Բավրա (Շիրակի մարզ)

Անվան այլ կիրառումների համար տե՛ս՝ Բավրա (այլ կիրառումներ)

Գյուղ
Բավրա
Երկիր	Հայաստան
Մարզ	ՇիրակիՇիրակի մարզ|Շիրակի
Մակերես	16.5 կմ²
ԲԾՄ	2150 մ
Պաշտոնական լեզու	հայերեն
Բնակչություն	599 մարդ (2012)
Ազգային կազմ	հայեր
Կրոնական կազմ	կաթոլիկ հայեր
Ժամային գոտի	UTC+4
Հեռախոսային կոդ	+374 312

Բավրա, գյուղ Հայաստանի Հանրապետության Շիրակի մարզի Աշոցքի տարածաշրջանում, բարձրադիր սարահարթի վրա, մարզկենտրոն Գյումրիից մոտ 32 կմ հյուսիս, ծովի մակերևույթից 2150 մ բարձրության վրա։

Գյուղը գտնվում է Վրաստանի հետ պետական սահմանից 1-2 կմ հարավ, Գյումրի-Ախալքալաք ճանապարհի վրա։ Գյուղից քիչ հյուսիս տեղակայված է «Բավրա» մաքսային կետը։

Բնակչություն

2014 թ. դրությամբ Բավրայում բնակվում է 570 մարդ։ Նրանց նախնիները 1829 թ-ին գաղթել են Արդահանի գյուղերից դեպի Ախալքալաքի շրջան, որտեղից էլ 1860-ական թվականներին եկել և հիմնադրել են Բավրա գյուղը։ Հիմնականում հայ-կաթոլիկներ են։

Բավրայի բնակչության փոփոխությունը ժամանակի ընթացքում` ստորև.

Տարի	1897	1926	1939	1970	1979	1989	2001	2011
Բնակիչ	262	205	286	560	562	602	538	490

Տնտեսություն

Բնակչությունը զբաղվում է կաթնաանասնաբուծությամբ։

Պատմամշակութային կառույցներ

Բավրայից հարավ-արևմուտք կան բնակավայրի և բերդի ավերակներ (XIX դար), ինչպես նաև 1880 թ-ի սրբատեղի (Սուրբ վանք)։

Հասարակական կառույցներ

Հայաստան համահայկական հիմնադրամի արգենտինահայ Դեվեճյան ընտանիքի հովանավորությամբ այստեղ կառուցվել է համայնքային կենտրոն որը ներառում է գյուղապետարան, հանդիսությունների սրահ, գրադարան և համակարգչային սենյակ։

Տես նաև

• Բավրայի պատմության և մշակույթի անշարժ հուշարձանների ցանկ (Շիրակի մարզ)

Արտաքին հղումներ

• Տարածաշրջանի քարտեզ
• Բավրա գյուղի էջը CAA կայքում Archived 2011-08-20 at the Wayback Machine.