Հովիկ Աբրահամյան

Վիքիպեդիայից՝ ազատ հանրագիտարանից
Հովիկ Արգամի Աբրահամյան
President of the National Assembly.jpg
Դրոշ
(13-րդ) ՀՀ Վարչապետ[1]
Նախորդող Տիգրան Սարգսյան
Դրոշ
(9-րդ) ՀՀ Ազգային ժողով
2012 - 2014
Նախորդող Սամվել Նիկոյան
Հաջորդող Գալուստ Սահակյան
2008 - 2011
 
Կուսակցություն՝ ՀՀԿ
Ազգություն Հայ
Դավանանք Հայ Առաքելական եկեղեցի Հայ Առաքելական եկեղեցի
Ծննդյան օր հունվարի 24, 1958 (57 տարեկան)
Ծննդավայր Մխչյան գյուղ,
Արարատի մարզ,
Հայկական Խորհրդային Սոցիալիստական Հանրապետություն Հայկական ԽՍՀ
Ամուսին Ջուլիետա Աբրահամյան
 
Պարգևներ

Ribbon bar of medal "For Merit" 1.png «Հայրենիքին մատուցած ծառայությունների համար» 1-ին աստիճանի մեդալով
Ribbon bar of Shirakatsi medal.jpg «Անանիա Շիրակացի» մեդալով
«Մեսրոպ Մաշտոց» շքանշանով

Հովիկ Արգամի Աբրահամյան (հունվարի 24, 1958, Մխչյան գյուղ, Արարատի մարզ), Հայաստանի Հանրապետության վարչապետ[2]։

Կենսագրություն[խմբագրել]

Հովիկ Աբրահամյանը ծնվել է 1958 թվականի հունվարի 24-ին, Արտաշատի շրջանի (ներկայիս Արարատի մարզ) Մխչյան գյուղում։

Ծառայել է խորհրդային բանակում։ 1990-1991 թթվականներին աշխատել է որպես Բուրաստանի կոնյակի գործարանի բաժնի պետ։ 1991-1995 թվականներին եղել է Արտաշատի գինու-կոնյակի գործարանի տնօրենը։

Եղել է Հայաստանի պետական տնտեսագիտական համալսարանի խորհրդի նախագահ, նույն բուհի պատվավոր դոկտոր։ Երևանի պետական համալսարանի խորհրդի անդամ։ Հայաստանի Հանրապետական կուսակցության փոխնախագահն, գործադիր մարմնի և խորհրդի անդամ։

Հովիկ Աբրահամյան ակտիվորեն ընդգրկված է եղել հասարակական-քաղաքական գործունեության մեջ։ 1995 թվականին ընտրվել է ՀՀ-ի Ազգային ժողովի առաջին գումարման պատգամավոր։ Նույն թվականին ստացել է Արտաշատի քաղաքային սովետի գործադիր կոմիտեի նախագահի պաշտոնը։

1996 թվականից մինչև 1998 թվականը եղել է Արտաշատի քաղաքագլուխ։ 1998 թվականին Հովիկ Աբրահամյանը նշանակվել է Արարատի մարզապետ։ Հովիկ Աբրահամյանի Հանրապետական կուսակցության շարքերում ակտիվ կուսակցական գործունեությունը հնարավորություն է տավել նրան կառավարության կազմում ընդգրկվելուն։

2000 թվականին նշանակվել է քաղաքաշինական գործունեության և տարածքային վարչության կենտրոնացման գծով նախարար։ Նախարարությունում կատարվող վերակառուցման պրոցեսներին, Հովիկ Աբրահամյանին հաջողվել է հետագա երկու տարիներին պահպանել իր նախարարական պաշտոնը։

Հովիկ Աբրահամյանը որպես նոր գերատեսչության ղեկավար ընդգրկվել է Հայաստանի Անվտանգության Խորհրդի կազմը։ Նրա լիազորությանն են տրվել նաև տասը մարզերի և Երևան քաղաքի տեղական արգանների ղեկավարների գործունեության անմիջական վերահսկողության իրականացման պարտականությունները։

Նրա քաղաքական գործունեությունը միանշանակ չի ընդունվել ընդդիմության կողմից։ Մասնավորապես նա ակտիվ դեր է կատարել 2003 թվականի նախագահական և խորհրդարանական ընտրությունների արդյունքների կեղծման գործում։ Հովիկ Աբրահամյանի հարաբերությունները «Դաշնակցության» հետ բավականին լարված են եղել։

