Աթան

Վիքիպեդիայից՝ ազատ հանրագիտարանից
Գյուղ
Աթան
Կոորդինատներ: 40°56′02″ հս․ լ. 44°50′57″ ավ. ե. / 40.93389° հս․. լ. 44.84917° ավ. ե. / 40.93389; 44.84917
Երկիր Հայաստան Հայաստան
Մարզ Լոռի
Մակերես 26.08 կմ²
ԲԾՄ 1650 մ
Պաշտոնական լեզու Հայերեն
Բնակչություն 396[1] մարդ (2008)
Ազգային կազմ Հայեր
Կրոնական կազմ Հայ Առաքելական եկեղեցի
Տեղաբնականուն աթանցի
Ժամային գոտի UTC+4
Պաշտոնական կայք lori.mtaes.am/about-communities/473/ (հայ.)
##Աթան (Հայաստան)
Red pog.png

Աթանը գյուղ է Հայաստանի Հանրապետության Լոռու մարզում, Ալավերդու տարածաշրջանում, Ալավերդի քաղաքից 24 կմ հարավ-արևելք, մարզկենտրոնից գտնվում է 63 կմ հեռավորության վրա։ Գյուղը տեղադրված է բարձրադիր և լեռնային վայրում՝ ծովի մակարդակից 1650 մ բարձրության վրա։

Գյուղը հիմնադրվել է XIX դարի կեսերին Հաղպատի վանքի կալվածքները լքած գյուղացիների կողմից։ Գյուղամիջում կա հին եկեղեցի, իսկ շրջակայքում՝ աշխարհիկ հին շինությունների ավերակներ։

Կլիմա[խմբագրել | խմբագրել կոդը]

Կլիման բարեխառն լեռնային է, տևական, ցուրտ ձմեռներով։ Ամեն տարի հաստատվում է կայուն ձնածածկույթ։ Ամառները տաք են, համեմատաբար խոնավ։ Տարեկան թափվում են 600-700 մմ մթնոլորտային տեղումներ։ Ագրոկլիմայական տեսակետից ընկած է մասնակի ոռոգման գոտում։

Բնակչություն[խմբագրել | խմբագրել կոդը]

Աթանը բնակեցվել է Հաղպատից, Սանահինից և Շիրակի գյուղերից տարբեր ժամանակներում տեղափոխված բնակիչներով։ Ըստ ազգային վիճակագրական ծառայության տվյալների 2005 թ.-ին համայնքի բնակչությունը կազմել է 279 մարդ։ Սեռային կազմում տղամարդիկ կազմում են 47%, կանայք՝ 53%։

Աթանի ազգաբնակչության փոփոխությունը[2].

Տարի 1831 1897 1919 1926 1959 1979 2001 2004
Բնակիչ 104 235 433 500 614 601 396 338

Գյուղատնտեսություն[խմբագրել | խմբագրել կոդը]

Գյուղատնտեսական հողահանդակները գրեթե ամբողջությամբ օգտագործվում են որպես խոտհարքեր՝ կազմելով 523 հա։ Պետական հողերը գլխավորապես օգտագործվում են որպես խոտհարքեր, վարելահողեր, արոտավայրեր՝ կազմելով համապատասխանաբար 175, 60, 778 հեկտար։ Գյուղի մասնագիտացման ուղղությունը անասնապահությունն է։ Զբաղվում են խոշոր եղջերավոր անասնաբուծությամբ, մեղվաբուծությամբ։ Զբաղվում են նաև դաշտավարությամբ, պտղաբուծությամբ (տանձ, խնձոր, սալոր), մշակում են հացահատիկային, կերային, բանջարաբոստանային կուլտուրաներ։

Հասարակական կառույցներ[խմբագրել | խմբագրել կոդը]

2013 թ.-ի դրությամբ ունի դպրոց, գրադարան, բուժկետ և կապի հանգույց։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]