Արմինե Թումանյան

Արմինե Թումանյան
Ծնվել է	հուլիսի 12, 1975 (48 տարեկան)
Ծննդավայր	Երևան, Հայկական ԽՍՀ, ԽՍՀՄ
Քաղաքացիություն	ԽՍՀՄ և Հայաստան
Կրթություն	Հայկական պետական մանկավարժական համալսարան և Հայաստանի գեղարվեստի պետական ակադեմիա
Մասնագիտություն	նկարչուհի և դիզայներ
Անդամակցություն	Հայաստանի նկարիչների միություն
Ամուսին	Հայկ Չոբանյան
Սոցիալական մեդիա	Armine Tumanyan Silk and Silver art
	Armine Tumanyan Վիքիպահեստում

Արմինե Արամի Թումանյան (հուլիսի 12, 1975(1975-07-12), Երևան, Հայկական ԽՍՀ, ԽՍՀՄ), հայ նկարչուհի, դիզայներ, գեղանկարչական ցուցահանդեսների համակարգող։ Հայաստանի նկարիչների միության անդամ, Տավուշի մասնաճյուղի ղեկավար^[1], «Տավուշի հոգևոր վերածնունդ» հիմնադրամի տնօրեն։

Կենսագրություն[խմբագրել | խմբագրել կոդը]

Արմինե Թումանյանը ծնվել է 1975 թվականին, Երևանում։ Գերազանց ավարտել է Հայկական պետական մանկավարժական համալսարանի կուլտուրայի ֆակուլտետի կերպարվեստի բաժինը՝ ստանալով կերպարվեստի մանկավարժի որակավորում։ Հագուստի մոդելավորում և դիզայն է ուսանել Հայաստանի գեղարվեստի պետական ակադեմիայում (մագիստրատուրա)։

2016 թվականին Զվարթնոց օդանավակայանում հիմնել է "ArtAm Gallery" հարթակը, որտեղ ցուցահանդեսների միջոցով ներկայացնում է հայ ժամանակակից նկարիչներին։

Արմինե Թումանյանի ստեղծագործությունների թեման մարդն է՝ բնության ներդաշնակության մեջ, Հայաստանի ակունքները և ներկան, կանանց ներաշխարհի վերարտադրությունը, նրանց հոգեվիճակը։

Ցուցահանդեսներ[խմբագրել | խմբագրել կոդը]

Խմբակային ցուցահանդեսների է մասնակցել Կանադայում (2012), Իսրայելում (2013), Թայվանում (2015), Իսրայելում (2015)։

Որպես նկարչուհի[խմբագրել | խմբագրել կոդը]

Նկարչական սիմպոզիումների է մասնակցել Սերբիայում, Իսրայելում։ Իսրայելում եղել է International Arts and crafts Festival-ի հայաստանյան ներկայացուցիչը։

«Անտեսանելին տեսանելի», 2022, Հայաստանի նկարիչների միություն^[2]

Ի՞նչ են զգացմունքները, հույզերը և շատ այլևայլ անտեսանելի երևույթներ։ Արդյոք իրենք ունեն որևէ պատկերային համարժեք, որը հնարավոր է արտաբերել և ձև ստանալ։ Զբաղվելով կիռարական արվեստով, ես փորձել եմ նկարել զգացմունքներ մետաքսի վրա, բայց որոշակի բաներ հնարավոր չէր իրագործել բատիկ տեխնիկայի սահմանափակումների պատճառով և ինձ գրավեց կտավի հետ աշխատելու ազատությունը և ծավալային գեղանկարչություն ստեղծելու նպատակը։ Ֆիգուրատիվ արվեստից հետո ինձ համար բացահայտեցի անառարկայական աբստրակտ ժանրի նկարչությունը, որը անսահման ազատություն և ստեղծագորլելու հնարավորություն տվեց ինձ, և այստեղ վերածնվեց գաղափարը և ցանկությունը պատկերել «անտեսանելին»։ Կտավը հնարավորություն է տալիս փորձարկել տարբեր տեխնիկաներ և իմ նոր գործերի մեջ դուք կտեսնենք թղթի և այլ նյութերի կիրառման փորձը։ Ինձ միշտ հետաքրքիր է փնտրել, փորձարկել և գտնել։ Եվ այս գործերի մեջ երևում է այդ փնտրումների ընթացքը։ Զգացմունքների և ձայների տեսակներ, այն է ինչ դարձել է այս ցուցահանդեսի ոգեշնչման նյութը։ Բացահայտելով ինձ համար Էռնեստ Խլադնիի` գերմանացի ֆիզիկոս և փորձարարական ակուստիկայի հիմնադրի գյուտերը ձայնային պատկերների ստեղծման շուրջ, ստեղծեցի 12 կտավ, հիմք ընդունելով Խլադնիի գծային սխեմաների պատկերները։ Հետաքրքիր էր պատկերել ձայնը, որը շատ կարևոր դեր է խաղում մարդկանց կյանքում։ Մենք լսողության միջոցով ընկալում ենք մեզ շրջապատող տեղեկատվության ավելի քան մեկ երրորդը։ Ֆիզիկայի տեսանկյունից ձայնի նորմալ ընկալումը մարդու կողմից 20 Հց-ից մինչև 20000 Հց հաճախականության սահմանում է գտնվում։ 20000 Հց-ից բարձր հաճախականությամբ հնչյունները կոչվում են ուլտրաձայներ, իսկ 20 Հց-ից ցածր՝ ինֆրաձայններ։ Իմ նկարների միջոցով կծանոթանաք մեր ընկալման հասանելի 12 ձայնային հերցերի հետ։

Զգացմունքներ նկարելը իմ սուբյեկտիվ պատկերացմամբ ոչ մեկին չի պարտադրում նույն պատկերացումը ձևակերպել, բայց մոտեցնում է ձեզ իմ մտածելակերպի ընկալմանը։

Բարի գալուստ իմ ձայների և զգացմունքների պատկերային աշխարհ։

«Քո անունն է կին», 2019, Նարեկացի արվեստի միություն, Երևան^[3] և Շուշի^[4]^[5]

Կանանց աշխարհը շատ խորն ու զանազան է, շատերի համար անհասկանալի։ Այսօր ներկայացրել եմ տարբեր ազգությունների ութ կանանց և ամենակարևոր կնոջ՝ իմ ներշնչման աղբյուր հանդիսացող Մարիամ Աստվածածնի կերպարը։ Այս աշխատանքներում արտահայտված է իմ էությունն ամենայն անկեղծությամբ՝ սիրով, հուզմունքով, հավատքով^[3]։

- Արմինե Թումանյան

«Հայկական առասպելներ», 2018, Հայ-ռուսական համալսարանի Արթ-ակվարիում ցուցասրահ^[6]
5 արվեստագետ կանանց ցուցահանդես ՄԱԿ-ի երևանյան գրասենյակում, 2018^[7]
«Հավերժ ճամփորդ», Երևանի պատմության թանգարան, 2017^[8]

Որպես համակարգող[խմբագրել | խմբագրել կոդը]

4 տարբեր ժանրերի ցուցահանդես «Կոնվերս» բանկում
«Ներկիր քո Տակառը» նկարչական մրցույթ
"Art, Wine and Tango" 14 floor Hotel, Երևան
10 հայ նկարիչների ցուցահանդես Կիևի ազգային պատկերասրահում, 2017
Միջազգային նկարչական սիմպոզիում «Տավուշը աշխարհի աչքերով», 2019 (մասնակցել են արվեստագետներ 17 երկրներից, 23 նկարիչ և 7 նկարիչ Հայաստանից)