Արտաշատում խոշոր գործարարություն է ծավալել։ Շրջանի բոլոր շահութաբեր ոլորտները նրա վերահսկողության տակ են գտնվում։ Նա նույնպես համարվում է «արտաշատյան կլանի» լիդեր, որն ամուր դիրքեր է ունեցել առևտրական ոլորտում[3]։

Հովիկ Աբրահամյանը բնութագրվում է որպես կարիերիստ, ով պատրաստ է կարիերայում առաջ ընթանալու համար համագործակցել ցանկացած ուժերի հետ[4]։ Հիշեցնենք, որ ընդդիմադիր թերթերից մեկին տված հարցազրույցում Հայաստանի խորհրդարանի նախագահ Հովիկ Աբրահամյանը բացատրել էր, թե որտեղից է ծագում իր «Մուկ» մականունը։ Նրա խոսքով, իրեն այդպես անվանել է տատիկը, երբ փոքրիկ Հովհաննեսը թաքուն գողանում էր տատի պահած կոնֆետները։

Ամուսնացած է, ունի երեք երեխա և յոթ թոռ[5]։

Կրթություն[խմբագրել]

Ծառայել է խորհրդային բանակում։

1980-1984 թվականներին սովորել է Երևանի ավտոճանապարհային տեխնիկում։ Ավարտել է Երևանի ժողովրդական տնտեսության ինստիտուտը։

Աշխատանքային գործունեություն[խմբագրել]

  • 1990-1991 - Բուրաստանի կոնյակի գործարանի բաժնի պետ
  • 1991-1995 - Արտաշատի գինու-կոնյակի գործարանի տնօրեն
  • 1995-1999 - ՀՀ Ազգային ժողովի առաջին գումարման պատգամավոր
  • 1995-1996 - Արտաշատի քաղխորհրդի գործկոմի նախագահ
  • 1996-1998 - Արտաշատի քաղաքապետ
  • 1998-2000 - ՀՀ Արարատի մարզպետ
  • 2000-2001 - ՀՀ տարածքային կառավարման և քաղաքաշինության գործունեությունը համակարգող նախարար
  • 2001-2002 - ՀՀ տարածքային կառավարման նախարար
  • 2002-2005 - ՀՀ տարածքային կառավարման և ենթակառուցվածքների գործունեությունը համակարգող նախարար
  • 2005-2007 - ՀՀ տարածքային կառավարման նախարար` համակարգող նախարարի գործառույթներով
  • 2005 - ՀՀ Ազգային անվտանգության խորհրդի անդամ
  • 2007-2008 - ՀՀ փոխվարչապետ, ՀՀ տարածքային կառավարման նախարար
  • 2008 թվականի ապրիլ - 2008 թվականի սեպտեմբեր - ՀՀ նախագահի աշխատակազմի ղեկավար
  • 2008 թվականի օգոստոսի 24-ին ընտրվել է ՀՀ չորրորդ գումարման Ազգային ժողովի պատգամավոր
  • 2008-2011 - ՀՀ չորրորդ գումարման Ազգային ժողովի նախագահ
  • 2011 թվականի նոյեմբերի 21-ին` հրաժարականի իր դիմումի համաձայն, Ազգային ժողովի նախագահի լիազորությունները դադարել են
  • 2012 թվականի մայիսի 6-ին Ազգային ժողովի պատգամավոր է ընտրվել համամասնական ընտրակարգով Հայաստանի Հանրապետական կուսակցությունից
  • 2012-2014 - ՀՀ հինգերորդ գումարման Ազգային ժողովի նախագահ
  • 2014 թվականի ապրիլի 13-ից՝ ՀՀ վարչապետ։

Ազգային ժողով[խմբագրել]

  • 2012 թվականին մայիսի 31-ին ընտրվել է ՀՀ հինգերորդ գումարման Ազգային ժողովի նախագահ[7]։

Տեղական ինքնակառավարման և տարածքային կառավարման մարմիններ[խմբագրել]

Հովիկ Աբրահամյանը եղել է Արտաշատի քաղաքապետը (1996-1998) և Արարատի մարզի մարզպետը (1998-2000

