Պետրոս Ղևոնդյան

Պետրոս Արշալուսի Ղևոնդյան
1964, հունվարի 30 - 1994, փետրվարի 14
Ծննդավայր	Պռոշյան, Հայաստանի ԽՍՀ
Մահվան վայր	Քարվաճառ, Արցախ
Քաղաքացիություն	Հայաստան
Կոչում	Արցախի հերոս
Զորամաս	ՊԲ Շուշիի առանձնակի գումարտակ
Պաշտոն	փոխհրամանատար
Մարտեր/ պատերազմներ	Արցախյան ազատամարտ
Պարգևներ

Պետրոս Արշալուսի Ղևոնդյան (Պետո) ( հունվարի 30, 1964[1], Պռոշյան, Կոտայքի մարզ, Հայաստան - փետրվարի 14, 1994[1], Քարվաճառ, Արցախ), հայ ազատամարտիկ, Արցախի հերոս, ԼՂՀ ՊԲ մայոր (1996, հետմահու), ՀՅԴ կուսակցության անդամ (1990)։

Կենսագրություն

Ծնվել է 1964 թվականի հունվարի 30-ին, ՀԽՍՀ Նաիրիի շրջանի Պռոշյան գյուղում։ Եղել է Շուշի առանձնակի գումարտակի հրամանատարի տեղակալը, Պռոշյանի կամավորական ջոկատի փոխհրամանատարը։ 1990-1994 թթ. մասնակցել է Հայաստանի սահմանամերձ շրջանների ու ԼՂՀ ինքնապաշտպանական և ազատագրական մարտերին։ Իր հրամանատարությամբ գործող գումարտակի հետ նա մասնակցել է Շահումյանի, Մարտակերտի, Մարտունու և Հադրութի շրջանների տասնյակ բնակավայրերի ազատագրման մարտերին, Քարվաճառի թշնամական հենակետերի ոչնչացման ռազմագործողությանը՝ բազմիցս ցուցաբերելով խիզախություն ու հերոսություն։

Մահացել է 1994 թվականի փետրվարի 14-ին՝ Քարվաճառում՝ վիրավոր զինակցին օգնություն ցույց տալու ժամանակ։

ԵՊՀ ռադիոֆիզիկայի ֆակուլտետի ազատամարտիկ-շրջանավարտի անունով են անվանակոչվել Պռոշյանի և Եղեգնուտի միջնակարգ դպրոցները։ 2007 թվականին նրա հարազատ ֆակուլտետում բացվեց Պետրոս Ղևոնդյան անունը կրող լսարան։ 2010 թվականի ապրիլի 10-ին Քաշաթաղի շրջանի Տիգրանավան գյուղի միջնակարգ դպրոցը անվանակոչվել է Պետրոս Ղևոնդյանի անվամբ։

Պարգևներ

• 1996 հետմահու, ԼՂՀ-ի կողմից պարգևատրվել է «Մարտական խաչ» շքանշանով
• 1996 Հայաստանի կողմից պարգևատրվել է Արիության մեդալով
• «Ոսկե արծիվ» շքանշան
• 2000 Արցախի հերոս կոչում

Աղբյուրներ

• Պետրոս Ղևոնդյան (Պետո) Archived 2016-09-06 at the Wayback Machine.
• Պետոն