Երազգավորս

Վիքիպեդիայից՝ ազատ հանրագիտարանից
Գյուղ
Երազգավորս
Կոորդինատներ: 40°42′00″ հս․ լ. 43°46′00″ ավ. ե. / 40.70000° հս․. լ. 43.76667° ավ. ե. / 40.70000; 43.76667
Երկիր Հայաստան Հայաստան
Մարզ Շիրակի
Գյուղապետ Արտաշես Մխիթարյան
Մակերես 9.7 կմ²
ԲԾՄ 1480 մ
Պաշտոնական լեզու Հայերեն
Բնակչություն 1639[1] մարդ (2012)
Ազգային կազմ Հայեր
Ժամային գոտի UTC+4
Հեռախոսային կոդ +374 312[2]
##Երազգավորս (Հայաստան)
Red pog.png

Երազգավորսի գյուղական համայնքը գտնվում է Շիրակի մարզի հարավարևմտյան հատվածում, ծովի մակերևույթից 1520 մ բարձրության վրա։

Աշխարհագրություն[խմբագրել | խմբագրել կոդը]

Մարզկենտրոնից գյուղի հեռավորությունը 11 կմ է։ Գտնվում է Գյումրի - Արմավիր ավտոճանապարհի կողքին։ Համայնքի տարածքը կազմում է 70 հա։ Հարավից սահմանակից է Բայանդուր համայնքին, հյուսիսից Գետք համայնքին, արևմուտքից Թուրքիային։

Պատմություն[խմբագրել | խմբագրել կոդը]

Գյուղը կառուցվել է 1976-1984 թվականներին։ Հիմնականում մեկ-երկու հարկանի առանձնատներ են՝ կառուցված արթիկ տուֆից։ Գյուղատեղին, որը Ախուրյանի ջրամբարի կառուցման պատճառով մնաց ջրի տակ եղել է շատ հին բնակավայր, որտեղ պահպանվել էին 12-13-րդ դարերում կառուցված եկեղեցու ավերակներ։ Ըստ որոշ պատմական աղբյուրների Երազգավորսը եղել է Բագրատունի թագավորների ամառային նստավայրը։ Ախուրյանի ջրամբարի կառուցման պատճառով համայնքի մոտ 500հա ընտիր վարելահող մնաց ջրամբարի ջրերի տակ, որը և պատճառ դարձավ այն բանին որ համայնքը այսօր սակավահող համայնքներից մեկն է Շիրակի մարզում։ Սեփականաշնորհված մեկ հողաբաժինը ընդամենը կազմում է 0.34 հա։ Համայնքը ընդգրկված է սահմանամերձ գյուղերի ցանկում։ Համայնքի վարելահողերը գտնվում են սահմանային շերտում (փշալարերից ներս) որոնց մշակության համար կան դժվարություններ՝ կապված սահմանային ռեժիմի հետ։

Կլիմա[խմբագրել | խմբագրել կոդը]

Կլիման բարեխառն է, լանդշաֆտը տափաստանային, որը բարենպաստ է հողագործության և անասնապահության համար։

Բնակչություն[խմբագրել | խմբագրել կոդը]

Բնակիչները հիմնականում գաղթել են Արևմտյան Հայաստանի Մշո գավառից, մի մասն էլ տեղացիներ են։ Հիմնականում զբաղվում են անասնապահությամբ և հողագործությամբ որը հանդիսանում է նրանց հիմնական եկամուտի աղբյուրը։

Երազգավորսի ազգաբնակչության փոփոխությունը.[3]

Տարի 1886 1897 1926 1939 1959 1970 1979 2001 2004
Բնակիչ 300 397 925 1282 1070 1100 1103 1489 1446

Տնտեսություն[խմբագրել | խմբագրել կոդը]

Համայնքում գործում է միջնակարգ դպրոցը, որը կառուցվել է 2000 թվականին պետական բյուջեի միջոցներով։ Մշակույթի տունը 1988 թվականի Սպիտակի երկրաշարժի պատճառով դարձել է վթարային և գտնվում է անմխիթար վիճակում։ Մինչև երկրաշարժը համայնքում գործել է Գյումրու Լենկոշ կոշիկի ֆաբրիկայի մասնաճյուղը, որտեղ աշխատել են համայնքի մոտ 180 բնակիչներ։ Բնակիչների մի մասն էլ աշխատել է Բայանդուրի Շիրակ թռչնաֆաբրիկայում[4]։

Պատմամշակութային կառույցներ[խմբագրել | խմբագրել կոդը]

Երազգավորսն ունի մի եկեղեցի։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]