ԵՊՀ արևելագիտության ֆակուլտետ

Վիքիպեդիայից՝ ազատ հանրագիտարանից
Jump to navigation Jump to search
ԵՊՀ արևելագիտության ֆակուլտետ
Երևանի պետական համալսարան
Անգլերեն անվանում անգլ.՝ Faculty of Oriental Studies
Նախկին անվանում արևելագիտության ֆակուլտետ
Հիմնադրում 1940
Կայք Ֆակուկտետի պաշտոնական կայք
E-mail orient@ysu.am

ԵՊՀ արևելագիտության ֆակուլտետ, Երևանի Պետական Համալսարանի կազմում գործող ֆակուլտետ[1]։

Պատմություն[խմբագրել | խմբագրել կոդը]

Արևելագիտության առաջին դասախոսը գրականագետ և արևելագետ Գևորգ Ասատուրն էր, ով 1921 թվականին աշխատանքի է հրավիրվում որպես վրացերենի և Արևելքի գրականության դասախոս։ 1923 թվականին Թավրիզից ԵՊՀ է հրավիրվում լեզվաբան Հրաչյա Աճառյանը։ Նա դասավանդում է բազմաթիվ առարկաներ, այդ թվում` պարսկերեն, սանսկրիտ, պարսից լեզվի պատմություն և այլն։ 1940 թվականին սեպտեմբերից Աճառյանի նախաձեռնությամբ ստեղծվում է արևելյան բանասիրության ամբիոն։ Նույն թվականին բացվում է նաև Արևելյան լեզուների և գրականության բաժինն իր երկու` իրանական և արաբական ճյուղերով։ Որպես առանձին կառույց` Արևելագիտության ֆակուլտետը կազմավորվում է 1968 թ-ին։ Ֆակուլտետի ղեկավարությունը ստանձնում է պրոֆեսոր Գեորգի Նալբանդյանը։ Նախնական շրջանում ֆակուլտետն ունեցել է մասնագիտական երկու ամբիոն` Արևելյան բանասիրության և Արևելքի պատմության։

Ֆակուլտետը սերտ կապեր է հաստատել արտասահմանյան արևելագիտական նշանավոր կենտրոնների հետ՝ Իրանի, Եգիպտոսի, Սիրիայի, Արաբական Միացյալ Էմիրությունների, Լիբանանի համալսարանների համապատասխան ամբիոնների և առանձին գիտնականների հետ։ Ֆակուլտետը համագործակցում է նաև Մատենադարանի, Իրանագիտական կովկասյան կենտրոնի, «Իրան-Նամե» արևելագիտական հանդեսի և արևելագիտական այլ կենտրոնների հետ[2]։

Ամբիոններ[խմբագրել | խմբագրել կոդը]

Ներկայումս Արևելագիտության ֆակուլտետում գործում են Իրանագիտության, Արաբագիտության և Թյուրքագիտության ամբիոնները։ Արևելագիտության ներկայիս պահանջներին համապատասխան` ֆակուլտետում ուսումնասիրվում են նաև հնդկերեն, աֆղաներեն, սանսկրիտ, բելուջերեն, քրդերեն և եբրայերեն[3]։

Ծանոթագրություններ[խմբագրել | խմբագրել կոդը]