Կառավարություն[խմբագրել]

  • 2000-2008 թվականներին Հովիկ Աբրահամյանը եղել է Տարածքային կառավարման նախարար։ 2007-2008 թվականներին եղել է ՀՀ փոխվարչապետ։
  • 2008 թվականի ապրիլի 21-ին ՀՀ նախագահի հրամանագրով նշանակվել է Հայաստանի Հանրապետության Նախագահի աշխատակազմի ղեկավար[8]։
  • 2008 թվականին սեպտեմբերի 5-ին ՀՀ նախագահի հրամանագրով ազատվել է Հայաստանի Հանրապետության Նախագահի աշխատակազմի ղեկավարի պաշտոնից[9]։
  • 2005 թվականից ՀՀ Ազգային անվտանգության խորհրդի անդամ է։

Հանրային գործունեություն[խմբագրել]

Նա նաև Հայաստանի պետական տնտեսագիտական համալսարանի կառավարման խորհրդի նախագահն է և Երևանի պետական համալսարանի կառավարման խորհրդի անդամ։

Գործարարություն[խմբագրել]

Մայիսի 15-ին կառավարության նիստի ժամանակ Հովիկ Աբրահամյանը հայտարարեց, որ կառավարությունը որդեգրել է խաղի նոր կանոններ, և բոլոր գործարարները պետք է աշխատեն հավասար դաշտում։

Aquote1.png «Ցանկանում եմ ասել, որ ես ինձանից եմ սկսելու, որպեսզի բոլորը հասկանան, որ պետք է հավասարություն լինի»,- ասել էր Հովիկ Աբրահամյանը՝ հավելելով, որ «գործարարությամբ զբաղվելն ամոթ բան չի»: Aquote2.png

Հովիկ Աբրահամյանը գործարարությամբ զբաղվել է նաև ԱԺ նախագահի պաշտոնը զբաղեցրած տարիներին, ինչի իրավունքը Սահմանադրությամբ չուներ։ Բարձրաստիճան պաշտոնյաների գույքի և եկամուտների հայտարարագրերը հասանելի են հանրությանը։ Սակայն պաշտոնյաները շատ քիչ ունեցվածք եւ եկամուտներ են հայտարարագրում, նույնն էլ` Հովիկ Աբրահամյանը։

2012 թվականին, երբ Հովիկ Աբրահամյանը պատգամավորության թեկնածու էր, հայտարարագրել էր ընդամենը 276 քմ մակերեսով բնակարան Երևան քաղաքի Թումանյան փողոցում, 146 քմ Շմիդտի և 260 քմ մակերեսով բնակարաններ Տերյան փողոցում, ինչպես նաև` 18 քմ մակերսով ավտոկանգառ։ Նույն անշարժ գույքը հայտարարագրել է նաև 2014 թվականին՝ վարչապետի պաշտոնը ստանձնելիս։

Հայտարարագրում վարչապետը չի նշել հողագործության նպատակով օգտագործվող հողատարածքների մասին, սակայն նշել է հողագործությունից ստացած եկամուտների մասին, որը 2013 թվականին կազմել է 40 մլն դրամ, 2012-ին՝ 45 մլն դրամ, 2013-ին՝ 40 մլն դրամ։ Գյուղմթերքների վաճառքից գրեթե նույնքան եկամուտ ստանում է Հ. Աբրահամյանի կինը՝ Ջուլիետա Աբրահամյանը։

Գյուղմթերքների իրացումից ստացված եկամուտը՝ ըստ տարիների (դրամով).[10]

Անուն, ազգանուն 2011թ. 2012թ. 2013թ.
Հովիկ Աբրահամյան 40.000.000 45.000.000 40.000.000
Ջուլիետա Աբրահամյան 45.000.000 48.000.000 45.000.000

Հանդիպումներ[խմբագրել]

Վաշինգտոն[խմբագրել]

2014 թվականի հոկտեմբերի 13-ին Վաշինգտոն կատարած պաշտոնական այցի շրջանակում վարչապետ Հովիկ Աբրահամյանը հանդիպել է Միջազգային ֆինանսական կորպորացիայի գլխավոր գործադիր տնօրեն Ջին Յոնգ Ցային։ Վարչապետը բարձր է գնահատել Համաշխարհային բանկի խմբի անդամ Միջազգային ֆինանսական կորպորացիայի (ՄՖԿ) դերակատարումը Հայաստանի տնտեսության զարգացման գործում և կարևորել հետագա փոխգործակցությունը։

