Կաճաճկուտ

Վիքիպեդիայից՝ ազատ հանրագիտարանից
Jump to navigation Jump to search
HS Disambig.svg Անվան այլ կիրառումների համար տե՛ս՝ Կաճաճկուտ (այլ կիրառումներ)
Գյուղ
Կաճաճկուտ
ԵրկիրՀայաստան Հայաստան
ՄարզԼոռու
ԳյուղԱլավերդի (համայնք)
Հիմնադրված է1890 թ.
ԲԾՄ1425 մ
Պաշտոնական լեզուՀայերեն
Բնակչություն393[1] մարդ (2011)
Ազգային կազմՀայեր
Կրոնական կազմՀայ Առաքելական եկեղեցի
Ժամային գոտիUTC+4
##Կաճաճկուտ (Հայաստան)
Red pog.png

Կաճաճկուտ, գյուղ Հայաստանի Հանրապետության Լոռու մարզի Ալավերդու համայնքում, Ալավերդի քաղաքից մոտ 5 կմ արևմուտք` Լալվար լեռան հարավ-արևելյան ստորոտին։

Բարձրությունը ծովի մակերևույթից՝ 1425 մ, հեռավորությունը մարզկենտրոն Վանաձորից՝ 58 կմ հյուսիս-արևելք։

Պատմություն[խմբագրել | խմբագրել կոդը]

Նախկինում գյուղը ունեցել է Սեդվի անվանումը[2]։

Գյուղը հիմնադրվել է 1890-ական թվականներին։

Գյուղի շրջակայքում պահպանվել են Սեդվի գյուղատեղին (10-13-րդ դդ.) և ամրոցի մնացորդները (13-14-րդ դդ.)։ Այստեղ են գտնվում նաև Սեդվու Սբ. Նշան վանքը (13-14-րդ դդ.) և 13-14-րդ դդ. մատուռ[3]։

Կլիմա[խմբագրել | խմբագրել կոդը]

Կաճաճկուտն ունի բարեխառն լեռնային կլիմա։ Ձմեռները ցուրտ են և տևական, ամեն տարի հաստատվում է կայուն ձնածածկույթ։ Ամառները տաք են և համեմատաբար խոնավ, այդ իսկ պատճառով գյուղը սողանքային է։ Տարեկան մթնոլորտային տեղումների քանակը կազմում է 700-800 մմ։

Բնակչություն[խմբագրել | խմբագրել կոդը]

Ըստ ՀՀ 2011 թ. մարդահամարի արդյունքների` Կաճաճկուտի մշտական բնակչությունը կազմել է 393, առկա բնակչությունը` 378 մարդ[1]։ Բնակիչները հիմնադրման պահից մինչ օրս հայեր են[4][3], բնակչության փոփոխությունը ժամանակի ընթացքում` ստորև[5].

Տարի 1897 1926 1939 1959 1970 1979 1989 2001 2011
Բնակիչ 29 391 663 653 701 483 476 537 393[1]

Գյուղատնտեսություն[խմբագրել | խմբագրել կոդը]

Բնակիչները հիմնականում զբաղվում են այգեգործությամբ, դաշտավարությամբ, պտղաբուծությամբ (աճեցնում են ազնվամորի, կեռաս, մասուր և այլն), զբաղվում են նաև խոշոր եղջերավոր անասնաբուծությամբ, մեղվաբուծությամբ և թռչնաբուծությամբ։

Պատմամշակութային կառույցներ[խմբագրել | խմբագրել կոդը]

Սուրբ Նշան վանական համալիր (Սեդվի)

Սուրբ Նշան վանական համալիր[խմբագրել | խմբագրել կոդը]

Սուրբ Նշան Վանական համալիրը գտնվում է Թումանյանի շրջանի Աքորի գյուղից 4 կմ դեպի հարավ, Կաճաճկուտ գյուղից 3 կմ հարավ-արևելյան ստորոտին՝ Աքորի-Կաճաճկուտ ավտոճանապարհին մոտ, Սեդվու ձորում։

Վանական Համալրից պահպանվել են Սուրբ Նշան եկեղեցին (XIII դար) կից մատուռով։

Հասարակական կառույցներ[խմբագրել | խմբագրել կոդը]

2019 թվականի դրությամբ գյուղն ունի միջնակարգ դպրոց և բուժկետ։

Պատկերասրահ[խմբագրել | խմբագրել կոդը]

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 1,2 2011 թ ՀՀ մարդահամարի արդյունքները
  2. «ՀՀ բնակավայրերի բառարան»։ Արխիվացված է օրիգինալից 2014-09-12-ին 
  3. 3,0 3,1 Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 2 [Դ-Կ] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 1986, էջ 912 — 992 էջ։
  4. Զավեն Կորկոտյան, «Խորհրդային Հայաստանի բնակչությունը վերջին հարյուրամյակում (1831-1931)»
  5. «Հայաստանի հանրապետության բնակավայրերի բառարան, էջ 106»։ Արխիվացված է օրիգինալից 2014-09-12-ին։ Վերցված է 2013 Հոկտեմբերի 27