Սամվել Ֆարմանյան
| Սամվել Ֆարմանյան | |
|---|---|
| Ծնվել է | փետրվարի 17, 1978 (48 տարեկան) |
| Ծննդավայր | Սպանդարյան, Արթիկի շրջան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Երևանի պետական համալսարան և Լունդի համալսարան (2003) |
| Մասնագիտություն | քաղաքական գործիչ |
| Զբաղեցրած պաշտոններ | Հայաստանի Ազգային ժողովի պատգամավոր, Եվրոպայի խորհրդի խորհրդարանական վեհաժողովի ներկայացուցիչ, Հայաստանի Ազգային ժողովի պատգամավոր և Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
| Պարգևներ և մրցանակներ | |
Սամվել Ժորայի Ֆարմանյան (փետրվարի 17, 1978, Սպանդարյան, Արթիկի շրջան, Հայկական ԽՍՀ, ԽՍՀՄ), պատմական գիտությունների թեկնածու, հայ պետական-քաղաքական գործիչ, ԵԽԽՎ նախկին պատգամավոր, Հայաստանի Ազգային ժողովի նախկին պատգամավոր, ՀՀ նախագահի նախկին մամուլի քարտուղար:
Կրթություն
[խմբագրել | խմբագրել կոդը]- 1995 թ. ոսկե մեդալով ավարտել է Գյումրու Ակադեմիական վարժարանի հումանիտար հոսքը[փա՞ստ]:
- 1999 թ. գերազանցության դիպլոմով ավարտել է Երևանի պետական համալսարանի պատմության ֆակուլտետի բակալավրիատը՝ պատմաբանի որակավորմամբ[փա՞ստ]։
- 2001 թ. գերազանցությամբ ավարտել է Երևանի պետական համալսարանի պատմության ֆակուլտետի մագիստրատուրան՝ հայոց նորագույն պատմություն մասնագիտացմամբ:
- 2003 թ. գերազանցությամբ ավարտել է Շվեդիայի Լունդի համալսարանի մագիստրատուրան՝ պատմության մագիստրոսի որակավորմամբ։
- 2004 թ. ավարտել է ԵՊՀ ազգագրության ամբիոնի ասպիրանտուրան` ղեկավարությամբ ՌԴ ԳԱ թղթակից-անդամ, աշխարհահռչակ ճապոնագետ հայազգի Սերգեյ Արությունովի։ Ատենախոսության թեման վերաբերում է Ճապոնիայի հետպատերազմյան արդիականացմանն ու ճապոնացիների էթնիկ ինքնության փոխառնչակցությանը:
- Պատմական գիտությունների թեկնածու։ Հեղինակ է «Ճապոնական հրաշքն ու ճապոնացիները» մենագրության, «Միայնակ ընդդեմ ճակատագրի. ֆուտբոլային դիվանագիտության հետնաբեմում» հուշագրության, գիտական և հրապարակախոսական տասնյակ հոդվածների։
Աշխատանքային գործունեություն
[խմբագրել | խմբագրել կոդը]- 2003-2005 թթ. - աշխատել է «Բաց հասարակության ինստիտուտի օժանդակության հիմնադրամի» հայաստանյան մասնաճյուղում որպես «Քաղաքացիական հասարակություն» և «Զանգվածային լրատվության միջոցներ» ծրագրերի համակարգող։
- 2005-2006 թթ. - ԱԺ նախագահի խորհրդական արտաքին քաղաքականության և արտաքին կապերի հարցերով։
- 2008 թ. ապրիլ-մայիսին - ՀՀ նախագահի ռեֆերենտ։
- 2008 թ. մայիսի 20-ին ՀՀ Նախագահի հրամանագրով նշանակվել է ՀՀ Նախագահի մամուլի քարտուղար[2]։
- 2010 թ. մարտի 12-ին ՀՀ Նախագահի հրամանագրով ազատվել է ՀՀ Նախագահի մամուլի քարտուղարի պաշտոնից[3]։
- 2010-2012 թթ. աշխատել է որպես ՀՀ հանրային հեռուստաընկերության և ՀՀ հանրային ռադիոընկերության լրատվական և վերլուծական հաղորդումների տնօրեն։
- 2012 թ. մեծամասնական ընտրակարգով ԱԺ պատգամավոր է ընտրվել Նոր Նորքի N2 ընտրատարածքից։
- 2017 թ. ԱԺ պատգամավոր է ընտրվել համամասնական ընտրակարգով։ ԱԺ Եվրոպական ինտեգրացիայի հարցերով մշտական հանձնաժողովի փոխնախագահ:
- 2015-2018 թթ. եղել է Եվրոպայի խորհրդի խորհրդարանական վեհաժողովի (ԵԽԽՎ) պատգամավոր, 2016 թ. ընտրվել ԵԽԽՎ Մարդու իրավունքների և իրավական հարցերի հանձնաժողովի նախագահի տեղակալ։
