Վազգեն Սարգսյան

Վիքիպեդիայից՝ ազատ հանրագիտարանից
Վազգեն Սարգսյան
Վազգեն Սարգսյան.jpg
Ծնվել է մարտի 5, 1959({{padleft:1959|4|0}}-{{padleft:3|2|0}}-{{padleft:5|2|0}})
Ծննդավայր Արարատ
Մահացել է հոկտեմբերի 27, 1999({{padleft:1999|4|0}}-{{padleft:10|2|0}}-{{padleft:27|2|0}}) (40 տարեկանում)
Մահվան վայր Երևան
Քաղաքացիություն Flag of Armenia.svg Հայաստան
Կրթություն Ֆիզիկական կուլտուրայի հայկական պետական ինստիտուտ
Գործունեություն քաղաքական գործիչ
Զբաղեցրած պաշտոններ Q1123764? և Հայաստանի Ազգային Ժողովի անդամ
Քաղաքական կուսակցություն Հայաստանի հանրապետական կուսակցություն

Վազգեն Սարգսյան (մարտի 5, 1959 թ. - հոկտեմբերի 27, 1999 թ.), հայ հասարակական-քաղաքական և ռազմական գործիչ, ՀՀ վարչապետ (1999-ի հունիսի 11-ից), պաշտպանության նախարար, «Միասնություն» դաշինքի համանախագահ, ՀՀ Ազգային հերոս, Արցախի հերոս, «Ոսկե արծիվ» շքանշանի ասպետ, արձակագիր։

Կենսագրություն[խմբագրել]

Վազգեն Սարգսյանը ծնվել է Արարատ գյուղում։ Գյուղի միջնակարգ դպրոցը ավարտելուց հետո ընդունվել է Ֆիզիկական կուլտուրայի հայկական պետական ինստիտուտը (1976-1980)։ 1979-1983 թվականները աշխատել է ֆիզկուլտուրայի ուսուցիչ իր հարազատ Արարատ գյուղի միջնակարգ դպրոցում։ 1983-1986 թվականներին եղել է Արարատի ցեմենտի գործարանի կոմերիտմիության քարտուղարը։ Աշխատակցել է «Գարուն» ամսագրին՝ որպես հրապարակախոսության բաժնի վարիչ (1986-1989 թթ.)։ 1987 թ. «Հացի փորձություն» գրքի համար արժանացել է Հայաստանի լենինյան կոմերիտմիության մրցանակին։

1990-1992-ին «Երկրապահ» կամավորական ջոկատների հրամանատարն էր և Գերագույն խորհրդի պաշտպանության և ներքին գործերի մշտական հանձնաժողովի նախագահ։ 1991-1992 թթ.՝ Հայաստանի Հանրապետության պաշտպանության նախարար։ 1992-1993 թթ.՝ ՀՀ նախագահ խորհրդական պաշտպանության հարցերի գծով, ՀՀ սահմանամերձ գոտիներում ՀՀ նախագահի հատուկ ներկայացուցիչ։ 1993 թվականից՝ «Երկրապահ» կամավորական միության նախագահ, 1993-1995 թթ.՝ ՀՀ պաշտպանության, ազգային անվտանգության և ներքին գործերի գծով պետնախարար, 1995-1999 թթ.՝ ՀՀ պաշտպանության նախարար։ 1999 թ. հունիսից Հայաստանի Հանրապետության վարչապետն էր։

Սպանվել է 1999հոկտեմբերի 27-ին ՀՀ Ազգային ժողովի նիստերի դահլիճում տեղի ունեցած ահաբեկչական գործողության ժամանակ։

Վազգեն Սարգսյանը 1999 թ. հետմահու արժանացել է Հայաստանի Հանրապետության ազգային հերոս կոչմանը։