Օձուն (գյուղ)

Անվան այլ կիրառումների համար տե՛ս՝ Օձուն (այլ կիրառումներ)

Գյուղ
Օձուն
Օձուն գյուղի համայնապատկեր
Երկիր	Հայաստան
Մարզ	ԼոռուԼոռու մարզ|Լոռու
Գյուղապետ	Արսեն Տիտանյան
Առաջին հիշատակում	8-րդ դար
Մակերես	53.13 կմ²
ԲԾՄ	1125 մ
Պաշտոնական լեզու	Հայերեն
Բնակչություն	4048 մարդ (2011)
Ազգային կազմ	Հայեր
Կրոնական կազմ	Հայ Առաքելական եկեղեցի
Ժամային գոտի	UTC+4
Պաշտոնական կայք	odzun.am
Օձուն Վիքիպահեստում

Օձուն, գյուղ Հայաստանի Հանրապետության Լոռու մարզի Օձուն համայնքում։

Աշխարհագրություն

Օձունը մարզկենտրոն Վանաձոր քաղաքից հեռու է 47 կմ դեպի հյուսիս-արևելք։ Ծովի մակարդակից բարձր է 1125 մ։ Զբաղեցնում է 53.13 կմ² տարածք։

Պատմություն

Պատմամշակութային հուշարձաններ

Հիմնական հոդված՝ Օձունի պատմության և մշակույթի անշարժ հուշարձանների ցանկ (Լոռու մարզ)

Գյուղի կենտրոնում են գտնվում Օձունի Սուրբ Աստվածածին եկեղեցին (Խաչգունդ եկեղեցի), Օձունի տաճարը (6-7 դդ.), Սուրբ Հովհաննես (Խաչգունդ) (717-728 թվականներ) և Ծիրանավոր (Ծաղկեվանք) եկեղեցիները (5-7 դդ.), Հոռոմայրի վանական համալիրը (18 դ.), Օձունի կոթող-մահարձանը (5-6 դդ.)։

Բնակչություն

Համաձայն Հայաստանի Հանրապետությունում 2011 թվականին տեղի ունեցած մարդահամարի արդյունքների՝ Օձունի մշտական բնակչությունը կազմել է 4048, առկա բնակչությունը՝ 3803 մարդ։

Ստորև ներկայացված է Օձուն գյուղի բնակչության վիճակագրական տվյալներն ըստ տարիների.

Տարի	1831	1873	1897	1907	1926	1939	1959	1970	1979	1989	2001	2011
Բնակիչ	691	1787	2748	3370	4418	4566	4315	4951	4787	4777	4834	4048

Տնտեսություն

Բնակչությունն զբաղվում է անասնապահությամբ, բանջարաբուծությամբ և պտղաբուծությամբ։

Կրթություն

Օձուն գյուղում գործում է երկու միջնակարգ դպրոց, երկու մանկապարտեզ, արվեստի դպրոց, երեք գրադարան, հեռակա միջնակարգ և երաժշտական ութամյա դպրոցներ, մշակույթի տուն։

Հայտնի օձունեցիներ

• Հովհաննես Գ Օձնեցի
• Անուշավան Աբովյան
• Արմենակ Թամազյան
• Լևոն Զոհրաբյան

Տես նաև

• Օձունի պատմության և մշակույթի անշարժ հուշարձանների ցանկ (Լոռու մարզ)
• Օձունի տաճար
• Օձունի կոթող (կոթող-մահարձան)