- 2019-2021 թթ. «Քառյակ մեդիա» ընկերության համահիմնադիր: «Արմնյուզ» հեռուստատեսության տարբեր նախագծերի հեղինակ և վարող:
- 2011 թվականից ընդհատումներով դասավանդել է ԵՊՀ պատմության և արևելագիտության ֆակուլտետներում։
- 2023-2025 թթ. որպես հրավիրյալ դասախոս դասավանդել է Հայաստանի ամերիկյան համալսարանում: Համալսարանից ինքնակամ հեռացել է իշխանության քաղաքական ճնշումների հետևանքով:
Հասարակական գործունեություն
[խմբագրել | խմբագրել կոդը]- 1998-2001 թթ. - ԵՊՀ պատմության ֆակուլտետի ուսանողական գիտական ընկերությունը և ուսանողական խորհրդի նախագահ։
- 2006 թ. հիմնադրել է «Շվեդիայի գիտակրթական հաստատությունների հայ շրջանավարտների ասոցիացիա» հասարակական կազմակերպությունը։
Քաղաքական գործունեություն
[խմբագրել | խմբագրել կոդը]- 2007 թ. մայիսի 12-ին մեծամասնական ընտրակարգով մասնակցել է ԱԺ ընտրություններին Նո Նորքի թիվ 2 ընտրատարածքում՝ զբաղեցնելով 2-րդ տեղը։
- 2012 թ. մայիսի 6-ին ընտրվել է ՀՀ Ազգային ժողովի 5-րդ գումարման պատգամավոր թիվ նույն թիվ 2 ընտրատարածքից։ ՀՀ ԱԺ Արտաքին հարաբերությունների մշտական հանձնաժողովի անդամ։
- Ղեկավարել է հայաստանյան պատվիրակությունը ԵՄ-Հայաստան Խորհրդարանական համագործակցության հանձնաժողովում։
- ԵԽԽՎ հայաստանյան պատվիրակության անդամ, ընտրվել է ԵԽԽՎ Մարդու իրավունքների և իրավական հարցերվ հանձնաժողովի փոխնախագահ:
- Ղեկավարել է Ճապոնիայի, Կանադայի, Կորեայի, Շվեդիայի, Նորվեգիայի, Դանիայի և Ֆինլանդիայի հետ պատգամավորական բարեկամության խմբերը:
- 2012-2019 թթ. եղել է Հայաատանի հանրապետական կուսակցության խորհրդի, ապա Գործադիր մարմնի անդամ: 2019 թ. հունվարին դուրս եկել ՀՀԿ-ից:
- Անկուսակցական է: Սոցցանցերում և տեղական ԶԼՄ-ներում հանդես է գալիս Նիկոլ Փաշինյանի իշխանության կոշտ քննադատությամբ:
Պարգևներ
[խմբագրել | խմբագրել կոդը]- «ՀՀ զինված ուժեր. 20 տարի» հոբելյանական մեդալ
- Հայաստանի ֆուտբոլի ֆեդերացիայի շնորհակալագիր
- Երախտագիտության մեդալ[4]
Ընտանիք
[խմբագրել | խմբագրել կոդը]Ամուսնացած է Լիլիթ Սամվելի Մխիթարյանի հետ, ունի երկու զավակ` Դավիթը և Նարեն՝ ծնված 2003 և 2004 թթ.:
Տես նաև
[խմբագրել | խմբագրել կոդը]| Նախորդող Վիկտոր Սողոմոնյան |
ՀՀ Նախագահի մամուլի քարտուղար Սամվել Ֆարմանյան 20 մայիսի 2008 թ. - 12 մարտի 2010 թ. |
Հաջորդող Արմեն Արզումանյան |
| ||||||
Ծանոթագրություններ
[խմբագրել | խմբագրել կոդը]- ↑ Ս. Ժ. ՖԱՐՄԱՆՅԱՆԻՆ ԵՐԱԽՏԱԳԻՏՈՒԹՅԱՆ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ
- ↑ Ս. Ֆարմանյանին Հայաստանի Հանրապետության նախագահի մամուլի քարտուղար նշանակելու մասին
- ↑ Ս. Ֆարմանյանին ՀՀ Նախագահի մամուլի քարտուղարի պաշտոնից ազատելու մասին
- ↑ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ ՀՐԱՄԱՆԱԳԻՐԸ Ս. Ժ. ՖԱՐՄԱՆՅԱՆԻՆ ԵՐԱԽՏԱԳԻՏՈՒԹՅԱՆ ՄԵԴԱԼՈՎ ՊԱՐԳԵՎԱՏՐԵԼՈՒ ՄԱՍԻՆ».
Կատեգորիաներ:
- Փետրվարի 17 ծնունդներ
- 1978 ծնունդներ
- Ապրող անձինք
- ԵՊՀ շրջանավարտներ
- Լունդի համալսարանի շրջանավարտներ
- ՀՀԿ անդամներ
- Երախտագիտության մեդալակիրներ
- Անձինք այբբենական կարգով
- ԵՊՀ պատմության ֆակուլտետի շրջանավարտներ
- ՀՀ ԱԺ 5-րդ գումարման պատգամավորներ
- ՀՀ ԱԺ 6-րդ գումարման պատգամավորներ
- Հայ հասարակական գործիչներ
- Հայ քաղաքական գործիչներ
- ՄԻԱԿ անդամներ
- Քառյակ մեդիա
- ՕԵԿ անդամներ