Բյուրակն (Շիրակի մարզ)

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Բյուրակն (այլ կիրառումներ)
Գյուղ
Բյուրակն
ԵրկիրՀայաստան Հայաստան
ՄարզՇիրակի
Այլ անվանումներԳյուլլիբուլաղ
Մակերես24 կմ²
ԲԾՄ1730 մ
Պաշտոնական լեզուՀայերեն
Բնակչություն921[1] մարդ (2012)
Ազգային կազմՀայեր
Ժամային գոտիUTC+4
##Բյուրակն (Շիրակի մարզ) (Հայաստան)
Red pog.png

Բյուրակն, գյուղ Հայաստանի Շիրակի մարզում, մարզկենտրոնից 16 կմ հյուսիս-արևմուտք։ Գտնվում է Ախուրյան գետի աջ կողմում։ Գյուղը մոտ 200 տարի առաջ հիմնադրել ե ն հայերն ու ազերիները։ 1988 թվականից հետո վերաբնակեցվել է Վրաստանի Հանրապետությանց և Ադրբեջանից գաղթած, ինչպես նաև Գյումրիից և մոտակա համայնքներից տեղափոխված հայերով։ Գյուղի նախկին անվանումը եղել է Գյուլլիբուլաղ, որը թարգմանաբար նշանակում է «Վարդաղբյուր»։ 2008 թվականին գյուղը անվանափոխվել է Բյուրակնի։

Բյուրակն է վերանվանվել 04.07.2006 թ.-ի հուլիսի 4-ին։

Պատմություն[խմբագրել | խմբագրել կոդը]

1998 թվականին ՄԱԿ-ի գրասենյակի կողմից հաստատվել է ծրագիր, ըստ որի հիմնական վերակառուցման ենթարկվեցին գյուղի միջնակարգ դպրոցի շենքը և ամբուլատորիան։ 2002 թվականին IFAT և ՀՍՆՀ կազմակերպությունների հովանավորությամբ գյուղում շահագործման հանձնվեց մոտ 5,5 կմ երկարությամբ խմելու ջրի ջրագիծը, որը համայնքի բնակչության մոտ 40%-ը ապահովվեց շուրջօրյա խմելու ջրով, հետագայում 2006 թ.-ին OXFAM բրիտանական հասարակական կազմակերպության և ՇՀԿՄ այակցությամբ վերանորոգման ենթարկվեց ջրագծի 5,5 կմ հատվածը և կառուցվեց նոր 2,5 կմ երկարությամբ ջրագիծ։ Դրա շնորհիվ համայնքի բնակիչների 70% -ը ապահովվեց շուրջօրյա ջրամատակարարմամբ։ Համայնքի մշակութային, կրթական կյանքի աշխուժացման նպատակով համայնքում հիմնադրվեց և գործում է Քաղաքացիական կենտրոնը (հիմնադրվել է OXFAM ՀԿ-ի և ՇՀԿՄ աջակցությամբ)։

Բնակչություն[խմբագրել | խմբագրել կոդը]

Բյուրակնի ազգաբնակչության փոփոխությունը.[2]

Տարի 1886 1897 1926 1939 1959 1970 1979 1989 2001 2004
Բնակիչ 673 958 1142 1388 1529 2459 2580 305 781 890

Տնտեսություն[խմբագրել | խմբագրել կոդը]

Բնակչությունը զբաղվում է անասնապահությամբ և դաշտավարությամբ։

Պատմամշակութային կառույցներ[խմբագրել | խմբագրել կոդը]

Բյուրակնի տարածքում կան եկեղեցու և հայկական հին բնակավայրի ավերակներ։

Հասարակական կառույցներ[խմբագրել | խմբագրել կոդը]

Սովետական տարիներին գյուղն ունեցել է կոլտնտեսություն, ակումբ, կարի արտադրամաս, կենցաղի տուն, գրադարան, միջնակարգ ու գիշերօթիկ դպրոցներ, ճաշարան, բաղնիք, հացի փուռ և բուժկետ։ 1989 թվականի օգոստոս ամսին բացվեց 1-ին միջնակարգ դպրոցը՝ 120 աշակերտներով։ Մինչև 1997 թվականը նկատվել է բնակչության աճ, դպրոցում աշակերտների թիվը հասել է 250-ի։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]