Շուշան Սարդարյան
| Շուշան Սարդարյան | |
|---|---|
| Ծնվել է | փետրվարի 5, 1968 (55 տարեկան) |
| Ծննդավայր | Աշտարակ, Հայկական ԽՍՀ, ԽՍՀՄ |
| Քաղաքացիություն |  ԽՍՀՄ և  Հայաստան |
| Կրթություն | Երևանի պետական համալսարան |
| Մասնագիտություն | բանասեր, մանկավարժ, պատգամավոր և քաղաքական գործիչ |
| Աշխատավայր | Խաչիկ Դաշտենցի անվան թիվ 114 ավագ դպրոց, ՀՀ նախագահի աշխատակազմ, Գազպրոմ Արմենիա և Երևանի քաղաքապետարան |
| Զբաղեցրած պաշտոններ | Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
Շուշան Ալբերտի Սարդարյան (փետրվարի 5, 1968, Աշտարակ, Հայկական ԽՍՀ, ԽՍՀՄ), հայ բանասեր, հայոց լեզվի և գրականության ուսուցիչ։ ՀՀ ԱԺ նախկին պատգամավոր։
Կենսագրություն[խմբագրել | խմբագրել կոդը]
Շուշան Սարդարյանը ծնվել է 1968 թվականի փետրվարի 5-ին, Աշտարակում։ 1991 թվականին ավարտել է Երևանի պետական համալսարանի բանասիրական ֆակուլտետը։
1991-1994 թվականներին աշխատել է Երևանի թիվ 114 դպրոցի հայոց լեզվի և գրականության ուսուցչուհի, 1996-1997 թվականներին՝ «Արմենպրես» լրատվական գործակալության հասարակական-քաղաքական և սոցիալ-տնտեսական լրատվության բաժնի թղթակից, 1998-2001 թվականներին՝ ՀՀ նախագահի աշխատակազմի հասարակայնության և տեղեկատվության միջոցների հետ կապերի վարչության հասարակայնության հետ կապերի բաժնի ղեկավար, 2001-2017 թվականներին՝ «Գազպրոմ Արմենիա» ՓԲԸ հասարակայնության և զանգվածային լրատվության միջոցների հետ կապերի ծառայության պետ, 2010-2013 թվականներին միաժամանակ՝ Երևանի քաղաքապետի մամուլի քարտուղար, 2016-2017 թվականներին` ՀՀ վարչապետի խորհրդական[1]։
2017 թվականին դարձել է ՀՀԿ անդամ[2]։ 2017 թվականի ապրիլի 2-ին ԱԺ պատգամավոր[3] է ընտրվել ՀՀԿ համապետական ընտրական ցուցակով։
Ընտանիք[խմբագրել | խմբագրել կոդը]
Ամուսնացած է, ունի երկու զավակ։
Ծանոթագրություններ[խմբագրել | խմբագրել կոդը]
- ↑ Ինչ կենսագրություն ունի ՀՀԿ կուսակցության կողմից ԱԺ պատգամավորի թեկնածու Շուշան Սարդարյանը
- ↑ «Կուսակցության խորհուրդը - Կառուցվածք - Հայաստանի Հանրապետական կուսակցություն»։ www.hhk.am։ Վերցված է 2020-03-08
- ↑ «National Assembly of Armenia | Official Web Site | parliament.am»։ www.parliament.am։ Վերցված է 2020-03-08