Գետիկ (Ղուկասյանի շրջան)

Գյուղ
Գետիկ
Երկիր	Հայկական ԽՍՀ
Շրջան	ՂուկասյանՂուկասյանի շրջան|Ղուկասյան
Այլ անվանումներ	Ալիթան, Ալիխան, Ալինլի, Ալիտան, Ալուխան
Բնակչություն	75 մարդ (1964)
Ազգային կազմ	հայեր
Ժամային գոտի	UTC+4

Գետիկ, գյուղ Հայկական ԽՍՀի Ղուկասյանի շրջանում, Ղուկասյան շրջկենտրոնից 19 կմ հարավ-արևելք։ Գտնվում էր Ձորագետի ավազանին պատկանող փոքրիկ գետակի ձախ ափին, գեղատեսիլ լանջի վրա։

Ունի առողջարար կլիմա և խմելու սառնորակ ջուր։

Ալիխան անվանումով ընդգրկված է եղել Արևելյան Հայաստանի Երևանի նահանգի Ալեքսանդրապոլի գավառում։

Պատմություն

Տների մեծ մասը քարաշեն և նորակերտ էին։ Գյուղն ուներ հեռախոսային կապ։

1972 թվականին գյուղը ապաբնակեցվել է։ Բնակիչները տեղափոխվել են շրջանի մյուս գյուղերը։

Բնակչություն

Բնակիչները հայեր էին, որոնք սկսած 1878 թվականից պարբերաբար գաղթել են Մուշից և Բասենից։

Գետիկի ազգաբնակչության փոփոխությունը.

Տարի	1897	1914	1926	1939	1959	1964
Բնակիչ	305	436	192	313	87	75

Տնտեսություն

Բնակչության հիմնական զբաղմունքը անասնապահությունն ու դաշտավարությունն էր։

Պատմամշակութային կառույցներ

Գյուղում կար անշուք կանգուն եկեղեցի։

Կրթություն

Գյուղն ուներ տարրական դպրոց և ակումբ։