Սառնաղբյուր (Շիրակի մարզ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տես՝ Սառնաղբյուր (այլ կիրառումներ)
Գյուղ
Սառնաղբյուր
Հոգեվանք.jpg
Հոգեվանքը կամ Կարմիր վանքը
Կոորդինատներ: 40°31′26.67″ հս․ լ. 43°54′35.55″ ավ. ե. / 40.5240750° հս․. լ. 43.9098750° ավ. ե. / 40.5240750; 43.9098750
Երկիր Հայաստան Հայաստան
Մարզ Շիրակի
Այլ անվանումներ Սոգթլու, Ուռնուտ
Մակերես 64.87 կմ²
ԲԾՄ 1900 մ
Պաշտոնական լեզու հայերեն
Բնակչություն 3604[1] մարդ (2012)
Ազգային կազմ հայեր
Կրոնական կազմ Հայ Առաքելական Եկեղեցու Շիրակի թեմ
Ժամային գոտի UTC+4
Փոստային ինդեքս 2911
գործող եկեղեցիներ Թադևոս Առաքյալ եկեղեցի
##Սառնաղբյուր (Շիրակի մարզ) (Հայաստան)
Red pog.png

Սառնաղբյուր, գյուղ Հայաստանի Շիրակի մարզի հարավարևելյան մասում, մարզկենտրոնից 34 կմ հարավ։

Նախկինում՝ Ուռենուտ, Սոգյուտլի։ Սառնաղբյուր է վերանվանվել 1940 թ.-ին։

Գյուղն ունի արհեստական ջրամբար, որը ոռոգում է Անիի տարածքի 1000 հեկտար հողատարածությունը։

Պատմություն[խմբագրել | խմբագրել կոդը]

Գյուղում կա նաև հնավայր, Կալաչի կամ Ղալաչի կոչվող բլրի վրա առկա են բազմաթիվ վկայություններ հնավայրի գոյությունը ապացուցող, սակայն առայժմ այն ոչ մի հնագիտական ուսումնասիրությունների չի ենթարկվել։ Գյուղի անվանացանկում կարելի է թվարկել նաև Գյոդիքենդի և Սյոգութլի կամ Սոգթլու անունները, որոնք տրվել են թուրքերի կողմից 1918 թվականի մայիսյան հերոսամարտերի ժամանակ, ի դեպ պետք է փաստել, որ գյուղը բավականին լուրջ դիմադրություն է ցույց տվել թուրքական ջարդարարներին 1918 թվականի մայիսի 18–23 կամ 24–ը ընկած ժամանակահատվածում։ Այս դեպքերի վերաբերյալ կան բազմաթիվ վկայություններ։ Գյուղը բավականին մեծ տարածք ունի։

Բնակչություն[խմբագրել | խմբագրել կոդը]

Նախնիները 1828-1829 թթ.-ին գաղթել են Ալաշկերտից, Կարսից, Բասենից և Մուշից։

Սառնաղբյուրի ազգաբնակչության փոփոխությունը.[2]

Տարի 1831 1897 1939 1959 1970 1979 1989 2001 2004
Բնակիչ 262 2385 2851 2012 2394 2460 2928 3034 2159

Տնտեսություն[խմբագրել | խմբագրել կոդը]

Բնակչությունը զբաղվում է անասնապահությամբ, հացահատիկի և կերային կուլտուրաների մշակությամբ։

Օգտակար հանածոներ[խմբագրել | խմբագրել կոդը]

Սառնաղբյուրում գտնվում է նաև քարհանք, որտեղ կա վարդագույն տուֆ և ավազի հանք «Բողթլու» անունով։ Տարածքում կան տուֆի և պեմզայի հարուստ պաշարներ։

Կրթություն[խմբագրել | խմբագրել կոդը]

Գյուղն ունի մեկ դպրոց, որտեղ գործում են նար արտադասարանային խմբակներ, բանավեճի ակումբ առողջ ապրելակերպի սեմինարներ։

2016 թվականին գյուղում Հայաստանի մանուկներ բարեգործական հիմնադրամի ֆինանսավորմամբ տեղադրվել է մարզահրապարակ։

Աղբյուրները[խմբագրել | խմբագրել կոդը]

Սառնաղբյուրում են գտնվում մի շարք սառնորակ աղբյուրներ։ Դրանցից հիշարժան են «Կաթնով աղբյուր», «Թմոյի աղբյուր», «Ձորի Աղբյուր», «Կանալ», «Բռդի աղբյուր» և այլ աղբյուրները։

Պատմամշակութային կառույցներ[խմբագրել | խմբագրել կոդը]

Գյուղը ունի մի շարք պատմական կոթողներ, որոնք հավանաբար վկայում են, որ գյուղի տարածքը նախկինում բնակեցված է եղել։

Գյուղի կենտրոնում են գտնվում սուրբ Թադևոս (1883 թ.), սուրբ Հակոբ (V-VI դարեր) և Սուրբ Կարապետ (1205 թ.) եկեղեցիները։ Գյուղի մոտ են գտնվում V-XIII դարերի Հոգեվանքը, Սուրբ Գրիգոր Լուսավորիչ ուխտատեղին, իսկ 6 կմ արևելք՝ Սուրբ Ղազար եկեղեցին (V-VI դարեր), «Գնդաքար» (մ.թ.ա. 1-ին հազարամյակ) և «Բերդիկ» (մ.թ.ա. 2-րդ-1-ին հազարամյակ) ամրոցները։ 1883 թվականին կառուցվել է Թադևոս Առաքյալ եկեղեցին, որը այժմ գործող է։

Տես նաև[խմբագրել | խմբագրել կոդը]

Հայտնի անձինք[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]