Հայկ Չոբանյան

Վիքիպեդիայից՝ ազատ հանրագիտարանից
Jump to navigation Jump to search
Հայկ Չոբանյան
Hayk Chobanyan.jpg
Դրոշ
ՀՀ Տավուշի մարզպետ
Դրոշ
2019-
 
Կրթություն՝ ԵՊՀ պատմության ֆակուլտետ և ՀՀ պետական կառավարման ակադեմիա
Մասնագիտություն՝ պատմաբան և պետական գործիչ
Ազգություն հայ
Ծննդյան օր մարտի 5, 1973(1973-03-05) (46 տարեկան)
Ծննդավայր Տավուշ, Շամշադինի շրջան, Հայկական ԽՍՀ, ԽՍՀՄ
Քաղաքացիություն Flag of the Soviet Union.svg ԽՍՀՄ և Flag of Armenia.svg Հայաստան

Հայկ Հարությունի Չոբանյան (մարտի 5, 1973(1973-03-05), Տավուշ, Շամշադինի շրջան, Հայկական ԽՍՀ, ԽՍՀՄ), հայ պատմաբան, պետական գործիչ: ՀՀ Տավուշի մարզպետ (2019 թվականի փետրվարի 6-ից [1]):

Կենսագրություն[խմբագրել | խմբագրել կոդը]

Հայկ Չոբանյանը ծնվել է 1973 թվականին, ՀՀ Տավուշի մարզի Տավուշ գյուղում: Ավարտել է տեղի միջնակարգ դպրոցը: 1990-1995 թվականներին սովորել է Երևանի պետական համալսարանի պատմության ֆակուլտետում: Եղել է ԵՊՀ ուսանողական խորհրդի առաջին նախագահը[2]: 1995-1999 թվականներին սովորել է ՀՀ կառավարման դպրոցում: 1995-1997 թվականներին ծառայել է Հայկական բանակում:

1997-1998 թվականներին աշխատել է «Պետական ծառայողի լրատու» ամսագրի խմբագրությունում, 1998-2001 թվականներին՝ ՀՀ կառավարության աշխատակազմում, ապա` ՀՀ արդարադատության նախարարությունում: 2001-2003 թվականներին աշխատել է հրատարակչության տնօրեն, 2003-2012 թվականներին՝ ՀՀ աշխատանքի և սոցիալական հարցերի նախարարության Նորք տեղեկատվավերլուծական կենտրոնի տնօրեն, 2006-2013 թվականներին՝ Ինֆորմացիոն տեխնոլոգիաների ձեռնարկությունների միություն խորհրդի անդամ: 2012 թվականին հիմնադրել է «Արփի սոլար» ընկերությունը[3]: Նույն թվականին ղեկավարել է Տավուշի հոգևոր վերածնունդ հիմնադրամը: 2014-2017 թվականներին աշխատել է Ինֆորմացիոն տեխնոլոգիաների ձեռնարկությունների միության փոխտնօրեն և «ՅուԱյԹի» ԷՔՍՊՈ ընկերության տնօրեն: 2016 թվականին հիմնել է Կայուն էներգիայի զարգացման հիմնադրամը, 2018 թվականին՝ «Ֆրիներջի» ընկերությունը: 2016 թվականից «Իրական» դպրոց հիմնադրամի հոգաբարձուների խորհրդի նախագահն է, 2017 թվականից՝ Հայաստանի փառատոների ասոցիացիայի նախագահ:

2019 թվականի փետրվարի 6-ին ՀՀ կառավարության որոշմամբ նշանակվել է ՀՀ Տավուշի մարզպետ[4]:

Պարգևներ[խմբագրել | խմբագրել կոդը]

Արժանացել է պետական պարգևների:

  • ԵՊՀ արծաթե հուշամեդալ, 2009

Ծանոթագրություններ[խմբագրել | խմբագրել կոդը]