Արման Սաղաթելյան

Վիքիպեդիայից՝ ազատ հանրագիտարանից
Jump to navigation Jump to search
Արման Արմենի Սաղաթելյան
Arman Saghatelyan.jpg
Ծնվել էօգոստոսի 26, 1975 (43 տարեկան)
ԾննդավայրԵրևան
ՔաղաքացիությունՀայաստան
ԱզգությունՀայ
ԿրթությունԱլեքսանդր Պուշկինի անվան թիվ 8 դպրոց և Հայաստանի ազգային ագրարային համալսարան
Գիտական աստիճանPhD in Political Science
ՄասնագիտությունՌազմական լրագրող, հաղորդավար, մեդիա մենեջեր
ԱշխատանքՀայաստանի հանրային ռադիոյի գործադիր տնօրեն
Ծնողներհայր՝ Արմեն Սաղաթելյան
Զբաղեցրած պաշտոններՀՀ Ազգային ժողովի պատգամավոր
Պարգևներ և
մրցանակներ
Գարեգին Նժդեհ մեդալ

Արման Արմենի Սաղաթելյան (1975, օգոստոսի 26, Երևան), հայ լրագրող, հեռուստահաղորդավար, Հայաստանի հանրային ռադիոյի նախկին գործադիր տնօրենը։

Կրթություն[խմբագրել | խմբագրել կոդը]

1992 թվականին ավարտել է Երևանի Պուշկինի անվան թիվ 8 միջնակարգ դպրոցը, 1992-1997 թվականներին սովորել և ավարտել է Հայկական գյուղատնտեսական ակադեմիան: 1997-2000 թվականներին սովորել և ավարտել է ՀՀ Գիտությունների Ազգային Ակադեմիայի ասպիրանտուրան։

Աշխատանքային գործունեությունը[խմբագրել | խմբագրել կոդը]

  • 1991 թ. — Հայկական հեռուստատեսության «Գործ» հաղորդման համահեղինակ ու հաղորդավար։
  • 1997—1999 թթ. — ծառայել է Հայաստանի զինված ուժերում՝ որպես թղթակից և «Զինուժ» հեռուստահաղորդման հաղորդավար։
  • 2000—2010 թթ. - աշխատել է որպես ՀՀ ՊՆ քարոզչության և հասարակայնության հետ կապերի քաղաքացիական մասնագետ, «Զինուժ» հաղորդաշարի հաղորդավար։ ՀՀ ԶՈՒ պահեստազորի կապիտան։
  • 2003—2004 թթ. — «Հայաստան» համահայկական հիմնադրամի որպես հասարակայնության հետ կապերի գծով խորհրդական, այնուհետև՝ հասարակայնության հետ կապերի վարչության պետ։
  • 2003 թվականից «Հասարակայնության հետ կապերի հայաստանյան ասոցիացիայի» (APRA) փոխնախագահ, 2015 թ. հոկտեմբերից՝ նախագահ։
  • 2010—2011 թթ. — ՀՀ Նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ի խորհրդական։
  • 2011—2012 թթ. — «ԱրմՌադիո FM 107» ռադիոկայանի տնօրեն։
  • 2012—2013 թթ. — - «ՊանԱրմենիան Մեդիա Գրուպ» ՓԲԸ-ի գլխավոր տնօրենի տեղակալ։
  • 2013 թ. ապրիլի 17-ին ՀՀ Նախագահի հրամանագրով նշանակվել է ՀՀ Նախագահի մամուլի քարտուղար[1]։
  • 2015 թ. հուլիսի 18-ին ներկայացրել է հրաժարականի դիմում, որը նույն օրը բավարարվել է ՀՀ Նախագահի կողմից և Արման Սաղաթելյանն ազատվել է Հայաստանի Նախագահի մամուլի քարտուղարի պաշտոնից[2]:
  • 2016 թ. փետրվարի 3-ին Հայաստանի հանրային հեռուստառադիոընկերության խորհրդի որոշմամբ նշանակվել է Հայաստանի հանրային ռադիոյի գործադիր տնօրեն[3]:
  • 2017-2018 թթ․-պատգամավոր-ՀՀԿ։
  • 2019 թ․-ից դուրս է եկել քաղաքականությունից, հիմնադրել <<Քառյակ մեդիան>>։

