Սերգեյ Շաքարյան
| Սերգեյ Սլավիի Շաքարյան | |
|---|---|
 | |
| 45 տարեկան | |
| Ծննդավայր |  Այգեստան, Հադրութի շրջան, ԼՂԻՄ |
| Մահվան վայր | Մարտունի, Արցախ |
| Քաղաքացիություն | Արցախ |
| Զորատեսակ | Տանկիստ |
| Կոչում | Գնդապետ |
| Պարգևներ | |
Սերգեյ Սլավիկի Շաքարյան (1974-2020), հայ ռազմական գործիչ, Արցախի պաշտպանության բանակի գնդապետ, Արցախի հերոս[1]։ Արցախյան առաջին և երկրորդ պատերազմների մասնակից։
Սերգեյ Շաքարյանը 17 տարեկանից մասնակցել է արցախյան առաջին պատերազմին, եղել է տանկի հրամանատար։
Կենսագրություն[խմբագրել | խմբագրել կոդը]
Ծնվել է 1974 թվականի դեկտեմբերի 9-ին, Հադրութի շրջանի Այգեստան գյուղում, սովորել է Հադրութի Մ. Մանվելյանի անվան միջնակարգ դպրոցում, ապա ուսումը շարունակել Ստեփանակերտի գյուղատնտեսական ինստիտուտում։ Սակայն ուսումն անավարտ է թողել և վերադարձել Հադրութ՝ 17 տարեկանում կամավորագրվելով արցախյան ազատագրական պայքարին և միանալով հորը։ 1993 թվականին ականի պայթյունից զոհվում է հայրը։
Մասնակցությունը արցախյան երկրորդ պատերազմին[խմբագրել | խմբագրել կոդը]
Մասնակցել է արցախյան երկրորդ պատերազմին[2]։ Լինելով հմուտ հրամանատար, Սերգեյ Շաքարյանը կասեցրել է ադրբեջանական զինուժի բազմաթիվ տանկային և հետևակային գրոհներ՝ հակառակորդին պատճառելով մեծաթիվ կորուստներ[3]։ Պաշտպանության բանակի՝ նոյեմբերի 2-ին հրապարակված զոհված զինծառայողների ցանկում[4] կար նաև Սերգեյ Շաքարյանի անունը[5]։
Պարգևներ և կոչումներ[խմբագրել | խմբագրել կոդը]
2020 թվականի հոկտեմբերի 4-ին Արցախի նախագահ Արայիկ Հարությունյանի որոշմամբ Սերգեյ Շաքարյանը պարգևատրվել է «Ոսկե արծիվ» շքանշանով՝ արժանանալով «Արցախի հերոս» բարձրագույն կոչմանը[6]։
Հարցին, թե հնարավո՞ր է հակամարտության խնդիրը բանակցությունների միջոցով լուծվի` գնդապետը պատասխանել էր, թե ինքը խոսքով թշնամուն ոչինչ ասել չի կարող, այլ միայն զենքով ու իր ստորաբաժանման գործողություններով[7]։
Ընտանիք[խմբագրել | խմբագրել կոդը]
Գնդապետ Սերգեյ Շաքարյանի հայրը զոհվել է արցախյան առաջին պատերազմի ժամանակ[1]։Տան միակ զավակն էր, ամուսնացած էր, ուներ 2 որդի և 1 դուստր[1]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 ««Արցախի հերոս» բարձրագույն կոչմանն է արժանացել գնդապետ Սերգեյ Սլավիկի Շաքարյանը»
- ↑ «Զոհվել է Արցախի հերոս, գնդապետ Սերգեյ Շաքարյանը»։ https://iravaban.net։ 02․11․2020։ Վերցված է 24․01․2021
- ↑ ««Արցախի հերոս» բարձրագույն կոչմանն է արժանացել գնդապետ Սերգեյ Շաքարյանը»
- ↑ «ՊԲ-ն հրապարակել է զոհված ևս 11 զինծառայողի անուն»։ factor.am։ նոյեմբերի 2։ Վերցված է մարտի 22, 2021
- ↑ «Զոհվել է «Արցախի հերոս», գնդապետ Սերգեյ Շաքարյանը»։ factor.am։ նոյեմբերի 2։ Վերցված է մարտի 22, 2021
- ↑ «Արցախի հերոս գնդապետ Շաքարյանի հայրը Արցախյան առաջին պատերազմի զոհերից է․ Վահրամ Պողոսյան»
- ↑ «Զոհվել է «Արցախի հերոս», գնդապետ Սերգեյ Շաքարյանը»։ https://factor.am։ 02․11․2020։ Վերցված է 24․01․2021
.jpg){kind=small}