.2017.

Արտաքին հղումներ

Միքայել Մելքումյանի հեղինակած և համահեղինակային գրքերը և հոդվածները ՀՊՏՀ էլեկտրոնային գրադարանում

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 7, էջ 397)։

[1] «National Assembly of Armenia». {{cite web}}: Text "Official Web Site" ignored (օգնություն); Text "parliament.am" ignored (օգնություն)

[2] «Միքայել Մելքումյանը՝ ԱԺ փոխնախագահ». 17.05.2017.

[1]

[2]