Դևիդ Բեքհեմ

Վիքիպեդիայից՝ ազատ հանրագիտարանից

Այս էջը ներկայացված է գնահատման

Այս էջը ներկայացված է գնահատման։ Խնդրում ենք արտահայտել ձեր կարծիքը գնահատման ենթաէջում։
Ֆուտբոլ

Դևիդ Բեքհեմ
Beckswimbledon.jpg
Անձնական տեղեկատվություն
Ամբողջ. անուն Դևիդ Ռոբերտ Ջոզեֆ Բեքհեմ
Մականուն Բեքս (Becks)
Ծննդավայր   Լոնդոն, Անգլիա Անգլիա
Ծննդյան թիվ   մայիսի 2, 1975 (40 տարեկան)
Հասակ 183 սմ[1][Ն 1]
Դիրք կիսապաշտպան
Ակումբային տեղեկատվություն
Ներկա ակումբ Ավարտել է ֆուտբոլիստի կարիերան
Պատանեկան կարիերա
1988 - 1989 Անգլիա Բրիմսդաուն Ռովերս
1989 Անգլիա Տոտենհեմ Հոտսպուր
1989 - 1993 Անգլիա Մանչեսթեր Յունայթեդ
Մասնագիտական կարիերա 1
Տարի Ակումբ Խաղ (Գոլ)
1993 - 2003 ԱնգլիաՄանչեսթեր Յունայթեդ 265 (62)
1995  Անգլիա Պրեսթոն Նորթ-Էնդ 5 (2)
2003 - 2007 Իսպանիա Ռեալ Մադրիդ 116 (13)
2007 - 2012 Ամերիկայի Միացյալ Նահանգներ Լոս Անջելես Գալաքսի 115 (18)
2009  Իտալիա Միլան 18 (2)
2010  Իտալիա Միլան 11 (0)
2013 Ֆրանսիա Պարի Սեն-Ժերմեն 10 (0)
1993 - 2013 Ընդամենը կարիերայում 540 (97)
Ազգային հավաքական
1992 - 1993 ԱնգլիաԱնգլիա(մինչև 18) 3 (0)
1994 - 1996 ԱնգլիաԱնգլիա(մինչև 21) 9 (0)
1996 - 2009 ԱնգլիաԱնգլիա 115 (17)

1 Մասնագիտական կարիերայում ընդգրկված են
միայն առաջնության խաղերը և գոլերը.

Դևիդ Բեքհեմ, լրիվ անուն ազգանունը՝ Դևիդ Ռոբերտ Ջոզեֆ Բեքհեմ (անգլ.՝ David Robert Joseph Beckham[2], մայիսի 2, 1975, Լոնդոն, Անգլիա)[3], անգլիացի ֆուտբոլիստ, կիսապաշտպան։ Իր ողջ կարիերայի ընթացքում նա խաղացել է «Մանչեսթեր Յունայթեդ», «Պրեսթոն Նորթ-Էնդ», «Ռեալ Մադրիդ», «Միլան», «Լոս Անջելես Գալաքսի» և ՊՍԺ ակումբներում ինչպես նաև Անգլիայի ֆուտբոլի ազգային հավաքականում, որտեղ նա հանդիսանում է ամենաշատ հանդիպումներ անցկացրած ֆուտբոլիստներից մեկը[4]։ Հայտնի է ստանդարտ դիրքերի և տուգանայինների իրականացման փայլուն տեխնիկայով։ 2004 թվականին Բեքհեմը եղել է աշխարհի ամենաշատ վարձատրվող ֆուտբոլիստը[5], իսկ 2010 թվականին ըստ Forbes հանդեսի ճանաչվել է աշխարհի ամենահարուստ ֆուտբոլիստը, առաջ անցնելով Կրիշտիանու Ռոնալդուից և Լիոնել Մեսսիից[6]։

Բեքհեմի ֆուտբոլային կարիերան սկսվել է 1992 թվականին, երբ նա 17 տարեկան հասակում անցկացրեց իր առաջին հանդիպումը «Մանչեսթեր Յունայթեդ» ակումբի կազմում[7]։ Նա «Մանչեսթեր Յունայթեդ»-ի հետ նվաճել է Անգլիայի Պրեմիեր Լիգայի 6 չեմպիոնական տիտղոսներ, 2 անգամ` Անգլիայի գավաթը և 1 անգամ` Չեմպիոնների լիգայի գավաթը[1]։ 2003 թվականին նա տեղափոխվել է «Ռեալ Մադրիդ», որտեղ հանդես է եկել չորս մրցաշրջան[8]՝ վերջին մրցաշրջանում ակումբի հետ նվաճելով իսպանական Լա Լիգայի չեմպիոնի տիտղոսը[9]։ 2007 թվականին Բեքհեմը 32.5 միլիոն դոլլարի[10] դիմաց 5 տարվա պայմանագիր կնքեց Ամերիկյան բարձրագույն լիգայում հանդես եկող (MLS) «Լոս-Անջելես Գալաքսի» ակումբի հետ։ Լինելով «Գալաքսի»-ի խաղացող՝ Բեքհեմը 2009-2010 թվականներին վարձակալությամբ խաղացել է իտալական «Միլան»-ի կազմում։ Այնուհետև «Պարի Սեն-Ժերմեն»-ի կազմում մեկ մրցաշրջան խաղալուց հետո Բեքհեմը ավարտել է ֆուտբոլային կարիերան։

Ըստ ՖԻՖԱ-ի վարկածի՝ «Տարվա լավագույն ֆուտբոլիստ»-ի կոչման քվեարկությունում Բեքհեմը երկու անգամ զբաղեցրել է երկրորդ տեղը[1]։

Բեքհեմը առաջին բրիտանացի ֆուտբոլիստն է, ով 100 խաղ է անցկացրել ՈՒԵՖԱՉեմպիոնների Լիգայի մրցաշարում։ 2000 թվականի նոյեմբերի 15-ից մինչև 2006 թվականի Աշխարհի առաջնության ավարտը նա եղել է Անգլիայի հավաքականի ավագը[11]՝ ավագի թևկապով անցկացնելով 58 խաղ[12]։ Դրանից հետո նա շարունակել է հանդես գալ հավաքականի կազմում՝ 2008 թվականի մարտի 26-ին խաղալով իր հարյուրերորդ խաղը Անգլիայի հավաքականի կազմում Ֆրանսիայի դեմ[12]։

Բեքհեմի անունը 2003-2004 թվականներին սպորտային թեմայով ամենափնտրվածն էր Google-ում[13], նա դարձավ նաև ճանաչված գովազդային բրենդ, այդ թվում՝ նորաձևության աշխարհում[14][15]։

Բեքհեմը ամուսնացած է Spice girls խմբի վոկալիստուհի Վիկտորյա Բեքհեմի (Ադամս) հետ[16], ունի երեք տղա՝ Բրուկլին Ջոզեֆը, Ռոմեո Ջեյմսը, Կրուզ Դեվիդը և մեկ աղջիկ՝ Հարպեր Սևենը[17][18]։

Մանկություն և կարիերայի սկիզբ[խմբագրել]

Բեքհեմը ծնվել է Լեյթոնսթոոնում, Լոնդոն[19] 1975 թվականին խոհանոցի մոնտաժով զբաղվող Դևիդ Էդվարդ Ալան Բեքհեմի (Էդմոնտոնե, 1948 թվական) և վարսահարդար Սանդրա Ջորջին Ուեսթի (1949 թվական) ընտանիքում[20]։ Փոքր ժամանակ Բեքհեմը միշտ ֆուտբոլ էր խաղում Չինգֆորդի «Ռիդժուեյ Պարկ» ակումբում։ Նրա մորական կողմից պապը հրեա է եղել[21], և Բեքհեմը իրեն կիսով չափ հրեա է համարում և խոստովանում, որ հավատը իր վրա մեծ ազդեցություն է ունեցել[22]։ Իր՝ «Երկու ոտքը գետնի վրա» (Both Feet on the Ground) գրքում, նա գրում է, որ փոքր ժամանակ ծնողների և երկու քույրերի հետ միասին այցելել է քրիստոնեական եկեղեցի[23]։ 2009 թվականի դեկտեմբերին 83 տարեկան հասակում Բեքհեմի պապը թոքերի քաղցկեղի պատճառով մահացել է[24]։

Բեքհեմի ծնողները երկրպագում էին «Մանչեսթեր Յունայթեդ» ֆուտբոլային ակումբին և հաճախ գնում էին «Օլդ Թրաֆորդ» Յունայթեդի խաղերը նայելու համար։ Դևիդը ժառանգել է այդ սերը իր ծնողներից։ Նա հաճախել է Բոբի Չարլթոնի ֆուտբոլային դպրոցը Մանչեսթերում և մասնակցել է նաև Բարսելոնայի ուսուցողական հավաքներից մեկին, որտեղ փնտրում էին երիտասարդ տաղանդների։ Պատանեկան տարիքում նա հանդես է եկել «Ռիդժուեյ Ռովերս» ակումբի կազմում, որը մարզում էին նրա հայրը, Ստյուարտ Անդերվուդը և Սթիվ Կիրբին։

1986 թվականին «Վեստ Հեմ Յունայթեդ»-ի դեմ խաղում Բեքհեմը մարզադաշտ դուրս եկավ թալիսմանի՝ «Մանչեսթեր Յունայթեդ»-ի մարզաշապիկով։ Պատանեկան տարիքում սիրողական մակարդակում նա հանդես է եկել «Լեյթոն Օրիենթ», «Նորվիչ Սիթի», «Տոտենհեմ Հոտսպուր» և «Բիրմսդաուն Ռովերս» ակումբների կազմում։ Երբ լրացավ Դևիդի 14-ամյակը, նա կնքեց դպրոցական պայմանագիր «Մանչեսթեր Յունայթեդի» ֆուտբոլային ակադեմիայի հետ։

«Մանչեսթեր Յունայթեդ»[խմբագրել]

Բրիստոլ Ռովերս թիմի դեմ խաղում, հուլիսի 30, 1999 թվական:

Դևիդը «Մանչեսթեր Յունայթեդ»-ի այն խաղացողներից էր, ովքեր 1992 թվականին հաղթել են Անգլիայի երիտասարդական գավաթը[Ն 2]։ «Կրիստալ Պելասի» դեմ եզրափակիչ պատասխան խաղում Բեքհեմը աչքի ընկավ խփած գոլով։ Նույն տարում տեղի ունեցավ նրա առաջին խաղը Մանչեսթերի կազմում, երբ փոխարինման դուրս եկավ Ֆուտբոլային լիգայի գավաթի խաղի ժամանակ և շուտով կնքեց իր առաջին պրոֆեսիոնալ պայմանագիրը ակումբի հետ։ 1993 թվականին Յունայթեդը նորից դուրս եկավ եզրափակիչ Անգլիայի երիտասարդական գավաթում, բայց պարտվեց «Լիդս Յունայթեդին»։

1993-1994 թվականներին Բեքհեմը «Մանչեսթեր Յունայթեդի» հետ հաղթեց Անգլիայի առաջնությունը։ 1994 թվականի դեկտեմբերի 7-ին տեղի ունեցավ Բեքհեմի առաջին հանդիպումը Չեմպիոնների Լիգայի խմբային փուլի վերջին խաղում թուրքական «Գալաթասարայի» հետ, որն ավարտվեց Յունայթեդի հաղթանակով՝ 4։ 0 հաշվով, (գոլերից մեկը խփեց Բեքհեմը), չնայած այդ հաղթանակը Յունայթեդի համար ապահովում էր միայն երրորդ հորիզոնականը խմբում։

Պրեսթոն Նորթ էնդ (վարձավճար)[խմբագրել]

1994/95 մրցաշրջանում Դևիդը տեղափոխվեց «Պրեսթորն Նորթ Էնդ» ակումբ[25], որտեղ հինգ խաղի ընթացքում խփեց երկու գոլ, որոնցից մեկը՝ միանգամից՝ անկյունային իրացնելիս։

Վերադարձ Մանչեսթեր Յունայթեդ[խմբագրել]

Բեքհեմը «Մանչեսթեր Յունայթեդ»-ի կազմում իրացնում է անկյունային հարվածը Անգլիայի գավաթի խաղարկության եզրափակչում, 1999 թվական:

1995 թվականի գարնանը Բեքհեմը վերադարձավ «Մանչեսթեր Յունայթեդ» և առաջին հանդիպումն անցկացրեց 1995 թվականի ապրիլի 2-ին «Լիդս Յունայթեդի» դեմ Անգլիայի Պրեմիեր Լիգայի խաղում[7]։

1996-97 մրցաշրջանը Բեքհեմը սկսեց կենտրոնից գոլով՝ «Ուիմբլդոն»-ի դեմ խաղի ժամանակ[25]։ Այդ տարվանից սկսած Բեքհեմին հրավիրեցին ազգային հավաքական. նրա առաջին հանդիպումը հավաքականի կազմում կայացավ սեպտեմբերի 1-ին Քիշնևում՝ Մոլդովայի դեմ խաղում։ Բեքհեմը ամրապնդեց իր տեղը թիմի հիմնական կազմում՝ փոխարինելով անսպասելի «Էվերթոն» տեղափոխված Անդրեյ Կանչելսկիսին և միանգամից սկսեց ցուցադրել իր հմտությունները՝ ստանդարտ դիրքերից իրացվող հիանալի գոլերով։ Բեքհեմը մի շնչով անցկացրեց մրցաշրջանը և հարցման արդյունքում համարվեց տարվա լավագույն ֆուտբոլիստը երիտասարդների շրջանում։ Նրա ջանքերի շնորհիվ նաև «Մանչեսթեր Յունայթեդ»-ը դարձավ Անգլիայի Պրեմիեր Լիգայի հաղթող և հասավ մինչև կիսաեզրափակիչ ՈՒԵՖԱՉեմպիոնների Լիգայի խաղարկությունում։

1997-98 մրցաշրջանը բավական անհաջող ստացվեց «Մանչեսթեր Յունայթեդ»-ի և Բեքհեմի համար, քանի որ թիմը չեմպիոնական մրցավազքում պարտվեց «Արսենալ»-ին[26] , դուրս մնաց Անգլիայի գավաթի խաղարկությունից, ինչպես նաև Չեմպիոնների Լիգայի մրցաշարից` չկարողանալով հաղթահարել «Մոնակո»-յի արգելքը քառորդ եզրափակչում։ Բեքհեմի համար մխիթարանք եղավ միայն այն, որ նրան հրավիրեցին ազգային հավաքական` մասնակցելու Մունդիալ 1998-ին։

1999 թվականի մարտին Բեքհեմը հայր դարձավ, նրա տղայի անունը Բրուկլին է։ Բեքհեմի մարզակոշիկների վրա գրված էր որդու անունը։ Թե՛ Բեքհեմի և թե՛ Մանչեսթերի համար լավագույն մրցաշրջանի ավարտից հետո, որտեղ նրանք հաղթեցին չորս տիտղոսներ՝ դառնալով լավագույնը աշխարհում(Անգլիայի առաջնության հաղթող, Անգլիայի գավաթ, Չեմպիոնների Լիգայի գավաթի հաղթող, ինչպես նաև Միջմայրցամաքային գավաթ), 1999 թվականի հուլիսին Բեքհեմը ամուսնանում է Վիկտորյա Ադամսի հետ, ով այդ ժամանակ ավելի հայտնի էր ինչպես Posh մականունով (հիասքանչ) և այդ ժամանակ Spice Girls փոփ խմբի վոկալիստուհիներից մեկն էր։

1999-2000 մրցաշրջանը հաջող էր Բեքհեմի համար հաշվի չառնելով, իհարկե, լրատվամիջոցների անդադար հետապնդումները. այդ ժամանակ քննարկվում էր նրա նոր սանրվածքը և Ալեքս Ֆերգյուսոնի հետ նրա խոսակցությունը՝ հոնորարի բարձրացման հետ կապված։ Այդ տարի «Մանչեսթեր Յունայթեդ»ը նորից առաջնության հաղթող դարձավ, Բեքհեմը դարձավ Եվրոպայի և աշխարհի երկրորդ լավագույն ֆուտբոլիստը, երկու դեպքում էլ նրանից առաջ անցավ Ռիվալդոն։ Բեքհեմը նաև երկրորդն էր BBC Sports մրցույթում, որտեղ նա պարտվեց միայն բռնքամարտի գերծանր քաշային կարգում աշխարհի չեմպիոնին՝ Լեննոքս Լյուիսին։

2000-2001 մրցաշրջանում Բեքհեմի անցկացրած լավագույն խաղերը տեղի ունեցան Անգլիայի ազգային հավաքականում, չնայած նա հաղթեց նաև Անգլիայի Պրեմիեր Լիգան «Մանչեսթեր Յունայթեդ»-ի հետ, ըդն որում տարվա սկզբին երեք անընդմեջ խաղերում գրավելով մրցակիցների դարպասները։ 2003 թվականի փետրվարի 15-ին «Արսենալ»-ի դեմ գավաթային խաղում տհաճ միջադեպ տեղի ունեցավ Բեքհեմի և մարզիչ Ալեքս Ֆերգյուսոնի միջև. մարզիչը, դժգոհ լինելով խաղի արդյունքից և Բեքհեմի խաղից՝ մարզակոշիկով հարվածել էր նրա հոնքին և պատռել, ինչը մեծ դժգոհություն առաջացրեց երկրպագուների և անձամբ Բեքհեմի կողմից, որից հետո նրա և մարզչի հարաբերությունները բավականին սրվեցին[27] [28][29][30][31][32]։

«Ռեալ Մադրիդ»[խմբագրել]

Ռեալ Մադրիդում Բեքհեմի 23 համարի մարզաշապիկը:

Ֆլորենտինո Պերեսը հավաքում է երազանքի թիմ, որը ոչ միայն ցուցադրում է հարձակվողական ֆուտբոլ, այլև շատ լավ վաստակում է։ Բեքհեմի ձեռքբերումը մեծ հնարավորություն էր այս երկու նպատակներին հասնելու համար։ Եվ «Ռեալ»-ի ղեկավարը բաց չթողեց այս հնարավորությունը՝ վճարելով Բեքհեմի համար «ծիծաղելի» գումար՝ ընդամենը 35 միլիոն եվրո[Ն 3], որից 10 միլիոնը պետք է վճարվեր հետագա չորս տարիների ընթացքում՝ կախված նրանից, թե «Ռեալ»-ը քանի անգամ հանդես կգա Չեմպիոնների Լիգայում։ Գործարքը շահավետ էր և՛ ակումբի, և՛ ֆուտբոլիստի համար։ Դեռ ամռանը մադրիդցիները հասցրին վաճառել մեծ քանակությամբ 23 համարի ֆուտբոլային շապիկներ, այս համարը վերցրել էր Բեքհեմը[33]։ Այդ ժամանակ կնքված էին հեռուստատեսային պայմանագրեր Ասիայի հեռուստատեսությունների հետ, որտեղ Բեքհեմը բավականին ճանաչված էր։

Հուլիսին Բեքհեմը և Վիկտորյան որոշեցին մի քիչ հանգստանալ Իսպանիա տեղափոխման հետ կապված խնդիրներից և հովանավորների հետ միասին որոշեցին իրականացնել շրջագայություն Հարավ-Արևելյան Ասիայում, որտեղ Բեքհեմները պետք է նկարահանվեին մի քանի գովազդային հոլովակներում, իսկ Դևիդը պետք է հանդես գար մարզադաշտում՝ ցույց տալու համար իր վարպետությունը։ Ամուսինները եղան Հոնկոնգում, Վիետնամում, Ճապոնիայում, Մալազիայում, Չինաստանում և Թայլանդում, և ամենուր Բեքհեմին սպասում էին հազարավոր երկրպագուներ, ովքեր հավաքվում էին, որպեսզի մեկ ժամ վայելեն սիրելի ֆուտբոլիստի հմտությունները մարզադաշտում։ Հետաքրքրությունը մեծացել էր նաև այն առումով, որ մեկ շաբաթից՝ Ասիայում շրջագայության ավարտից հետո Բեքհեմը պատրաստվում էր վերադառնալ այնտեղ արդեն «Մադրիդի Ռեալ»-ի կազմում, որպեսզի անցկացներ մի քանի ներկայացուցչական հանդիպում թայլանդական և չինական ակումբների հետ։

