Բերթրամ Բրոքհաուզ

Վիքիպեդիայից՝ ազատ հանրագիտարանից
Jump to navigation Jump to search
Բերթրամ Բրոքհաուզ
Bertram Neville Brockhouse
Bertram Brockhouse.jpg
Ծնվել էհուլիսի 15, 1918(1918-07-15)[1][2][3][…]
Lethbridge, Ալբերտա, Կանադա
Մահացել էհոկտեմբերի 13, 2003(2003-10-13)[1][2][4] (85 տարեկան)
Համիլտոն, Օնտարիո, Կանադա
ՔաղաքացիությունFlag of Canada (Pantone).svg Կանադա
Մասնագիտությունֆիզիկոս, համալսարանի դասախոս և միջուկային ֆիզիկոս
Հաստատություն(ներ)ՄաքՄաստեր համալսարան
Գործունեության ոլորտֆիզիկա
ԱնդամակցությունԼոնդոնի թագավորական ընկերություն, Շվեդիայի թագավորական գիտությունների ակադեմիա, Արվեստների և գիտությունների ամերիկյան ակադեմիա, Կանադայի թագավորական ընկերություն և Ամերիկյան ֆիզիկական ընկերություն[5]
Ալմա մատերԲրիտանական Կոլումբիայի համալսարան և Տորոնտոյի համալսարան
Եղել է գիտական ղեկավարP. K. Iyengar?
ՊարգևներԼոնդոնի թագավորական ընկերության անդամ ֆիզիկայի Նոբելյան մրցանակ[6][7] Կանադայի շքանշանի կոմպանիոն Օլիվեր Է. Բաքլիի խտացված նյութի ֆիզիկայի մրցանակ Հենրի Մարշալ Թորիի մեդալ Ամերիկայի ֆիզիկայի ակադեմիայի անդամ և Կանադայի թագավորական ընկերության անդամ

Բերթրամ Բրոքհաուզ (անգլ.՝ Bertram Neville Brockhouse, հուլիսի 15, 1918(1918-07-15)[1][2][3][…], Lethbridge, Ալբերտա, Կանադա - հոկտեմբերի 13, 2003(2003-10-13)[1][2][4], Համիլտոն, Օնտարիո, Կանադա), կանադացի ֆիզիկոս, աշխատել է Մաքմաստերի համալսարանում։ 1994 թվականի Ֆիզիկայի Նոբելյան մրցանակի դափնեկիր, մրցանակը ստացել է «նեյտրոնային սպեկտրոգրաֆիայի» հայտնագործության համար, որը նա կատարել է Կլիֆորդ Շալլի հետ համատեղ[8]։

Կենսագրություն[խմբագրել | խմբագրել կոդը]

1926 թվականին Բրոքհաուզի ընտանիքը տեղափոխվել է Վանկուվեր, որտեղ նա 1935 թվականին ավարտել է Թագավոր Գեորգի անվան դպրոցը։ Դրանից հետո նրա ընտանիքը աղքատության պատճառով տեղափոխվում է ապրելու Չիկագո։ Այստեղ Բրոքհաուզը աշխատել է լաբորատորիայում որպես օգնական և զբաղվում էր ռադիոընդունիչների վերանորոգմամբ։ Չիկագոյում հաջողության չհասնելու պատճառով ընտանիքը ետ է վերադառնում Վանկուվեր 1938 թվականին։ Երկրորդ համաշխարհային պատերազմի ժամանակ Բրոքհաուզը կամավոր անցնում է ծառայության բանակում, և ծառայում նավատորմում մինչև պատերազմի ավարտը։ Ծառայության ժամանակ հիմնականում զբաղվել է ASDIC սարքավորումների սպասարկմամբ, որը այժմյան սոնարների նախատիպն էր։

Պատերազմի ավարտից հետո, վետերանների օգնության դեպարտամենտի օժանդակմամբ, 1945 թվականին ընդունվում է Բրիտանական Կոլումբիայի համալսարան։ Ուսանում է ֆիզիկա և մաթեմատիկա։ 1947 թվականին ստանում է բակալավրի աստիճան, ցածր ջերմաստիճանների լաբորատորիայում։ Դրանից հետո նա տեղափոխվում է Տորոնտոյի համալսարան և 8 ամիս անց այնտեղ ստանում է մագիստրոսի կոչում։ 1950 թվականին, դոկտորական դիսերտացիայի պաշտպանելուց հետո անցնում է աշխատանքի Չոկ-Ռիվեր լաբորատորիայում, որը իրենից ներկայացնում էր կանադական ատոմային էներգիայով զբաղվող ծրագիրը։ 1960 թվականին սկսեց ղեկավարել այնտեղ նեյտրոնային ֆիզիկայի բաժինը։

1962 թվականին Բրոքհաուզը դարձավ պրոֆեսոր Մաքմաստերի համալսարանում, որտեղ էլ աշխատել է մինչև թոշակի անցնելոը 1984 թվականին։

1994 թվականին նրան և Կլիֆորդ Շալլին շնորհվեց Ֆիզիկայի Նոբելյան մրցանակ։

1982 թվականին Բրոքհաուզին շնորհվել է Կանադայի միաբանության սպայի կոչում։

2005 թվականի հոկտեմբերին, Մակ-Մաստերի համալսարանի 75-ամյակի տոնակատարությունների շրջանակում Համիլտոն քաղաքի Համալսարանային ավենյուն վերանվանվել է Բրոքհաուզի պատվին Բրոքհաուզ-ուեյ։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]