Բելառուս[խմբագրել]

Բելառուսի մայրաքաղաք Մինսկում մայիսի 30-ին կայացել է Հայաստանի և Ռուսաստանի վարչապետներ Հովիկ Աբրահամյանի և Դմիտրի Մեդվեդևի հանդիպումը։ Հովիկ Աբրահամյանը և Դմիտրի Մեդվեդևն անդրադարձել են նաև Մաքսային միությանը Հայաստանի անդամակցության գործընթացին և իրականացվող աշխատանքներին։ Վարչապետները պայմանավորվածություն են ձեռք բերել շարունակել երկկողմ հանդիպումները՝ քննարկելու հայ-ռուսական հարաբերություններին առնչվող ծրագրերն ու հարցերը։

Դմիտրի Մեդվեդևի հետ հանդիպումով ավարտվել է Հովիկ Աբրահամյանի աշխատանքային այցը Բելառուսի Հանրապետություն։

Ղազախստան[խմբագրել]

2015 թվականի մայիսի 30-ին Հովիկ Աբրահամյանը Ղազախստան կատարած աշխատանքային այցի շրջանակում հանդիպումներ է ունեցել Վիետնամի վարչապետ Նգուեն Տան Զունգի և Ղրղզստանի վարչապետ Թեմիր Սարիևի հետ։ Վիետնամի վարչապետ Նգուեն Տան Զունգի հետ հանդիպման ընթացքում կողմերը քննարկել են երկկողմ տնտեսական համագործակցությանն առնչվող բազմաթիվ հարցեր։ Վարչապետ Աբրահամյանը գոհունակությամբ նշել է, որ վերջին տարիներին հայ-վիետնամական կապերն ամրապնդվել են և լավ հիմք են ստեղծել փոխշահավետ համագործակցության զարգացման համար։

Ֆրանսիա[խմբագրել]

2015 թվականի հուլիսի 3-ին ՀՀ վարչապետ Հովիկ Աբրահամյանը հանդիպել է Ֆրանսիայի վարչապետ Մանյուել Վալսի հետ։ Վարչապետ Հովիկ Աբրահամյանը շնորհակալություն է հայտնել ջերմ ընդունելության համար և նշել.

Aquote1.png «Հայ-ֆրանսիական հարաբերություններն այսօր գտնվում են ամենաբարձր մակարդակի վրա, այդ մասին են վկայում Հայաստանի և Ֆրանսիայի Նախագահների միջև հաստատված ընդգրկուն երկխոսությունը, անձնական ջերմ հարաբերություններն ու ինտենսիվ փոխշփումները»: Aquote2.png


Պարգևներ[խմբագրել]

ՀՀ Նախագահի 2012 թվականի դեկտեմբերի 28-ի հրամանագրով պարգևատրվել է՝

  • «Հայրենիքին մատուցած ծառայությունների համար» 1-ին աստիճանի մեդալով։
  • «Անանիա Շիրակացի» մեդալով,
  • ՀՀ վարչապետի հուշամեդալով,
  • «Մարշալ Բաղրամյան» մեդալով,
  • «Ֆրիտյոֆ Նանսեն» ոսկյա հուշամեդալով,
  • Հունաստանի խորհրդարանի ոսկե մեդալով,
  • Թատերարվեստին մատուցած անգնահատելի ծառայությունների և Թատրոնի միջազգային օրվա առթիվ՝ Թատերական գործիչների միության Ոսկե մեդալով,
  • Լեռնային Ղարաբաղի Հանրապետությանը մատուցած ծառայությունների համար՝ «Մեսրոպ Մաշտոց» շքանշանով,
  • միջխորհրդարանական համագործակցության ամրապնդման գործում կարևոր ներդրում ունենալու համար՝ ԱՊՀ ՄԽՎ ոսկե մեդալով,
  • «Հայաստանի Հանրապետությունում Ռուսաստանի ԱԴԾ սահմանապահ վարչություն» հուշանշանով։
Նախորդող
պաշտոնը հիմնադրվել է, նույն ինքը որպես Արտաշատի քաղխորհրդի գործկոմի նախագահ
Արտաշատի քաղաքապետ
Հովիկ Աբրահամյան

