Մարգարիտ Եսայան
| Մարգարիտ Եսայան | |
|---|---|
 | |
| Ծնվել է | հոկտեմբերի 24, 1958 (64 տարեկան) |
| Ծննդավայր | Երևան, Հայկական ԽՍՀ, Խորհրդային Սոցիալիստական Հանրապետությունների Միություն |
| Քաղաքացիություն |  Հայաստան |
| Կրթություն | Երևանի պետական համալսարան |
| Մասնագիտություն | լրագրող |
| Աշխատանք | ՀՀ Ազգային Ժողովի պատգամավոր, ՀՀ Մարդու իրավունքների պաշտպանության և հանրային հարցերի մշտական հանձնաժողովի փոխնախագահ |
| Զբաղեցրած պաշտոններ | Հայաստանի Ազգային ժողովի պատգամավոր, Հայաստանի Ազգային ժողովի պատգամավոր և Հայաստանի Ազգային ժողովի պատգամավոր |
| Կուսակցություն | Հայաստանի Հանրապետական կուսակցություն |
| Պարգևներ և մրցանակներ | |
 Margarit Yesayan Վիքիպահեստում | |
Մարգարիտ Եսայան (հոկտեմբերի 24, 1958, Երևան, Հայկական ԽՍՀ, Խորհրդային Սոցիալիստական Հանրապետությունների Միություն), ՀՀ պետական և քաղաքական գործիչ, ԱԺ պատգամավոր, ՀՀ Մարդու իրավունքների պաշտպանության և հանրային հարցերի մշտական հանձնաժողովի նախկին փոխնախագահ, նախկին լրագրող[2]։
Կենսագրություն[խմբագրել | խմբագրել կոդը]
Ծնվել է 1958 թվականի հոկտեմբերի 24-ին Երևանում։
1982 թվականին ավարտել է Երևանի պետական համալսարանի բանասիրական ֆակուլտետը։
Մասնակցել է ԱՄՆ կառավարության «Միջազգային այցելու» ծրագրի շրջանակներում անցկացված «Լրատվամիջոցների դերը ընտրական գործընթացներում» դասընթացին (2002 թվական)։
1983-1996 թվականներին եղել է «Պիոներ կանչ» (հետագայում` «Կանչ») մանկապատանեկան թերթի լրագրող, ապա` դպրոցական բաժնի խմբագիր։ 1996-2012 թվականներից աշխատել է «Առավոտ» օրաթերթի քաղաքական լրագրող-մեկնաբան։ 1999-2001 թվականներին համագործակցել է «Ազատություն» ռադիոկայանի հետ։ 2011 թվականից դասավանդում է Երևանի Վալերի Բրյուսովի անվան պետական լեզվաբանական համալսարանում։
2012 թվականի մայիսի 6-ին ԱԺ պատգամավոր է ընտրվել համամասնական ընտրակարգով Հայաստանի Հանրապետական կուսակցությունից։
2017 թվականի ապրիլի 2-ին ԱԺ պատգամավոր է ընտրվել համամասնական ընտրակարգով Հայաստանի Հանրապետական կուսակցությունից։ 2019 թվականին հեռացել է ՀՀԿ-ից ու քաղաքականությունից։
Պարգևներ[խմբագրել | խմբագրել կոդը]
2003 թվականին արժանացել է ՀՀ սոցիալական ապահովության պետական ծառայության շնորհակալագրի, 2008 թվականին` «Տարվա լրագրող» կոչման («Դե Ֆակտո» ամսագիր) 2010 թվականին` ԵՄ «ՏԻ ռեպորտաժ» ծրագրի շնորհակալագրի, 2011 թվականին` Երևանի մամուլի ակումբի «Լրագրողական հետաքննություն» մրցանակի` «Տիեզերական» գիրքը կազմելու և խմբագրելու համար։ 2012 թվականին պարգևատրվել է ՀՀ ՊՆ «Հայոց բանակի 20-ամյակ» հուշամեդալով, 2017 թվականին՝ Երախտագիտության մեդալով[3]։
Ծանոթագրություններ[խմբագրել | խմբագրել կոդը]
- ↑ http://նախագահ.հայ/hy/decrees/item/4230
- ↑ «National Assembly of Armenia | Official Web Site | parliament.am»։ www.parliament.am։ Վերցված է 2017-06-23
- ↑ «ՀՀ Նախագահի հրամանագրերը - Փաստաթղթեր - Հայաստանի Նախագահ»։ նախագահ.հայ։ Վերցված է 2017-12-31