Զիդանը և Բեքհեմը Ռեալ Մադրիդում, օգոստոսի 24, 2003 թվական:

Ռեալ տեղափոխվելուց հետո Բեքհեմը հրաժարվեց իր գործակալի՝ Թոնի Սթիվենսի ծառայություններից, ով երկար տարիներ աշխատում էր նրա հետ, իսկ նրա տեղը սկսեց աշխատել իր կնոջ մենեջերի՝ Սայմոն Ֆուլլերի հետ[34]։ Անգլիացու կարիերան Իսպանիայում սկսվեց Սուպերգավաթում «Մալյորկա»-ի հանդեպ տոնած հաղթանակով, որը տեղի ունեցավ 2003 թվականի օգոստոսի 27-ին, որի ժամանակ Բեքհեմը բացեց իր գոլերի հաշիվը նոր թիմում՝ գրավելով մրցակցի դարպասը 73-րդ րոպեին՝ ամրագրելով վերջնական հաշիվը (3։0)[35]։

Դևիդին երկար ժամանակ չպահանջվեց, որպեսզի ընտելանա նոր պայմաններին. առաջին իսկ խաղերից նա դարձավ թիմի մի մասնիկը։ Առաջին գնդակը Լա Լիգայում Բեքհեմը խփեց իր առաջին հանդիպման 3-րդ րոպեին, իսկ, առհասարակ, առաջին 16 խաղերում նա հեղինակեց 5 գնդակ։ Հաջող սկսված մրցաշրջանը «Ռեալ»-ը ավարտեց Լա Լիգայում չորրորդ հորիզոնականով և պարտությամբ Թագավորական գավաթի խաղում` «Սարագոսա»-ի դեմ։

Սպասելիքները չիրականացան նաև Չեմպիոնների Լիգայի խաղերի ժամանակ. Ռեալը դուրս մնաց քառորդ եզրափակչից՝ զիջելով ապագա եզրափակչի մասնակցին՝ «Մոնակո»-ին։ 2004-05 մրցաշրջանւ նշանավորվեց մարզչական կազմի մի քանի փոփոխություններով։ Սկզբում Կառլուշ Կեյրուշին փոխարինեց Խոսե Անտոնիո Կամաչոն, ով մնաց թիմում ընդամենը երեք շաբաթ, այնուհետև նրան փոխարինող Մարիանո Գարսիա Ռեմոնը իր տեղը զիջեց Վանդեռլեյ Լուշեմբուրգին։

Աշնանային ճգնաժամին ավելացավ նաև տհաճ մի պատմություն Բեքհեմի մասնակցությամբ, որը միջազգային բնույթ էր կրում։ Դա Ուելսի դեմ խաղն էր, որտեղ Բեքհեմը կոպիտ հարձակման ենթարկվեց պաշտպանի՝ Բեն Թեթչերի կողմից և հասկանալով որ լուրջ վնասվածք է ստացել՝ վրեժ լուծեց Թեթչերից՝ գնալով մտադրված խախտման, որի պատճառով զրկվեց մյուս խաղին մասնակցելու իրավունքից։ Իր գործողությունների դիտավորյալ լինելու մասին անգլիացին խոստովանեց 2004 թվականի հոկտեմբերի 12-ին՝ խաղի հաջորդ օրը, հարուցելով հասարակության ոչ միանշանակ կարծիքը:

«Ես դիտավորյալ էի գնում այդ խախտմանը։ Համոզված եմ՝ շատերը կարծում են, թե իմ ուղեղը չէր բավականացնի այդպիսի գործողության գնալուն, ինչևէ, ես ուղեղ ունեմ։ Ես գիտեի, որ լուրջ վնասվածք եմ ստացել, այնպես որ, ես գցեցի Թեթչերին։ Ես առաջ էլ եմ այդպես արել։ Հասկանալով, որ ես ամեն դեպքում մի քանի շաբաթ չեմ խաղալու, որոշեցի միանգամից մեկ դեղին քարտ էլ ստանալ, որպեսզի խաղից հեռացումը լինի այն ժամանակ, երբ ես, այսպես թե այնպես, չէի մասնակցելու խաղերին»[36]
Դևիդ Բեքհեմ
Մարզման ժամանակ, Մադրիդ, 2006 թվական:

Հոկտեմբերի 13-ին Բեքհեմը իր գործողությունների համար ներողություն խնդրեց Անգլիայի ֆուտբոլային միությունից, ովքեր բացատրություն էին պահանջել ֆուտբոլիստից, ինչպես նաև երկրպագուներից և խաղընկերներից, ավելացնելով.

Aquote1.png «Ցանկանում եմ անձամբ ներողություն խնդրել գլխավոր մարզիչ Սվեն Յորան Էրիքսոնից։ Ես գիտեմ, որ որպես թիմի ավագ՝ պարտավոր եմ պահպանել արդար խաղի կանոնները»[37]։ Aquote2.png

Շուտով նա որակազրկվեց նաև Իսպանիայի առաջնության ժամանակ՝ ստանալով երկրորդ դեղին քարտը գործող չեմպիոն «Վալենսիա»-ի դեմ խաղում գլխավոր մրցավարի հասցեին հեգնական ծափահարությունների համար, սակայն որակազրկումը հանվեց բողոքարկումից հետո։

Տարվա վերջին «Ռեալ»-ին հաջողվեց 8-րդ հորիզոնականից բարձրանալ մինչև 2-րդ հորիզոնական, դրանից բարձր տեղ թիմին չհաջողվեց նվաճել, իսկ Թագավորական գավաթի խաղերում դուրս մնաց պայքարից 1/8 եզրափակչում՝ 2 խաղերի արդյունքում պարտվելով «Վալյադոլիդին»։ Բեքհեմը և իր թիմը նույն` 1/8 եզրափակչում ավարտեցին իրենց մրցելույթները Չեմպիոնների Լիգայում՝ զիջելով «Յուվենտուս»-ին։ Դառնալով թիմի գլխավոր մարզիչ՝ Խուան Ռամոն Լոպես Կարոն կարողացավ կարգուկանոն մտցնել թիմում և վերջ դնել անհատական խաղին։ Երիտասարդ, ոչ այդքան հայտնի մասնագետը կարողացավ մշակել նոր աշխատող սխեմա 4-1-4-1 (Վանդեռլեի ժամանակ 4-2-2-2, իսկ Կեյրուշի ժամանակ 5-3-2), և «Ռեալ»-ը վերջապես սկսեց ցույց տալ այն խաղը, որը նրանից պահանջվում էր։ Սակայն արդյունքը դեռ հիասթափեցնող էր։

2005-06 մրցաշրջանում Բեքհեմը ճանաչվեց «Ռեալ»-ի լավագույն ֆուտբոլիստ։ Թիմը Լա Լիգայում կրկին երկրորդն էր, իսկ ազգային գավաթի խաղերում թիմը դուրս մնաց պայքարից՝ կիսաեզրափակչում զիջելով «Սարագոսա»-ին (1։ 6, 4։ 0)։ Թիմը նաև ժամանակից շուտ զիջեց պայքարը Չեմպիոնների Լիգայում նույն 1/8 եզրափակչից՝ այս անգամ էլ զիջելով «Արսենալ»-ին (0։1, 0։0)։ Ֆլորենտինո Պերեսի ռազմավարության ակնհայտ անհաջողությունը նշանակում էր, որ մրցաշրջանի ավարտից հետո ակումբում մեծ փոփոխություններ են սպասվում, իսկ առաջին նշանը հենց նախագահի թոշակի անցնելն էր արդեն հունվարին։

2006 թվականի ամռանը «Գալակտիկոս»-ի դարաշրջանն ավարտվեց. ակումբն ընտրեց նոր նախագահ՝ Ռամոն Կալդերոնին, ինչպես նաև բաժանվեց մարզչական շտաբից և մի շարք առաջատար խաղացողներից։ Բեքհեմի ոչ այդքան հաջող խաղը 2006-07 թվականի մրցաշրջանի սկզբին պատճառ հանդիսացավ ֆուտբոլիստի տհաճությունների, Անգլիայի հավաքականի ավագի թևկապի կորստի և նույնիսկ թիմի հիմնական կազմում տեղը կորցնելու, նաև նոր գլխավոր մարզիչ Ֆաբիո Կապելլոյի հետ կոնֆլիկտի։ Արդյունքում անգլիացի ֆուտբոլիստը հայտնվեց պահեստայինների նստարանին, և քանի որ, ինչպես երևում էր, նոր ղեկավարությունը չէր պատրատվում երկարաձգել պայմանագիրը, որը վերջանում էր ամռանը, Բեքհեմը ստիպված էր նոր ակումբ փնտրել։

«Ռեալ»-ի սպորտային գծով տնօրենի, գլխավոր մարզչի և հենց ֆուտբոլիստի անխոհեմ ելույթներից պարզ դարձավ, որ իրավիճակը անդառնալի է։ Անգիտակցորեն հրահրողը եղավ Պրեդրագ Միատովիչը, ով 2007 թվականի հունվարի 10-ին հայտարարեց, որ Բեքհեմը կլքի ակումբը մրցաշրջանի ավարտից հետո[38], անմիջապես հաջորդ օրը հայտարարությամբ հանդես եկավ ինքը՝ ֆուտբոլիստը, որ արդեն 5 տարվա պայմանագիր էր կնքել «Լոս Անջելես Գալաքսի» ակումբի հետ։ Իսկ հունվարի 13-ին Կապելլոն հայտարարեց, որ ֆուտբոլիստի կարիերան ակումբում ավարտված է[39]։ Զարգացնելով Բեքհեմի նոր պայմանագրի թեման ամերիկացիների հետ՝ գլխավոր մարզիչն ավելացրեց.

Aquote1.png «Նա չի կարող պահել թիմի տրամադրությունը՝ լինելով այլ թիմի անդամ։ Թող մտածի, թե ինչով զբաղվի մինչև մրցաշրջանի ավարտը»[40]։
— Ֆաբիո Կապելլո
Aquote2.png

Ավելի ուշ Բեքհեմի տեղափոխման մասին արտահայտվեց նաև Կալդերոնը:

«Պայմանագիրը չերկարացնելու մասին որոշումը ճիշտ էր. դա հաստատում է այն փաստը, որ նա, բացի ամերիկացիներից, ուրիշ ոչ ոքի պետք չէ։ Եթե Բեքհեմը պատրաստվում է Հոլլիվուդ տեղափոխվել, նշանակում է՝ մի կիսադերասան այնտեղ կավելանա»[41]
Ռամոն Կալդերոն

Թիմի ավագ Ռաուլ Գոնսալես Բլանկոյի պահանջով, որը խոսել էր ամբողջ թիմի անունից, ակումբի նախագահը հանդես եկավ հրապարակային ներողությամբ, իր ասած խոսքերի համար.

Aquote1.png «Ես հազար անգամ ներողություն եմ խնդրում նրանցից, ում, հնարավոր է, միամիտ նեղացրել եմ։ Բայց ես ուզում եմ, որ բոլորն իմանան. ես ինչ անում եմ՝ անում եմ միմիայն ակումբի շահերից ելնելով»[42]։ Aquote2.png
Վերջին մրցաշրջանը Ռեալում:

Այդ ժամանակ թիմը մտավ խոր ճգնաժամի մեջ, և Ֆաբիո Կապելլոն, ով երկրպագուների կողմից անընդհատ քննադատվում էր «Ռեալ»-ի ոչ բնորոշ խաղի համար, ստիպված էր ետ բերել անգլիացուն ակումբ՝ փաստացի նրա ուսերին գցելով մրցաշրջանի փրկման պատասխանատվությունը։ Մյուս կարևոր պատճառը վախն էր, որ կարող էր կորցնել ակումբի մյուս առաջատարներին՝ Գուտտիին, Կասիլյասին, Ռաուլին և Միչել Սալգադոյին, ովքեր կոնֆլիկտի սկզբից ֆուտբոլիստին էին պաշտպանում և վերջիվերջո պահանջեցին, որպեսզի Բեքհեմին վերադարձնեն թիմ[43]։ 2007 թվականի փետրվարի 10-ին Բեքհեմը գրավեց «Ռեալ Սոսյեդադ»-ի դարպասը՝ նվաճելով թիմի համար շատ կարևոր հաղթանակ (2։1)[44]։ Մարտ ամսին Դևիդը մասնակցեց Չեմպիոնների Լիգայի 1/8 եզրափակչի խաղերին «Բավարիա»-ի դեմ, այդ տարի իսպանական ակումբը նորից լքեց մրցաշարը (3։ 2 և 1։ 2)՝ զիջելով մրցակցի հարկի տակ խփած գոլերի քանակով։

2007 թվականի հուլիսի 17-ին՝ Լա Լիգայի վերջին տուրում, Բեքհեմը անցկացրեց իր վերջին խաղը «Ռեալ Մադրիդ»-ի կազմում։ Հաղթելով Մայորկային՝ «Ռեալ»ը լրացուցիչ ցուցանիշներով առաջ անցավ կատալոնական «Բարսելոնա»-ից և հաղթեց այդքան սպասված չեմպիոնական տիտղոսը։ Տպավորիչ չորսամսյա չեմպիոնական մրցավազքը Բեքհեմի գլխավորությամբ չէր կարող տպավորություն չգործել երկրպագուների և մանավանդ ակումբի ղեկավարների վրա, և մրցաշրջանի ավարտին արդեն խոսակցություններ էին պտտվում Բեքհեմի հետ պայմանագրի երկարացման մասին[45], սակայն Բեքհեմը դեմ էր, անհաջողության մատնվեցին նաև ակումբի բանակցությունները «Լոս Անջելես Գալաքսի»-ի հետ<ref[46]:

«Լոս Անջելես Գալաքսի»[խմբագրել]

Առաջին մրցաշրջաններ[խմբագրել]

Բեքհեմը Լոս Անջելես Գալաքսիում, 2007 թվական:

Բեքհեմի տեղափոխությունը ԱՄՆ հետաքրքրության մեծ ալիք բարձրացրեց տեղի երկրպագուների մոտ, ինչը հաստատում էին չափից ավելի բաժանորդագրությունները, որոնք վաճառվեցին 2008 թվականի մրցաշրջանում։ Բեքհեմը կնքեց 5 տարվա պայմանագիր, որի ընթացքում նա վաստակելու էր ընդհանուր 32.5 միլիոն եվրո՝ տարեկան 6.5 միլիոն[47][48]։ Ամերիկյան լրատվամիջոցները աննախադեպ գովազդային արշավ սկսեցին, որն ուղղված էր ֆուտբոլիստի բրենդի առաջխաղացմանը, ինչպես նաև ֆուտբոլի ժողովրդականացմանն ընդհանրապես[49]։ Բեքհեմի տեղափոխումը «Գալաքսի» թույլ տվեց ևս երկու ֆուտբոլիստների աշխատավարձը բարձրացնել «Գալաքսի»-ի ստանդարտ աշխատավարձից, ինչը և ազդեց ամերիկյան ֆուտբոլի առաջընթացին և նրա հանդեպ հետաքրքրության բարձրացմանը ամբողջ աշխարհում։ 2007 թվականի ապրիլին Բեքհեմը և Վիկտորյան Բևերլի Հիլզում գնեցին 18.2 միլիոն դոլար արժողությամբ առանձնատուն[50]։ Նոր ակումբի հետ պայմանագիրը ուժի մեջ մտավ 2007 թվականի հուլիսի 11-ին, հուլիսի 13-ին ավելի քան հինգ հազար երկրպագուների և 700 լիազորագրված լրագրողների ներկայությամբ Բեքհեմը պաշտոնապես ներկայացվեց որպես «Գալաքսի»-ի ֆուտբոլիստ[51]։ Հուլիսի 21-ին տեղի ունեցավ նրա առաջին հանդիպումը լոնդոնյան «Չելսի»-ի հետ ընկերական խաղում[51] (1։0), որը հեռարձակվում էր ուղիղ եթերում և որը մարզադաշտ էր բերել այնպիսի հայտնի դեմքերի, ինչպիսիք էին Առնոլդ Շվարցենեգերը, Եվա Լոնգորիան, Թոմ Քրուզը, Ջենիֆֆեր Լավ Հյուիտը և Ալիսիա Սիլվերստոունը[52]։

Դևիդը ԼԱ Գալաքսիի կամզում, 2010 թվական:

Չնայած խաղին մասնակից անվանի ֆուտբոլիստներին՝ ամերիկացի երկրպագուների ամբողջ ուշադրությունը պահեստային նստարանին նստած Բեքհեմի վրա էր, ով դուրս եկավ մարզադաշտ 78-րդ րոպեին և շուտով վնասվածք ստացավ։ Վնասվածքի պատճառով Բեքհեմը բաց թողեց 4 խաղ, չնայած ամբողջ մրցաշրջանի ընթացքում գտնվում էր թիմի հետ՝ ներկա գտնվելով բոլոր խաղերին։ Տորոնտոյում կայանալիք հաջորդ խաղին անվտանգության նկատառումներից ելնելով՝ «Գալաքսի»-ի ֆուտբոլիստները մեկնեցին չարտերային թռիչքով, ինչը նախկինում արգելվում էր լիգայի կողմից հավասար մրցակցություն ապահովելու համար, և տեղավորվեցին հինգ աստղանի հյուրանոցում (Տորոնտոյի հովանավորությամբ) «Գալաքսի»-ի համեստ հյուրանոցների փոխարեն[53]։ Առաջին պաշտոնական խաղը կալիֆորնիական ակումբի կազմում Բեքհեմն անցկացրեց «Դի Սի Յունայթեդ» թիմի դեմ, դեռ ամբողջովին չապաքինված Բեքհեմի մասնակցությամբ խաղը տեղի ունեցավ օգոստոսի 9-ին Ռոբերտ Քենեդու անվան մարզադաշտում, որը հավաքեց ռեկորդային թվով երկրպագուներ (46 686)[54]։ Օգոստոսի 15-ին կայանալիք Հյուսիսամերիկյան Լիգայի կիսաեզրափակիչ խաղը Բեքհեմի համար դարձավ ուղենշային՝ մի քանի պատճառներից ելնելով. նախ նա հանդես եկավ մեկնարկային կազմում, առաջին անգամ որպես ավագ[55], խփեց առաջին գնդակը, կատարեց առաջին գոլային փոխանցումը, ինչպես նաև՝ ստացավ իր առաջին դեղին քարտը ամերիկական ակումբի կազմում։ Օգոստոսի 29-ին մեքսիկական «Պաչուկա» ակումբի դեմ Հյուսիսամերիկյան Լիգայի եզրափակիչ խաղի ժամանակ Բեքհեմը, վնասելով աջ ծունկը, լքեց մարզադաշտը, ամերիկացիները, 93-րդ րոպեին հավասարեցնելով հաշիվը, խաղը հասցրին 11 մետրանոցների՝ արդյունքում զիջելով խաղը[56]։ Հետազոտությունը ցույց տվեց, որ Դեվիդի ապաքինումը վեց շաբաթ կտևի։ Հոկտեմբերի 21-ին Բեքհեմը վերադարձավ և եզրափակիչ փուլ անցնելու համար մասնակցեց որոշիչ խաղին, «Չիկագո Ֆայրի» դեմ, որտեղ «Լոս Անջելես Գալաքսի»-ն պարտություն կրեց՝ ավարտելով մրցաշրջանը հինգերորդ տեղում, իսկ MLS-ի առաջնությունը՝ 11-րդ տեղում։

Բեքհեմը իրացնում է տուգանային հարվածը:

