Գրիգոր Արզումանյան

Վիքիպեդիայում կան հոդվածներ Արզումանյան ազգանունով այլ մարդկանց մասին:

Գրիգոր Աղաֆոնի Արզումանյան հայ․՝ Գրիգոր Աղաֆոնի Արզումանյան
Ծնվել է	1919 ապրիլի 22
Ծննդավայր	Կավարտ (Ղափան
Մահացել է	նոյեմբերի 28, 1976(1976-11-28) (տարիքը 57)
Մահվան վայր	Երևան
Քաղաքացիություն	ԽՍՀՄ
Ազգություն	հայ
Կրթություն	Հայաստանի ազգային պոլիտեխնիկական համալսարան
Մասնագիտություն	պետական գործիչ
Զբաղեցրած պաշտոններ	ԽՍՀՄ գերագույն խորհրդի պատգամավոր
Քաղաքական կուսակցություն	ԽՄԿԿ
Պարգևներ և մրցանակներ	Աշխատանքային Կարմիր դրոշի շքանշան և Հոկտեմբերյան հեղափոխության շքանշան
Grigor Arzumanyan Վիքիպահեստում

Գրիգոր Աղաֆոնի Արզումանյան (ապրիլի 22, 1919, Կավարտ (Ղափան քաղաքի շրջագծի մեջ) - 1976, նոյեմբերի 28, Երևան), խորհրդային կուսակցական և պետական գործիչ։ ԽՄԿԿ անդամ 1944 թվականից։

Կենսագրություն

Սկզբնական կրթությունն ստացել է Ղափանում, միջնակարգը՝ Բաքվում։ 1941 թվականին ավարտել է Երևանի պոլիտեխնիկական ինստիտուտի ավտոճանապարհային ֆակուլտետը, 1942 թվականին՝ Լենինգրադի ռազմատրանսպորտային ակադեմիան։ 1941-1946 թվականներին ծառայել է խորհրդային բանակում։ Մասնակցել է Հայրենական մեծ պատերազմին։ Զորացրվելով բանակից աշխատել է ՀԽՍՀ Մինիստրների խորհրդին առընթեր խճուղային ճանապարհների գլխավոր վարչությունում (1946-1948)։ 1948-1952 թվականներին եղել է ՀԿԿ Կենտկոմի տրանսպորտային բաժնի հրահանգիչ, 1952-1953 թվականներին՝ ՀԿԿ Երևանի օկրուգային կոմիտեի արդյունաբերության և տրանսպորտի բաժնի վարիչ, 1953-1954 թվականներին՝ ՀԽՍՀ ավտոմոբիլային տրանսպորտի և խճուղային ճանապարհների մինիստրի տեղակալ, 1954-1956 թվականներին՝ ՀԿԿ Երևանի Լենինյան շրջկոմի առաջին քարտուղար, 1956-1959 թվականներին՝ ՀԿԿ Երևանի քաղկոմի երկրորդ քարտուղար։

Գրիգոր Արզումանյանի գերեզմանը Երևանի Կոմիտասի անվան պանթեոնում

1960-1965 թվականներին Գրիգոր Արզումանյանը պատասխանատու աշխատանք է կատարել ԽՄԿԿ Կենտկոմի կուսօրգանների բաժնում։ 1965-1972 թվականներին եղել է ՀԿԿ Կենտկոմի քարտուղար։ 1972 թվականից եղել է ՀԽՍՀ Մինիստրների խորհրդի նախագահ։ Եղել է ԽՍՀՄ VII և IX գումարումների Գերագույն խորհրդի և ՀԽՍՀ IV, V, VI, VII, VIII, IX գումարումների Գերագույն խորհրդի դեպուտատ, ՀԿԿ Կենտկոմի անդամ 1955-1962 թվականներին և 1966 թվականից, բյուրոյի անդամ 1965 թվականից։

Պարգևներ

Պարգևատրվել է ԽՍՀՄ շքանշաններով։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։