Լեռնապար

Լեռնապար
Գյուղական համայնք
	Լեռնապար
Երկիր	Հայաստան
Մարզ	Արագածոտնի
Գյուղապետ	Մանվել Հարությունյան
Առաջին հիշատակում	[[XVIII-XIX դարեր]]
Այլ անվանումներ	Հայի Փամբ, Հայկական Փամբ, Հայ Փամբ, Յայլա Ղարաքիլիսա, Ղարաքիլիսա Թուրքի
ԲԾՄ	2140 մետր
Պաշտոնական լեզու	հայերեն
Բնակչություն	▼534 մարդ (2008)
Ազգային կազմ	Հայեր
Կրոնական կազմ	Հայ Առաքելական եկեղեցի
Տեղաբնականուն	լեռնապարցի
Ժամային գոտի	UTC+4
	Լեռնապար Վիքիպահեստում

Լեռնապար, գյուղ Հայաստանի Արագածոտնի մարզում։ Մարզկենտրոնից 57 կմ հեռավորության վրա։

Անվանում[խմբագրել | խմբագրել կոդը]

Լեռնապար է վերանվանվել 1978 թվականին։ Նախկինում ունեցել է Հայի Փամբ, Հայկական Փամբ, Հայ Փամբ, Յայլա Ղարաքիլիսա, Ղարաքիլիսա Թուրքի անվանումները։

Աշխարհագրություն[խմբագրել | խմբագրել կոդը]

Գյուղը տեղադրված է Փամբակի լեռնաշղթայի հարավային լանջին, կանաչապատ հարթավայրում՝ ծովի մակարդակից 2140 մ բարձրության վրա։ Կլիման բարեխառն լեռնային է։ Ձմեռները տևական են, ցուրտ, հաստատուն ձնածածկույթով։ Ամառները տաք են, համեմատաբար խոնավ։ Հուլիսյան միջին ջերմաստիճանը տատանվում է 16-18-ի սահմաններում, հունվարյանը՝ -6, -8-ի սահմաններում։ Մթնոլորտային տարեկան տեղումների քանակը 450-600 մմ։ Բնական լանդշաֆտները սուահողային տափաստաններ են։ Ունի սառնորակ աղբյուրներ։

Բնակչություն[խմբագրել | խմբագրել կոդը]

Բնակչության մի մասը եկել է Ախուրյանի շրջանի գյուղերից։ Համայնքի բնակչությունը կազմում է 634 մարդ։ Սեռային կազմում կանայք և տղամարդիկ ունեն նույն համամասնությունը՝ կազմելով 50-ական տոկոս։ Ունի դպրոց, գրադարան, բուժկետ, համայնքային կենտրոն, կապի հանգույց։ Լեռնապարի ազգաբնակչության փոփոխությունը.^[1]

Տարի	Բնակչություն
1831	323 մարդ	^[2]
1897	577 մարդ	^[2]
1926	834 մարդ	^[2]

Տարի	Բնակչություն
1939	1092 մարդ	^[2]
1959	644 մարդ	^[2]
1970	668 մարդ	^[2]

Տարի	Բնակչություն
1979	485 մարդ	^[2]
2001	534 մարդ	^[2]
2004	553 մարդ	^[2]

Տարի	Բնակչություն
2008	534 մարդ

Տնտեսություն[խմբագրել | խմբագրել կոդը]

Գյուղն ունի 127 տնտեսություն։ Համայնքի տնտեսության հիմնական ուղղությունը գյուղատնտեսությունն է։ Գյուղատնտեսական հողահանդակների հիմնական մասն ծառայում է որպես վարելահողեր, խոտհարքեր։ Գյուղացիները զբաղվում են բանջարաբոստանային, հացահատիկային, կերային կուլտուրաների մշակությամբ։ Գյուղատնտեսական համախառն բերքի մեծ մասը բաժին է հասնում անասնաբուծությանը։ Գյուղում զբաղվում են խոշոր և մանր եղջերավոր անասնաբուծությամբ։