Բազում
| Գյուղ | ||
|---|---|---|
| Բազում | ||
| Երկիր |  Հայաստան | |
| Մարզ | Լոռի | |
| Գյուղապետ | Սրբուհի Հարությունյան | |
| Այլ անվանումներ | Բզովդալ | |
| Մակերես | 35.18 կմ² | |
| ԲԾՄ | 1615 մ | |
| Կլիմայի տեսակ | Խիստ փոփոխական | |
| Պաշտոնական լեզու | Հայերեն | |
| Բնակչություն | 1210[1] մարդ (2008) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Տեղաբնականուն | բազումցի | |
| Ժամային գոտի | UTC+4 | |
| Պաշտոնական կայք | lori.mtad.am/about-communities/485 (հայ.) | |
| ||
Բազում, գյուղ Հայաստանի Լոռու մարզում, մարզկենտրոնից 3 կմ հյուսիս-արևմուտք՝ Բազումի լեռների հարավային լանջում։
Նախնիները եկել են Իջևանից և Եղվարդից։ Բնակչությունը զբաղվում է անասնապահությամբ, բանջարաբուծությամբ, դաշտավարությամբ և այգեգործությամբ։ Գյուղում առկա է 14 պատմամշակութային հուշարձան։
Գյուղն ունի նորակառույց միջնակարգ դպրոց, որտեղ սովորում է 166 աշակերտ։
Բնակչություն[խմբագրել | խմբագրել կոդը]
Բազումի ազգաբնակչության փոփոխությունը[2].
| Տարի | 1873 | 1897 | 1926 | 1939 | 1959 | 1970 | 1979 | 2001 | 2004 |
|---|---|---|---|---|---|---|---|---|---|
| Բնակիչ | 232 | 452 | 636 | 803 | 691 | 638 | 887 | 1285 | 984 |
Կլիմա[խմբագրել | խմբագրել կոդը]
Տեղանքը հիմնականում լեռնային է, սակավահող, կլիման խիստ փոփոխական է և զերծ չի մնում կարկուտներից, սելավներից, հաճախակի են երաշտի տարիները, ինչը մեծ վնաս է հասցնում գյուղմթերքների արտադրությանը։
Տնտեսություն[խմբագրել | խմբագրել կոդը]
Գյուղի միջով հոսող Չալարի գետը, որը սկիզբ է առնում Պուշկինի լեռնանցքից, ոռոգում է գյուղի ցանքատարածությունների մոտ 40%-ը։ Գյուղը մեծ մասամբ զբաղվում է հողագործությամբ և անասնապահությամբ։ Ոռոգման ջուր չունենալու պատճառով համայնքը դժվարանում է կազմակերպել գյուղական մթերքների արտադրությունը։ Հիմնականում զբաղվում են կարտոֆիլի, կաղամբի և այլ բանջարա-բոստանային մշակաբույսերի արտադրությամբ։
Պատմամշակութային կառույցներ[խմբագրել | խմբագրել կոդը]
Գյուղն ունի 1 եկեղեցի, կառուցված 12-13-րդ դարերում։ Գյուղից 1-2 կմ հյուսիս-արևելքում գտնվում է Բերդատեղ վայրը՝ ամրոցի ավերակներով։ Գյուղում են գտնվում 4 գերեզմանոց, 2 տապանաքար, ձիթհան և Ք. ա. 2-1-ին հազարամյակների դամբարանադաշտ և բնակատեղի։ Կենտրոնում են գտնվում Հայրենական մեծ պատերազմում զոհվածներին նվիրված հուշակոթող և հուշաղբյուր։
Ծանոթագրություններ[խմբագրել | խմբագրել կոդը]
- ↑ Լոռու մարզի մարդահաշիվ (անգլ.)
- ↑ «Հայաստանի հանրապետության բնակավայրերի բառարան, էջ 41»։ Արխիվացված է օրիգինալից 2014-09-12-ին։ Վերցված է 2013 Նոյեմբերի 14
| ||||||||||||||