Մրցաշրջանի ընթացքում Բեքհեմը անցկացրեց ութ խաղ, խփեց մեկ գնդակ և կատարեց յոթ գոլային փոխանցում։ 2008 թվականի հունվարի և փետրվարի մի մասը Բեքհեմն անցկացրեց Լոնդոնում՝ անցկացնելով պարապմունքներ «Արսենալ»-ի հետ[57]՝ պատրաստվելով ընկերական խաղերի ազգային հավաքականի կազմում, որն այդ ժամանակ ղեկավարում էր իտալացի հին ծանոթ Ֆաբիո Կապելլոն, իսկ հետո վերադարձավ Լոս-Անջելես նոր մրցաշրջանից առաջ պարապմունքներին մասնակցելու, ապրիլի 3-ին նա բացեց հաշիվը MLS-ի շրջանակներում՝ գրավելով «Սան-Խոս Էրտկուեյկս»-ի դարպասը։ Մայիսի 24-ին «Կանզաս-Սիթի Ուիզարդս»-ի դեմ խաղում Բեքհեմը կրկնեց իր իսկ նվաճումը՝ դարպասը գրավելով 70 յարդ հեռավորությունից[58]։ Ընդհանուր առմամբ 2008 թվականի մրցաշրջանը է՛լ ավելի անհաջող էր «Գալաքսի»-ի համար, քան 2007-ը։ Այս անգամ մրցաշրջանն ավարտեց 6-րդ հորիզոնականում և նորից չհայտնվեց եզրափակիչ փուլում։ Այդուհանդերձ, 2008 թվականը կարելի է ֆուտբոլիստի համար հաջող համարել։ Նա վերադարձավ Անգլիայի ֆուտբոլի ազգային հավաքական և անցկացրեց մի քանի հաջող խաղեր՝ շահելով գլխավոր մարզչի վստահությունը, ինչպես նաև՝ գրավելով մի քանի եվրոպական ակումբների ուշադրությունը։

2008 թվականի վերջին Բեքհեմը մարզավիճակի պահպանման համար որոշում կայացրեց վերադառնալ Եվրոպա, որպես հավաքականի հիմնական կազմի գործող ֆուտբոլիստ։ Հոկտեմբերի 30-ին «Միլան» ֆուտբոլային ակումբը հայտարարեց 2009 թվականի հունվարի 7-ին կայանալիք Բեքհեմի վարձակալության մասին[59], դրա հետ մեկտեղ ֆուտբոլիստը հայտարարեց, որ, տեղափոխվելով Եվրոպա, նա չի պատրաստվում թողնել ամերիկյան ակումբը։

«Միլան»-ի և «Գալաքսի»-ի միջև[խմբագրել]

Բեքհեմը Միլան-Տորինո խաղի ժամանակ, ապրիլի 19, 2009 թվական:

Բեքհեմի հայտնվելը «Միլան»-ում հակասական ռեակցիա առաջացրեց ոչ միայն հասարակության, այլև ակումբի ֆուտբոլիստների մոտ. ոմանք ենթադրեցին, որ դա ընդամենը մարքեթինգային քայլ է ղեկավարության կողմից[60]։ Նոր ակումբում Բեքհեմն ընտրեց 32 համարը, քանի որ նախկին 7 ու 23 համարները զբաղված էին Ալենշադրե Պատոյի և Մասսիմո Ամբրոզինիի կողմից։ Բժշկական հետազոտություն անցնելուց հետո Բեքհեմը հայտարարեց, որ կարող է շարունակել կարիերան ևս 5 տարի, այսինքն մինչև 38 տարեկան[61]։ «Միլան»-ի կազմում Բեքհեմի առաջին հանդիպումը կայացավ 2009 թվականի հունվարի 11-ին, իսկ հունվարի 25-ին նա խփեց իր առաջին գոլը՝ գրավելով «Բոլոնիա»-ի դարպասը։ Չնայած Բեքհեմը կասկածի տակ չէր առնում իր վերադարձը Լոս-Անջելես, բայց ավելի երկար մնալու, ինչպես նաև հետագայում «Միլան»-ի հետ պայմանագրի վերջնական կնքման մասին տարածվող լուրերից խուսափել չհաջողվեց։ Այդ ամենին նպաստեց ֆուտբոլիստի տպավորիչ խաղը առաջին չորս խաղերում, հարմարվելը ակումբային կյանքին և խաղին, իտալական մամուլը լուրեր տարածեց «Միլան»-ի ցանկության մասին գնել ֆուտբոլիստի տրանսֆերը «Գալաքսի»-ից։ Վերջիվերջո լուրերը հաստատվեցին. փետրվարի չորսին Բեքհեմը հայտարարեց, որ հանուն ազգային հավաքականում կարիերան շարունակելու՝ պատրաստ է կնքել մշտական պայմանագիր իտալական ակումբի հետ, սակայն հետագա բանակցությունները «Գալաքսի»-ի հետ ոչ մի արդյունքի չբերեցին[62]։ Լոս-Անջելեսը համաձայնվեց միայն երկարաձգել Բեքհեմի վարձակալությունը մինչև հուլիսի կեսը, այս մասին հայտնեց Los Angeles Times[63], որը հետագայում հաստատեց այդ լուրը՝ համարելով վարձակալության երկարաձգումը «բացառիկ» գործարք[64]։ 2008-09 թվականի մրցաշրջանում Բեքհեմն անցկացրել է 20 խաղ իտալական ակումբի կազմում։

Բեքհեմը և Լենդոն Դոնովանը:

Լոս-Անջելեսում Բեքհեմին սպասում էր «հաճելի» ընդունելություն. երկրպագուները դժգոհ էին այն փաստից, որ ֆուտբոլիստը բաց է թողել մրցաշրջանի կեսը, և չէին թաքցնում իրենց թշնամական վերաբերմունքը։ Խաղերի ժամանակ մարզադաշտում երևում էին պաստառներ՝ «Վերադարձի՛ր տուն, խաբեբա՛», «Կես դրույքով խաղացող» բովանդակությամբ[65]։ Այսպիսի մերժողական վերաբերմունքի մեջ իր մասնակցությունն ուներ «Գալաքսի»-ի մեկ այլ ֆուտբոլիստ Լենդոն Դոնովանը, ով 2009 թվականի սկզբին գիրք էր հրատարակել «The Beckham Experiment» վերնագրով, որտեղ հարձակվողը խիստ քննադատության էր ենթարկել Բեքհեմին։ Նա գրում էր.

Aquote1.png «Համարենք, որ Բեքհեմը կցանկանա այստեղ մնալ ևս 3 տարի, բայց ես չեմ պատրաստվում խաղալ նրա հետ այդքան ժամանակ։ Դա ահավոր է։ Ենթադրենք` նա առաջատար չէ, ենթադրենք` ավագ չէ, բայց մինիմումը հետույքը պոկել նստարանից նա պարտավոր է, բայց դա տեղի չի ունենում, նա թքած ունի թիմի վրա։ Մարդը, ով բոլորից շատ է ստանում լիգայում, պարտավոր է համապատասխանել այդ կարգավիճակին։ Մարզվի՛ր, ցուցադրի՛ր քեզ։ Այնպիսի տպավորություն է, որ Դևիդը այս ամենը հումորի տեղ է ընդունում»[66]։
— Լենդոն Դոնովան
Aquote2.png

Դոնովանը ակումբին վերջնագիր ներկայացրեց՝ հայտարարելով, որ նա կլքի թիմը, եթե մոտակա ժամանակահատվածում Բեքհեմը չկողմնորոշվի իր ապագայի հարցում։ Հուլիսի 12-ին՝ Իտալիայից վերադառնալուց մեկ օր առաջ, Բեքհեմը մեկնաբանեց իրավիճակը.

Aquote1.png «Դոնովանը իրեն ոչ պրոֆեսիոնալ է պահել։ Լոս-Անջելես վերադառնալուց հետո ես կխոսեմ նրա հետ, և մենք ամեն ինչ կպարզենք։ 17 տարվա ընթացքում ես հռչակավոր ֆուտբոլիստների հետ եմ խաղացել, և դեռ ոչ մի անգամ ինձ պրոֆեսիոնալիզմի բացակայության մեջ չեն մեղադրել»[67]։ Aquote2.png

Հուլիսի 15-ին ամերիկյան մեդիան հայտարարեց ֆուտբոլիստների հաշտության մասին, բայց Դոնովանի ազդեցությունը նրանց վրա այնքան մեծ էր, որ շուտով իսկական արշավ սկսվեց Բեքհեմի դեմ. սկանդալային հայտարարությամբ հանդես եկավ «Գալաքսի»-ի ֆան ակումբի ղեկավարը, ով Դևիդին անվանեց թինեյջերների և տնային տնտեսուհիների կուռք, բայց իսկական երկրպագուների համար՝ «Հուդա», ավելացնելով, որ նրանց համար Բեքհեմը մեռած է[68]։ Սակայն 2009 թվականի մրցաշրջանը ամենահաջողն էր նրա՝ Լոս-Անջելես տեղափոխվելու օրվանից. նա վայրկենապես դարձավ թիմի առանցքային խաղացող, չնայած զիջեց ավագի թևկապը Դոնովանին։

Բեքհեմը Ալ Սահադիի դեմ խաղում:

«Գալաքսի»-ն արևմտյան կոնֆերենցիայի առաջնությունում երրորդ տեղից բարձրացավ միանգամից առաջին հորիզոնական և առաջին անգամ պատրաստ էր մտնել պայքարի մեջ՝ MLS-ի գավաթը նվաճելու համար։ Առաջին անգամ հաղթեց արևմուտքը, Բեքհեմը թիմին դուրս բերեց եզրափակիչ, ի դեպ՝ թիմին դուրս բերելով նաև MLS-ի եզրափակիչ, որտեղ 2009 թվականի հոկտեմբերի 20-ին թիմը պարտության մատնեց «Հյուսթոն Դինամո»-ին (2։0)[69]։

Մրցաշրջանի վերջին խաղում «Գալաքսի»-ն իրացրած տասնմեկ մետրանոց հարվածների քանակով զիջեց «Սոլթ-Լեյք»-ին՝ (4։5), Բեքհեմը իրացրեց առաջինը և գրավեց դարպասը[70]։ Նոյեմբերի վերջին հաստատվեց, որ, հակառակ երկրպագուների կողմից չհասկացված լինելու վախին, Բեքհեմը ըստ պայմանագրի կմեկնի «Միլան»։ 2010 թվականի հունվարի 6-ին[71], «Միլան»-ի կազմում, Բեքհեմը մասնակցեց «Ջենովա»-ի դեմ խաղին, որտեղ թիմը 5։2 հաշվով ջախջախեց մրցակցին[72], Բեքհեմը դաշտում անցկացրեց 75 րոպե։

2010 թվականի փետրվարի 16-ին Բեքհեմը առաջին անգամ խաղաց «Մանչեսթեր Յունայթեդ»-ի դեմ։ Դա տեղի ունեցավ Չեմպիոնների Լիգայի 1/8 եզրափակչի շրջանակներում։ Խաղն ավարտվեց անգլիացիների հաղթանակով (3։2), Բեքհեմն անցկացրեց մարզադաշտում 72 րոպե, նրան փոխարինեց Կլարենս Զեեդորֆը[73]։ Պատասխան հանդիպումը «Օլդ Թրաֆորդ»-ում հիշարժան էր. Բեքհեմը միացավ ակումբի սեփականատիրոջ դեմ Յունայթեդի երկրպագուների բողոքի ակցիային, համենայն դեպս, այդպես գնահատվեց ֆուտբոլիստի քայլը, ով հագավ կանաչա-ոսկեգույն շարֆ. դա հակա-գլեզերյան շարժման խորհրդանիշն էր[74]։ Բեքհեմը խուսափեց հարցից, հայտարարելով, որ բողոքի ակցիաները նրա համար չեն։ Հաջորդ խաղի ժամանակ Բեքհեմը վնասվածք ստացավ, ինչի հետևանքով բաց թողեց մրցաշրջանի մյուս բոլոր խաղերը, 2010 թվականի աշխարհի առաջնությունը, որին մասնակցելու համար այդքան պայքարում էր, և MLS-ի մրցաշրջանի մեծ մասը։ Ֆուտբոլիստը մարտի 15-ին հաջողությամբ վիրահատվեց Ֆինլանդիայում և ընդհանուր առմամբ բաց թողեց հինգ ամիս[75]։ Առաջին խաղը ապաքինվելուց հետո Բեքհեմը անցկացրեց 2010 թվականի սեպտեմբերի 11-ին՝ դուրս գալով փոխարինման 70-րդ րոպեին «Կոլամբուս Կրյու»-ի դեմ խաղում (3։1), հոկտեմբերի 4-ին Բեքհեմի՝ տուգանայինից իրացված հարվածը թիմին հաղթանակ բերեց «Չիվաս ԱՄՆ»-ի հետ խաղում (2։1)[76]։ Հերթական հաղթական գոլը «Դալլաս»-ի հետ խաղում «Գալաքսի»-ին բերեց երկրորդ անընդմեջ հաղթանակը Արևմտյան կոնֆերենցիայում և միաժամանակ առաջին «Supporters' Shield» մրցանակը։ Բայց այդ նույն «Դալլաս»-ն անհաղթահարելի պատ հանդիսացավ «Գալաքսի»-ի համար MLS-ի գավաթը նվաճելու համար։ Բեքհեմի թիմը եզրափակչում պարտվեց 0։3 հաշվով[77]։

2011 և 2012 թվականների մրցաշրջաններ[խմբագրել]

Բեքհեմը «Գալաքսի»-ի կազմում, նոյեմբեր, 2007 թվական:

2011 թվականի սկզբին Բեքհեմը մարզվում էր «Տոտենհեմ Հոտսպուր»-ի կազմում[78], նույնիսկ մոտ էր այն պահը, որ տեղի ունենար նրա տեղափոխությունը այս ակումբ[79], բայց «Գալաքսի»-ն կանխեց գործարքը։ 2011 թվականի մրցաշրջանում ֆուտբոլիստը իր առաջին գոլը խփեց մայիսի 15-ին՝ գրավելով «Սպորտինգ Կանզաս-Սիթի»-ի դարպասը 50 յարդ հեռավորությունից[80]։ Հուլիսի 9-ին իր կարիերայի ընթացքում երկրորդ անգամ անկյունայինից գրավեց «Չիկագո Ֆայր»-ի դարպասը՝ հաղթանակ բերելով իր թիմին։ Նմանատիպ ձևով նրան հաջողվել է գրավել նաև «Պրեսթոն Նորթ Էնդ»-ի դարպասը 1995 թվականին[81]։

«Ռեալ Մադրիդ»-ի դեմ ընկերական խաղում, 2011 թվական:

Օգոստոսի 16-ին «Մոտագուա»-ի դեմ խաղում (2։0) Բեքհեմն անցկացրեց իր առաջին հանդիպումը Չեմպիոնների Կոնկակաֆ Լիգայում, «Գալաքսի»-ն մրցաշարին վերակազմավորումից հետո առաջին անգամ էր մասնակցում։ Խաղալով թիմի բոլոր խաղերում և անցնելով մեքսիկական «Մորելիու»-ին՝ Բեքհեմը նպաստեց դեպի եզրափակիչ փուլ թիմի համար պատմական ուղեգրի ձեռքբերմանը։ MLS-ի իր լավագույն մրցաշրջանում Բեքհեմը 15 փոխանցումներով դարձավ երկրորդ լավագույն ասիստենտը մրցաշարում և երկրորդը՝ եզրափակիչ փուլի խաղերում։ Երրորդ անգամ անընդմեջ մեծ առավելությամբ հաղթանակած Արևմտյան կոնֆերենցիան, թիմին դարձրեց միավորների քանակով երկրորդը MLS-ի պատմության մեջ։ Եզրափակիչ փուլի կոնֆերենցիայի կիսաեզրափակչում թիմը հաղթահարեց Թիերի Անրիով համալրված «Նյու-Յորք Ռեդ Բուլզ» թիմի արգելքը (1։0 և 2։1), եզրափակչում հաղթահարելի էր նաև «Ռեալ Սոլթ-Լեյք»-ը (3։1), խաղի 58-րդ րոպեին Բեքհեմը աչքի ընկավ Մայկ Մեգիին կատարած գոլային փոխացումով[82]։ Բեքհեմը նոյեմբերի 21-ին «Գալաքսի»-ի կազմում առաջին անգամ արժանացավ ԱՄՆ-ի և Կանադայի բարձրագույն լիգայի տիտղոսին՝ MLS-ի գավաթին։ Գլխավոր խաղը «Հյուսթոն Դինամո»-ի հետ ավարտվեց 1։0 հաշվով (դարպասը գրավեց Դոնովանը)[83]։ Երբ 2011 թվականի դեկտեմբերի 31-ին պայմանագիրը «Գալաքսի»-ի հետ ավարտվեց, Բեքհեմը համարվում էր արդեն ակումբի լեգենդը և երկրպագուների սիրելին։ Բարենպաստ պայմանները, որոնք տիրում էին անգլիացու շուրջը 2011 թվականի մրցաշրջանին, որում նա ցուցադրել էր իր լավագույն կողմերը, կարող էին նպաստել պայմանագիրը ևս մեկ մրցաշրջան երկարացնելուն, սակայն տրանսֆերային կրքերը սուպերաստղի շուրջը թեժացել էին. նրա համար պայքարում էին ֆրանսիական «ՊՍԺ»[84], անգլիական «Տոտենհեմ»-ը, «Քուինս Պարկ Ռեյնջերս»-ը, մեքսիկական «Տիհուան»-ը[85], ինչպես նաև «Միլան»[86]։ Սվեն Յորան Էրիքսոնը Դևիդին առաջարկեց դառնալ «Պեսթեր Սիթի»-ի խաղացող-մարզիչ[87]։ Բեքհեմը հետագայում խոստովանեց, որ եվրոպական ակումբների նման ակտիվությունը զարմացրել էր իրեն. չէ՞ որ իր տարիքը բավականին բարձր էր մեծ սպորտի համար[88]։

Բեքհեմը «Մանչեսթեր Յունայթեդ»-«MLS»-ի աստղեր խաղում, 2011 թվական:

«ՊՍԺ»-ի հետ տարբերակը համարվում էր ամենահավանականը. դա էին վկայում ակումբի ղեկավարի վստահ մեկնաբանությունները տարբեր լրատվամիջոցներում։ «ՊՍԺ»-ի սպորտային տնօրեն Լեոնարդո Արաուժոն 2011 թվականի նոյեմբերի սկզբին ասաց.

Aquote1.png «Ես մարզել եմ Բեքհեմին Միլանում, և մեր միջև լավ հարաբերություններ են հաստատվել։ Նրան դժվար է սովորական ֆուտբոլիստ անվանելը, բայց նա ամեն անգամ մարզվում և խաղում է, ինչպես երեխա։ Մեր դռները նրա առաջ բաց են։ Նա ավելին է, քան պարզապես ֆուտբոլիստ, նա բրենդ է, փոփ-աստղ[89]»։
— Լեոնարդո Արաուժո
Aquote2.png

Բայց 2012 թվականին փարիզցիները կորցրին հույսը՝ Բեքհեմի տրանսֆերի հետ կապված[90], հունվարի 3-ին Լեոնարդոն հանդես եկավ հայտարարությամբ.

