Դպրոց

Վիքիպեդիայից՝ ազատ հանրագիտարանից

[1]

Դպրոցի շենք և երեխաների հանգստավայր Անգլիայում

Դպրոցը կառույց է, որ նախատեսված է ուսուցիչների ուղղորդմամբ աշակերտների ուսուցման համար։ Շատ երկրներ պարտադիր, պետական կրթության համակարգեր ունեն։ Այդ համակարգերում, աշակերտների ուսուցումը տարվում է դպրոցների շարքի միջոցով՝ սկզբնական դպրոց փոքր երեխաների համար, այնուհետ միջին դպրոց սկզբնական դպրոցն ավարտած տասը տարեկանների համար։ Կառույցը, ուր բարձրագույն կրթություն են ստանում, սովորաբար անվանում են համալսարան քոլեջ :

Առաջին դպրոցները[խմբագրել | խմբագրել կոդը]

Պատմության մեջ հիշատակված առաջին դպրոցը շումերական ծագում ունի։ Միջագետքում կատարված պեղումները երևան են հանել հազարավոր կավե պնակիտներ, որոնք կարևոր տեղեկություններ են տալիս շումերացիների կրթության մասին։ Մ.թ.ա. 3-2-րդ հազարամյակում դպրոցի հիմքը դրել է շումեր ժողովուրդը։ Շումերական դպրոցները պատրաստել են դպիրներ և գրագիրներ, որոնք ծառայության են մտել պալատներում և տաճարներում, վարել են նաև հարուստ առևտրականների գործերը։ Շումերական դպրոցներում սովորել են միայն տղաները, աղջիկների անուններ ցուցակներում չեն հանդիպել։ Շումերական դպրոցի տնօրենը կոչվել է ումիա, այսինքն՝ ուսուցչապետ կամ դպրոցի հայր, իսկ աշակերտը՝ դպրոցի զավակ, ուսուցչապետի օգնականները կոչվել են մեծ եղբայրներ, որոնք աշակերտներին գրավոր հանձնարարություններ են տվել և հետո սրբագրել։ Աշակերտները դպրոց են հաճախել արևածագից մինչև արևամուտ։ Նրանց կրթության մեջ կարևոր տեղ է գրավել անգիր սովորելը. ուսուցիչը դասը պատմում էր, հաջորդ օրը աշակերտը պարտավոր էր այն հիշողությամբ կրկնել։ 1934-1935 Մարում կատարված պեղումները երևան են հանել երկու սենյակ, ուր նշմարելի են աղյուսից թրծված նստարաններիշարքեր։


  1. Հայրապետ Կնյազյան «Հետաքրքիր, իմաստալի» 1976