Սպանդարյան (Շիրակի մարզ)

Գյուղ
Սպանդարյան
Երկիր	Հայաստան
Մարզ	ՇիրակիՇիրակի մարզ|Շիրակի
Մակերես	8.6 կմ²
ԲԾՄ	1825 մ
Պաշտոնական լեզու	հայերեն
Բնակչություն	1763 մարդ (2012)
Ազգային կազմ	հայեր
Ժամային գոտի	UTC+4
Հեռախոսային կոդ	+374 244
Փոստային ինդեքս	3023

Սպանդարյան, գյուղ Հայաստանի Շիրակի մարզում, մարզկենտրոնից 22 կմ հարավ-արևելք, Մանթաշ գետի աջափնյակում։ Սպանդարյան բնակավայրը հիմնադրվել է 1830 թվականին՝ վերաբնակեցումից հետո։ Մինչև 1946 թվականի մայիսի 31-ը կոչվել է Ղուլիջան։ Գյուղը գտնվում է Շիրակի դաշտի նախալեռնային մասում, ծովի մակարդակից 1825 մետր բարձրության վրա։ Այն փռված է Արագած լեռան հյուսիս-արևմտյան լանջին։ Մայրաքաղաքից գտնվում է 125 կմ հեռավորության վրա։

Բնակչություն

Նախնիների մի մասը 1829 թվականից 1830 թվականը գաղթել է Ալաշկերտի գյուղերից։

Սպանդարյանի ազգաբնակչության փոփոխությունը.

Տարի	1831	1873	1897	1926	1931	1939	1959	1970	1979	1989	2001	2011
Բնակիչ	65	429	632	816	881	856	873	1131	1118	1446	1482	1662

Տնտեսություն

Բնակչությունը զբաղվում է դաշտավարությամբ, անասնապահությամբ, ճակնդեղի և ծխախոտի մշակությամբ։

Օգտակար հանածոներ

Գյուղում կան բազալտի պաշարներ։

Պատմամշակութային կառույցներ

Գյուղը հարուստ է մեր հայրենի պատմության և մշակութային խոսուն վկաներ հանդիսացող բազմաթիվ հուշարձաններով՝ բրոնզի դարաշրջանի պեղված և չպեղված դամբարաններ, նախաուրարտական շրջանի Կիկլոպյան ամրոց իր միջնաբերդով, ուրարտական շրջանի Արգիշտի Ա-ի սեպագիր արձանագրություն, նույն ժամանակաշրջանի քարանձավներ, 19-րդ դարավերջի և 20-րդ դարասկզբի ջրաղացներ գերեզմանոց և «Կուլիանի» պատմաերկրագիտական թանգարան։ Ինչպես նաև Սպանդարյանը ունի Սուրբ Ամենափրկիչ եկեղեցի։

Տես նաև

• Սպանդարյանի պատմության և մշակույթի անշարժ հուշարձանների ցանկ (Շիրակի մարզ)

Արտաքին հղումներ

• Սպանդարյան գյուղի էջը CAA կայքում Archived 2011-08-20 at the Wayback Machine.