Ռուստամ Գասպարյան

Ռուստամ Ռաֆիկի Գասպարյան
ապրիլի 11, 1961 - հոկտեմբեր 17, 2020
Ծննդավայր	Հայաստան, Ջանֆիդա
Մահվան վայր	Հադրութ, Հադրութի շրջան, ԼՂԻՄ, Ադրբեջանական ԽՍՀ
Քաղաքացիություն
Զորամաս	«Սև հովազ» ջոկատի հրամատատար
Մարտեր/ պատերազմներ	Արցախյան ազատամարտ և Հայ-ադրբեջանական պատերազմ (2020)
Պարգևներ

Ռուստամ Ռաֆիկի Գասպարյան (ապրիլի 11, 1961(1961-04-11), Ջանֆիդա, Արմավիրի մարզ, Հայաստան - հոկտեմբերի 17, 2020(2020-10-17), Հադրութ, Հադրութի շրջան, ԼՂԻՄ, Ադրբեջանական ԽՍՀ), հայ ազատամարտիկ, ԱԺ նախկին պատգամավոր։ Զոհվել է Արցախյան պատերազմում 2020 թվականի հոկտեմբերին։

Կենսագրություն

Ծնվել է 1961 թ. ապրիլի 11-ին Արմավիրի մարզի Ջանֆիդա գյուղում։ 1996 թ. ավարտել է Արմավիրի «Արարատ» համալսարանը՝ իրավագետ մասնագիտությամբ։ 1979-1981 թթ. ծառայել է խորհրդային բանակում։ 1989 թվականից մասնակցել է Արցախի ազատամարտին։ 1994-2000 թթ. ծառայել է ՀՀ բանակում՝ զբաղեցնելով հրամանատարական տարբեր պաշտոններ։ 2007 թ. մայիսի 12-ին Ազգային ժողովի պատգամավոր է ընտրվել թիվ 21 ընտրատարածքից։ 2012 թ. մայիսի 6-ին Ազգային ժողովի պատգամավոր է ընտրվել համամասնական ընտրակարգով «Բարգավաճ Հայաստան» կուսակցությունից։ 2017 թ․-ից հեռացել է ԲՀԿ-ից, քաղաքականությունից։ Ամուսնացած է, ունի երկու երեխա։

Պարգևներ

Պարգևատրվել է ՀՀ Արիության մեդալով, ԼՂՀ Արիության մեդալով, ինչպես նաև ՊՆ, ԵԿՄ բազմաթիվ հուշամեդալներով։ 2011 թ. սեպտեմբերին պարգևատրվել է Մխիթար Գոշի մեդալով։

Աղբյուրներ

• ՀՀ Ազգային Ժողով պաշտոնական կայք