Aquote1.png «Ճիշտ է՝ Բեքհեմը շատ էր ուզում միանալ մեզ, բայց որոշիչ դեր խաղաց նրա ընտանիքի ցանկությունը մնալ Միացյալ Նահանգներում, իսկ ընտանիքը նրա համար առաջին տեղում է[91][92]։
— Լեոնարդո
Aquote2.png

2012 թվականի հունվարի 18-ին Բեքհեմը «Լոս-Անջելես Գալաքսի»-ի հետ կնքեց նոր՝ երկու տարվա պայմանագիր և հենց այդ պահին էլ բացատրեց իր որոշումը[93][94][95][96][97]։

Aquote1.png «Իմ ընտանիքը երջանիկ է ԱՄՆ-ում, մենք պատրաստվում ենք երկարաձգել այդ երջանկությունը դեռ շատ տարիներ»[98]։ Aquote2.png

Նոր պայմանագրում նշվեց մի նոր կետ, ըստ որի Բեքհեմը կարող է լքել ակումբը Օլիմպիական խաղերին մասնակցելու համար[99]։

Բեքհեմը «Գելաքս»-ի մարզահագուստով, 2012 թվական:

2012 թվականի ֆուտբոլային մրցաշրջանը Բեքհեմի համար սկսվեց «ԿՈՆԿԱԿԱՖ»-ի Չեմպիոնների Լիգայի 1/4 եզրափակչից «Տորոնտոյի» դեմ։ Կանադայի կենտրոնական մարզադաշտում անցկացվելիք խաղի ժամանակ տեղի ունեցան մի քանի տհաճ դեպքեր, մեկը կապված էր Բեքհեմի հետ, ում անկյունայինն իրացնելու ժամանակ խփեցին տոնական ժապավեններով և գարեջրի շշերով[100]։ Խաղն ավարտվեց 2։2, ի դեպ, Դոնովանի հարվածը խաղի վերջին րոպեին փրկեց խաղը։ Պատասխան խաղում «Գելաքս»-ին զիջեց «Տորոնտո»-ին 1։2 հաշվով և լքեց մրցաշարը։ MLS-ի մրցաշարի սկզբում խաղը նույնպես չէր ստացվում. կալիֆոռնիացիները անընդհատ միավորներ էին կորցնում և գտնվում էին մրցաշարի ներքևի սանդղակում։ Խաղային ճգնաժամը շատ անտեղի էր Բեքհեմի համար. քչանում էին Մեծ Բրիտանիայի Օլիմպիական հավաքականից հրավեր ստանալու նրա հնարավորությունները, նույնիսկ, չնայած նրա մարտական տրամադրվածությանն ու խաղից խաղ նվիրվածության աճին։ Բեքհեմի գեղեցիկ գոլերը մրցաշրջանի առաջին մասում միակ մխիթարող բանն էին «Գալաքսի»-ի համար։ Ապրիլի 15-ին «Պորտլենդ Տիմբերս»-ի հետ խաղում խաղի վերջին վայրկյաններին հեռահար տարածությունից Բեքհեմը աչքի ընկավ գեղեցիկ գոլով[101]։ 2012 թվականի մայիսի 13-ին «Մոնրեալ»-ի դեմ խաղում Բեքհեմը փրկեց իր թիմին պարտությունից՝ 62-րդ րոպեին տուգանայինից արված հարվածով[102]։ «Սան-Խոսե Էրտկուեյկս» թիմի դեմ խաղի նախորդ օրը արդեն հայտնի էին Մեծ Բրիտանիայի՝ Օլիմպիական հավաքականի մասնակիցների անունները. ի խոր հիասթափություն Բեքհեմի՝ նրա անունը այդ ցուցակում չկար։ Այդ հանդիպման ժամանակ, որը տեղի ունեցավ հուլիսի 6-ին, սկանդալային դեպք տեղի ունեցավ. կասկածելով «Սան-Խոսե»-ի ֆուտբոլիստ Սեմ Կրոնինին սիմուլյացիայի մեջ՝ Բեքհեմը 25 մետր հեռավորությունից հարվածեց ուղիղ նրա գլխին, ով այդ ժամանակ նստած էր գետնինն և խոսում էր գլխավոր մրցավարի և ակումբի աշխատողների հետ[103]։ Տեղի ունեցավ ընդհարում երկու ֆուտբոլիստների միջև, իսկ Բեքհեմին պատժեցին դեղին քարտով՝ ոչ սպորտային պահվածքի համար։ Հանդիպումը «Գալաքսի»-ն պարտվեց (3։4) հաշվով, իսկ խաղից հետո Բեքհեմը որակազրկվեց նաև մեկ խաղով[104]։ Հուլիսի 15-ին՝ որակազրկման ժամկետի ավարտից հետո, Բեքհեմը երկու գոլ խփեց «Պորտլենդ»-ի դարպասը (5։3)[105]։ Երրորդ անգամ իր կարիերայի ընթացքում Բեքհեմը անկյունայինից գոլ խփեց օգոստոսի 23-ին «Իսիդրո Մետապան»-ի դարպասը[106]։ Խմբային փուլի արդյունքում «Գալաքսի»-ն երկրորդ անգամ անընդմեջ վեց միավորի առավելությամբ անցավ եզրափակիչ փուլ։

Բեքհեմը Վիլինգթոն օդանավակայանի առջև:
Բեքհեմը ինքնագրեր է տալիս իր երկրպագուներին:

Գրավելով Արևմտյան Կոնֆերենցիայում չորրորդ տեղը, 8-րդ հորիզոնականը ազատ ցուցակում՝ կարողացավ մնալ եզրափակիչ փուլում և փրկել մրցաշրջանը տապալումից, չնայած երկարացրեց իր համար ուղին դեպի MLS-ի գավաթ։ Ընտրական փուլում հաղթելով «Վանկուվեր Ուատկեպս»-ին (2։1), կիսաեզրափակչում անցնելով «Սան-Խոսե Էրտկուեյկս»-ից (0։1 և 3։1), եզրափակչում «Սիետլ Սաունդերս»-ին (3։0 և 1։2)՝ «Գալաքսի»-ն նորից «Հյուսթոն Դինամո»-ի հետ դուրս եկավ MLS-ի գավաթի որոշիչ խաղ։ Կանոնավոր մրցաշրջանի ազատ աղյուսակում մասնակիցները տեղավորվեցին իրար հետևից՝ 8-րդ և 9-րդ հորզոնականններում, շնորհիվ ավելի բարձր ցուցանիշների՝ «Լոս Անջելես»-ը հնարավորություն ստացավ խաղալ MLS-ի գավաթի գլխավոր խաղում։ 2012 թվականի նոյեմբերի 19-ին Բեքհեմը հայտարարեց, որ 2012 թվականի դեկտեմբերի 1-ի եզրափակիչ հանդիպումը կլինի նրա վերջին խաղը «Գալաքսի»-ի կազմում[107]։ Թե որտեղ էր շարունակելու իր կարիերան Բեքհեմը, ո՛չ նա, ո՛չ իր ներկայացուցիչները չհայտնեցին։ Ավստրալական «The Australian» թերթը անվանեց տեղի ակումբների անուններ, որտեղ, հնարավոր է, շարունակվեր անգլիացու կարիերան[108], այս լուրը հաստատեց նաև «France-Presse»[109], սակայն Բեքհեմի ներկայացուցիչները հերքեցին այդ լուրերը[110]։ BBC-ն հայտնեց, որ ֆուտբոլիստով հետաքրքրվել է ֆրանսիական «ՊՍԺ»[111]։ Ակումբի գլխավոր մարզիչ Կարլո Անչելոտտին ասաց, որ տեղյակ չէ ֆուտբոլիստի տեղափոխումից[112]։ Բեքհեմը հայտարարեց, որ որոշում կընդունի միայն տարվա վերջում, հնարավոր է՝ վերադառնա նաև MLS՝ որպես սեփականատերերից մեկը[113]՝ համեմատաբար ցածր 25 միլիոն դոլլար աշխատավարձով[114]։ 2014 թվականի փետրվարի 5-ին Լիգան հայտարարեց, որ Բեքհեմը օգտվել է MLS-ի հետ ունեցած իր պայմանագրի այն կետից, որը հնարավորություն էր տալիս նրան նոր ակումբ ստեղծել՝ Լիգային քիչ գումար վճարելով[115]։ Նոր ակումբը գործելու էր Մայամիում և սկսելու էր հանդես գալ MLS-ում 2017 թվականից ոչ ուշ[116]։

«Պարի Սեն-Ժերմեն»[խմբագրել]

«Ես մտածում եմ, որ եկել է ժամանակը ավարտել կարիերան այս բարձր նոտայի վրա։ Ես ուզում եմ շնորհակալություն հայտնել բոլոր իմ թիմակիցներին, ավագ ուսուցիչներին, որոնք ինձ շատ բան են սովորեցրել, ինչպես նաև շտապում եմ շնորհակալությունս հայտնել իմ երկրպագուներին, որոնք ինձ միշտ ուժ էին տալիս նորանոր հարթակներ գրավելու համար»[117][118][119][120]։
Դևիդ Բեքհեմ

2013 թվականի հունվարի 13-ին Բեքհեմը կնքեց հնգամսյա պայմանագիր «Պարի Սեն-Ժերմեն»-ի հետ[121][122][123]։ Դևիդը հայտարարեց, որ կփոխանցի իր աշխատավարձը տեղի մանկական բարեգործական կազմակերպությանը[124][125][126]։ Փետրվարի 25-ին տեղի ունեցավ Բեքհեմի առաջին հանդիպումը նոր ակումբի կազմում «Մարսել»-ի դեմ, նա դուրս եկավ փոխարինման խաղի 76-րդ րոպեին։ Խաղն ավարտվեց 2։0 հաշվով հօգուտ փարիզցիների[127]։ Փարիզցիների կազմում Բեքհեմը դարձավ Ֆրանսիայի չեմպիոն[128][129][130][131]։ Ստանալով այս տիտղոսը՝ նա դարձավ առաջին անգլիացի ֆուտբոլիստը, ով հաղթեց չորս երկրների ազգային առաջնություններ։ Բացի Ֆրանսիայի գավաթից, նրանն էին նաև Անգլիայի պրեմիեր լիգայի գավաթը «Մանչեսթեր Յունայթեդ»-ի հետ, Իսպանիայի Լա Լիգայի գավաթը «Ռեալ Մադրիդ»-ի հետ և MLS-ի գավաթը «Գալաքսի»-ի հետ[132]։ Մայիսի 16-ին Բեքհեմը հայտարարեց, որ հեռանում է մեծ ֆուտբոլից մրցաշրջանի ավարտից հետո[133][134][135][136][137][138].

Կարիերան Անգլիայի ազգային հավաքականում[խմբագրել]

Բեքհեմն իրացնում է տուգանային հարվածը Անգլիայի հավաքականի կազմում:

Բեքհեմը իր նորամուտը Անգլիայի ֆուտբոլի ազգային հավաքականում նշել է 1996 թվականի սեպտեմբերի 1-ին աշխարհի առաջնության որակավորման փուլի՝ Մոլդովայի դեմ խաղում[139]։ 1998 թվականի Աշխարհի առաջնությունը մի մեծ զգայական պոռթկում էր Բեքհեմի համար[140]։ Խմբային փուլի առաջին երկու հանդիպումները նա բաց թողեց, սակայն վերջին հանդիպման ժամանակ խփեց վճռական գնդակը տուգանային հարվածով Կոլումբիայի հավաքականին և դարձավ ազգային հերոս ու երկրի գլխավոր հույսը 1/8 եզրափակչում Արգենտինայի դեմ խաղում[141][142]։ Արգենտինայի հետ խաղի ժամանակ Բեքհեմը հեռացվեց խաղադաշտից Դիեգո Սիմեոնեին հարվածելու պատճառով[143]։ Այս հեռացումը հավաքականին գրեթե զրկեց հաղթելու հնարավորությունից։

Եվրո 2000-ին Բեքհեմը առաջին խաղի ժամանակ պորտուգալացիների հետ կատարեց 2 գոլային փոխանցում, և Անգլիան հաղթում էր 2։0 հաշվով, սակայն վերջում չկարողացավ անգամ ոչ-ոքի հաշիվը պահպանել և պարտվեց 2։3[144]։ Հաջորդ՝ գերմանացիների հետ սկզբունքային խաղի ժամանակ, Բեքհեմը նորից կատարեց հիանալի գոլային փոխանցում Ալան Շիրերին տուգանային հարվածից և Անգլիան հաղթեց 1։0 հաշվով, սակայն հետագայում անգլիացիները զիջեցին 2։3 հաշվով Ռումինիային և դուրս մնացին առաջնությունից։ Բեքհեմը դարձավ թիմի ավագ Իտալիայի հետ ընկերական խաղում, պահպանեց ավագի թևկապը նաև Իսպանիայի հետ խաղում, այնուհետև 2002 թվականի աշխարհի առաջնության որակավորման փուլի Ալբանիայի և Ֆինլանդիայի հետ խաղերում, վերջինում խփեց շատ կարևոր գնդակ Լիվերպուլի «Էնֆիլդ Ռոուդ» մարզադաշտում։ Նա աչքի ընկավ նաև տանը՝ «Օլդ Թրաֆորդ»-ում, երբ 2001 թվականին խփեց վճռական գնդակը Հունաստանի դարպասին, ինչը հնարավորություն տվեց Անգլիայի հավաքականին պահպանել առաջին հորիզոնականը և դուրս գալ Ճապոնիայում և Հարավային Կորեայում կայանալիք ֆուտբոլի աշխարհի առաջնության 2002 թվականի եզրափակիչ փուլ։

Բեքհեմը որպես Անգլիայի ազգային հավաքականի ավագ:

Բայց աշխարհի առաջնությունից մեկ ամիս առաջ «Դեպորտիվո Լա-Կորունիա»-ից արգենտինացի Դյուշերը «Օլդ Թրաֆորդ»-ում կոտրում է Բեքհեմի ձախ ոտքը՝ կատարելով շատ կոպիտ սահընկում։ Ամբողջ ազգը, Բեքհեմի և Անգլիայի հավաքականի երկրպագուները սպասում էին Բեքհեմի վերադարձին մինչև առաջնությունը։ Նա առողջացավ և օգնեց իր թիմին սկզբում խաղալ ոչ-ոքի՝ 1։ 1 Շվեդիայի դեմ, ապա 11-մետրանոց հարվածով գրավեց Արգենտինայի դարպասը։ Վերջին՝ Նիգերիայի հետ խաղի ժամանակ ոչ-ոքին՝ 0։ 0, օգնեց թիմին անցնել հաջորդ փուլ, որտեղ անգլիացիները Բեքհեմի գլխավորությամբ, ով կատարեց 2 գոլային փոխանցում, հաղթեցին դանիացիներին (3։0) և անցան քառորդ եզրափակիչ Բրազիլիայի հետ։ Բրազիլիայի հետ խաղի ժամանակ Անգլիային կանգնեցրեց ֆուտբոլի սուպերաստղ Ռոնալդինյոն, ով գնդակը ուղարկեց Սիմենի դարպասը և գոլային փոխանցում կատարեց Ռիվալդոյին։ Չնայած պարտությանը՝ անգլիացիներին տանը դիմավորեցին որպես հերոսների։ Եվրո-2004-ի առաջին խաղում անգլիացիները խաղում էին Ֆրանսիայի հավաքականի հետ։ Առաջին խաղակեսում Բեքհեմի փոխանցման շնորհիվ հաշիվը բացեց Ֆրենկ Լեմպարդը, խաղի սկզբում առավելությունը անգլիացիների ձեռքում էր, նույնիսկ կարողացան տասնմեկ մետրանոց վաստակել, բայց Բեքհեմը հարվածեց դարպասի կենտրոնով՝ ուղիղ դարպասապահ Բարտեզի վրա, ով կարողացավ որսալ գնդակը։ Ամեն ինչ Անգլիային հաղթանակի էր տանում, բայց Զիդանի երկու գոլերը՝ մեկը տուգանայինից, մյուսը տասնմեկ մետրանոցից, հաղթանակ բերեցին ֆրանսիացիներին 2։1 հաշվով։

Բեքհեմը Իսպանիա-Անգլիա խաղի ժամանակ, փետրվարի 11, 2009 թվական:

Սրանից հետո անգլիացիները վստահաբար հաղթեցին շվեյցարացիներին 3։0, խորվաթներին 4։2 և դուրս եկան քառորդ եզրափակիչ պորտուգալացիների հետ, ովքեր դաշտի տերերն էին (այնտեղ էր անցկացվում առաջնությունը)։ Խաղի 120 րոպեները չորոշեցին հաղթողին։ Տասնմեկ մետրանոցների հարվածաշարը ավելի հաջող ստացվեց պորտուգալացիների մոտ, որոնք հաղթանակ տարան այդ խաղում։

2006 թվականի աշխարհի առաջնությանը անգլիացիները մեկնարկային խաղում հանդիպեցին Պարագվայի ֆուտբոլիստների հետ։ Բեքհեմի փոխանցումից հետո գնդակն իրենց իսկ դարպասն ուղարկեց պարագվայցիների թիմի պաշտպան և ավագ Գամարան, այսպես անգլիացիները հաղթեցին խաղը 1։0 հաշվով։ Երկրորդ խաղում Տրինիդադ և Տոբագոյի դեմ Բեքհեմը կատարեց գոլային փոխանցում Պիտեր Կրաուչին, ում խփած գնդակը հաղթական էր. Անգլիան հաղթեց 2։ 0 հաշվով։ Խմբային փուլի վերջին խաղում անգլիացիները ոչ-ոքի խաղացին շվեդների դեմ՝ 2։2։ Մեկ ութերորդ եզրափակչում անգլիացիները հանդիպեցին Էկվադորի հետ։ 60-րդ րոպեին անգլիացիները տուգանային հարվածի հնարավորություն ստացան դարպասին շատ մոտ, և Բեքհեմը իրեն հատուկ ոճով ուղարկեց գնդակը դարպասի ձախ անկյունը, դարպասապահը մատների ծայրով դիպավ գնդակին, բայց չկարողացավ կասեցնել հարվածը. Անգլիան հաղթեց 1։0 հաշվով[145]։ Քառորդ եզրափակչում, ինչպես երկու տարի առաջ Եվրո-2004-ին, անգլիացիների դեմ խաղում էր Պորտուգալիայի հավաքականը։ Նորից հիմնական ժամանակն ավարտվեց 0։0 հաշվով, իսկ տասնմեկ մետրանոցներով հաղթեց Պորտուգալիան։

«Միլան»-ի կազմում ստացած վնասվածքի պատճառով Բեքհեմը չկարողացավ մասնակցել 2010 թվականի ֆուտբոլի աշխարհի առաջնությանը։ Բայց նա հատուկ Ֆաբիո Կապելլոյի հրավերով թիմի հետ միասին մեկնեց Հարավային Աֆրիկա՝ որպես օգնական։ Ավելի ուշ Բեքհեմը պատմեց իր փորձի մասին.

Aquote1.png «Ինձ ընդհանրապես դուր չեկավ։ Ես չգիտեմ՝ ինչպես են մարզիչները հաճույք ստանում դրանից. ես սիրում եմ աշխատել երեխաների հետ և մարզել նրանց, բայց մարզչի պաշտոնը ինձ երբեք չի հետաքրքրել»[146]։
— Դևիդ Բեքհեմ
Aquote2.png

2010 թվականի օգոստոսի սկզբին Ֆաբիո Կապելլոն անսպասելի հայտարարություն արեց, որ այլևս միտք չունի Բեքհեմին հավաքական հրավիրել.

Aquote1.png «Ես ուզում եմ շնորհակալություն հայտնել Բեքհեմին Մունդիալ 2010-ի խաղերում իր օգնության համար, բայց այսքանով վերջ, երևի նա արդեն շատ ծեր է դրա համար»[147]։
— Ֆաբիո Կապելլո
Aquote2.png

Նա նաև հայտարարեց, որ կիսապաշտպանը կկարողանա վերջին խաղն անցկացնել հավաքականի հետ և հրաժեշտ տալ երկրպագուներին, սակայն Դևիդը հրաժարվեց անցկացնել վերջին խաղը և հրաժեշտ տալ երկրպագուներին, նա հայտարարեց, որ չի պատրաստվում լքել հավաքականը և ուզում է մասնակցել Եվրո-2012-ի ընտրական խաղերին և նույնիսկ առաջնությանը։ 2011 թվականի նոյեմբերի 15-ին, պատասխանելով այն հարցին, թե Բեքհեմը հնարավորություն ունի՞ մասնակցել Եվրո-2012-ի խաղերին, Կապելլոն պատասխանեց.

