Փանիկ

Անվան այլ կիրառումների համար տե՛ս՝ Փանիկ (այլ կիրառումներ)

Գյուղ
Փանիկ
Երկիր	Հայաստան
Մարզ	ՇիրակիՇիրակի մարզ|Շիրակի
Համայնք	Արթիկ
Այլ անվանումներ	Զվարճաձոր
Մակերես	17.8 կմ²
ԲԾՄ	1700 մ
Պաշտոնական լեզու	հայերեն
Բնակչություն	3212 մարդ (2012)
Ազգային կազմ	հայեր
Կրոնական կազմ	կաթոլիկ հայեր
Ժամային գոտի	UTC+4
Հեռախոսային կոդ	+374 244
Փոստային ինդեքս	3026
Փանիկ (Հայաստան)
Փանիկ Վիքիպահեստում

Փանիկ, գյուղ Հայաստանի Շիրակի մարզի Արթիկի տարածաշրջանում, մարզկենտրոնից 16 կմ հարավ-արևելք, Մանթաշի ձորահովտի և Շիրակի դաշտի միացման վայրում, Գեղաձոր գետակի ձախափնյա արգավանդ դաշտում։

Բնակչության մեծամասնությունը կաթոլիկ հայեր են։

Փանիկ է վերանվանվել 1925 թվականին։ Գյուղը ժամանակին եղել է գրչության կենտրոն։

Բնակչություն

1842 թվականին Ալաշկերտից մի խումբ հայեր վերաբնակվել են այս գյուղում։

Ըստ Հայաստանի 2011 թ. մարդահամարի արդյունքների՝ Փանիկի մշտական բնակչությունը կազմել է 3157, առկա բնակչությունը՝ 2666 մարդ, բնակչության փոփոխությունը ժամանակի ընթացքում՝ ստորև.

Տարի	1831	1873	1897	1926	1939	1959	1970	1979	1989	2001	2011
Բնակիչ	176	665	1235	1685	1707	1838	2292	2377	3304	2831	3157

Տնտեսություն

Բնակչությունը զբաղվում է դաշտավարությամբ, ճակնդեղագործությամբ, մեղվաբուծությամբ և բանջարաբոստանային կուլտուրաների մշակությամբ։

Օգտակար հանածոներ

Գյուղի մոտակայքում կան բազալտի քարհանքեր։

Պատմամշակութային կառույցներ

Գյուղում կա Տիրամայր եկեղեցի (1761-1846 թվականներ), գյուղից 5 կմ հյուսիս, «Ավերք» կոչվող վայրում, կան անտիկ շրջանի բերդի ավերակներ։

Հայտնի փանիկցիներ

• Ջանիկ Ճավռշյան (ակադեմիկոս)
• Խաչիկ Նահապետյան
• Ռաֆայել Մամիկոնյան
• Պետրոս Մակեյան
• Քնարիկ Վարդանյան
• Վարդգես Շողերյան
• Հայկ Ամալյան
• Աշոտ Սալնազարյան
• Գաբրիել Նահապետյան

Տես նաև

• Փանիկի պատմության և մշակույթի անշարժ հուշարձանների ցանկ (Շիրակի մարզ)

Արտաքին հղումներ

• Փանիկ գյուղի էջը CAA կայքում Արխիվացված 2011-08-20 Wayback Machine

Վիքիպահեստն ունի նյութեր, որոնք վերաբերում են «Փանիկ» հոդվածին։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 12, էջ 306)։