Գիտամանկավարժական և ստեղծագործական գործունեություն[խմբագրել | խմբագրել կոդը]

  • Եղել է Նոր հայեր ՈՒՀԱ-ի թիմի հիմնադիրներից մեկը և մինչև 1997 թ.` թիմի ավագը: Թիմի կազմում ՈՒՀԱ Բարձրագույն լիգայի չեմպիոն է (1997 թ.), չեմպիոնների գավաթի դափնեկիր (1998 թ.):
  • 2001-2010 թվականներին դասավանդել է Հայ-ռուսական (սլավոնական) համալսարանում:
  • 2011-2013 թվականներին ղեկավարել է Վ. Բրյուսովի անվան Երևանի պետական լեզվաբանական համալսարանի Տեղեկատվության և հանրային հաղորդակցման տեխնոլոգիաների գիտաուսումնական կենտրոնը (ամբիոնը):
  • Մի շարք գիտական հոդվածների և ուսումնական ծրագրերի հեղինակ և համահեղինակ:
  • Քաղաքական գիտությունների թեկնածու: Ատենախոսության թեման` «Պետությունների տեղեկատվական հակամարտության արդի համակարգերը. միջազգային փորձ և տարածաշրջանային ասպեկտներ»:
  • Զանգվածային հաղորդակցության և հեռուստատեսության բնագավառում իրականացված մի քանի տասնյակ նախագծերի հեղինակ ու ղեկավար։
  • 2006 թ. «Հայֆիլմ» (Հայաստանի ազգային կինոկենտրոն), և «Bars Media» Studio» համատեղ արտադրված, Արցախյան ազատամարտին նվիրված «Հասա, մերոնք են», գեղարվեստական ֆիլմի գլխավոր դերակատարներից մեկն է։
  • ԼՂ հակամարտության ընթացքում Ստեփանակերտի շրջափակման ճեղքման եւ Աղդամի ուղղությամբ ռազմական օպերացիայի (այսպես կոչված՝ «Խոջալուի դեպքերի») մասին՝ «Սովի եւ կրակի միջեւ. իշխանություն` կյանքերի գնով» ("Между голодом и огнем. Власть ценою жизней") փաստավավերագրական ֆիլմի գործադիր պրոդյուսերն է:
  • Արցախյան ազատամարտին նվիրված «Կյանքի նյարդը» գրքի հեղինակն է ( Ся Го (Сагателян Арман), Nervus Vivendi, Ереван, 2010.-236с. ISBN 978-9939-53-580-7), «Պատերազմի փոքրիկ իշխանը» պատմվածքի հեղինակն է, գրականության ոլորտում միջազգային մրցանակների դափնեկիր։
  • Սիրիայում պատերազմի ընթացքում նկարահանված «Արաբական գարնան սիրիական աշունը» փաստավավերագրական ֆիլմի պրոդյուսերը, հեղինակը և օպերատորն է։

Պարգևներ[խմբագրել | խմբագրել կոդը]

  • «1992-94 թթ մարտական գործողությունների մասնակից» կրծքանշան։
  • ՀՀ ՊՆ «Գարեգին Նժդեհ» մեդալ։
  • Անձնական զենք։

Ընտանիք[խմբագրել | խմբագրել կոդը]

Արման Սաղաթելյանը երկրաբանական գիտությունների դոկտոր, պրոֆեսոր Էմմա Սաղաթելյանի թոռն է, ՀՀ ԳԱԱ էկոլոգանոոսֆերային հետազոտությունների կենտրոնի տնօրեն, երկրաբանական գիտությունների դոկտոր Արմեն Սաղաթելյանի որդին, ՀՀ Նախագահի աշխատակազմի «Հանրային կապերի և տեղեկատվության կենտրոն» ՊՈԱԿ-ի տնօրեն Արա Սաղաթելյանի զարմիկը։ Որդիներ՝ Սաղաթելյան Արմեն Արմանի, 2002 թ.ծ., Սաղաթելյան Արթուր Արմանի, 2010 թ.ծ.:

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Նախորդող
Արմեն Արզումանյան
ՀՀ Նախագահի մամուլի քարտուղար
Արման Սաղաթելյան

17 ապրիլի 2013 թ. - 18 հուլիսի 2015 թ.
Հաջորդող
Վլադիմիր Հակոբյան