Ջորջ Վեա

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Ջորջ Վեա
անգլ.՝ George Weah
George Weah - Milan AC 1996-97.jpg
Անձնական տվյալներ
Ամբողջական անուն George Manneh Oppong Ousman Weah
Քաղաքացիությունը Flag of Liberia.svg Լիբերիա
Ծննդյան ամսաթիվ հոկտեմբերի 1, 1966 (52 տարեկան)
Ծննդավայր Մոնրովիա, Լիբերիա
Հասակ 1,84 մ.
Քաշ 76 կիլոգրամ
Դիրք հարձակվող

Ջորջ Վեա (անգլ. George Weah, ամբողջական անունը՝ Ջորջ Մաննե Օպպոնգ Աւսման Վեա, անգլ. George Manneh Oppong Ousman Weah, ծնվ. 1966 թ. Մոնրովիա, Լիբերիա), լիբերիացի քաղաքական գործիչ և նախկին ֆուտբոլիստ, 2017 թվականի հոկտեմբերին ընտրվել է Լիբերիայի նախագահ: Երկրի ֆուտբոլի ազգային հավաքականի նախկին անդամ։ 1995 թ. ՖԻՖԱ-ի կողմից ճանաչվել է ՝ որպես տարվա լավագույն ֆուտբոլիստ, ստացել է «Ոսկե գնդակ»՝ որպես Եվրոպայի լավագույն ֆուտբոլիստ և տարվա աֆրիկացի լավագույն ֆուտբոլիստի տիտղոսները։

Կենսագրություն[խմբագրել | խմբագրել կոդը]

Վեան ֆուտբոլային կարիերան սկսել է իր հայրենի երկրում՝ խաղալով տեղի երկու ամենախոշոր ակումբներում, որից հետո տեղափոխվում է Կամերուն ՝ Յաունդեի Տոններ ֆուտբոլային ակումբ։ Մեկ տարի անց, երբ դառնում է 22 տարեկան, նրան նկատում են ֆրանսիական Մոնակո ֆուտբոլային ակումբի սելեկցիոներները։

Վեան Ֆրանսիայում[խմբագրել | խմբագրել կոդը]

1988 թ. օգոստոսի 17-ին նա առաջին անգամ հանդես է գալիս Մոնակո ակումբում և պարտություն կրում Օսերից։ Սակայն 1991 թ. Արսեն Վենգերի գլխավորությամբ Մոնակոն դառնում է Ֆրանսիայի գավաթակիր ՝ հաղթելով Մարսելին։ 1992 թ. Վեան իր թիմակիցների հետ հասնում է մինչև Գավաթների գավաթի եզրափակիչ, որտեղ սակայն պարտվում են գերմանական Վերդերին։ Այդ ընթացքում Վեան իրեն դրսևորում է ՝ որպես արագ, հզոր և արդյունավետ ռմբարկու։ Սակայն հիասթափելով Վերդերից կրած պարտությունից՝ Վեան որոշում է միանալ Պարի Սեն-Ժերմենին։ 1992-1993 թթ. Վեան ՊՍԺ-ի կազմում դառնում է մրցաշրջանի լավագույն ռմբարկուն։ Այդ ընթացքում ՊՍԺ-ն հասնում է ՈւԵՖԱ-ի գավաթի կիսաեզրափակիչ, որտեղ պարտվում է Յուվենտուսին։ 1993-1994 թթ. Կրկին դառնում է Ֆրանսիայի չեմպիոն և հասնում Գավաթների գավաթի կիսաեզրափակիչ։ Հաջորդ մրցաշրջանում ՊՍԺԼուիզ Ֆերնանդեսի գլխավորությամբ անցկացնում է իր լավագույն մրցաշրջանը Չեմպիոնների Լիգայում (6 հանդիպում, 6 հաղթանակ)։ Այդ ընթացքում Վեան խփում է բազմաթիվ գնդակներ Մյունխենի Բավարիայի և Մոսկվայի Սպարտակի դարպասներին։ Բարսելոնայի դեմ խաղում Վեան գրավում է դարպասը Կամպ Նոուում։ Սակայն կրկին կիսաեզրափակիչում ՊՍԺ-ն զիջում է դիրքերը, այս անգամ Միլանին։ ՊՍԺ-ի հետ Վեան անցկացնում է 137 հանդիպում՝ խփելով 55 գնդակ։