Aquote1.png «Ես կարծում եմ, որ նա կմասնակցի միայն օլիմպիական խաղերին, բայց ես դեռ ժամանակ ունեմ որոշում կայացնելու համար»[148]։
— Ֆաբիո Կապելլո
Aquote2.png

Գոլերը հավաքականում[խմբագրել]

Դևիդ Բեքհեմ: Համաշխարհային գոլեր
Գոլ ամսաթիվ վայրը մրցակից խփած գոլեր հաշիվ մրցաշար
1 26 հունիսի 1998 Լանս, Ֆրանսիա Կոլումբիա Կոլումբիա 2–0 2–0 Մունդիալ-1998
2 24 մարտի2001 Լիվերպուլ, Անգլիա Ֆինլանդիա Ֆինլանդիա 2–1 2–1 Մունդիալ-2002 որակավորման փուլ
3 25 մայիսի 2001 Դերբի, Անգլիա Մեքսիկա Մեքսիկա 3–0 4–0 Ընկերական
4 6 հունիսի 2001 Աթենք, Հունաստան Հունաստան Հունաստան 2–0 2–0 Մունդիալ-2002 որակավորման փուլ
5 6 հոկտեմբերի 2001 Մանչեսթեր, Անգլիա Հունաստան Հունաստան 2–2 2–2 Մունդիալ-2002 որակավորման փուլ
6 10 նոյեմբերի 2001 Մանչեսթեր, Անգլիա Շվեդիա Շվեդիա 1–0 1–1 Ընկերական
7 7 հունիսի 2002 Սապպորո, Ճապոնիա Արգենտինա Արգենտինա 1–0 1–0 Մունդիալ-2002
8 12 հոկտեմբերի 2002 Բրատիսլավա, Սլովակիա Սլովակիա Սլովակիա 1–1 2–1 Եվրո-2004 որակավորման փուլ
9 16 հոկտեմբերի 2002 Սաութհեմփթոն, Անգլիա Մակեդոնիայի Հանրապետություն Մակեդոնիա 1–1 2–2 Եվրո-2004 որակավորման փուլ
10 29 մարտի 2003 Վադուզ, Լիխտենշտեյն Լիխտենշտայն Լիխտենշտայն 2–0 2–0 Եվրո-2004 որակավորման փուլ
11 2 ապրիլի 2003 Սանդերլենդ, Անգլիա Թուրքիա Թուրքիա 2–0 2–0 Եվրո-2004 որակավորման փուլ
12 20 օգոստոսի 2003 Իպսվիչ, Անգլիա Խորվաթիա Խորվաթիա 1–0 3–1 Ընկերական
13 6 սեպտեմբերի 2003 Սկոպյե, Մակեդոնիա Մակեդոնիայի Հանրապետություն Մակեդոնիա 2–1 2–1 Եվրո-2004 որակավորման փուլ
14 18 օգոստոսի2004 Նյուքասլ, Անգլիա Ուկրաինա Ուկրաինա 1–0 3–0 Ընկերական
15 9 հոկտեմբերի2004 Մանչեսթեր, Անգլիա Ուելս Ուելս 2–0 2–0 Մունդիալ-2006 որակավորման փուլ
16 30 մարտի 2005 Նյուքասլ, Անգլիա Ադրբեջան Ադրբեջան 2–0 2–0 Մունդիալ-2006 որակավորման փուլ
17 25 հունիսի 2006 Շտուտգարտ, Գերմանիա Էկվադոր Էկվադոր 1–0 1–0 Մունդիալ-2006

Մեծ Բրիտանիայի Օլիմպիական հավաքական[խմբագրել]

2011 թվականի հունիսից Բեքհեմը ակտիվ մասնակցություն է ունեցել Մեծ Բրիտանիայի Օլիմպիական հավաքականի ճակատագրում։ Սկզբում խոսք էր գնում, որ հենց Բեքհեմը մարզի օլիմպիական հավաքականը, բայց նա հրաժարվեց` պատճառաբանելով, որ որպես խաղացող ավելի օգտակար կլինի թիմին և հրապարակայնորեն հայտարարեց, որ այդ պաշտոնում տեսնում է Ստյուարտ Պիրսին[149]։ Հետագայում Դևիդը մեկ անգամ չէ, որ արտահայտել էր իր ցանկությունը՝ Օլիմպիական հավաքականի հետ հանդես գալու, այնինչ նրա դիրքերը անսպասելի խառնվեցին 2011 թվականի հոկտեմբերին, երբ գլխավոր մարզիչ հաստատվեց Ստյուարտ Պիրսը։ Չնայած որ Բեքհեմը նրա օգտին էր հանդես եկել, Պիրսը հոռետեսորեն մոտեցավ Բեքհեմի խանդավառությանը[150]։ 2012 թվականի հունվարի 20-ին Բեքհեմը հայտարարեց, որ հույս ունի դառնալ Մեծ Բրիտանիայի հավաքականի ավագը 2012 թվականի խաղերում[151]։ 2012 թվականի ապրիլի 18-ին Բեքհեմը մտավ ընդլայնված ֆուտբոլիստների ցանկ, որոնք կարող էին խաղալ Լոնդոնում կայանալիք Օլիմպիական խաղերին[152], սակայն վերջնական ցուցակում, որը հայտարարվեց հունիսի 28-ին, Բեքհեմի անունը չկար[153]։ Գլխավոր մարզչի որոշումը մեծ արձագանք գտավ. նույնիսկ Օլիմպիական խաղերի գլխավոր կազմկոմիտեի շփոթությունը հարուցեց[154]։ Այս թեմայով իրենց կարծիքը հայտնեցին հայտնի ֆուտբոլիստներ, հասարակական գործիչներ, երաժիշտներ։ Մասնավորապես Հարրի Ռեդնապը նշեց.

Aquote1.png Այս որոշումով Պիրսը հիասթափեցրեց շատերին. նրանք կցանկանային տեսնել «Բեքսին» թիմում։ Ես նույնպես զարմացած եմ և շատ եմ ափսոսում, որ նա թիմում չէ[155]։
— Հարրի Ռեդնապ
Aquote2.png

Սըր Փոլ Մաքքարթնին չթաքցրեց իր զայրույթը և նույնիսկ Ստյուարտին հիմար անվանեց.

Aquote1.png Բեքհեմը պետք է առաջինը լինի հավաքականում` ֆուտբոլում իր ավանդի և արժանիքների համար, բայց մի հիմար այլ կերպ է մտածում։ Ես մի քիչ խղճում եմ այն երեք ֆուտբոլիստներին, ում տարիքը բարձր է 23-ից, քանի որ մենք նայելու ենք նրանց ու ասենք. «Ձեր փոխարեն պետք է Բեքհեմը լիներ»[156]։
— Սըր Փոլ Մաքքարթնի
Aquote2.png

Բրազիլիայի հավաքականի հարձակվող Նեյմարը ասել էր.

Aquote1.png Երբ ես իմացա, որ Բեքհեմը չի մեկնելու Օլիմպիադա, մի քիչ ուրախացա և մի փոքր հիասթափություն ապրեցի: Ուրախ էի, որովհետև նա մեր դեմ չի խաղա և մեր գործը մի քիչ կթեթևանա, բայց ես հիասթափված էի, քանի որ Բեքհեմը մեծ ֆուտբոլիստ է, այդ պատճառով ես ուզում էի մի անգամ նրա դեմ խաղալ։ Ես կարող էի դրա մասին հետագայում երեխաներիս պատմել[157]։
— Նեյմար
Aquote2.png

Այս որոշումը հիասթափեցրեց նաև Ժոզե Մոուրինյոյին.

Aquote1.png «Կա մի բան, որը ես չեմ կարողանում հասկանալ։ Այն բանում, որ Օլիմպիական խաղերը անցկացվում են Լոնդոնում, իր ավանդն ունի Բեքհեմը, նա ամենաոգևորվածն էր այս հարցում, և ես չեմ կարողանում հասկանալ, թե նա ինչու չի խաղում»[158]։
— Ժոզե Մոուրինյո
Aquote2.png

The Sun-ի թղթակցի՝ Սթիվեն Հովարդի կարծիքով, Բեքհեմին չընդգրկելը օլիմպիական ցուցակում «ստոր է և սխալ» և «ամբողջ ազգի կարծիքի վրա կարծես թքած լինեն», The Telegraph-ի լրագրող՝ Գենրի Ուինթերը Պիրսի որոշումը բնութագրեց «ծայրահեղ տարօրինակ. Ստյուարտ Պիրսը որոշեց չընդգրկել ամբողջ Բրիտանիայում այն շատ քիչ մարդկանցից մեկին, ով, իրոք, մտահոգ էր մրցաշարի համար»[159]։ Ինքը՝ ֆուտբոլիստը, իր ափսոսանքը հայտնեց կատարվածով և ավելացրեց. «Ի՞նչ է նշանակում՝ ես կդառնամ թիմի ամենավառ երկրպագուն»[160]։ Ինչպես նաև Բեքհեմը հույս հայտնեց, որ Մեծ Բրիտանիան կհաղթի ֆուտբոլային մրցաշարը[161]։ Մեծ Բրիտանիայի հավաքականը ավարտեց մրցաշարը առանց որևէ մեդալի։ Բեքհեմին հրապարակավ աջակցեց նաև արքայազն Ուիլյամը։ «Բեքհեմը ամենասկզբից կողմ էր Օլիմպիական խաղերը Լոնդոնում անցկացնելու գաղափարին, և հիմնականում շնորհիվ նրա՝ ՄՕԿ-ը ընտրեց հենց մեր քաղաքը։ Նա մասնակցեց Լոնդոնի օլիմպիական այգում քարի տեղադրմանը»,  - պատմում է 2012 թվականի կազմկոմիտեի անդամ Ուիլյամ Մորիսը[162]։ 2012 թվականի հուլիսի 28-ին Բեքհեմը իր մասնակցությունն ունեցավ Օլիմպիական խաղերի բացման արարողությունում. նա Թեմզայով տեղափոխեց ջահը և հանձնեց թիավարումից օլիմպիական հնգակի ոսկե մեդալակիր՝ Սթիվ Ռեդգրեյվին[163]։

Նվաճումներ[խմբագրել]

Ակումբային[խմբագրել]

Անգլիա Մանչեսթեր Յունայթեդ[164]

Ընդամենը։ 12 տիտղոս

Իսպանիա Ռեալ Մադրիդ[164]

Ընդամենը։ 5 տիտղոս

Ամերիկայի Միացյալ Նահանգներ Լոս Անջելես Գալաքսի[164]

Բեքհեմը ԼԱ Գալաքսի - Կոլորադո Ռապիդս խաղում
  • MLS-ի գավաթի հաղթող (2) - 2011, 2012
  • Supporters' Shield MLS գավաթի հաղթող (2) - 2010, 2011
  • MLS-ի Արևմտյան Կոնֆերենցիայի կանոնավոր առաջնության հաղթող (3) - 2009, 2010, 2011
  • MLS-ի Արևմտյան Կոնֆերենցիայի փլեյ-օֆֆ-ի հաղթող (3) - 2009, 2011, 2012
  • MLS-ի գավաթի եզրափակչի մասնակից - 2009
  • MLS-ի Արևմտյան Կոնֆերենցիայի փլեյ-օֆֆ-ի եզրափակչի մասնակից - 2010
  • Հյուսիսամերիկյան Սուպերլիգայի եզրափակչի մասնակից - 2007
  • Պան-Խաղաղկովկասյան առաջնության բրոնզե մեդալակիր - 2008

Ընդամենը։ 4 տիտղոս

Իտալիա Միլան[164]

  • Սերիա Ա-ի բրոնզե մեդալակիր (2) - 2008-09, 2009-10

Ֆրանսիա Պարի Սեն-Ժերմեն[164]

  • Ֆրանսիայի առաջնության հաղթող (1) - 2012-2013

Անձնական[խմբագրել]

  • Պրոֆեսիոնալ ֆուտբոլիստների ասոցիացիայի վարկածով տարվա լավագույն երիտասարդ ֆուտբոլիստ - 1996-1997[165]
  • Սըր Մետտա Բասբիի տիտղոս, որպես տարվա լավագույն երիտասարդ ֆուտբոլիստ - 1996-1997[166]
  • Պրեմիեր Լիգայի ամսվա լավագույն ֆուտբոլիստ - օգոստոս, 1996[167]
  • Պրոֆեսիոնալ ֆուտբոլիստների ասոցիացիայի վարկածով ընդգրկվել է տարվա խորհրդանշական թիմում - 1996–97[168], 1997–98[169], 1998–99[170], 1999–2000[171]
  • ՈՒԵՖԱ-ի վարկածով եվրոպական մրցաշրջանի ամենաարժեքավոր ֆուտբոլիստ - 1999[172]
Բեքհեմի «Արծաթե գնդակ» մրցանակը, որպես աշխարհի երկրորդ լավագույն ֆուտբոլիստ, 2001 թվական:
  • ՈՒԵՖԱ-ի վարկածով եվրոպական մրցաշրջանի լավագույն կիսապաշտպան - 1999[172]
  • ՈՒԵՖԱ-ի վարկածով տարվա լավագույն ակումբային ֆուտբոլիստ - 1999[172]
  • ՈՒԵՖԱ տարվա խորհրդանշական թիմ- 2001, 2003[172]
  • ՖԻՖԱ-ի վարկածով տարվա լավագույն ֆուտբոլիստ - արծաթե մրցանակ - 1999, 2001[173]
  • Ոսկե գնդակ 1999 - արծաթե մրցանակ - 1999[174]
  • BBC-ի վարկածով տարվա մարզիկ - 2001[175]
  • Մտել է ՖԻՖԱ 100-ի ցուցակ[176]
  • ESPY-ի տիտղոս, որպես լավագույն ֆուտբոլիստ - 2004[177]
  • ESPY-ի տիտղոս, որպես MLS-ի լավագույն ֆուտբոլիստ - 2008, 2012[177]
  • Մտել անգլիական ֆուտբոլի փառքի սրահի ֆուտբոլիստների ցանկ - 2008[178]
  • BBC-ի մրցանակակիր սպորտում ունեցած հաջողությունների համար - 2010[179]
  • MLS Awards-ի մրցանակակիր «Տարվա վերադարձ» անվանակարգում - 2011[180]

Ռեկորդներ[խմբագրել]

  • Առաջին անգլիացի ֆուտբոլիստն է, ով հաղթել չորս տարբեր երկրների ազգային առաջնություններում (Անգլիա, Իսպանիա, ԱՄՆ, Ֆրանսիա)[164]
  • Առաջին անգլիացի ֆուտբոլիստն է, ով գոլ է խփել երեք աշխարհի առաջնություններում[164]
  • Առաջին բրիտանացի ֆուտբոլիստն է, ով 100-ից ավել խաղեր է անցկացրել Չեմպիոնների Լիգայում[164]
  • Պրեմիեր Լիգայի երրորդ ամենաշատ գոլային փոխանցումներ կատարած ֆուտբոլիստն է. 265 խաղերում 152 անգամ[181]

Վիճակագրություն[խմբագրել]

Ակումբային[խմբագրել]

Դևիդ Բեքհեմի ակումբներում անցկացրած խաղերի վիճակագրությունը[182][183]:

Ակումբ Մրցաշրջան Առաջնություն Առաջնություն Գավաթ Լիգայի գավաթ Միջմայրցամաքային Այլ Ընդամենը
խաղ գոլ խաղ գոլ խաղ գոլ խաղ գոլ խաղ գոլ խաղ գոլ
Անգլիա Մանչեսթեր Յունայթեդ 1992–93 Անգլիայի Պրեմիեր Լիգա 0 0 0 0 1 0 0 0 0 0 1 0
1993–94 0 0 0 0 0 0 0 0 0 0 0 0
 ԱնգլիաՊրեսթոն Նորթ-Էնդ 1994–95 Անգլիայի Ֆուտբոլային Լիգա 5 2 0 0 0 0 0 0 5 2
Անգլիա Մանչեսթեր Յունայթեդ 1994–95 Անգլիայի Պրեմիեր Լիգա 4 0 2 0 3 0 1 1 0 0 10 1
1995–96 33 7 3 1 2 0 2 0 0 0 40 8
1996–97 36 8 2 1 0 0 10 2 1 1 49 12
1997–98 37 9 4 2 0 0 8 0 1 0 50 11
1998–99 34 6 7 1 1 0 12 2 1 0 55 9
1999–2000 31 6 0 0 12 2 5 0 48 8
2000–01 31 9 2 0 0 0 12 0 1 0 46 9
2001–02 28 11 1 0 0 0 13 5 1 0 43 16
2002–03 31 6 3 1 5 1 13 3 0 0 52 11
Մանչեսթեր Յունայթեդ Ընդամենը 265 62 24 6 12 1 83 15 10 1 394 85
Իսպանիա Ռեալ Մադրիդ 2003–04 Լա Լիգա 32 3 4 2 7 1 2 1 45 7
2004–05 30 4 0 0 8 0 0 0 38 4
2005–06 31 3 3 1 7 1 0 0 41 5
2006–07 23 3 2 1 6 0 0 0 31 4
Ռեալ Մադրիդ Ընդամենը 116 13 9 4 28 2 2 1 155 20
Ամերիկայի Միացյալ Նահանգներ Լոս Անջելես Գալաքսի 2007 MLS 5 0 0 0 2 1 7 1
2008 25 5 0 0 0 0 25 5
Իտալիա  Միլան 2008–09 Սերիա Ա 18 2 0 0 2 0 0 0 20 2
Ամերիկայի Միացյալ ՆահանգներԼոս Անջելես Գալաքսի 2009 MLS 11 2 0 0 4 0 15 2
 ԻտալիաՄիլան 2009–10 Սերիա Ա 11 0 0 0 2 0 0 0 13 0
Միլան Ընդամենը 29 2 0 0 4 0 0 0 33 2
Ամերիկայի Միացյալ ՆահանգներԼոս Անջելես Գալաքսի 2010 MLS 7 2 0 0 3 0 10 2
2011 26 2 0 0 4 0 30 2
2012 24 7 0 0 1 1 6 0 31 8
Լոս Անջելես Գալաքսի Ընդամենը 98 18 0 0 1 1 19 1 118 20
ՖրանսիաՊՍԺ 2012–13 Առաջին Լիգա 10 0 2 0 2 0 0 0 14 0
Կարիերայում Ընդամենը 523 97 35 10 12 1 118 18 31 3 719 129

Միջազգային[խմբագրել]

Դևիդ Բեքհեմի հավաքականում անցկացրած խաղերի վիճակագրություն[184][185][186]:

Անգլիայի հավաքական
Տարի Խաղ Գոլ
1996 3 0
1997 9 0
1998 8 1
1999 7 0
2000 10 0
2001 10 5
2002 9 3
2003 9 4
2004 12 2
2005 9 1
2006 8 1
2007 5 0
2008 8 0
2009 8 0
Ընդամենը 115 17

Համարներ[խմբագրել]

Այստեղ ներկայացված են այն համարները, որոնց ներքո Բեքհեմը խաղացել է իր ակումբներում և հավաքականում։

Կյանքը ֆուտբոլից դուրս[խմբագրել]

Դևիդը և Վիկտորյան, 2007 թվական

Ֆուտբոլին զուգընթաց Բեքհեմը նկարահանվում է գովազդում և նորաձևության մասին տարբեր ամսագրերում։ Բացի այդ, Բեքհեմն ունի օծանելիքի և հագուստի սեփական արտադրություն։ 2007 թվականի հունվարին Բեքհեմը մասնակցեց Դիսնեյի ֆոտոսեսիային, «Քնած գեղեցկուհի»-ն մուլտֆիլմի ձայնագրմանը՝ Ֆիլիպպի կերպարով։

Aquote1.png «Ես Դիսնեյի մուլտֆիլմերը դեռ մանկուց էի սիրում, ուրախ եմ, որ դարձա նրանց մի մասը։ Իմ տղաները նույնպես հետաքրքրվում են այս մուլտֆիլմերով, ինչպես և աշխարհի բոլոր երեխաները։ Ես հպարտ եմ նրանով, որ դարձա մուլտհերոսներից մեկը»[188]:
— Դևիդ Բեքհեմ
Aquote2.png