1996 թ. - 1998 թ.
Հաջորդող
Վարդգես Հովակիմյան
Նախորդող
Դավիթ Զադոյան
ՀՀ Արարատի մարզպետ
Հովիկ Աբրահամյան

1998 թ. - 2000 թ.
Հաջորդող
Ալիկ Սարգսյան
Նախորդող
Լեոնիդ Հակոբյան
ՀՀ տարածքային կառավարման և քաղաքաշինության գործունեությունը համակարգող նախարար
Հովիկ Աբրահամյան

2000 թ.- 2001 թ.
Հաջորդող
պաշտոնը վերացվել է, նույն ինքը որպես ՀՀ տարածքային կառավարման նախարար
Նախորդող
պաշտոնը վերականգնվել է, նույն ինքը որպես ՀՀ տարածքային կառավարման և քաղաքաշինության գործունեությունը համակարգող նախարար
ՀՀ տարածքային կառավարման նախարար
Հովիկ Աբրահամյան

2001 թ.- 2002 թ.
Հաջորդող
պաշտոնը վերացվել է, նույն ինքը որպես ՀՀ տարածքային կառավարման և ենթակառուցվածքների գործունեությունը համակարգող նախարար
Նախորդող
պաշտոնը հիմնադրվել է, նույն ինքը որպես ՀՀ տարածքային կառավարման նախարար, Դավիթ Զադոյանը որպես արտադրական ենթակառուցվածքների գործունեությունը համակարգող նախարար
ՀՀ տարածքային կառավարման և ենթակառուցվածքների գործունեությունը համակարգող նախարար
Հովիկ Աբրահամյան

31 հունվարի 2002 թ.- 2005 թ.
Հաջորդող
պաշտոնը վերացվել է, նույն ինքը որպես ՀՀ տարածքային կառավարման նախարար
Նախորդող
պաշտոնը վերականգնվել է, նույն ինքը որպես ՀՀ տարածքային կառավարման և ենթակառուցվածքների գործունեությունը համակարգող նախարար
ՀՀ տարածքային կառավարման նախարար
Հովիկ Աբրահամյան

2005 թ.- 21 ապրիլի 2008 թ.
Հաջորդող
Արմեն Գևորգյան
Նախորդող
պաշտոնը վերականգնվել է
ՀՀ փոխվարչապետ
Հովիկ Աբրահամյան

2007 թ.- 21 ապրիլի 2008 թ.
Հաջորդող
Արմեն Գևորգյան
Նախորդող
Արմեն Գևորգյան
ՀՀ Նախագահի աշխատակազմի ղեկավար
Հովիկ Աբրահամյան

21 ապրիլի 2008 թ. - 5 սեպտեմբերի 2008 թ.
Հաջորդող
Կարեն Սարգսի Կարապետյան
Նախորդող
Տիգրան Թորոսյան
ՀՀ Ազգային Ժողովի նախագահ
Հովիկ Աբրահամյան

29 սեպտեմբերի 2008 թ. - 21 նոյեմբերի 2011 թ.
Հաջորդող
Սամվել Նիկոյան
Նախորդող
Սամվել Նիկոյան
ՀՀ Ազգային Ժողովի նախագահ
Հովիկ Աբրահամյան

31 մայիսի 2012 թ. - 13 ապրիլի 2014թ.
Հաջորդող
Գալուստ Սահակյան
Նախորդող
Տիգրան Սարգսյան
ՀՀ Վարչապետ
Հովիկ Աբրահամյան

13 ապրիլի 2014թ. -
Հաջորդող
ներկայումս պաշտոնավարում է

Ծանոթագրություններ[խմբագրել]

Արտաքին հղումներ[խմբագրել]


ՀՀ ԱԺ նախագահներ

Բաբկեն Գուրգենի ԱրարքցյանԽոսրով Մելիքի ՀարությունյանԿարեն Սերոբի ԴեմիրճյանԱրմեն Ավագի ԽաչատրյանԱրթուր Վահանի ԲաղդասարյանՏիգրան Սուրիկի ԹորոսյանՀովիկ Արգամի ԱբրահամյանՍամվել Պարգևի ՆիկոյանՀովիկ Արգամի ԱբրահամյանԳալուստ Գրիգորիի Սահակյան