Ալբերտա
Անվան այլ կիրառումների համար տես՝ Ալբերտա (այլ կիրառումներ)
 Alberta | |||||
|---|---|---|---|---|---|
| |||||
| Երկիր |
 Կանադա | ||||
| Կարգավիճակ | Կանադայի նահանգ | ||||
| Մտնում է | Կանադա | ||||
| Վարչկենտրոն | Էդմոնտոն | ||||
| Ամենաբարձր կետ | Mount Columbia | ||||
| Օրենսդրական մարմին | Legislature of Alberta | ||||
| Պաշտոնական լեզուներ | անգլերեն | ||||
| Բնակչություն (2012) | 3 873 745 մարդ | ||||
| Խտություն | 5,85 | ||||
| Տարածք | 661 848 կմ² | ||||
| Բարձրություն ծովի մ-ից՝ - Բարձրագույն կետ - Ցածրագույն կետ |
Կոլումբիա,[1] 3747 մ Վուդ Բուֆալո ազգային պարկ, 152 մ | ||||
 | |||||
| Հիմնադրված է | 1905 թ. | ||||
| Սահմանակցում է | Մոնտանա, Սասկաչևան, Բրիտանական Կոլումբիա և Հյուսիսարևմտյան տարածքներ | ||||
| Ժամային գոտի | Mountain Time Zone | ||||
| Հապավում | Alta. և Alb. | ||||
| Փոխարինեց | District of Alberta, District of Athabasca, District of Saskatchewan և District of Assiniboia | ||||
| ISO 3166-2 կոդ | CA-AB | ||||
| Փոստային ինդեքսներ | AB | ||||
| Անվանված է | Լուիզա Բրիտանացի Արգայլի դքսուհի | ||||
| Կոորդինատներ: 55° հս․ լ. 115° ամ. ե. / 55° հս․. լ. 115° ավ. ե. | |||||
| alberta.ca | |||||
Ալբերտա (անգլ.՝ Alberta [ælˈbɜrtə]), Կանադայի 10 նահանգներից մեկը։ Մայրաքաղաքը՝ Էդմոնտոն քաղաքն է[2], խոշորագույն քաղաքը՝ Կալգարի: Բնակչությունը՝ 3 873 745 մարդ (2012 թվականի դրությամբ)[3]: Մակերեսը՝ 661 848 կմ²:
Բովանդակություն
Պատմություն[խմբագրել | խմբագրել կոդը]
Ալբերտան գտնվում է Կանադայի արևմտյան հատվածում, արևմուտքում սահմանակցում է Բրիտանական Կոլումբիա նահանգի, արևելքում՝ Սասկաչևանի, հյուսիսում՝ Հյուսիս-Արևմտյան տարածքների և հարավում՝ Մոնտանա նահանգի հետ։
Ալբերտայի մայրաքաղաք Էդմոնտոնը գտնվում է նահանգի կենտրոնից դեպի հարավ։ Մայրաքաղաքից 300 կմ հեռավորության վրա գտնվում է Կալգարի քաղաքը, որը համարվում է նահանգի ամենախոշոր քաղաքը։ Էդմոնտոնը համարվում է Կանադայի նավթային ավազների և այլ հյուսիսային ռեսուրսների յուրացման կենտրոն։ Վերջին տվյալների համաձայն, այդ երկու քաղաքային շրջանների բնակչությունը գերազանցել է 1 միլիոնը[4]:
Ալբերտան իր անվանումը ստացել է Վիկտորիա թագուհու և արքայազն Ալբերտի երկրորդ դստեր՝ արքայադուստր Լուիզա Կարոլինա Ալբերտայի պատվին (1848-1939)։ Լուիզան Կանադայի 1878-1883 թվականներին ղեկավարող գեներալ-նահանգապետ մարկիզ Լորնի կինն էր։ Լուիզ լիճը, Կարոլին գյուղը և Ալբերտայի լեռը նույնպես իրենց անունը ստացել են Լուիզա արքայադստեր պատվին։ 2014 թվականի սեպտեմբերի 15-ից նահանգի վարչապետը Ջիմ Պրենտիսն է։
Աշխարհագրություն[խմբագրել | խմբագրել կոդը]
Ալբերտան զբաղեցնում է 661 848 կմ² մակերես, որը 5%-ով փոքր է Տեխասի տարածքից կամ 20%-ով մեծ է Ֆրանսիայի տարածքից[5]: Այն մեծությամբ չորրորդ խոշոր նահանգն է Քվեբեկից, Օնտարիոյից և Բրիտանական Կոլումբիայից հետո։
Նահանգի ամենաբարձր կետը 3747 մետր է, որը գտնվում է Կոլումբիա լեռան բարձունքին՝ Ժայռոտ լեռներում, իսկ ամենացածր կետը՝ 152 մետր է, որը գտնվում է Վուդ Բուֆալո ազգային պարկի հյուսիսարևելյան հատվածում[6]:
Կլիմա[խմբագրել | խմբագրել կոդը]
Ալբերտան ունի չոր ցամաքային կլիմա, որին բնորոշ է տաք ամառը և ցուրտ ձմեռը։ Տարածքը բաց է արկտիկական սառը հոսանքների համար, այդ պատճառով ձմռանը այստեղ լինում են սառնամանիքներ։ Ջերմաստիճանը այստեղ տատանվում է -54 °C-ից (−65 °F) Ալբերտայի հյուսիսային շրջաններում մինչև -46 °C (−51 °F) Ալբերտա նահանգի հարավային շրջաններում։ Ամռանը առավելագույն ջերմաստիճանը լեռներում կազմում է 32 °C (90 °F), իսկ Ալբերտայի հարավային շրջաններում՝ 40 °C (104 °F)[7]:
Ծանոթագրություններ[խմբագրել | խմբագրել կոդը]
- ↑ «Principal heights by range or region»։ Статистическая служба Канады։ 2005-02-02։ Արխիվացված օրիգինալից-ից 2012-10-17-ին։ Վերցված է 2012-09-30
- ↑ Հ, Ղ Գրգեարյան, Ն. Մ. Հարությունյան (1987)։ Աշխարհագրական անունների բառարան։ Երևան: «Լույս»։ էջ էջ 15
- ↑ «Estimates of population, Canada, provinces and territories, quarterly (persons)»։ Статистическая служба Канады։ 2012-09-27։ Արխիվացված օրիգինալից-ից 2012-10-17-ին։ Վերցված է 2012-09-30
- ↑ «Statistics Canada—CMA population estimates»։ Statistics Canada։ Արխիվացված օրիգինալից-ից 2012-12-16-ին։ Վերցված է 2009-08-06
- ↑ Statistics Canada (February 2005)։ «Land and freshwater area, by province and territory»։ Արխիվացված օրիգինալից-ից 2011-08-25-ին։ Վերցված է 2007-03-07
- ↑ «Climate and Geography»։ About Alberta։ Government of Alberta։ 2008։ Արխիվացված օրիգինալից-ից 2011-08-28-ին։ Վերցված է 2008-10-01
- ↑ «Climate of Alberta»։ Agroclimatic Atlas of Alberta։ Government of Alberta։ 2003։ Արխիվացված օրիգինալից-ից 2011-08-28-ին։ Վերցված է 2008-10-01
| ||||||||||
| ||||||||||