2012 թվականին Բեքհեմը պայմանագիր կնքեց երիտասարդ բրենդի՝ H&M-ի հետ։ Գովազդից բացի հայտնի կիսապաշտպանը բրենդին առաջարկեց ներքնազգեստի սեփական մոդելները։ Փետրվարի 1-ին Լոնդոնում Բեքհեմը նշում էր David Beckham Bodywear for H&M հավաքածուի համաշխարհային թողարկումը[189][190]։ Նկարահանվել է նաև Samsung Galaxy Note-ի գովազդում[191]

MLS-ում նոր ակումբի սեփականատեր[խմբագրել]

2014 թվականի փետրվարի 5-ին MLS-հայտարարեց, որ Դևիդ Բեքհեմը օգտվել է 2007 թվականին Լիգայի հետ կնքած իր պայմանագրի այն կետից, ըստ որի նա կարող է հիմնել նոր ակումբ մատչելի գնով՝ 25 միլիոն դոլարով[192]։ Նոր ակումբը գործելու է Մայամիում և սկսելու է իր մրցելույթները MLS-ում 2017 թվականից ոչ ուշ։ Բեքհեմի աշխատանքային գործընկերներն էին բոլիվիացի միլիարդատեր Մարսելո Կլաուրեն և բրիտանացի պրոդյուսեր Սայմոն Ֆուլլերը[193][194]։ NBA-ի աստղ Լեբրոն Ջեյմսը հայտարարեց, որ նույնպես կարող է պոտենցիալ գործընկեր դառնալ[195]։

Դևիդ Բեքհեմ Ակադեմիա[խմբագրել]

«Դևիդ Բեքհեմ» ակադեմիան:

Բեքհեմը 2005 թվականին հիմնադրեց իր «Դեվիդ Բեքհեմ» ֆուտբոլային ակադեմիան, որը գործում էր երկու տեղերում ՝ Լոնդոնում և Լոս-Անջելեսում։ 2009 թվականի վերջին հայտարարվեց դրանց բացման մասին[196]: Այն հայտնի դարձավ ամբողջ աշխարհին՝ տարածվելով Միացյալ թագավորությունով և ավելի հեռու[197]։

Անձնական կյանք[խմբագրել]

1997 թվականին Բեքհեմը սկսեց հանդիպել Վիկտորյա Ադամսի հետ. վերջինս հետևում էր «Մանչեսթեր Յունայթեդ»-ի խաղերին։ Նա «Spice girls» փոփ խմբի երգչուհիներից մեկն էր, ով հայտնի էր «Posh Spice» մականունով։ Խումբն այդ ժամանակ շատ հայտնի էր համարվում, ինչի պատճառով էլ Բեքհեմի և Վիկտորյայի մտերմությունը գրավեց լրատվամիջոցների ուշադրությունը։ Զույգը նրանց կողմից անվանվեց Posh & Backs։ Բեքհեմը Վիկտորյային հանրությանը ներկայացրեց 1998 թվականի հունվարի 4-ին։ 1998 թվականի հուլիսի 4-ին Անգլիայի Luttrellstown ամրոցում Բեքհեմը և Վիկտորյան ամուսնացան։ Հարսանիքը արժանացավ ահռելի մեծ թվով լրատվամիջոցների լուսաբանմանը։ Բեքհեմի թիմի ավագը՝ Գերի Նևիլը, զույգերի կնքահայրն էր, իսկ Բրուկլինը՝ մատանիները պահողը։ Բեքհեմը համաձայնության գալով «OK» ամսագրի հետ, միայն նրանց էր թույլատրել հարսանեկան արարողության ժամանակ լուսանկարել[198]։ Սպասարկող անձնակազմի քանակը 437 էր, իսկ նրանց վարձատրության ընդհանուր գումարը հասնում էր մինչև 500 000 եվրոյի[199]։

Բեքհեմը 2009 թվականի դեկտեմբերին:

1999 թվականին Բեքհեմների ընտանիքը գնեց իրենց հայտնի առանձնատունը Hertfordhire-ում՝ «Բեքհեմյան պալատ» ոչ պաշտոնական անվամբ՝ մոտավոր հաշվարկով 7, 5 միլիոն եվրո արժողությամբ։ Դևիդ և Վիկտորյա Բեքհեմները ունեն 4 երեխա. Բրուկլին Ժոզեֆը՝ ծնված 1999 թվականին Լոնդոնում, Ռոմո Ջեյմսը՝ ծնված 2002 թվականին Լոնդոնում, Կրուզ Դևիդը՝ ծնված 2005 թվականին Մադրիդում (Կրուզ իսպաներենից թարգմանաբար նշանակում է խաչ) և դուստրը՝ Հարպեր Սևենը՝ ծնված 2011 թվականին Լոս-Անջելեսում[200][201]։ Էլթոն Ջոնը Բրուկլինի և Ռոմեոյի կնքահայրն է, իսկ կնքամայրը՝ Էլիզաբեթ Հառլին[202]։ Տասը տարեկան հասակում Ռոմեոն՝ որպես մոդել աշխատում էր իր մոր համար[203]։ 2007 թվականի ապրիլին Բեքհեմ ընտանիքը գնեց ներկայիս բնակարանը Բևերլի Հիլզում, այս իրադարձությունը զուգադիպեց Դևիդի տեղափոխմանը «Լոս Անջելես Գալաքսի»։ Այս առանձնատունը գնահատվում է 22 միլիոն եվրո և գտնվում է Թոմ Կրուզի, Քեյթի Հոլմսի և հաղորդավար Ջեյ Լենոյիի առանձնատան կողքին։ Ընտանիքը Դուբայում ևս առանձնատուն ունի[204]։ Բեքհեմը տառապում է «OCD» անբուժելի հիվանդությամբ, որը ֆուտբոլիստն այսպես է մեկնաբանում. «ամեն ինչ մի գծի վրա է, կամ ամեն ինչ զույգ-զույգ է»։ Վիկտորյա Բեքհեմն ասում է, որ եթե բացեք իրենց սառնարանը, այն ամբողջապես բաժանված է առանձին մասերի, տպավորություն է ստեղծվում, որ իրենք մի քանի սառնարան ունեն՝ մեկն ուտելիքի, մյուսը՝ քաղցրավենիքի, երրորդը՝ խմիչքի[205]։

Խնդիրներ օրենքի հետ[խմբագրել]

2004 թվականի բրիտանական News of the World համաշխարհային լրատվական ընկերությունը մեղադրում է Բեքհեմին իր անձնական օգնական՝ Ռեբեկա Լուսի հետ անօրինական կապ ունենալու մեջ[206][207]։ Մեկ շաբաթ հետո Malaysian-born Australian-ի մոդել Սարահ Մարբեկը պնդում է, որ քնել է Բեքհեմի հետ երկու անգամ[208]։ Բեքհեմը ազատվեց այդ երկու մեղադրանքներից՝ ասելով, որ դրանք «ծիծաղելի են»։ «W» ամսագրի հետ ունեցած հարցազրույցի ժամանակ Վիկտորյա Բեքհեմը պատմեց լրագրողին. «Ես չեմ պատրաստվում ստել, դրանք իսկապես դժվարին ժամանակներ էին մեր ամբողջ ընտանիքի համար, ես հասկացա, որ բոլոր մարդիկ ունեն արժեք»[209]։

Բարեգործական աշխատանքներ[խմբագրել]

Բեքհեմը 2005 թվականին:

Բեքհեմը աջակցել է ՄԱԿ-ի մանկական հիմնադրամին, երբ դեռ Մանչեսթերում էր, իսկ 2005 թվականի հունվարին դարձավ բարի կամքի դեսպան՝ հատուկ ուշադրություն դարձնելով UNICEF-ի՝ սպորտի զարգացմանը ուղղված ծրագրերին։ Վերջերս Բեքհեմը խոստացել է իր աջակցությունը «Համախմբվել հանուն երեխաների և միավորվել ընդդեմ ՁԻԱՀ-ի» ծրագրին։ Նա նաև Էլթոն Ջոն AIDS հիմնադրամի բարեխոսն է[210]։ 2007 թվականի հունվարի 7-ին քաղցկեղով հիվանդ տասնիննամյա Ռեբեկա Ջոնսթոնին, ով ապրում էր Համիլթոնում (Օնտարիո), Բեքհեմն անակնկալ զանգ է կատարում։ Զրույցից հետո նա ուղարկում է աղջկան «Ռեալ Մադրիդ»-ի մարզաշապիկը՝ իր ստորագրությամբ։ Ռեբեկան մահացավ 2007 թվականի հունվարի 29-ին[211]։

Բեքհեմը «NO more malaria» հիմնադրամի անդամներից մեկն է։ Նա օգնեց 2009 թվականին Էնդի Մարեին «Ուեմբլի մարզադաշտ;Ուեմբլի» մարզադաշտում կատարած բարեգործության ժամանակ[212]։

2007 թվականի օգոստոսի 17-ին Բեքհեմը ղեկավարել է երիտասարդական կլինիկան Հարլեմում, նախկին և ներկա MLS-ի խաղացողների հետ միասին[213]։

Դերակատարություն ֆիլմերում[խմբագրել]

Խաղա ինչպես Բեքհեմը[խմբագրել]

Բեքհեմը երբեք անձամբ չի հայտնվել 2002 թվականի «Խաղա ինչպես Բեքհեմը» ֆիլմում, բացառությամբ արխիվում գտնվող կադրերի։ Նա և իր կինը ցանկանում էին կամեո տեսարանները ստանալ, բայց ստվերով ապացուցելը դժվար է, այսպիսով ռեժիսորը օգտագործել է Էնդի Հարմերի նմանությունը ստվերի փոխարեն[214]։

Գոլ: Երազանքի սկիզբը[խմբագրել]

2005 թվականին նկարահանված «Գոլ: Երազանքի սկիզբ»-ը ֆիլմում Բեքհեմը հայտնվում է Զինեդին Զիդանի և Ռաուլ Գոնսալեսի հետ համատեղ։ Նրա նմանակ Էնդի Հարմերը, ով խաղացել է «Խաղա ինչպես Բեքհեմը» ֆիլմում, նկարահանվում է ֆիլմի մի հատվածում՝ փոխարինելով Բեքհեմին[215]։ Բեքհեմը նկարահանվում է ֆիլմի շարունակությունում[216]՝ խաղալով այն հատվածում, երբ Բեքհեմը տեղափոխվում է «Ռեալ Մադրիդ» ֆուտբոլային ակումբ։ Այստեղ պատմության կիզակետում է հայտնվում Ռեալ Մադրիդը. Բեքհեմից բացի, ֆիլմում արդեն հայտնվում են Մադրիդի այլ ֆուտբոլիստներ։ Բեքհեմը նկարահանվում է նաև «Գոլ!. գրավելով աշխարհը» ֆիլմում, որի պրեմիերան եղավ 2009 թվականի հունիսի 15-ին[217]։

Ռեկորդներ[խմբագրել]

Բեքհեմի մոմե արձանը Լոնդոնի Մադամ Տյուսոյի թանգարանում:

Բեքհեմը Անգլիայի ֆուտբոլի հավաքականի ավագ է եղել 59 անգամ[218]՝ համարվելով 4-րդը Բոբի Մուրից, Բիլլի Ռայթից և Բրայան Ռոբսոնից հետո։ 2006 թվականի Ֆիֆայի աշխարհի առաջնության ժամանակ Էկվադորի հետ խաղում երկրորդ խաղակեսի ընթացքում խփած գոլից հետո Բեքհեմը դարձավ միակ անգլիացի ֆուտբոլիստը, ով գոլ է խփել աշխարհի երեք առաջնությունների ընթացքում։ Մի քանի օր հետո նույն «սխրագործությունն» է գործում նաև Ռեալ Մադրիդի ավագ Ռաուլը[219]։ Էկվադորի հավաքականի դարպասը խփած գնդակով նա նաև դարձավ Աշխարհի առաջնությունների պատմության մեջ 5-րդ ֆուտբոլիստը, ով հաշիվը բացել է ուղիղ ազատ հարվածից, մյուս 4-ը Պելեն, Ռոբերտո Ռիվելինոն, Թեոֆիլիո Կուբիլյասը և Բերնարդ Գենգինին էին։ Մյուս երեք գոլերը խփվել են Հարավային Ամերիկայի ֆուտբոլային թիմերի հետ խաղերի (Կոլումբիա, Արգենտինա և Էկվադոր) և ստանդարտ դիրքերի ժամանակ [Ն 4][145][220]։

Դաջվածքներ[խմբագրել]

Բեքհեմի իր մարմնի վրա ունի 32 դաջվածքներ[221]։ Նրա մարմնի վրա գրված են իր որդիների անունները՝ Ռոմեո, Կրուզ և Բրուկլին և իր կնոջ անունը՝ Վիկտորյա[222]։ «Վիկտորյա»-ն դաջված է ձախ նախաբազկին հնդկերեն, քանի որ Բեքհեմի կարծիքով անգլերեն տարբերակը կլիներ «անհամ»։ Մյուս դաջվածքը եբրայերենով գրված աստվածաշնչյան մի հատված է (եբր.՝ אני לדודי ודודי לי הרעה בשושנים‎)։ Աղջկա ծնունդից հետո դստեր անունը դաջեց վզի վրա։ Վերջին դաջվածքն արվել է ձախ ձեռքի վրա, պատկերված է «Love» բառը՝ Սեր և Ծիծեռնակ թարգմանությամբ[223]։ «Դևիդ Բեքհեմ. իմ կողմը» ինքնակենսագրականում Բեքհեմը որոշ կարծիքներ է հայտնում դաջվածքների վերաբերյալ.

Aquote1.png Այս գաղափարը ինձ մոտ ծագեց շատ ավելի ուշ, երբ ծնվեց Բրուկլինը։ Ես զրուցում էի Մել Բիի և նրա նախկին ամուսնու Ջիմմի Գուլզարի հետ, երբ դաջվածքի թեման բացվեց։ Ի վերջո, ես գնացի այն հոլանդացի տղայի մոտ, ով արել էր Ջիմմիի դաջվածքները։ Ես ի վերջո հասկացա, թե ինչ դաջվածք եմ ուզում։ Իմ դաջվածքները բոլորն իմ ընտանիքի անդամների մասին են, նրանց մասին, որոնց միշտ ցանկանում եմ ին կողքին տեսնել։ Երբ տեսնում ես ինձ, տեսնում ես այս դաջվածքները։ Դու տեսնում ես այն արտահայտությունը, որը բնութագրում է իմ զգացածը տղաներիս և Վիկտորիայի հանդեպ։ Նրանք իմ մասնիկն են[224]։ Aquote2.png
Բեքհեմը Լոնդոնում գտնվող ԱՄՆ դեսպանատանը:

Փաստեր[խմբագրել]

  • Բեքհեմը զբաղեցնում է երկրորդ հորիզոնականը՝ ըստ ազգային հավաքականում անցկացրած խաղերի քանակի՝ զիջելով միայն Փիթեր Շիլթոնին, ով խաղացել է 125 խաղ։
  • Հայտնի է Ջորջ Բեսթի արտահայտությունը Բեքհեմի մասին, որը թևավոր է դարձել. «Նա չի կարողանում հարվածել ձախով, չի կարողանում խաղալ գլխով, չի կարողանում գնդակ վերցնել և քիչ գոլ է խփում։ Իսկ մնացած առումներով նա հիանալի տղա է»[225]։
  • Բեքհեմը կարիերան ավարտելու մասին ասել է. «Եթե անկեղծ, ապա ես շատ պարզ եմ պատկերացնում այդ։ Դա կլինի Բրազիլիայում 2014 թվականի մրցաշրջանի ժամանակ, որի եզրափակչում ես գոլ կխփեմ իմ հավաքականի համար, որը նրան կբերի աշխարհի լավագույն թիմի կոչումը։ Իհարկե այդ ժամանակ ես արդեն 39 տարեկան կլինեմ, բայց դա այդքան էլ սարսափելի չէ»[226]։
  • Դաջվածքների քանակի պատճառով Բեքհեմը համարյա միշտ երկար թևքերով շապիկ է կրում։
  • Էլթոն Ջոնը նրա երկու տղաների՝ Բրուքլինի և Ռոմեոյի կնքահայրն է[227]։
  • Բեքհեմը պաշտոնապես հրավիրված էր Բրիտանիայի արքայազն Ուիլյամի և Քեյթ Միդլթոնի հարսանիքին[228]։
  • 2011 թվականի մայիսի 24-ին Բեքհեմը խաղաց ընկերական հանդիպում «Մանչեսթեր Յունայթեդ»-ի կազմում՝ «Յուվենտուս»-ի դեմ։ Այս խաղը անցկացվել է «Մանչեսթեր Յունայթեդ»-ի պաշտպան Գարի Նևիլի կարիերայի հրաժեշտի խաղի համար[229]։
  • 2012 թվականի սկզբում Բեքհեմի հետ հետաքրքիր դեպք տեղի ունեցավ. նրան դուրս հանեցին Լոս-Անջելեսի ֆուտբոլային ակադեմիաներից մեկից, որտեղ ժամանել էր, որպեսզի դիտի իր որդու՝ Ռոմեոյի խաղը։ Գալով մարզադաշտ ժամանակից շուտ՝ նա ականատես եղավ կոշտ մրցավարության. ընդամենը յոթ տարեկան երեխաների խաղին մրցավարը նշանակեց տասնմեկ մետրանոց և հեռացրեց երեխային մարզադաշտից՝ դրանով վրդովմունք առաջացնելով Բեքհեմի մոտ։ Անգլիացին դիմեց մրցավարին՝ ասելով. «Հեյ, նա ախր ընդամենը յոթ տարեկան է, դու չես կարող նրան դուրս հանել», սրանից հետո մրցավարը կարմիր քարտ ցույց տվեց հենց Դևիդին[230]։
  • 2012 թվականի մայիսի 15-ին Բեքհեմը դարձավ ԱՄՆ-ի նախագահ Բարակ Օբամայի արված հումորների առիթ, ով հրավիրել էր ֆուտբոլիստներին Սպիտակ տուն, որպեսզի հատուկ մրցանակներ հանձնի անցած մրցաշրջանի համար։ Օբաման կատակեց՝ ասելով, որ «Գալաքսի»-ի համարյա բոլոր ֆուտբոլիստները նրան երեխա կսազեին։ Հետո, համեմատելով ֆուտբոլիստին իր հետ, նա ասաց, որ երկուսն էլ երիտասարդ և հաջողակ մասնագետներ են[231]։
  • Բեքհեմը մասնակցել է Անգլիայում օլիմպիական ջահի փոխանցմանը[232]։
  • Խաղից հետո հանդերձարանում զվարճալի միջադեպ է տեղի ունեցել Դևիդի և Զլատան Իբրահիմովիչի միջև։ Բեքհեմը թողել է իր ipod-ը, ինչից օգտվել է խաղընկեր Զլատանը՝ տեսնելով երգերի ցանկում Ջասթին Բիբերի և Սելենա Գոմեսի երգերը, Իբրահիմովիչը հարցրել էր. «Դևիդ, դու սա լսու՞մ ես», Բեքհեմը պատասխանել էր. «Դա իմ երեխաներն են լսում»։ Ինչից հետո հարցազրույցի ժամանակ Զլատանը հայտարարել էր. «Ես մտածում էի, որ որակով բրիտանական ռոք կլսեմ կամ հիպ-հոպ։ Հաճելի է իմանալ, որ Բեքհեմը ամեն ինչում չէ, որ լավ ճաշակ ունի։ Ճիշտ է՝ նա հետո բացատրեց, որ դա իր երեխաներն են լսում, բայց դե մենք դրան այդքան էլ չենք հավատում»[233]։
  • Բեքհեմը հավաքականի կազմում խփել է 17 գնդակ, իսկ այդ խաղերում հավաքականը ոչ մի պարտություն չի կրել՝ 14 հաղթանակ և 3 ոչ-ոքի։

Գրքեր[խմբագրել]

  • Beckham, David (2002). David Beckham։ My Side. HarperCollinsWillow. ISBN 0-00-715732-0.
  • Beckham, David; Freeman, Dean (2001). Beckham։ My World. Hodder & Stoughton. ISBN 978-0-340-79270-4.
  • Beckham, David; Watt, Tom (2003). Beckham։ Both Feet on the Ground. HarperCollins. ISBN 978-0-06-057093-4.
  • Crick, Michael (2003). The Boss – The Many Sides of Alex Ferguson. Pocket Books. ISBN 978-0-7434-2991-7.
  • Ferguson, Alex; McIlvanney, Hugh (1999). Managing My Life – My Autobiography. Hodder & Stoughton. ISBN 978-0-340-72855-0.
  • Wahl, Grant (2009). The Beckham Experiment։ How the World's Most Famous Athlete Tried to Conquer America. Crown. ISBN 978-0-307-40859-4.

