Սարատակ (Շիրակի մարզ)

Անվան այլ կիրառումների համար տե՛ս՝ Սարատակ (այլ կիրառումներ)

Գյուղ
Երկիր	Հայաստան
Մարզ	ՇիրակիՇիրակի մարզ|Շիրակի
Մակերես	11.3 կմ²
ԲԾՄ	1560 մետր
Պաշտոնական լեզու	հայերեն
Բնակչություն	1321 մարդ (2011)
Ազգային կազմ	հայեր
Ժամային գոտի	UTC+4
Հեռախոսային կոդ	+374 244
Փոստային ինդեքս	3022

Սարատակ (նախկին անվանումը` Իմրխան), գյուղ Հայաստանի Հանրապետության Շիրակի մարզի Արթիկի տարածաշրջանում, մարզկենտրոնից 17 կմ հարավ, Կարկաչան գետի աջափնյակում։ Վերանվանվել է Սարատակ 1940 թ. հունիսի 1-ին։

Բնակչություն

Ըստ ՀՀ 2011 թ. մարդահամարի արդյունքների` Սարատակի մշտական բնակչությունը կազմել է 1321, առկա բնակչությունը` 1318 մարդ։ 1831 թվից ի վեր բնակիչները գրեթե ամբողջությամբ հայեր են, որոնց նախնիները 1830 թ.-ին գաղթել են Վերին Բասենի Կամրջագեղ գյուղից։

Սարատակի բնակչության փոփոխությունը ժամանակի ընթացքում` ստորև.

Տարի	Բնակչություն
1831	191 մարդ
1873	565 մարդ
1897	878 մարդ
1926	923 մարդ
1939	1112 մարդ
1959	1062 մարդ
1970	1181 մարդ
1979	1142 մարդ
1989	1429 մարդ
2001	1274 մարդ
2011	1321 մարդ

Տնտեսություն

Բնակչությունը զբաղվում է անասնապահությամբ, հացահատիկի, կերային կուլտուրաների, ծխախոտի մշակությամբ և բանջարաբուծությամբ։

Պատմամշակութային կառույցներ

Սարատակում կա կանգուն եկեղեցի։

Սարատակի հայտնի մարդիկ

• Արտավազդ Իգնատյան - պատմաբան, մանկավարժական գիտությունների թեկնածու։
• Հակոբ Սողոմոնյան (1949) - արձակագիր, թարգմանիչ, լրագրող։

Հայրենական մեծ պատերազմի մասնակիցներ

• Գրիգորյան Անդրանիկ Գևորգի (1922 - ) - հայրենական մեծ պատերազմի մասնակից։ Պարգևատրվել է «Մարտական ծառայության համար» մեդալով 30.10.1943:
• Զատիկյան Մուշեղ Վարդանի (1906 - ) - հայրենական մեծ պատերազմի մասնակից։ Զինվորական կոչումն՝ ավագ լեյտենանտ։ Պարգևատրվել է Հայրենական պատերազմի II աստիճանի շքանշանով 21.06.1944:
• Ղազարյան Ավետիս Վարդևանի (1904 - ?) - հայրենական մեծ պատերազմի մասնակից։ Զինվորական կոչումն՝ ավագ։ Պարգևատրվել է «Մարտական ծառայության համար» 21.11.1943 և «Խիզախության համար» 02.06.1944 մեդալներով և Կարմիր աստղի շքանշանով 15.02.1945:
• Մկրտչյան Պետրոս Սարիբեկի (1912 - ) - հայրենական մեծ պատերազմի մասնակից։ Զինվորական կոչումն՝ լեյտենանտ։ Երկու անգամ պարգևատրվել է Կարմիր աստղի շքանշանով 14.01.1944 և 19.05.1944:
• Մնացյան Արզուման Ա. (1922 - ) - հայրենական մեծ պատերազմի մասնակից։ Զինվորական կոչումն՝ ավագ լեյտենանտ։ Պարգևատրվել է «Խիզախության համար» մեդալով 28.07.1943:
• Պետրոսեան Հրանտ Վարոսի (1924 - ) - հայրենական մեծ պատերազմի մասնակից։ Պարգևատրվել է «Խիզախության համար» մեդալով 08.09.1944:
• Սողոմոնյան Վրույր Արտաշի (1913 - ) - հայրենական մեծ պատերազմի մասնակից։ Պարգևատրվել է III աստիճանի «Փառքի շքանշանով» 31.03.1945:

Տես նաև

• Սարատակի պատմության և մշակույթի անշարժ հուշարձանների ցանկ (Շիրակի մարզ)

Արտաքին հղումներ

• Սարատակ գյուղի էջը CAA կայքում Archived 2011-08-20 at the Wayback Machine.

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 10, էջ 213)։