Բաշգյուղ
Անվան այլ կիրառումների համար տե՛ս՝ Բաշգյուղ (այլ կիրառումներ)
| Գյուղ | ||
|---|---|---|
| Երկիր |  Հայաստան | |
| Մարզ | Շիրակի | |
| Մակերես | 10.5 կմ² | |
| ԲԾՄ | 2020 մ | |
| Պաշտոնական լեզու | Հայերեն | |
| Բնակչություն | 56[1] մարդ (2012) | |
| Ազգային կազմ | Հայեր | |
| Ժամային գոտի | UTC+4 | |
| ||
Բաշգյուղ, գյուղ Հայաստանի Հանրապետության|ի Շիրակի մարզի Աշոցքի տարածաշրջանում, մարզկենտրոն Գյումրիից մոտ 17 կմ հյուսիս-արևելք, ծովի մակերևույթից 2020 մ բարձրության վրա։
Գյուղը հիմնադրվել է 1830-ական թթ։ Նախկինում մտել է Երևանի նահանգի Ալեքսանդրապոլի գավառի մեջ և Ալեքսանդրապոլից արևելք ընկած մյուս Բաշգյուղից տարբերվելու համար մինչև 1880-ական թթ կոչվել է նաև Մեծ Բաշգյուղ։ Օգտագործվել են նաև անվանման Բաշգեղ, Բաշգյուղ Երկրորդ, Պաշգյուղ տարբերակները։
Կլիմա[խմբագրել | խմբագրել կոդը]
Գյուղը գտնվում է մեղմաթեք բարձրադիր լանջին՝ ծովի մակարդակից 2020 մ բարձրության վրա։ Կլիման բարեխառն լեռնային է, ձմեռը տևական, ցուրտ, հաստատուն ձնածածկույթով։ Լինում են ուժեղ քամիներ, հաճախակի են մառախուղները և ձնաբքերը։ Ամառը տաք է, համեմատաբար խոնավ։ Տարեկան տեղումների քանակը 600-700 մմ։ Բնական լանդշաֆտները սևահողային լեռնատափաստանները։
Բնակչություն[խմբագրել | խմբագրել կոդը]
Ըստ ազգային վիճակագրական ծառայության տվյալների Բաշգյուղի բնակչությունը 2013 թ-ի հունվարի 1-ի դրությամբ կազմել է 62 մարդ։ Սեռային կազմում տղամարդիկ կազմում են 49%, կանայք՝ 51%։ Տարիքային խմբերը բաշխված են հետևյալ կերպ. մինչաշխատունակներ՝ 26%, աշխատունակներ՝ 53%, հետաշխատունակներ՝ 21%։ Հիմնադրման պահից գյուղի բնակիչները հայեր են[2], որոնց նախնիների մի մասը 1830-ական թթ. տեղափոխվել են Մուշից և Արևմտյան Հայաստանի այլ վայրերից։
Բաշգյուղի բնակչության փոփոխությունը ժամանակի ընթացքում` ստորև[3].
| Տարի | 1873 | 1906 | 1919 | 1931 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|---|---|---|
| Բնակիչ | 598 | 269 | 420 | 214 | 129 | 113 | 74 | 80[4] | 68 | 64[5] |
Տնտեսություն[խմբագրել | խմբագրել կոդը]
Բաշգյուղն ունի 12 տնտեսություն։
Գյուղատնտեսական հողահանդակներում մեծ բաժին ունեն վարելահողերը (146 հա), խոտհարքերը (37 հա)։ Պետական հողերը գլխավորապես օգտագործվում են որպես վարելահողեր, արոտավայրեր, կազմելով համապատասխանաբար 50 և 630 հեկտար։ Զբաղվում են հացահատիկային, բանջարաբոստանային, կերային կուլտուրաների, կարտոֆիլի մշակությամբ։ Զբաղվում են նաև խոշոր եղջերավոր անասնապահությամբ, մեղվաբուծությամբ։
Պատմամշակութային կառույցներ[խմբագրել | խմբագրել կոդը]
Բաշգյուղն ունի կանգուն եկեղեցի, մատուռ և ամրոց։
Հասարակական կառույցներ[խմբագրել | խմբագրել կոդը]
2014 թ.-ի դրությամբ գյուղն ունի տարրական դպրոց, կապի հանգույց։
Տես նաև[խմբագրել | խմբագրել կոդը]
Աղբյուրներ[խմբագրել | խմբագրել կոդը]
- Շիրակի մարզպետարանի պաշտոնական կայք(չաշխատող հղում))
Ծանոթագրություններ[խմբագրել | խմբագրել կոդը]
- ↑ ԱՎԾ տվյալներ
- ↑ Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
- ↑ «Հայաստանի հանրապետության բնակավայրերի բառարան, էջ 43»։ Արխիվացված է օրիգինալից 2014 թ․ սեպտեմբերի 12-ին։ Վերցված է 2014 Ապրիլի 25
- ↑ «Հայաստանի և հարակից շրջանների տեղանունների բառարան», հտ. 5, էջ 585
- ↑ 2011 թ ՀՀ մարդահամարի արդյունքները