Նշումներ[խմբագրել]

  1. 6 ֆութ 0 դյույմ = 183 սանտիմետր
  2. Անգլիայի երիտասարդական գավաթի եզրափակչում անցկացվում է երկու հանդիպում, արդյունքը որոշվում է երկու խաղերի արդյունքում։
  3. Այն ժամանակ համարժեք 25 միլիոն ֆունթ ստերլինգի կամ 41 միլիոն ԱՄՆ դոլարի:
  4. Վերոնշյալ երկու ազատ հարվածները և մեկ տուգանայինը Արգենտինայի դեմ խաղի ընթացքում:

Ծանոթագրություններ[խմբագրել]

  1. 1,0 1,1 1,2 MLSSOCCER.COM (11.01.2007)։ «Դևիդ Բեքհեմ» (անգլերեն)։ Major League Soccer։ http://www.lagalaxy.com/players/david-beckham։ Վերցված է 31.08.2015։ 
  2. Not Panicking Ltd (29.03.2009)։ «Դևիդ Բեքհեմ - ֆուտբոլիստի վերելքը» (անգլերեն)։ h2g2։ http://h2g2.com/edited_entry/A1138600։ Վերցված է 31.08.2015։ 
  3. «Դևիդ Բեքհեմի կենսագրությունը» (ռուսերեն)։ МИА «Россия сегодня»։ 16.05.2013։ http://ria.ru/spravka/20130516/937753953.html։ Վերցված է 31.08.2015։ 
  4. BBC Media Centre (28.03.2009)։ «Բեքհեմը հասնում է նոր բարձունքների» (անգլերեն)։ bbc.com։ http://news.bbc.co.uk/sport2/hi/football/7970172.stm։ Վերցված է 31.08.2015։ 
  5. Thomson Reuters (04.05.2004)։ «Բեքհեմն աշխարհի ամենաշատ վարձատրվող ֆուտբոլիստն է» (անգլերեն)։ Rediff.com։ http://in.rediff.com/sports/2004/may/04beck.htm։ Վերցված է 31.08.2015։ 
  6. Рейтер Лимитед (21.04.2011)։ «Բեքհեմը դարձել է աշխարհի ամենահարուստ ֆուտբոլիստը, առաջ անցնելով Ռոնոլդուից և Մեսսից» (ռուսերեն)։ Forbes հանդես։ http://www.interfax.ru/news/186820։ Վերցված է 31.08.2015։ 
  7. 7,0 7,1 Manchester United Limited։ «Arguably world football’s biggest name, David Beckham is a global phenomenon but a part of him will be forever Red.» (անգլերեն)։ manutd.com։ http://www.manutd.com/en/Players-And-Staff/Legends/David-Beckham.aspx։ Վերցված է 3 սեպտեմբերի 2015։ 
  8. BBC Media Centre (18 հունիսի 2003)։ «Բեքհեմը միանում է Ռեալ Մադրիդին» (անգլերեն)։ bbc.com։ http://news.bbc.co.uk/sport2/hi/front_page/2998868.stm։ Վերցված է 2 սեպտեմբերի 2015։ «Beckham joins Real Madrid» 
  9. BBC Media Centre (17 հունիսի 2006)։ «Beckham bows out with Liga title» (անգլերեն)։ bbc.com։ http://news.bbc.co.uk/sport2/hi/football/europe/6759697.stm։ Վերցված է 2 սեպտեմբերի 2015։ 
  10. Guardian News and Media Limited or its affiliated companies (11 հունվար 2007)։ «Բեքհեմը հաստատում է իր Լոս-Անջելես Գալաքսի» ակումբ տեղափոխվելը» (անգլերեն)։ The Guardian։ http://www.theguardian.com/football/2007/jan/11/newsstory.europeanfootball։ Վերցված է 2 սեպտեմբերի 2015։ «Beckham confirms LA Galaxy move» 
  11. BBC Media Centre (10 նոյեմբեր 2000)։ «Beckham’s England dream realized» (անգլերեն)։ bbc.com։ http://news.bbc.co.uk/sport2/hi/football/1016201.stm։ Վերցված է 3 սեպտեմբեր 2015։ 
  12. 12,0 12,1 BBC Media Centre (26 մարտ 2008)։ «Beckham achieves century landmark» (անգլերեն)։ bbc.com։ http://news.bbc.co.uk/sport2/hi/football/internationals/7315475.stm։ Վերցված է 3 սեպտեմբեր 2015։ 
  13. Google (2005)։ «2004 Year-End Google Zeitgeist» (անգլերեն)։ Google։ http://www.google.com/press/zeitgeist2004.html։ Վերցված է 3 սեպտեմբեր 2015։ 
  14. Chris, Isidore (6 հուլիս 2007)։ «Brand it like Beckham» (անգլերեն)։ Cable News Network. A Time Warner Company։ http://money.cnn.com/2007/07/05/commentary/sportsbiz/?postversion=2007070605։ Վերցված է 3 սեպտեմբեր 2015։ 
  15. Paul, Maidment (7 հուլիս 2015)։ «Becks and Bucks» (անգլերեն)։ forbes.com։ http://www.forbes.com/forbeslife/sports/2007/07/07/beckham-soccer-marketing-face-markets-cx_pm_0707autofacescan01.html։ Վերցված է 3 սեպտեմբեր 2015։ 
  16. BBC Media Centre (6 հուլիս 1999)։ «Sun pips OK! to Posh wedding photos» (անգլերեն)։ bbc.com։ http://news.bbc.co.uk/2/hi/special_report/1999/07/99/the_posh_wedding/387126.stm։ Վերցված է 3 սեպտեմբեր 2015։ 
  17. BBC Media Centre (9 հունվար 2011)։ «David and Victoria Beckham expecting fourth child» (անգլերեն)։ bbc.com։ http://www.bbc.com/news/uk-12146134։ Վերցված է 3 սեպտեմբեր 2015։ 
  18. Sara, Nathan (12 մարտ 2011)։ «'We're still in shock': Victoria Beckham IS expecting a little Spice Girl, David confirms» (անգլերեն)։ dailymail.co.uk։ http://www.dailymail.co.uk/tvshowbiz/article-1365482/Victoria-Beckham-baby-girl-David-confirms-wife-IS-expecting-little-Spice-Girl.html։ Վերցված է 3 սեպտեմբեր 2015։ 
  19. Culpepper, Chuck (9 հուլիս 2007). «BECKHAM – Working-class boy to Man U». Los Angeles Times. http://articles.latimes.com/2007/jul/09/sports/sp-beckham9։ Վերցված է 3 սեպտեմբեր 2015. 
  20. NICOLE, LAMPERT (12 հոկտեմբեր 2004)։ «Blame yourself Posh, Beckham's mum yells» (անգլերեն)։ mailonsunday.co.uk։ http://www.mailonsunday.co.uk/tvshowbiz/article-321412/Blame-Posh-Beckhams-mum-yells.html։ Վերցված է 3 սեպտեմբեր 2015։ 
  21. Jessica, Elgot, (10 դեկտեմբեր 2009)։ «Jewish funeral for Beckham's grandfather» (անգլերեն)։ TheJC.com։ http://www.thejc.com/news/uk-news/24798/jewish-funeral-beckhams-grandfather։ Վերցված է 3 սեպտեմբեր 2015։ 
  22. The Guardian (14 հուլիս 2007)։ «Beckham launches into the Galaxy» (անգլերեն)։ theguardian.com։ http://www.theguardian.com/football/2007/jul/14/newsstory.losangelesgalaxy։ Վերցված է 3 սեպտեմբեր 2015։ 
  23. David Beckham, Tom Watt // Both feet on the Ground // : HarperCollins, 2003 — 464 էջ. — ISBN 0060570938.
  24. Артем, Лукин (դեկտեմբերի 3, 2009)։ «Բեքհեմը մնացել է առանց իր հրեա պապիկի» (ռուսերեն)։ Jewish.ru։ http://www.jewish.ru/style/sport/2009/12/news994280461.php։ Վերցված է սեպտեմբերի 3, 2015։ «Бекхэм остался без еврейского дедушки» 
  25. 25,0 25,1 BBC Media Centre (13 հունիս 2003)։ «Beckham's pride at OBE» (անգլերեն)։ bbc.com։ http://news.bbc.co.uk/sport2/hi/football/2988104.stm։ Վերցված է 3 սեպտեմբեր 2015։ 
  26. «"Fixture List for 1997/98 Season"» (անգլերեն)։ geocities.com։ 31 հուլիսի 2009։ http://web.archive.org/web/20090731113715/http://geocities.com/Colosseum/Track/5880/fix1998.html։ Վերցված է 3 սեպտեմբերի 2015։ 
  27. BBC Media Centre (19 փետրվար 2003)։ «"Man Utd play down Arsenal rift"» (անգլերեն)։ bbc.com։ http://news.bbc.co.uk/sport2/hi/football/teams/m/man_utd/2778985.stm։ Վերցված է 3 սեպտեմբեր 2015։ 
  28. C4 & JDT Sports Productions (21 դեկտեմբեր 2008)։ «Matrix: Milan are favourites» (անգլերեն)։ www.channel4.com։ http://web.archive.org/web/20071224070722/http://www.channel4.com/sport/football_italia//dec21o.html։ Վերցված է 3 սեպտեմբեր 2015։ 
  29. Dawson, Alan (ապրիլի 8, 2009)։ «Silvestre Reminisces About Ferguson's Infamous Boot-Throwing At Beckham Incident» (անգլերեն)։ Goal.com։ http://www.goal.com/en/news/9/england/2009/04/28/1234261/silvestre-reminisces-about-fergusons-infamous-boot-throwing-at-be։ Վերցված է սեպտեմբերի 3, 2015։ 
  30. Daily Mail and General Trust Plc (ապրիլի 28, 2009)։ «Revealed: What happened when Beckham was hit by a boot in the face» (անգլերեն)։ http://metro.co.uk/։ http://metro.co.uk/2009/04/28/revealed-what-happened-when-beckham-was-hit-by-a-boot-in-the-face-63349/։ Վերցված է սեպտեմբերի 3, 2015։ 
  31. Sport.co.uk (ապրիլի 28, 2009)։ «Silvestre relives Ferguson throwing boot at Beckham» (անգլերեն)։ sport.co.uk։ http://www.sport.co.uk/news/Football/18653/Silvestre_relives_Ferguson_throwing_boot_at_Beckham.aspx։ Վերցված է սեպտեմբերի 3, 2015։ 
  32. Bodinger, Katie (հուլիսի 29, 2008)։ «Error: no |title= specified when using {{Cite web}}» (անգլերեն)։ www.walesonline.co.uk։ http://www.walesonline.co.uk/news/wales-news/ryan-giggs-more-scared-mum-2166921։ Վերցված է սեպտեմբերի 3, 2015։ 
  33. Bolton, Sally (14 հուլիս 2007)։ «The number 23» (անգլերեն)։ theguardian.com։ http://www.theguardian.com/news/2003/jul/03/netnotes.sallybolton։ Վերցված է 3 սեպտեմբեր 2015։ 
  34. Grant Wahl // The Beckham Experiment // Նյու Յորք: Three Rivers Press, հուլիսի 14, 2009 — էջ 77 — 304 էջ. — ISBN 030740787.
  35. Historical Soccer Database։ «Real Madrid 2003-04»։ Bdfutbol.com։ http://www.bdfutbol.com/en/t/t2003-042.html։ Վերցված է սեպտեմբերի 3, 2015։ 
  36. РосБизнесКонсалтинг (հոկտեմբերի 12, 2004)։ «Բեքհեմը դիտավորյալ ստացավ դեղին քարտ» (ռուսերեն)։ /sport.rbc.ru։ http://sport.rbc.ru/news/1361/։ Վերցված է սեպտեմբերի 3, 2015։ «Футбол. Бекхэм специально получил желтую карточку» 
  37. Газета.Ru (հոկտեմբերի 13, 2004)։ «Բեքհեմը ներողություն է խնդրում հավաքականում իր թիմակիցներից և մարզչից» (ռուսերեն)։ Euro-football.ru։ http://www.euro-football.ru/article/31/13902_bekhem_izvinilsya_pered_tovarischami_po_sbornoy_i_erikssonom։ Վերցված է սեպտեմբերի 3, 2015։ «Бекхэм извинился перед товарищами по сборной и Эрикссоном» 
  38. Галин, Иван (11 հունվար 2007)։ «Բեքհեմը կլքի Մադրիդը» (ռուսերեն)։ ФГБУ "Редакция "Российской газеты"։ http://www.rg.ru/2007/01/11/bekhem.html։ Վերցված է 4 սեպտեմբեր 2015։ 
  39. BBC Media Centre (13 հունվար 2007)։ «Real coach calls time on Beckham» (անգլերեն)։ bbc.com։ http://news.bbc.co.uk/sport2/hi/football/6259063.stm։ Վերցված է 4 սեպտեմբեր 2015։ 
  40. «Гид по Фабио Капелло» (ռուսերեն)։ Sports.ru։ հուլիսի 26, 2012։ http://www.sports.ru/tribuna/blogs/pincipdomino/348069.html?comments=1։ Վերցված է սեպտեմբերի 4, 2015։ 
  41. Big Internet Group LLC (հունիսի 16, 2007)։ «"Beckham is going to Hollywood to be a part-time actor" says Real Madrid President Calderon» (անգլերեն)։ bigsoccer.com։ http://forums.bigsoccer.com/threads/beckham-is-going-to-hollywood-to-be-a-part-time-actor-says-real-madrid-president-calderon.464313/։ Վերցված է սեպտեմբերի 4, 2015։ 
  42. «Calderon says sorry to Becks» (անգլերեն)։ http://metro.co.uk/։+հունվարի 16, 2007։ http://metro.co.uk/2007/01/16/calderon-says-sorry-to-becks-561837/։ Վերցված է սեպտեմբերի 4, 2015։ 
  43. «Ռեալի» առաջատարները պահանջում են վերադարձնել Բեքհեմին» (ռուսերեն)։ lenta.ru։ փետրվարի 7, 2007։ http://lenta.ru/news/2007/02/07/real/։ Վերցված է սեպտեմբերի 4, 2015։ «Лидеры "Реала" потребовали вернуть Бекхэма» 
  44. BBC Media Centre (10 փետրվար 2007)։ «Beckham scores on Madrid return» (անգլերեն)։ bbc.com։ http://news.bbc.co.uk/sport2/hi/football/europe/6346573.stm։ Վերցված է 4 սեպտեմբեր 2015։ 
  45. MILLWARD, ROBERT (հունիսի 10, 2007)։ «Agent: Beckham Sticking to Galaxy Deal» (անգլերեն)։ The Washington Post։ http://www.washingtonpost.com/wp-dyn/content/article/2007/06/10/AR2007061000751.html։ Վերցված է սեպտեմբերի 4, 2015։ 
  46. Grant Wahl // The Beckham Experiment // Նյու Յորք: Three Rivers Press, հուլիսի 14, 2009 — էջ 36 — 304 էջ. — ISBN 030740787.
  47. Grant Wahl // The Beckham Experiment // Նյու Յորք: Three Rivers Press, հուլիսի 14, 2009 — էջ 42 — 304 էջ. — ISBN 030740787.
  48. Зарплата Бекхэма в США оказалась в десять раз меньше предполагаемой
  49. Grant Wahl // The Beckham Experiment // Նյու Յորք: Three Rivers Press, հուլիսի 14, 2009 — էջ 77 — 43 էջ. — ISBN 030740787.
  50. Grant Wahl // The Beckham Experiment // Նյու Յորք: Three Rivers Press, հուլիսի 14, 2009 — էջ 66 — 304 էջ. — ISBN 030740787.
  51. 51,0 51,1 Grant Wahl // The Beckham Experiment // Նյու Յորք: Three Rivers Press, հուլիսի 14, 2009 — էջ 16 — 304 էջ. — ISBN 030740787.
  52. Dure, Beau (12 օգոստոս 2007). "Beckham makes MLS debut but Galaxy stumbles in D.C.". USA Today. վերցված է 15 օգոստոս 2007.
  53. Grant Wahl // The Beckham Experiment // Նյու Յորք: Three Rivers Press, հուլիսի 14, 2009 — էջ 85-87 — 304 էջ. — ISBN 030740787.
  54. Beckham makes MLS debut but Galaxy stumbles in D.C.
  55. Beckham takes captain’s armband to great effect
  56. David Beckham's First Match in Major League Soccer Live on ESPN Saturday, 21 July". Archived from the original on 2008-12-24. վերցված է 14 July 2007.
  57. Բեքհեմը մարզվում է Արսենալի հետ
  58. Beckham shows scoring touch against Wizards
  59. Beckham to join Milan in January
  60. How Beckham conquered Milan
  61. Becks «can play until he is 38,» says doc
  62. Galaxy reject AC Milan’s opening gambit for Becks
  63. «Beckham agrees to return to Galaxy in mid-July». Los Angeles Times. 2 մարտ 2009
  64. [«David Beckham 'dream' deal». The Times (London). 9 մարտ 2009]
  65. Beckham booed by furious fans
  66. http://news.sportbox.ru/Vidy_sporta/Futbol/Drugie/Futbol-Donovan-ne-hochet-igrati-v-odnoy-komande-s-Bekhemom
  67. Դևիդ Բեքհեմ. «Դոնովանն իրեն ոչ պրոֆեսիոնալ է պահել»
  68. «Լոս Անջելես Գելեքսի»-ի երկրպագուները ատեցին Դևիդ Բեքհեմին
  69. "Two Blackouts and Two Goals Send Galaxy to M.L.S. Final". The New York Times. 14 նոյեմբեր 2009. վերցված է 17 նոյեմբեր 2009.
  70. "Salt Lake beat L.A. Galaxy to MLS title". ESPN. 23 նոյեմբեր 2009. վերցված է 23 նոյեմբեր 2009.
  71. "David Beckham's loan move to Milan from LA Galaxy is confirmed". The Guardian (London). 2 նոյեմբեր 2009. վերցված է 1 մայիս 2010.
  72. "David Beckham makes winning return for AC Milan". BBC Sport. 6 January 2010. վերցված է 6 January 2010.
  73. Lyon, Sam (16 փետրվար 2010). "AC Milan 2–3 Man Utd". BBC Sport. վերցված է 14 մարտ 2010.
  74. Beckham shows true colours
  75. "Beckham, stagione finita È sicuro: salta il Mondiale – Risultati e ultime notizie calcio e calciomercato". La Gazzetta dello Sport. 13 հոկտեմբեր 2010. վերցված է 10 հունիս 2012.
  76. "Beckham goal sends Galaxy top of Western Conference". ESPN Soccernet. 4 հոկտեմբեր 2010. վերցված է 4 հոկտեմբեր 2010.
  77. "David Beckham helps LA Galaxy win Supporters' Shield". BBC Sport. 25 հոկտեմբեր 2010. վերցված է 25 հոկտեմբեր 2010.
  78. Բեքհեմը մարզվում է Տոտենհեմում
  79. Բեքհեմը կարող է տեղափախվել Տոտենհեմ
  80. "Donovan, possession spark big win". ESPN Los Angeles. 15 մայիս 2011. վերցված է 15 մայիս 2011.
  81. "Beckham scores from corner to give Galaxy victory". USA Today. 10 July 2011. վերցված է 2 հոկտեմբեր 2011.
  82. Команда Бекхэма обыграла «Реал» и вышла в финал MLS
  83. Хьюстон, Хьюстон! Галактика атакует!
  84. ПСЖ начал переговоры по покупке футболиста Дэвида Бекхэма
  85. «Тихуана» предлагает Бекхэму миллион долларов в месяц и частный самолет
  86. Бекхэм может вернуться в «Милан»?
  87. «Лестер Сити» приглашает Бекхэма на должность играющего тренера
  88. Интерес европейских клубов удивил Бекхэма
  89. Леонардо: Бекхэм играет, как дитя
  90. Бекхэм выбрал семью
  91. Леонардо: Бекхэм не перешел в ПСЖ по семейным причинам»
  92. Дэвид Бекхэм решил остаться в Америке
  93. LA Galaxy Communications (18 January 2012). "David Beckham re-signs with LA Galaxy, LA Galaxy official website". Lagalaxy.com. վերցված է 10 հունիս 2012.
  94. "CBBC Newsround – Beckham stays with LA Galaxy and signs two-year deal". BBC. 19 January 2012. վերցված է 10 հունիս 2012.
  95. Дэвид Бекхэм решил остаться в Америке
  96. "Beckham Signs New 2-Year-Deal With LA Galaxy". ABC News. վերցված է 10 հունիս 2012.