Վեան Միլանում[խմբագրել | խմբագրել կոդը]

1995 թ. Ջորջը պայմանագիր է ստորագրում Միլանի հետ։ Նույն տարում արժանանում է «Ոսկե գնդակ» մրցանակին։ Նա առաջին ոչ եվրոպացի ֆուտբոլիստն է, և միաժամանակ միակ աֆրիկացին, որ արժանացել է նման պարգևի։ Ավելի քան 4 մրցաշրջանների ընթացքում Վեան Միլանի կազմում դառնում է Իտալիայի կրկնակի չեմպիոն 1996 թ և 1999 թ. ։ 2000 թ. Վեան պայմանագիր է ստորագրում Չելսիի հետ, և չնայած Անգլիայի գավաթի նվաճմանը՝ Վեան չի ցանկանում մնալ թիմում և որոշում է իրեն նվիրել միայն հայրենի երկրի ազգային հավաքականին։ Սակայն հավաքականը չի որակավորվում 2002 թ. աշխարհի առաջնությանը։ Այնուամենայնիվ, կես տարի Մանչեսթեր Սիթի ակումբում խաղալուց հետո, Վեան վերադառնում է Ֆրանսիա ՝ Մարսելի Օլիմպիկ։ Այնուհետև լքում է նաև Օլիմպիկը և միանում Արաբական Միացյալ Էմիրությունների Ալ Ջազիրա թիմին մինչև իր կարիերայի ավարտը։

Քաղաքականություն[խմբագրել | խմբագրել կոդը]

2005 թ. Վեան որոշում է զբաղվել քաղաքականությամբ և իր թեկնածությունն է առաջադրում Լիբերիայի նախագահական ընտրություններում։ Մի քանի տարի քաղաքացիական պատերազմի մեջ գտնվող երկիրը կառավարելու Վեայի փորձերն ապարդյուն են անցնում։ Նա հավաքում է քվեների 40.4 տոկոսը՝ պարտվելով մի շարք բարձր պաշտոններ զբաղեցնող Էլլեն Ջոնսոն-Սերլիֆին։

Ակումբը Մրցաշրջանը Առաջնություն Գավաթ Լիգայի գավաթ Սուպերգավաթ Եվրոգավաթ Ընդհանուր
Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր Խաղեր Գոլեր
Մոնակո 1988–89 23 14 10 1 - - - - 5 2 38 17
1989–90 17 5 - - - - - - 7 3 24 8
1990–91 29 10 6 5 - - - - 5 3 40 18
1991–92 34 18 4 1 - - - - 9 4 47 23
Պարի Սեն-Ժերմեն 1992–93 30 14 6 2 - - - - 9 7 45 23
1993–94 32 11 3 2 - - - - 5 1 40 14
1994–95 34 7 5 2 3 1 - - 11 8 53 18
Միլան 1995–96 26 11 3 1 - - 1 0 6 3 36 15
1996–97 28 13 2 0 - - - - 5 3 35 16
1997–98 24 10 8 3 - - - - - - 32 13
1998–99 26 8 4 1 - - - - - - 30 9
1999–00 10 4 2 0 - - 1 0 1 1 14 5
Չելսիի 1999-00 11 3 4 2 - - - - - - 15 5
Մանչեսթեր Սիթի 2000–01 7 1 - - 2 3 - - - - 9 4
Օլիմպիկ 2000–01 19 5 1 0 - - - - - - 20 5
Ընդհանուր 350 134 58 20 5 4 2 0 63 35 478 193

Արտաքին հղումներ[խմբագրել | խմբագրել կոդը]

  1. Weah