Կարմիր Աղեկ
| Գյուղ | ||
|---|---|---|
| Կարմիր Աղեկ | ||
 «Կարմիր Աղեկ» | ||
| Երկիր |  Հայաստան | |
| Մարզ | Լոռու | |
| Գյուղապետ | Վաչագան Հովհաննիսյան | |
| ԲԾՄ | 1260 մ | |
| Պաշտոնական լեզու | Հայերեն | |
| Բնակչություն | 174[1] մարդ (2011) | |
| Ազգային կազմ | Հայեր | |
| Կրոնական կազմ | Հայ Առաքելական եկեղեցի | |
| Ժամային գոտի | UTC+4 | |
| ||
Կարմիր Աղեկ, գյուղ Հայաստանի Հանրապետության Լոռու մարզի Թումանյանի տարածաշրջանում, Ալավերդի քաղաքից 10-12 կմ հարավ-արևմուտք` Ձորագետի ձախ ափին։
Բարձրությունը ծովի մակերևույթից՝ 1260 մ, հեռավորությունը մարզկենտրոնից՝ 41 կմ հյուսիս-արևելք։ Մոտակա երկաթուղին գտնվում է Ալավերդի քաղաքում, համայնքից 26 կմ հեռավորության վրա[2]։
Համայնքի մշակելի հողերը գտնվում են թեք հարթությունների` թույլ թեք և միջին թեք լանջերի վրա։
Համայնքի տարածքում բնական բուսական ծածկույթը բաղկացած է հացազգի տեսակներրից, թիթեռածաղկավոր բույսերից, թփուտներից և անտառային բույսերից։
Բնակչությունն զբաղվում է անասնապահությամբ, հացահատիկի, կերային կուլտուրաների մշակությամբ։
Համայնքն ունի գրադարան՝ 4900 անուն գրքով։
Պատմություն[խմբագրել | խմբագրել կոդը]
Կարմիր Աղեկ (արևմտահայերեն` լավ) գյուղը վերաբնակեցվել է 1924 թվականին։ Սակայն գյուղն ավելի հին է, քան ենթադրվում է։ Դրա մասին են վկայում համայնքի տարածքում գտնվող VI-VIIդդ բազմաթիվ գերեզմանները[2]։ Բնակիչները հայեր են, որոնց նախնիների մի մասը տարբեր ժամանակներում գաղթել է Արևմտյան Հայաստանից[3]։
Գյուղի տարածքում պահպանվել են հին ամրոցի հետքեր և գյուղատեղի։ Այստեղ է գտնվում «Աղեկ» անունով եկեղեցին։
Բնակչություն[խմբագրել | խմբագրել կոդը]
Ըստ ՀՀ 2011 թ. մարդահամարի արդյունքների` Կարմիր Աղեկի մշտական բնակչությունը կազմել է 174, առկա բնակչությունը` 161 մարդ[1]։
Կարմիր Աղեկի բնակչության փոփոխությունը ժամանակի ընթացքում` ստորև[4].
| Տարի | 1926 | 1959 | 1970 | 1979 | 1989 | 2001 | 2011 |
|---|---|---|---|---|---|---|---|
| Բնակիչ | 70 | 223 | 209 | 175 | 182[5] | 214 | 174[1] |
Կլիմա[խմբագրել | խմբագրել կոդը]
Համայնքն ունի լեռնատափաստանային գոտուն բնորոշ կլիմա։ Գարնանային վերջին ցրտահարությունները լինում են ապրիլ ամսվա վերջին տասնօրյակին, իսկ աշնանային ցրտահարությունները սեպտեմբերի կեսերին[2]։
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 2011 թ ՀՀ մարդահամարի արդյունքները
- ↑ 2,0 2,1 2,2 Հակոբյան Սամվել, Հակոբյան Արտեմ (2015)։ Հայաստանի Հանրապետության պատմական հանրագիտարան։ Երևան: Հեղինակային հրատարակություն
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 3 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 52 — 992 էջ։
- ↑ «Հայաստանի հանրապետության բնակավայրերի բառարան, էջ 106»։ Արխիվացված է օրիգինալից 2014-09-12-ին։ Վերցված է 2013 Հոկտեմբերի 27
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 728 — 916 էջ։