  97. Kay, Simon (18 January 2012). "David Beckham signs new two-year LA Galaxy deal". Metro. վերցված է 10 հունիս 2012.
  98. Бекхэм остался в «Гэлакси»
  99. Бекхэм не попал в британскую сборную на Играх-2012
  100. Бекхэма забросали лентами и пивной банкой
  101. Красивый гол Бекхэма - football.ua
  102. MLSsoccer.ru MLS: Бекхэм спасает свой клуб от поражения
  103. Бекхэм дисквалифицирован за мастерство
  104. Бекхэм дисквалифицирован за удар по лежащему игроку
  105. Д. Бекхэм оформил дубль в матче чемпионата MLS
  106. Дэвид Бекхэм забил гол прямым ударом с углового
  107. MLS Cup to be David Beckham's final match with Galaxy, MLSsoccer.com (19 ноября 2012).
  108. Бекхэм может продолжить карьеру в Австралии. Sports.ru.
  109. На Бекхэма претендуют четыре австралийских клуба. Sports.ru.
  110. Представители Бекхэма опровергли информацию о переходе в австралийский клуб.
  111. http://www.sports.ru/football/144842198.html
  112. Карло Анчелотти: «Ничего не знаю о переходе Бекхэма»
  113. Kick Off: PSG out, but who's still shopping for Beckham?
  114. State of MLS: Garber addresses Beckham ownership potential
  115. David Beckham exercises MLS expansion option on future Miami franchise
  116. 2 David Beckham's Miami partner Marcelo Claure says team hopes to begin play in 2017
  117. Дэвид Бекхэм завершает карьеру
  118. Бекхэм объявил о завершении карьеры по окончании нынешнего сезона
  119. Бекхэм объявил о завершении карьеры
  120. David Beckham sagt Good Bye
  121. «ՊՍԺ»-ն հայտարարեց Բեքհեմի տեղափոխության մասին (ռուսերեն)
  122. Դևիդ Բեքհեմը պայմանագիր կնքեց ՊՍԺ-ի հետ
  123. Դևիդ Բեքհեմը տեղափոխվեց ֆրանսիական "Պարի Սեն Ժերմեն"
  124. David Beckham joins Paris St-Germain and will play for free
  125. Дэвид Бекхэм: «Вся моя зарплата пойдет на благотворительность»
  126. Зарплата Бекхэма в "Пари Сен-Жермен" пойдёт на благотворительность
  127. Видео. "ПСЖ" - "Марсель"
  128. "ПСЖ" выиграл у "Лиона" и стал чемпионом Франции впервые с 1994 года
  129. «ПСЖ» обыграл «Лион» и стал чемпионом Франции
  130. «ПСЖ» впервые за 19 лет стал чемпионом Франции
  131. "ПСЖ" - первые среди жаждущих
  132. Бекхэм стал первым англичанином, выигравшим чемпионаты четырех стран
  133. Дэвид Бекхэм объявил об уходе из футбола
  134. Бекхэм объявил о завершении карьеры
  135. Дэвид Бекхэм объявил о завершении карьеры
  136. Бекхэм сообщил о завершении спортивной карьеры
  137. Бекхэм собрался повесить бутсы на гвоздь
  138. Настоящий мужик. Дэвид Бекхэм завершает карьеру
  139. Moldova 0 – England 3". englandstats.com. վերցված է 16 հունիս 2007.
  140. "England in World Cup 1998 Squad Records". englandfootballonline.com. վերցված է 10 հունիս 2007.
  141. "CNN/SI – World Cup France '98 – The Netherlands pay back controversial loss to Argentina – Saturday July 04, 1998 03:33 PM". Sports Illustrated. 4 July 1998. վերցված է 9 հունիս 2012.
  142. Argentina 2–2 England. Englandfc.com. 30 հունիս 1998. վերցված է 10 հունիս 2012.
  143. "Simeone admits trying to get Beckham sent off". Rediff Sports. 19 մայիս 2002. վերցված է 26 հոկտեմբեր 2005.
  144. A reference to Brooklyn "Leader – Play games behind closed doors". New Statesman. 26 հունիս 2000. Archived from the original on 2011-11-27. վերցված է 4 հոկտեմբեր 2005.
  145. 145,0 145,1 "England 1–0 Ecuador". BBC Sport. 25 հունիս 2006. վերցված է 10 հունիս 2012.
  146. Բեքհեմը հայտարարեց, որ կարիերիայի ավարտից հետո իրեն չի տեսնում մարզչի դերում| РИА Новости
  147. Новый конфликт в сборной Англии: Бекхэм не нужен Капелло?
  148. Главный тренер сборной Англии лишил Бекхэма Евро-2012
  149. Бекхэм отказался возглавить олимпийскую сборную Великобритании
  150. Пирс не гарантирует Бекхэму места в олимпийской сборной
  151. Бекхэм хочет быть капитаном сборной Англии на Олимпиаде в Лондоне. NEWSru (21 января 2012)
  152. Бэкхем может сыграть за сборную Великобритании на Олимпиаде в Лондоне
  153. Дэвид Бекхэм не попал в состав сборной Великобритании на Олимпиаду
  154. Наставник сборной Англии Пирс не возьмет Бекхэма на Олимпиаду
  155. «Սուպե՜ր, Մարիո՛: Կկրկնե՞ս ընդդեմ Իսպանիայի»: Անգլիական մամուլի անդրադարձ
  156. Ֆուտբոլը Օլիմպիադայում
  157. Неймар разочарован тем, что Бекхэм не сыграет на Олимпиаде
  158. Жозе Моуринью: «Не понимаю, как Бекхэма можно было не включить в состав сборной Великобритании»
  159. Stabbed in the Beck by a Psycho
  160. Олимпийское беспокойство
  161. Дэвид Бекхэм: «Я разочарован, что Олимпиада пройдёт без меня»
  162. Дэвид Бекхэм примет участие в ритуале передачи олимпийского флага Лондону
  163. Олимпиада-2012. Открытие
  164. 164,0 164,1 164,2 164,3 164,4 164,5 164,6 164,7 «David Beckham: his club and international career in stats». The Guardian. 1 July 2015. http://www.theguardian.com/football/2013/may/16/david-beckham-retires-stats-numbers. 
  165. «Gerrard named player of the year». BBC Sport (British Broadcasting Corporation). 23 April 2006. http://news.bbc.co.uk/sport1/hi/football/4935884.stm։ Վերցված է 2 օգոստոս 2015. 
  166. «Sir Matt Busby Player of the Year Award»։ MUFCInfo.com։ http://www.mufcinfo.com/manupag/player_of_the_year/player_of_the_year.html։ Վերցված է 2 օգոստոս 2015։ 
  167. «Carling Premiership Player of the Month 1996/97»։ premierleague.com։ Պրեմիեր Լիգա։ Արխիվացված օրիգինալից 11 Դեկտեմբեր 2006-ին։ http://web.archive.org/web/20061211025934/www.premierleague.com/fapl.rac?command=setSelectedId&nextPage=enNewsLatest&id=466965&type=com.fapl.website.news.NewsItem&categoryCode=NewsSpecialFeatures&breadcrumb=sfsub_breadcrumb։ Վերցված է 3 հոկտեմբեր 2009։ 
  168. Hugman, Barry J., ed։ (1997). The 1997–98 Official PFA Footballers Factfile. Queen Anne Press. p. 317. ISBN 1-85291-581-1. 
  169. Hugman, Barry J., ed։ (1998). The 1998–99 Official PFA Footballers Factfile. Queen Anne Press. p. 352. ISBN 1-85291-588-9. 
  170. Hugman, Barry J., ed։ (1999). The 1999–2000 Official PFA Footballers Factfile. AFS. p. 352. ISBN 1-85291-607-9. 
  171. Hugman, Barry J., ed։ (2000). The 2000–2001 Official PFA Footballers Factfile. AFS. p. 384. ISBN 1-85291-626-5. 
  172. 172,0 172,1 172,2 172,3 «David Beckham»։ Union of European Football Associations։ 5 մարտ 2013։ http://www.uefa.com/teamsandplayers/players/player=14670/profile/index.html։ Վերցված է 2 օգոստոս 2015։ 
  173. Pierrend, José Luis։ «FIFA Awards»։ Rec.Sports.Soccer Statistics Foundation։ http://www.rsssf.com/miscellaneous/fifa-awards.html։ Վերցված է 2 օգոստոս 2015։ 
  174. Pierrend, José Luis։ «European Footballer of the Year ("Ballon d'Or") 1999»։ Rec.Sports.Soccer Statistics Foundation։ http://www.rsssf.com/miscellaneous/europa-poy99.html։ Վերցված է 2 օգոստոս 2015։ 
  175. «David Beckham receives Lifetime Achievement award». BBC Sport (British Broadcasting Corporation). 18 Դեկտեմբեր 2010. http://news.bbc.co.uk/sport1/hi/tv_and_radio/sports_personality_of_the_year/9283138.stm։ Վերցված է 2 օգոստոս 2015. 
  176. «FIFA's top 100 list»։ Rediff.com։ http://www.rediff.com/sports/2004/mar/05fifa.htm։ Վերցված է 13 նոյեմբեր 2008։ 
  177. 177,0 177,1 ESPYS 2008. Espn.go.com.
  178. «David Beckham»։ National Football Museum։ http://www.nationalfootballmuseum.com/hall-of-fame/profiles/entry/david-beckham/։ Վերցված է 2 օգոստոս 2015։ 
  179. Дэвид Бекхэм получил награду за достижения в области спорта
  180. «LA's Beckham named Comeback Player of the Year». MLS. 14 նոյեմբեր 2011. http://www.mlssoccer.com/news/article/2011/11/14/las-beckham-named-comeback-player-year. 
  181. «All Time Player Records»։ Premiersoccerstats.com։ 13 օգոստոս 2010։ http://www.premiersoccerstats.com/Records.cfm?DOrderby=Ass&DYearby=All%20Seasons։ Վերցված է 21 January 2012։ 
  182. "David Beckham". Stretfordend.co.uk. վերցված է 10 հունիս 2012.
  183. "David Beckham". MLSsoccer.com. վերցված է 10 հունիս 2012.
  184. "David Beckham". National Football Teams. վերցված է 10 հունիս 2012.
  185. "David Robert Joseph Beckham – Century of International Appearances". Rec.Sport.Soccer Statistics Foundation. 29 հոկտեմբեր 2009. վերցված է 10 հունիս 2012.
  186. "David Beckham Bio, Stats, News – Football/Soccer – – ESPN Soccernet". ESPN Soccernet. վերցված է 10 հունիս 2012.
  187. Ինչու ես Ռեալում ընտրեցի 23 համարը
  188. Дэвид Бекхэм стал диснеевским принцем
  189. Дэвид Бэкхем снова разделся // KP.RU
  190. Коллекция Дэвида Бекхэма для H&M. Мода - Новости моды | Женский журнал Cosmopolitan
  191. Технологии — Онлайн игры на GameStyle.ru
  192. State of MLS: Garber addresses Beckham ownership potential. AOL Sporting News (26 ноября 2012).
  193. David Beckham exercises MLS expansion option on future Miami franchise
  194. David Beckham's Miami partner Marcelo Claure says team hopes to begin play in 2017
  195. «Леброн Джеймс может стать партнером Бекхэма в создании футбольного клуба» (ru)։ 19.11.2013։ http://www.gazeta.ru/sport/news/2013/11/19/n_3334173.shtml։ 
  196. «California Branch of David Beckham Academy Closes». Goal. 28 նոյեմբեր 2010. http://www.goal.com/en-us/news/66/united-states/2010/02/08/1781126/california-branch-of-david-beckham-academy-closes։ Վերցված է 28 նոյեմբեր 2010. 
  197. "California Branch of David Beckham Academy Closes". Goal. 28 նոյեմբեր 2010. վերցված է 28 նոյեմբեր 2010.
  198. "Sun pips OK! to Posh wedding photos". BBC News. 6 July 1999. վերցված է 25 մայիս 2006.
  199. "Wedded spice". BBC News. 5 July 1999. վերցված է 2 Դեկտեմբեր 2005.
  200. Byrne, Alla and Perry, Simon "Victoria and David Beckham Welcome a Daughter". People. 10 July 2011. վերցված է 10 July 2011.
  201. "David Beckham's official Facebook page". Facebook.com. վերցված է 2013-10-03.
  202. "Victoria and David Beckham Marriage Profile". Marriage.about.com. վերցված է 13 նոյեմբեր 2008.
  203. "The Tatler List". Tatler.
  204. Farndon, Lucy; Smith, Graham. "David Beckham and Brad Pitt among celebrities caught up in Dubai developer's debt crisis". Daily Mail (London). վերցված է 10 մարտ 2012.
  205. Frith, Maxine (3 April 2006). "Beckham reveals his battle with obsessive disorder". The Independent (London). վերցված է 28 օգոստոս 2012.
  206. "Beckham story is tabloids' dream". BBC News. 9 April 2004. վերցված է 4 մայիս 2009.
  207. News, Pa (7 April 2004). "Beckham flies back to Madrid from holiday". The Times (London). վերցված է 4 մայիս 2009.
  208. "Beckham to stay in Spain". BBC Sport. 20 մայիս 2004. վերցված է 7 հոկտեմբեր 2005.
  209. "American Idols". W magazine. 1 օգոստոս 2007. վերցված է 20 փետրվար 2009.
  210. "Elton John AIDS Foundation patrons". Ejaf.com. վերցված է 3 Դեկտեմբեր 2012.
  211. Radley, Scott (26 January 2007). "To Rebecca, with love". Toronto Star. վերցված է 2 փետրվար 2007.
  212. "David Beckham: Fight Malaria by Donating a $10 Bed Net". YouTube. 25 April 2007. վերցված է 4 մայիս 2009.
  213. "Video: Juan Pablo Angel, David Beckham to Assist MLS W.O.R.K.S.". paddocktalk.com. 18 օգոստոս 2007. վերցված է 21 օգոստոս 2007.
  214. ^ Bend It Like Beckham at the Internet Movie Database
  215. "Andy Harmer ~ BeckhamLookalike.com". BeckhamLookalike.com. Archived from the original on 2007-05-01.
  216. Goal! 2: Living the Dream... at the Internet Movie Database
  217. "David Beckham". Internet Movie Database. վերցված է 13 նոյեմբեր 2008.
  218. "Beckham stands down". 2 July 2006. Archived from the original on 2009-02-28. վերցված է 14 July 2007.
  219. "England 1–0 Ecuador". BBC Sport. 25 հունիս 2006. վերցված է 10 հունիս 2012.
  220. "England wins 2-0 to gain 2nd-round match with Argentina". Sports Illustrated. վերցված է 25 մայիս 2014
  221. Rigby, Sam (13 մայիս 2013)։ «I don't regret any of my 32 tattoos»։ Digital Spy։ http://www.digitalspy.co.uk/showbiz/news/a480787/david-beckham-i-dont-regret-any-of-my-32-tattoos.html։ Վերցված է 3 փետրվար 2015։ 
  222. "Beckham's tattoo misspelt". BBC News. 28 նոյեմբեր 2000. վերցված է 27 հոկտեմբեր 2013.
  223. Todd, Ben (12 հունվար 2010)։ «Cross and Becks: David gets a Jesus tattoo to add to his multi-faith collection» (անգլերեն)։ Associated Newspapers Ltd։ http://www.dailymail.co.uk/tvshowbiz/article-1242247/Cross-Becks-David-gets-Jesus-tattoo.html։ Վերցված է 3 սեպտեմբեր 2015։ 
  224. [Beckham, David (2010). "David Beckham: My Side". HarperCollins]
  225. «7 цитат. Джордж Бест» (ռուսերեն)։ Sports.ru։ հունվարի 12, 2011։ http://www.sports.ru/tribuna/blogs/semerka/145475.html։ Վերցված է սեպտեմբերի 3, 2015։ «Он не умеет бить левой, не умеет играть головой, не умеет отбирать мяч и забивает очень мало. А в остальном он отличный парень» 
  226. Спорт-Экспресс (հուլիսի 15, 2010)։ «Дэвид Бекхэм: «Мечтаю завершить карьеру голом в финале мундиаля»» (ռուսերեն)։ sport-express.ru։ http://www.sport-express.ru/football/abroad/news/364599/։ Վերցված է սեպտեմբերի 3, 2015։ 
  227. Victoria and David Beckham Marriage Profile.
  228. РИА «Новости (ապրիլի 23, 2011)։ «Обнародован список приглашенных на свадьбу принца Уильяма гостей» (ռուսերեն)։ Сетевое издание KM.RU։ http://www.km.ru/news/obnarodovan-spisok-priglashennykh-na-svadbu-printsa-uilyama-gostei։ Վերցված է սեպտեմբերի 3, 2015։ 
  229. «Чемпионат.com» (25 մայիս 2011)։ ««Ювентус» обыграл «МЮ» в прощальном матче Гари Невилла» (ռուսերեն)։ championat.com։ http://www.championat.com/football/news-820770.html։ Վերցված է 3 սեպտմբեր 2015։ 
  230. Тяпков, Михаил (հուլիսի 7, 2012)։ «Красный свет для Бекхэма» (ռուսերեն)։ championat.com։ http://www.championat.com/football/article-129043-krasnyj-svet-dlja-bekkhjema.html։ Վերցված է սեպտեմբերի 3, 2015։ 
  231. Vertelney, Seth (մայիսի 15, 2012)։ «President Obama teases David Beckham during the LA Galaxy's visit to the White House» (անգլերեն)։ GOAL.COM։ http://www.goal.com/en-us/news/1110/major-league-soccer/2012/05/15/3105631/president-obama-teases-david-beckham-during-the-la-galaxys-visit-։ Վերցված է սեպտեմբերի 3, 2015։ 
  232. AO «Телекомпания НТВ (մայիսի 19, 2012)։ «Дэвид Бэкхем усмирил стихию с Олимпийским огнем в руках» (ռուսերեն)։ ntv.ru։ http://www.ntv.ru/novosti/298467/։ Վերցված է սեպտեմբերի 3, 2015։ 
  233. News Group Newspapers Limited in England No. 679215 (մայիսի 3, 2013)։ «Իբրահիմովիչ. Բեքհեմը Բիբեր է լսում»։ NEWS.am։ http://sport.news.am/arm/news/23039/ibrahimovich-beqhemy-biber-e-lsum.html։ Վերցված է սեպտեմբերի 3, 2015։ 

Արտաքին հղումներ[խմբագրել]

Wikiquote-logo-hy.svg
Վիքիքաղվածքն ունի քաղվածքների հավաքածու, որոնք վերաբերում են
Սպորտային ձեռքբերումներ
Նախորդող:
Տոնի Ադամս
Անգլիայի ավագ
2000–2006
Հաջորդող:
Ջոն Թերի
Նախորդող:
Լենդոն Դոնովան
Լոս Անջելես Գալաքսիի ավագ
2007–2008
Հաջորդող:
Լենդոն Դոնովան